iwvangie的個人專頁

今日去咗試依間新開嘅日式牛丼😂 Menu選擇有牛、豬、雞肉之外，仲有鰻魚同漢堡扒。❁ 溫泉蛋牛肉飯 (大 $54)一開始比佢牛肉嘅份量驚艷到，牛肉舖滿晒個碗面，而且佢唔好好多肥膏，都算係啖啖肉🤩 味道方面都ok，牛肉汁都幾濃，唔洗額外要求佢本身比得幾多。個人就中意配溫泉蛋食，依個熟度煮得啱啱好，撈勻半熟蛋汁食最正！❁ 雙重芝士牛魔王飯 (中 $55）牛魔王個名咁特別，其實係漢堡扒😆 漢堡扒調味唔錯，而且有啲肉質感，有少少肉汁，整體都幾好食😋上面舖滿芝士，食落幾滿足，如果可以再溶多少少會更好～配套餐可以揀一款小食同一杯飲品，我哋揀咗公仔魚(+15)同埋青菜 (+$10)。見到佢做緊試業優惠$100 5碗中Size牛肉飯‼️食完先見到個優惠，好抵又大碗，附近返工或者居民真係可以衝一波🤩…查看更多

旺角依間主打泰式嘅火鍋我已經回訪第四次🤣🤣 呢度最特別一定係泰式風味嘅鍋底同各款泰式小食。今日揀嘅係B餐澳洲產極選肩胛牛小排，平日每位$268有80款火鍋料，120分鐘夠晒食😋鍋底揀咗鴛鴦鍋(+$68) ，一個係冬蔭功鍋，酸酸辣辣咁食落好醒神，香料都有落足，唔錯！另一個係香檸椰奶雞湯鍋，椰奶味好香，但食落好清爽一啲都唔漏😋依度其中一個特點，活蝦放題，想食幾多自己夾😂 今日嘅蝦好新鮮，食落蝦肉彈牙鮮甜👍🏻👍🏻B餐嘅牛肉主打牛小排，油脂比較平均唔會太肥，肉質幾嫩，食得過👍🏻 呢度嘅小食、飲品、醬料同甜品等都加入好多泰國特色。小食方面，我幾鍾意沙嗲串燒，分別有雞肉、豬肉，沙嗲醬味道濃郁。另外炸蝦餅都好食，質感好鬆軟～甜品我最鍾意佢嘅椰汁糕，椰汁味重而下底嘅西米煙韌，每次嚟呢個椰汁糕都好搶手，見到就即攞！…查看更多

今日再訪呢一間港式火鍋店覺得別有一番風味，好耐之前都食過，依家都仲有雞煲加打邊爐嘅組合，好食抵食又好有回憶🤣今晚平日晚上收費係每位$228～ 首先食雞煲，濃郁嘅雞煲醬炒起咗雞件再用鑊上枱。叫咗麻辣小辣好惹味香口，二人份量啱啱好，雞件肉質都幾嫩👍🏻火鍋有十款湯底可以揀，有惹味又有養生嘅選擇。我哋揀咗椰子滑雞湯，湯底有陣陣椰子清香，幾特別！套餐跟一份極品肥牛，油花唔會太過肥，肉味濃郁幾好食😋 火鍋料方面選擇都幾多，海鮮點咗海蝦、白鱔片同帆立貝，質素唔錯～ 另外仲有一啲比較地道打邊爐嘅材料，我哋就叫咗蝦膠、貢丸、蟹柳、豚肉片同烏冬😚 兩個人都食到好飽好滿足～…查看更多

好耐冇食過酸菜魚，見到希慎廣場呢一間主打酸菜魚嘅餐廳就決定一試～ 呢度除咗酸菜湯，仲可以揀水煮或者蕃茄湯，亦都有雙拼嘅選擇，好啱一班朋友食飯！✿ 姚姚酸菜魚 2人份($288)魚片份量足夠兩個人食，湯汁濃郁但味道偏酸，反而酸菜唔會好酸幾適中。可以另外加配料，我哋就揀咗加寬粉($38)，煙韌加埋索咗湯汁，好食😋✿ 北京烤鴨半隻 ($188)烤鴨幾驚喜，油脂甘香，烤得剛好，肉質食落都仲好嫩滑。整體份量都好夠食，鴨皮較多油，夾埋鴨肉同配料包起食無咁油膩😋 隨烤鴨附上配料有青瓜、韮王等，呢度幾貼心嘅係每張包皮都隔住一張牛油紙，包皮唔會癡住☺️ ✿ 茉莉香橙($38)依杯有陣陣鮮橙香味，有啲橙肉，飲落酸酸甜甜幾解膩😆✿ 新鮮水果烏龍茶($48)水果茶主要係百香果同橙味為主，唔會蓋咗烏龍茶底嘅味道，而且都比好多水果肉 (菠蘿、西瓜、奇異果等)…查看更多

呢一間旺角人氣天婦羅店，終於嚟到試吓😍 週末晚市時間都要排隊等一陣，不過都好快有位。餐廳主打日式天婦羅，只做天婦羅但質素真係好好，粉漿比例同烹調方式都做得好，每舊炸物食落都係鬆脆唔油膩！✿ 自選天婦羅丼，配白飯、味噌湯、前菜 ($30) 配搭各款天婦羅 ($8-18)天婦羅有廿幾款可以揀，海鮮、蔬菜、肉類都有，每款價錢都唔貴。而白飯都可以轉蕎麥麵或烏冬👍🏻第一份點咗鮮帶子、鱚魚、黑虎蝦、牛肉餅、蓮藕、蘆筍配冷蕎麥麵。鮮帶子厚身鮮甜，炸完入面仲係半熟，食落好滿足！天婦羅必食虎蝦，蝦肉都幾彈牙，好大隻，唔錯！另一份鮮帶子、鰻魚、黑虎蝦、半熟蛋、紫菜、金菇、茄子配鰹魚湯烏冬。呢度都有半熟蛋天婦羅，流心嘅程度都做得幾好，不過炸粉比較散開😂 我個人好推薦金菇，係每條金菇都上到粉，炸得好酥脆😋 好好食😋…查看更多

天氣凍凍地想食下熱同辣野暖下個胃，同朋友入咗呢間川菜餐廳，食物都唔錯😋😋 ✿ 紅燒牛腩麵 ($68)牛腩好入味，肉質軟稔唔會煮到好韌。麵條係幼身細麵，軟滑好食👍🏻✿ 紅油抄手 ($88)份量幾多有8隻，抄手肉餡都好滿脹卜卜咁～ 紅油調味幾適中，亦唔會好油。✿ 椒麻雞 ($88)一開始以為係紅色辣油個隻😂 不過食落都有啲驚喜，醬汁幾惹味唔會好辣，雞肉嫩滑，下底配菜有拍青瓜。✿ 清炒萵筍絲 ($88)萵筍新鮮爽口，味道鮮甜，清清地好啱平衡下其他菜嘅油膩～✿ 桂花冰粉附送呢一碗冰粉做飯後甜品，甜度適中桂花配冰糖好清甜，好味😋…查看更多

好一段時間無嚟太古呢邊，原來開多咗唔少餐廳。今日揀呢間係法國菜，餐廳環境感覺都幾Chill，門口位係可以打開嘅玻璃門，打開通風好舒服～U.S Hanger Steak ($228)美國牛腹扒肉味香濃，食落唔會韌同冇筋。點咗五成熟都煎得剛好👍🏻 薯條份量好多😋Red Mullet Fillet ($188)呢道紅鯔魚幾特別，黑橄欖切碎嘅調味，茴香莎莎醬帶啲酸味，食落好香好開胃～餐湯係忌廉香草青瓜湯，香草味好出飲落幾特別！跟餐有個甜品，係酒煮嘅雪梨。食落甜甜地，濃濃玉桂味十分有心機製作😆…查看更多

係銅鑼灣夜咗想搵野食，原來呢間係開得夜嘅，印象中係中環都有一間，門口有個窗口位睇到廚師整串燒😆😆 主打做泰式風味嘅串燒，但係原來都有啲泰式飯餐可以揀，整體食物都係好食又惹味，推薦！✿ 豬頸肉 ($25/串)燒豬頸肉都算切得大片同厚，配酸辣汁好好食！✿ 白鱔 ($68/串)鍾意食燒白鱔嘅一定要試！厚切食落好滿足，食落白鱔有鮮味同幾爽彈。呢款要咗青辣椒醬，夾埋啲蒜蓉好香口～✿ 牛仔骨($48/串)牛仔骨都係大推😚 大大塊而且冇筋，調味好好好惹味！✿ 有機露筍($22/串)食番串蔬菜類嘅中和下😂 露筍用咗幼身個種，好嫩完全冇渣。👍🏻✿ 泰式去骨海南雞飯 ($72)海南雞肉質好嫩滑，份量比得幾多，雞脾滑溜好食，而雞胸肉質都唔乾唔鞋👍🏻 油飯整得唔錯，帶陣薑味食落唔會太油～…查看更多

亞太中心好多餐廳，今日嚟試吓西餐～ 聖誕期間户外位置有靚靚裝飾，仲有飄雪添🥰 係度食飯飲吓酒都幾chill～✿ 串燒拼盤見到好多枱都有嗌，我哋又試吓呢款特色串燒拼盤。拼盤有兩串大蔥雞肉，甜甜嘅調味。兩串味噌五花腩夠香口！兩串燒菠蘿，面頭有層脆脆嘅燒焦糖😋😋✿ 白酒煮青口青口新鮮，食落好鮮甜～白酒煮嘅醬汁帶有少少忌廉汁，味道唔會太膩，惹味👍🏻✿ 香蒜蜆肉意大利粉揀咗個比較清爽嘅意粉，蜆肉新鮮～雖然個調味清清地但係辣椒味好出，辣辣地好味！✿ 招牌煙三文魚沙律清清地揀咗個沙律食，呢一款有4大片嘅煙三文魚，超滿足😚✿ Wild Berry Orange Squash依杯野莓味道飲落好濃郁，夠醒神解渴！✿ Latte冬天飲杯熱熱嘅latte都唔錯，咖啡豆嘅味道偏苦澀。…查看更多

成日去新蒲崗唔知食咩好，原來有間好高質嘅居酒屋，主打優質海膽料理🤩 亦都好多種類嘅日式料理可以揀，價錢親民、食物選擇多而且份量好足夠！✿ 蟹油蒜金菇牛肉鍋飯 ($88)升級版嘅牛肉丼飯🤩 煮金菇牛肉嘅醬汁本身好濃郁，加上蟹油、脆蒜粒、蛋黃，成個飯都好惹味。牛肉片質素都唔錯，食落唔乾同冇筋，依個飯我覺得都好有驚喜👍🏻✿ 壽司定食 ($138)壽司定食都幾食得過，一共有六件壽司、三件軍艦、兩件卷物，跟味噌湯同沙律。魚生整體新鮮，飯唔會好大舊。入面有海膽軍艦，海膽好新鮮非常鮮甜～✿ 黑松露鮪魚他他沙律 ($88)沙律醋加黑松露嘅醬汁好香，清爽解膩。微醺過嘅鮪魚片食落軟滑冇筋，唔錯👍🏻✿ 蒜香燒茄子 ($48)原條茄子配上大量蒜蓉，食落好香口惹味。燒多少少會較好，整體偏油～✿ 串燒 ($18~28)依度有多款串燒好吸引，我哋點咗幾款質素都唔錯😆 牛舌肉質軟淋，燒得幾香👍🏻 另外點咗雞腎、翠玉瓜同雞肉大蔥。…查看更多

好耐冇食過刀削麵！今日係荃灣呢度發現呢一間，主打山西大同嘅刀削麵，仲有肉夾饃、風味燒烤串等特色小食😋 今日點咗超值單人麵套餐($76)，好抵食！✿ 寶字號豬肉刀削麵呢款招牌刀削麵配料係豬肉粒，用咗瘦肉，有種五香肉丁嘅感覺😆 麵條做得好彈牙，粗幼度都好適中唔會食落成口粉，湯底濃郁不過少少油，可以叫少油就最好了～✿ 手拍青瓜拍青瓜整得入味，酸酸辣辣幾醒神。✿ 烤面筋 ($20)切到好似彈弓再穿起，面筋烤得濕度好平均又唔會太乾，仲可以索到多啲醬汁！醬汁有濃濃嘅孜然同香料味，好惹味👍🏻…查看更多

佐敦文昌街附近都係車房多，無咩餐廳，感覺好隱世，不過入到去都幾多人，好彩book 咗位先黎食～尚品花膠皇老鴨湯 ($428)招牌湯底🤩 鍋入面除咗老鴨之外，仲有花膠皇、蟲草花、素翅同杞子，每人先飲一碗湯，湯底濃郁，入口清甜滋潤，鴨肉軟淋，花膠亦都吸收晒湯底精華，好入味！本地牛頸脊芯 ($258)牛頸脊油花唔算多但係肉味比較濃郁，就算淥耐啲都仲好嫩滑～特級乾竹笙 ($89)竹笙有手掌咁大，放入鴨湯可以吸收晒湯精華，入口爽脆，打邊爐必點！鹿兒島黑豚肉 ($129)豚肉肉質幼嫩，肉味鮮甜，完全無肉臊味，而且一啲都唔膩。一級桂花蚌 ($119)桂花蚌新鮮，口感爽脆，味道鮮甜👍🏻三文魚刺身 ($98)呢度仲有刺身食，三文魚非常厚切同好鮮甜～青檸可樂 ($59)店員推介，青檸比普通檸檬無咁酸，而且仲帶點清香味，配埋可樂好夾！餐廳食物質素高，店員服務好，值得再encore😆😆…查看更多

第一次嚟到牧羊少年尖沙咀文化中心呢間分店，環境裝修幾有藝術氣息，好靚😚 好適合想同朋友輕食坐低傾下計！✿ 明太子康提芝士蟹肉墨西哥夾餅 ($148)推介呢個Taco😋😋 明太子味道突出，辣辣地食落好提鮮，加埋牛油果同蟹肉，成個嘅味道都好夾。面頭大量芝士碎，香氣濃郁之餘唔會搶走其他材料味道～✿ 慢烤蕃茄大蝦辣椒伏特加扁意粉($158)有3隻大蝦食落新鮮爽口，蕃茄醬夠濃郁，仲食到陣陣鮮蝦甜味，唔錯👍🏻整體呢道意粉都幾惹味，好食！✿ Homemade Lemonade ($44)檸檬味香濃，飲落唔會太酸甜度適中。✿ Matcha Latte ($48)抹茶鮮奶幾出色，濃郁得嚟飲落好順滑！…查看更多

我自己好中意食Poke Bowl，外食嚟講真係一個好好嘅選擇😆 同朋友嚟到上環試下呢間，整體我覺得味道好，份量夠晒多，好飽肚滿足！同大多數夏威夷Poke Bowl一樣，有主食/蛋白質/配料/醬汁等組成。除咗已經配搭好食材 嘅Signature bowl，呢度仲有特別嘅Warm bowl跟南瓜湯，啱晒唔想食生冷野嘅人😂想自己揀材料，可以好似今日我地呢兩碗咁都係自選Bowl😋😋壽司飯配牛腱肉、香煎雞扒，配料有枝豆，豆腐，溫泉蛋🥚想清淡啲可以好似我呢碗咁，加日式醬油同紫菜絲。半糙米飯半沙律菜，配牛腱肉、鮮蝦🍤 配料有西蘭花、香菇、雞蛋絲。泰式沙律醬食落甜甜辣辣，都幾惹味～點咗兩杯特飲分別係熱蜂蜜柚子(+$15) 同埋提子氣泡水(+$20)，味道清新幾解渴～…查看更多

香港依家韓式燒肉都係單點嘅多，放題形式比較少，呢一間感覺唔錯喎，晚市放題每位$298，可以加$88有埋刺身海鮮啤酒任食任飲🤩外面自助區有各款韓式冷盤，亦提供蔬菜、汽水同甜品。燒烤食物方面, 店家會一開始每台客人提供8碟肉品，全部都係店鋪最受歡迎既選擇😆 不過我地兩個女仔黎食，一開始嘅8碟稍微有點多～安格斯牛下肩胛、雞肉、豬頸肉都好食👍🏻一口牛大大粒，食落冇筋海鮮點咗海虎蝦同扇貝，大隻好食。另外有多款韓式熟食，推介柚子單骨雞翼、野菜粉絲。食物水準都唔錯，幾欣賞呢度用小碟嘅形式上菜，每次上嘅份量啱啱好，而且食物唔會過分嘅調味😆 環境企理乾淨，整體上油煙味唔算好勁，推介！…查看更多