grace04187的個人專頁

岩岩睇完舞台劇，肚仔打鼓，同朋友衝咗去食雲南米線。今次試咗個氣鍋雞二人套餐，超級豐富！個套餐除咗主角氣鍋雞，仲可以揀一款小食、兩款主食、一款主菜同兩款甜品。小食我哋揀咗涼拌金耳，係雲南直送，口感爽爽哋，酸酸辣辣好開胃。個氣鍋雞真係冇得頂！原盅燉出嚟，湯色好清，飲落好甜好潤，一啲都唔油。雞肉燉到好淋，一夾就散，但唔會爛晒，仲好滑溜。飲完成個人暖笠笠，好舒服。主菜叫咗滇池酸菜魚，魚片滑溜溜，酸菜夠入味，湯底酸中帶辣，飲咗幾啖已經流晒汗，好過癮！主食就要咗金牌小鍋湯米線同白飯。米線湯底好鮮甜，配酸菜魚汁撈飯簡直一流。甜品試咗彩虹芋圓冰冰粉同玫瑰冰冰粉。芋圓QQ哋，冰冰粉滑捋捋，食完辣嘢再食呢啲凍甜品，真係透心涼！今餐食到好飽好滿足，呢個套餐份量足，味道正，下次一定會再嚟！…查看更多

今日同朋友去咗呢間自助海鮮火鍋店，真係超級抵食！最大賣點係個自助撈海鮮區，不停補貨，真係任撈任煮，唔怕冇得食。海鮮種類多到眼花，有蝦、蟹、蜆、鮑魚、螺，樣樣都咁新鮮。撈完仲可以俾員工幫手清潔處理，好貼心！我哋揀咗金湯花膠雞鍋做湯底，個湯好濃郁，打邊爐一流。除咗狂食海鮮，仲叫咗澳洲M5和牛同美國牛肩胛片，啖啖肉好滿足。熟食都唔錯，試咗鐵板鵝肝多士、川味燒鮮蠔、蒲燒鰻魚同鹽燒牛舌，款款都整得好好味。自助區仲有好多蔬菜、肉類同飲品，連熱飲同啤酒都有，真係應有盡有。今餐真係食到捧住個肚走，海鮮愛好者一定會鍾意！…查看更多

今日同朋友去咗觀塘呢間餐廳，見佢主打甜品窩夫，真係超多人排隊！我哋特登早少少去，如果唔係肯定要等好耐。我哋叫咗個明太子忌廉大蝦燉飯，個汁好creamy，大蝦爽口彈牙，每啖飯都掛滿明太子忌廉，好滿足！跟住試咗松露薯條，熱辣辣炸起，松露味好香濃，一條接一條停唔到口。蒜香牛油雞翼煎得啱啱好，外皮香脆，蒜蓉牛油味好突出，好惹味。主角當然係個芒果斑斕糯米窩夫！窩夫外脆內軟，有淡淡斑斕香氣，配上香甜芒果同香草味雪糕，口感好豐富，果然係招牌菜。飲品方面，綠茶鮮奶沙冰茶味濃郁，唔會太甜；蜂蜜新鮮蜜瓜沙冰就好清新，蜜瓜味好出，好解渴。整體來講，每樣食物都好好味，難怪咁多人嚟幫襯，絕對值得再encore！…查看更多

今日同朋友去食椰子雞火鍋，真係好正！呢間店最大賣點係用「4個椰子1鍋湯」，完全唔加一滴水，仲要用上海南文昌雞，聽落已經覺得好吸引。我哋叫咗個招牌二人餐，$458都幾抵食。個套餐包咗半隻海南文昌雞、貴州紅托竹笙、娃娃菜、潮州魚丸雙拼、3秒響鈴同臘味煲仔飯。等個湯滾起，店員幫我哋落咗半隻雞。個湯底清甜到不得了，真係飲到濃濃嘅椰子香味！雞肉好滑嫩，一啲都唔韌，果然係海南文昌雞。竹笙吸晒啲椰子湯，咬落去爆汁咁滯。魚丸彈牙，3秒響鈴浸一浸湯就食，脆得嚟又索滿湯汁。最驚喜係個臘味煲仔飯，飯焦香脆，臘腸同潤腸嘅油香滲透落飯度，食到停唔到口。成餐飯食得好滿足，個椰子湯底真係冇得頂，下次一定會再嚟試其他配料！…查看更多

今日同朋友去上環食冒菜，呢間餐廳搬咗地址之後空間更大更寬敞，有成90個座位，仲有低層專屬電梯，繁忙時段都唔使點等𨋢，好方便！菜品選擇超多，有肉有菜，湯底都有好多款，有辣有唔辣，價錢好公道，抵食！我哋睇咗餐牌，$48包四款配料，$66有六款，$72有八款。如果唔想自己揀，佢哋都有set好嘅可以揀。我叫咗個重慶麻辣湯底，揀咗美國肥牛、牛黃喉、毛肚、鴨血、娃娃菜、萵筍、蓮藕片同白蘿蔔片，再加咗個番薯粉。個湯底夠麻夠辣，配料新鮮，特別係毛肚同鴨血，吸晒啲湯汁，好正！朋友就叫咗養生白胡椒湯底，揀咗潮汕蒜香墨魚丸、午餐肉、美國肥牛、胡椒豬肚、鴨血、金菇、萵筍同白蘿蔔片，面底要咗米線。個湯底飲落好暖胃，白胡椒味好香，朋友話好舒服。我哋仲叫咗個杏鮑菇小食，好快就清晒！飲品就叫咗酸梅青檸烏龍茶，酸酸甜甜，解渴又解辣。呢度味道好，價錢合理，地方又坐得舒服，下次過上環一定會再嚟！…查看更多

今日同朋友去咗呢間超個名好特別嘅茶飲店，聽講係全港第一間以果凍做主題。店內嘅材料全部都係由台灣直送，連招牌珍珠奶茶都話係用真材實料。我哋叫咗兩杯嘢飲，第一杯係壺桃花紅茶涷奶茶，一飲落去，茶味好出，有陣淡淡嘅桃花香，好清新！入面嘅果凍好滑，同奶茶好夾，咬落去QQ哋，好過癮。第二杯係港式鹹檸檬紅茶，鹹鹹酸酸，好開胃！佢哋用嘅鹹檸檬唔會太鹹，同紅茶嘅澀味平衡得啱啱好，好有香港風味，飲完成個人爽晒！最特別嘅係，呢杯野飲個杯好似一個壺嘅形狀，同佢個名勁夾主題整體嚟講，兩杯都好好飲，真係睇得出佢哋落足心機。如果你鍾意試新嘢，呢間店值得一試！…查看更多

今日特登去咗九龍灣一間隱世茶飲店，離地鐵站要行5分鐘，絕對值得去試！今期限定推介開心果燕麥奶真係驚喜十足——面層鋪滿濃厚嘅開心果奶蓋，灑滿香脆開心果粒，飲一啖先感受到堅果香氣爆發，仲有燕麥奶嘅順滑口感，甜度調得剛剛好，完全唔會膩！ 環境方面，店舖細細但佈置得好文青，有幾個打卡位，店員仲好nice咁介紹其他招牌飲品。雖然位置有少少隱世，但絕對係高質茶飲店，開心果控必試！周末下晝可能多人，建議早少少去。…查看更多

今日特登去咗旺角呢間人氣米線分店，總店喺銅鑼灣出名排長龍，旺角分店都keep到水準！地點超方便，地鐵站行5分鐘就到，裝修光猛乾淨，坐得舒服。 同朋友各叫咗酸辣小鍋米線，湯底酸辣夠勁，唔會死鹹，香料味好足！我加咗日本鱈魚豆腐（滑溜爆汁）、芝心丸（流心正！）、豬皮（索晒湯汁）同蘿蔔（清甜無渣）。朋友嗌咗滷水豬大腸（乾淨入味）、金獎腩肉（肥瘦適中）、豬紅（嫩滑）同牛肝菌（爽脆有咬口），配料份量都幾足。 小食試咗椒鹽炸燒賣（外脆內軟，椒鹽香口）同藤椒魚皮（麻香脆卜卜，食到停唔到口！）。再加個青菜（新鮮爽脆）同椒鹽雞軟骨（香脆惹味），完美配搭！凍豆漿甜度適中，解辣一流。 料多湯濃，性價比高，難怪咁多人捧場！…查看更多

今日同朋友去咗尖沙咀一間韓式餐廳食lunch，地點超方便，地鐵站行3分鐘就到！餐廳環境舒服，播住熱門K-pop，氣氛好輕鬆，啱晒同朋友慢慢傾計。 我哋叫咗海鮮煎餅，煎到金黃香脆，入面有大量魷魚同蠔，蘸埋特製醬汁食更加惹味！卜卜脆炒豬脆骨拼拳頭飯好有驚喜，豬脆骨炒得香口又彈牙，配埋自家捏嘅拳頭飯，紫菜同麻油味好香，口感豐富。泡菜豬肉鍋湯底酸辣開胃，豬肉係五花肉，又大舊又Q彈嫩滑，仲有大量泡菜，好足料！炸紫菜粉絲卷外脆內軟，粉絲餡調味啱啱好，唔會太油膩。 飲品方面，荔枝梳打清甜解辣，梨汁潤喉又清爽，完美平衡返濃味嘅韓式料理。 整體來講，食物質素高，份量足夠，環境舒服，價錢合理，絕對係尖沙咀區嘅高性價比韓餐之選！…查看更多

今次去咗間日式深燒食堂，呢間餐廳部分菜式做緊Like 社交平台半價優惠，真係抵到爛！叫咗成枱嘢食都係$800有找，質素仲要好高㗎！ 四品刺身盛合超新鮮，甜蝦鮮甜到爆，三文魚肥美厚切，活赤貝同北寄貝爽脆彈牙，完全冇雪藏味。牛油蒜蓉焗蜆香氣撲鼻，蜆肉飽滿多汁，蒜蓉牛油汁撈飯一流！即開生蠔海水味濃郁，creamy得嚟帶少少甜。厚燒牛舌厚切juicy，燒得啱啱好；牛肉壽喜燒湯底甜度適中，牛肉吸晒湯汁精華；椒鹽雞軟骨香脆惹味，送酒一流；大蝦天婦羅炸粉薄脆，蝦肉彈牙。 飲品試齊四款：信州蘋果梳打清甜解膩，哈密瓜汽水懷舊味濃，芝士芒果奶蓋沙冰creamy得嚟唔會太甜，最驚喜係凍檸茶茶底夠濃，完全唔hea！ 成餐飯每樣嘢都高質，仲要咁抵食，絕對要encore！…查看更多

今次同朋友試咗呢間好有台灣feel嘅餐廳，兩個餐都超有驚喜！我嗌咗蕃茄花枝丸米線，湯底酸甜開胃，蕃茄味好濃郁，花枝丸彈牙有嚼勁，仲有啲蔬菜做配搭，成碗好清爽。朋友叫咗紅燒牛三寶麵，牛筋煮到超淋滑，牛腩入味鬆化，牛肚爽口冇異味，個紅燒湯底香濃得嚟唔會太鹹，撈埋麵食真係一流！ 小食試咗桂花雞翼，外皮炸到金黃香脆，咬落去有淡淡桂花香，甜甜哋好特別，肉質仲keep到嫩滑多汁。飲品方面，芝士奶蓋桂花烏龍茶茶底清香，奶蓋濃郁，兩者出奇地夾；珍珠鮮奶烏嘅珍珠煙韌有咬口，鮮奶香滑，甜度啱啱好。 整體嚟講，食物質素高，份量夠大，價錢合理，午市時間大約等左2台，入坐都算幾快！…查看更多

今次去咗間好地道嘅車仔麵店，價錢清清楚楚，由兩餸到十餸都有標價，入去同姐姐落單俾錢先，再搵位坐，好有舊式風味！ 我叫咗個五餸麵（$64），揀咗牛柏葉、豬皮、豬紅、鳳爪同蘿蔔。牛柏葉爽脆彈牙，豬皮索晒湯汁超入味，豬紅滑溜無腥味，鳳爪滷到淋身又惹味，蘿蔔清甜無渣，配埋個濃郁湯底，真係食到停唔到口！朋友嘅四餸麵（$56）都唔錯，咖喱魚蛋彈牙香辣，芝士腸爆漿，貢丸紮實有咬口。 為咗飲食均衡，我哋仲叫咗腐乳通菜同蠔油生菜，菜夠新鮮，煮得啱啱好。小食試咗台灣麻辣鴨血同辣魷魚，鴨血嫩滑入味，辣魷魚爽口刺激，食到嘴仔麻痺都忍唔住繼續食！ 成餐飯好懷舊又好豐富，份量大到兩個人都食到捧住個肚走，絕對係港式平民美食嘅代表！…查看更多

星期六準備去尖沙咀打卡，順便去咗呢一間主打藥膳湯底嘅台式火鍋店，午市最平$163就可以任食4.5個鐘，真係抵到爛！湯底有成20款養生選擇，我哋嗰日揀咗level 2 嘅set 黎食，同埋因為我同朋友都想試多啲唔同嘅湯底，所以揀咗鴛鴦鍋。美國Prime Grade牛肩胛肉，油脂分布均勻，輕輕一淥就食得，肉質嫩滑牛味香濃。西班牙無激素豬肉片都唔錯，薄切易熟，口感爽彈。台式秘製雞件醃得入味，煮耐啲都唔會鞋。配料方面最驚喜係新鮮萵筍，爽脆清甜；響鈴索湯一流，浸3秒就食得。當然打邊爐就唔少得牛柏葉、炸魚皮等打邊爐必備配料，仲有大量蔬菜，夠晒健康。飲品區選擇超多，由凍檸茶到熱桂圓紅棗茶都有，啱晒唔同人需要。服務都幾好，收碟快。以呢個價錢可以任食高質牛肉同養生火鍋，仲要坐足4個鐘，起佐敦區嚟講絕對係一個唔錯嘅選擇！…查看更多

今次去咗中環一間車仔麵店，真係選擇困難症發作！配料多到睇到眼花，足足有成幾十款揀，樣樣都想試～ 我最後叫咗秘製汁米線，揀咗通菜、辣魷魚、蘿蔔同豬皮。個湯底好濃郁，帶少少甜辣，辣魷魚爽口彈牙，蘿蔔煮到好淋好入味，豬皮索晒湯汁超正！小食叫咗辣汁牛柏葉，辣得嚟好過癮，牛柏葉爽脆有嚼勁。朋友就叫咗蘿蔔、雞翼、魚蛋同魷魚秘製汁米線，雞翼滷得好入味，魚蛋彈牙，炸魚皮脆卜卜，浸落湯食仲正！ 兩碗麵嘅份量都夠晒大，女仔食可能會覺得多。飲品跟咗凍檸茶，茶底夠濃，甜度適中，解渴一流！ 總括嚟講，呢間車仔麵店配料新鮮，湯底惹味，價錢合理（中環地段嚟講算抵食），絕對係打工仔午餐好選擇！午市勁多人，最好早少少去霸位啊！…查看更多

今次試咗銅鑼灣一間好抵食嘅西餐廳，最正係任食薯條，薯條炸得金黃香脆，仲可以無限refill，薯仔控一定滿足！ 主菜叫咗封門柳，肉質超嫩滑，牛味濃郁，煎得啱啱好，切開仲見到粉嫩肉色，配埋黑椒汁簡直一流！另外試咗烤比目魚排，魚皮煎到脆卜卜，魚肉雪白嫩滑，一啲都唔腥，加少少檸檬汁更加鮮味。 兩款主菜份量都好大，完全唔使驚唔夠飽。飲品叫咗凍檸檬可樂，冰涼爽快，同薯條好夾！ 成餐飯人均都係$200左右，以銅鑼灣地段嚟講真係好抵，加上食物質素高、份量足，絕對會再嚟幫襯！…查看更多