tactac's Profile

今日將我嘅quota俾咗茶大椰，但係失望⋯⋯餐單寫芋頭鮮椰乳，叫咗一杯熱嘅，點知冇芋頭粒⋯⋯其他手搖飲品店$36呢個價位都會有啲粒粒芋頭，所以冇我覺得驚訝後尾睇收據寫椰香鮮椰奶，唔怪之有芋頭味嘅椰奶，改咗名但個餐牌又唔改，真係有期望落差⋯⋯芋頭味椰奶甜咗啲，味道普通呀，但係價格就唔值$36…Read More

生日前一天即興搵咗呢一間餐廳，見到好多評價都好評，食客通常都係夜晚嚟食，見到好多都係夜晚嘅相。我鍾意日頭食西餐，嚟到現場環境都唔錯呀！因為日頭唔多人，成個場好似俾我包咗咁，係咁影相，真係開心我哋兩個人最尾食咗$575原隻龍蝦西班牙海鮮飯，鮮味重飯有啲辣三文魚煎得啱啱好唔會太乾，唔太鍾意，檸檬醬就冇乜食龍蝦湯好正有龍蝦肉蕃茄湯酸味唔似罐頭湯水果茶少少甜，茉莉花茶底，清新套餐有蛋糕送，就當食咗生日蛋糕㗎啦蒜蓉包好食呀有兩塊，食咗一塊先記得影相英式奶茶就麻麻哋，都係鍾意港式奶茶多啲…Read More

今日點餐受氣，我說要牛腩餐，見到有雞扒餐問係咪新？職員說不是，我說改雞扒餐，另外我指住餐單說要海南雞豬手餐，職員無講野走了⋯⋯之後看收據落錯單，變了雞扒加牛腩餐，職員特登走來話她無落錯單，話系我指完圖無講野讓她誤會⋯⋯未試過咁嘅服務態度，俾錢嚟食嘢，落錯單講句道歉有咁難咩？唔講道歉都算啦，特登走過來解釋話佢冇問題，俾人感覺就係推卸責任，係客人有問題搞到佢落錯單咁嘅意思⋯⋯仲有今日食嗰個海南雞好老，都有一段時間冇黎食，之前比較好啲，而家退步咗，仲要遇上咁嘅服務員另外未食完啲食物，突然間有個職員問可唔可以收走，同佢講咗未食完唔可以，佢仲係想收咁嘅樣望住啲碟，真係好奇怪當時餐廳又唔係好多人，成日都咁急收碟，個感覺就好似趕你走…Read More

好耐冇嚟過呢一間分店，今次特登嚟呢間分店就想飲無牛奶無咖啡因的飲品，見到有藜麥燕麥堅果奶茶，我就問紋身女店員有無咖啡因？她答我無，以為用無咖啡因的茶，我就揀咗佢，點知飲落口有茶味⋯⋯我對咖啡因敏感，所以俾咗我屋企人飲～之後我上台灣官方網見到一樣的餐單，就pm問客服，客服回覆那個藜麥燕麥堅果奶茶是有咖啡因，如果不要咖啡因就飲堅果奶系列，證明我無搞錯，香港呢間分店個紋身女客服亂答我，而且問佢問題時，店內都係兩個客人又唔係好忙，但係有啲唔耐煩，皺晒眉頭，又冇笑容⋯⋯呢啲反應都算啦，唔好俾錯訊息我，我特登行嚟買，又買咗啲唔啱飲嘅飲品⋯⋯好失望⋯⋯講返味道，買咗兩杯飲品，普通，賣相不太吸引，無咩堅果味，唔知係咪加水多定係點呢…Read More

今晚第一次去啟鑽商場的紅樓吃飯，服務員態度不好，叫了多次也沒什麼反應，水都要自己加收一服務費，但自己招呼自己我們叫了一個珍饈百味一品煲，應該會有鮑魚海參花膠等的材料，上菜是鴨掌鮑魚冬菇生菜，收我們$368，但吃的是$168貴一倍我對單看到問經理，開頭不肯改單強調菜單的圖只是參考⋯⋯親戚質問$168的名是蠔皇南非鮑魚扣鵝掌但無蠔又無xx的！最後經理不願意地改回價錢，我們覺得這做生意不老實也混亂⋯⋯食物來說，就還可以，有些覺得好吃的，不過份量比較少，如果要客人回購，必須改善服務態度⋯⋯…Read More

因快到聖誕,來個即興吃聖誕大餐!這一天我們去將軍澳踩單車,來之前上網查了幾間餐廳,很少吃法國菜,見到Popcorn這間,評價也不錯,最後在openrice訂位,來到餐廳即時入座了。Galette/Beef黑松露牛肉雜菌法式可麗餅:  醬汁多,牛肉碎多, 軟軟的餅, 一致配合,好味!Benedict 煙三文魚班尼迪克碗: 有煙三文魚,蕃茄,生蛋配麵包,牛油果醬,烤茄子,咖喱醬等, 我平時不喜歡生蛋,這樣搭配,口感又不錯啊!南瓜湯: 跟餐送的,似自己煮的不是用罐頭煮的西湯,好味道!冰咖啡: 無甜味, 跟餐送,沒特別好多人推介這海鮮鍋,所以我必點: 有半隻龍蝦、黑青口、開口蜆、一塊盲糟魚和一圈圈魷魚我們二人在2點半後坐下點餐,這時間不多人,夠安靜,不錯!今天的賬單1…Read More

是日放假，看到openrice評價這間食物不錯，是新開的台式cafe，隔離就韓國餐廳。不用排隊很快有位，座位不多，距離感近，我們二人選擇對柱的座位坐。餐廳提供QR Code下單，落單後好快就送上食物，都好方便。整體食物都不錯！…Read More

尋晚睇完飲食節目，今日就好想食牛腩，近近地就去呢一間啦！都嚟過幾次，今次係第二次叫五星級牛坑腩河，$38，大大碗，都抵食。我要比d另一半食。呢個牛坑腩好滑呀，我鍾意食啲唔老嘅牛腩。我之前食開覺得好食所以今次又再點啦另一半要食飯，咁我就叫佢點豬手飯，$42，我食咗少少覺得都OK，對我來講就濃味左d.呢度係唔提供水，我叫咗杯熱菊花露，$9，太甜了⋯⋯飲左少少就唔想飲⋯⋯我開頭以為好似自己煲嗰啲菊花茶咁味，就試試⋯⋯點知好似飲糖水甘⋯⋯整體來講覺得呢度嘅食物係唔錯，飲品今次來講就唔得⋯⋯…Read More

我對牛奶有過敏，不能喝太多，知道有呢間植物奶飲品店，一直想試，今日午餐後特登去試飲！我對呢類飲品有限制，下午不喝咖啡因，也不喝凍飲，又不想喝太甜，篩選後都有三杯適合我飲我選了熱飲的香芋堅果奶店員話無糖真係唔會有糖，手打芋頭粒粒，我選微糖，少少甜，飲完個口唔會有一陣奶精味～正啊下次去再試其他口味先XD…Read More

今日突然間好想食豬潤補下血，喺Openrice 查深水埗＂豬潤＂就出現＂維記咖啡粉麵＂，好評多，以前都想來試沒空，今日來到排隊大約5分鐘多就入去點餐。我覺得豬潤煮得老了，不爽滑，好似住家菜，就比較普通，不過愛健康的人會接受到清淡，如果有味精和清淡健康比，就會選擇這個吧⋯⋯我未試過自己煮豬潤，不知有些餐廳的豬潤爽滑是加了添加品還是廚師叻的問題呢⋯⋯所以只能給予 這餐廳普通的評價吧⋯⋯作為快餐是好方便好快有得食，但如果要排長龍去試就沒興趣了。另外叫了蛋牛治，吃了一口以為比錯午餐肉⋯⋯別人說罐頭就是這樣的⋯⋯哈，我少吃這款三文治，我期望是有牛肉味的牛肉碎⋯⋯雖然似午餐肉也好吃，但會有點落差。雖然豬潤的味道沒我想像中好，但份量多，都抵食啊！…Read More

最近有人提起越南菜，今朝一起身突然好想食越南米紙卷，順便去九龍灣就查呢一間，見到食評正面都有幾多好的評價，就去試試啦。我哋去到啱啱開門冇耐，因為好肚餓馬上就落單，餐牌上嘅選擇唔多，以為有牛河就有雞絲什麼豬湯河那類，唔知又無。我就諗如果唔鍾意食牛或食唔到牛嘅人咪未必嚟呢間食吃完口內的牛肉味停留一段時間，牛肉味濃的，不過整體有點重口味感覺。 這間比起開到好多分店的某越南菜館好d但又未能讓我吃完再次回吃有進步的空間吧如果菜單上多謝選擇就好…Read More

呢度定位都幾方便打電話就有得訂，之前試過同朋友嚟食，食物都OK架，今次係同同事食，farewell lunch先講食物瑤柱扒西蘭花：瑤柱汁太鹹，可以改善叉燒包就冇乜特別小籠包都幾好，汁鮮美菠菜餃我最鍾意食其他食物不過不失我哋五個叫咗五個盅頭飯，但侍應話已經賣晒，所以我哋改了叫瑤柱蛋白炒飯我哋掛住傾計都冇留意帳單，離開後先知道收咗我哋兩個盅頭飯（原盅蒸飯－北菇滑雞）的錢，好奇怪，都唔知有心定無意，或者忙中出錯，但係對於食客來講反感，希望可以改善！其他食客要小心對帳單了，一時大意就招致損失！新年流流，無人想甘嘛！…Read More

今日2個人上午11點幾就到,有不超過10人在排隊,等左5分鐘左右就有位!真係早去早享受XD等候時影下門口的疏乎厘班戟特寫先我地叫左4樣野,待應話疏乎厘班戟要特半小時,我無問題啊!先送上的係飲品:Green Tea Latte都幾好味,食到有綠茶粉,無苦味的,我唔愛太濃的綠茶味,呢個係濃奶味多D芒果奶昔我要左熱的,都幾好有熱的揀,成杯比較甜,珍珠都係甜,奶味濃,芒果味好似不太真實XD飲品上完之後,等呢個漢堡都有近半個鐘,呢度D牛肉好新鮮,唔係連鎖快餐店那種,好似把鮮牛肉整碎再整成扒咁,正!牛肉面有D香料同胡椒,我覺得有D鹹但可接受的,入面就有紅紅的牛肉,比較淡味,平衡番出面的鹹。栗子班戟等左成個鐘咁耐,中間催左2次,隔離枱幾個人都食完我仲未有得食= ="..人地點士多啤梨藍莓香蕉班戟都快過我...可能場內少人點呢個栗子班戟又或者漏左單...見特別就試呢個,第一次食無食原味,但覺得栗子味的忌廉一般,附送的藍莓醬唔夾班戟所以無一起食..不過,呢個班戟係好食的!夠晒鬆軟,呢D加番分啊! 有興趣下次試下另外2款疏乎厘班戟同普通平平的班戟XD…Read More

呢間店之前叫請坐，好評多，以前去台灣冇食過滷肉飯，好想知道地道嘅滷肉飯係咩味，呢間店由台灣人煮食材，感覺應該地道吧，所以一直想去吃。今日十二點多就到，店內都坐滿人，好彩好快到我哋兩個。滷肉飯嘅豬肉帶點肥肉，有啲豬皮，唔係普通嘅肉碎，有口感，又唔會好老，好味啊！原味蛋餅表面嘅麵皮甜甜地，入面就係普通雞蛋戰成嘅蛋卷，好似家庭式咁，一般但比較健康吧。外省牛肉麵（半筋半肉）對於唔食得辣嘅人來講係見辣，會食到流鼻水，牛筋牛肉都幾滑，鍾意食辣嘅人應該覺得好味，唔鍾意食辣就會覺得辣嗰種味蓋過牛肉嘅味。白玉苦瓜炒小魚乾比較鹹和多油，本身唔係咁鍾意食苦瓜，諗住熱氣先點，味道普通，不會想再點。整體來講，係好家庭式嘅台灣地道菜，價錢都唔會好貴，又唔使加一，值得去試試吃喔！…Read More

我好鍾意食軟綿綿的疏乎厘班戟,曾在日本食過G字頭的,在香港一直好想吃到相同的味道.. 可惜香港G頭的班戟店的班戟不好吃,我就發掘其他....之前朋友見雜誌介紹幸福班戟,見到openrice的有過半數的食評說很好吃,所以做定功課,揀平日早D來排隊....我地無耐性等3小時以上,所以揀左星期二早上11點到達...原本想10點到但係遲起身出唔到發XD11點到達時,見到有一堆人排隊,比我想像中多,大約22人..以為要等成個鐘,無無聊聊影下店內突然快左好多,20分鐘後有位了,好快就點餐,等餐時又影下相第一次來,當然點最基本的"幸福班戟"試下個餅點先,等左15分鐘就有,都幾快甜度剛好,餅入面都夠軟,餅的表面和底較乾身不夠滑,可能我果D焗得過火左..佢比香港G頭班戟好吃,但又遜過日本G頭的..未吃過日本幸福班戟所以無法兩地比較了,呢度可惜D...餅上面的CREAM我覺得唔夾件班戟,但身邊的人就話好食,各花入各眼吧..但呢間的蜜糖時係我食過最好食,我唔鍾意楓糖的味,好多店都會用佢....主角係班戟,其他係配角,咩都唔落之前食都覺得件班戟好食,就係成功了!試完甜,就食個鹹班戟, 佢既質感無甜班戟軟,但係都唔係硬,都幾好啊煙三文魚和牛油果就無咩特別,但平時食既味XD一早食野唔想食咁多甜,無叫咖啡奶茶果類飲品,叫D茶類飲品...但係有D伏...呢個係有機非洲甘露茶, 我見幾持別的名就叫,一飲覺得似無味涼茶,唔鍾意隻味,比左身邊人飲XD,佢話唔覺得難食...但唔會想再飲..甜蜜香橙茶呢個OK,有少少橙味...係香港要食到好似日本咁好食的班戟,真係要試過先知,人云亦云都不及自己親身去試味食完有無幸福感覺? 我覺得都有, 但個分數就唔係最高XD如果要我排3個鐘先食到就唔肯,好似今次等20分鐘有位,就物超所值XD…Read More