LiviaLai8227's Profile

是日夜晚就去咗天后附近食晚餐，見到呢間養生湯麵就吸引咗我入去。叫咗個蟲草養生農場雞湯米線。碗嘢份量都幾多，大碗 多湯 多麵。雞就有4件 1件雞髀🍗 1件雞翼尖 2件中間肉位雞份量都適中。配料有 好多紅棗 杞子 木耳同蟲草。碗米線啲麵雖然多，但好淋，一夾就斷，無口感可言。個湯底幾足料（有好多紅棗btw 紅棗係去哂核,有雞湯味，又飲到紅棗甜甜嘅味），但食完之後好口乾🥵。整體而言，呢間嘢對我嚟講無咩驚喜，亦唔會特登嚟食。…Read More

星期六嘅早上，媽咪話想食早餐，咁就但係附近商場揀咗餐廳食。嗰陣大概係早上九點幾，個場都幾多人，大部份嘅枱都有人。呢間餐廳選擇都比較多，價錢中規中矩，要睇睇食物質素再決定會唔會再嚟歐陸早餐（香煎雞扒）$38呢個雞扒不得了，嚴重overcook，勁柴，又細舊 嗰條司華力腸得半條個麵包又唔脆又唔熱，唯一好嘅地方我諗係個菜，好彩個菜唔係苦。另外一個餐係歐陸早餐不過呢個係吉列魚柳，吉列魚柳質素好好多，入邊啲魚肉係嫩的，不過又係太細舊，司華力腸都一樣得半條…. 呢個價錢，肉又少，腸又得半條，只能說有更好選擇。…Read More

前幾日朋友突然想食放題，我地就上網搵咗呢間試試佢！入座時間係平日6點半左右，個時嘅人流唔多，仲未有好多人入座。一入到去就可以用手機scan QR code落單，既方便又環保同埋快手！呢間啲食物種型都好齊，刺身、壽司、炸物、鍋物、雪糕等。不過最估唔到嘅係，呢間啲飲品選擇幾多，又有酒又有茶，有凍飲亦有熱飲茶包，酒有啤酒、梅酒、清酒。種類真心多一入座就出去咗夾嘢食，試試佢！左邊係啲牛，右邊係肥牛炒粉絲左邊：炸魚皮 右邊：麥樂雞 另外隔離仲有啲雞塊個雞塊係幾好味！有溫度，又嫩有好多款小食，選擇種類好多！食完前菜就入正題食主菜😝羊鞍-調味同食物大少都適中，食放題好驚叫啲嘢食好大舊/好大份，咁個胃就會少咗好多位去試其他嘢食，而呢間啲食物size就剛剛好！燒鰻魚-上枱食物熱度剛剛好！啲汁又唔會太多太鹹，恰如其分。 火炙三文魚壽司同蝦壽司-上菜數量同落單數量，幾欣賞啲飯嘅size都唔會好多！三文魚都比得好大舊刺身-叫咗幾款刺身試吓（三文魚、油甘魚、甜蝦、帶子）啲刺身都好厚切，份量足，落完單上菜速度好快！炒牛柳粒-炒牛柳粒個間加咗唔少黑椒增添成道餸嘅口味！同埋上枱個陣係仲熱的！天婦羅叫咗幾款天婦羅試試（香菇、蟹柳、蝦），正正常常無咩特別🤪炸物識叫一定會叫芝麻雞翼今次叫咗芝麻雞翼、榴槤炸彈、香芋丸、雙皮奶同埋吉列蠔。全部嘢上枱都係熱的！正！今次啲雙皮奶有驚喜！因為入邊啲奶唔係一大舊硬骨骨咁，二來入邊啲奶口感冇咁奇怪，似正常似個啲奶，冇咁重奶粉味芝麻雞翼同以往食開嘅一樣，入面啲肉嫩，味道剛剛好 唔會太謝鹹/太淡🤟🏻榴槤炸彈同香芋丸一樣，都係冇令人失望！而吉列蠔個皮我就略嫌厚咗啲食完正餐最後當然要食返杯雪糕埋尾做完美嘅句號！ 呢間雪糕款式都算多有成八至九款揀，有杯裝雪糕或者支裝雪條，任君選擇總體而言：上菜速度⭐️⭐️⭐️⭐️食物種類⭐️⭐️⭐️⭐️⭐️飲品種類⭐️⭐️⭐️⭐️⭐️落單數量同出菜數量⭐️⭐️⭐️⭐️⭐️CP值⭐️⭐️⭐️⭐️⭐️$250左右嘅價位，有咁多款食物同嘢飲揀！個人覺得CP值幾高…Read More

今日同朋友喺德福廣場附近行街，行過咁啱肚餓，見到school food嘅menu 價錢唔貴 個餐又多嘢！就心血來潮想試試！L4韓式炒粉絲+豬肉紫菜包飯（圖片調亂咗）額外自己加咗嘢飲同泡菜 $70+$7+$5-韓式炒粉絲炒得幾入味！配菜好多有木耳蘿蔔菇蛋絲洋蔥豬肉等，口感好豐富！ -豬肉紫菜包飯有成條（有七舊），豬肉調味適中，放咗黃蘿蔔入去增加咗個口感！-泡菜對我嚟講有啲辣，不過撈埋個餐食就剛剛好！L8 芝士韓式烤豬肉炒飯+魚糕串 $60+$7-炒飯飯底個味道好似係加咗海鮮豉油，唔會特別乾，撈埋啲紫菜豬肉蛋同埋芝士，口感超豐富，食到好滿足！-再加埋個魚糕串！意外地個魚糕湯唔係好味精，唔會特別鹹，有啲魚嘅湯味😍幾好飲！總體而言，呢兩個餐份量足調味剛剛好！好抵食😍🤟🏻會再食…Read More

鑑於對上一次有不愉快經歷，其實本身都唔係好想再去間食，但友人鍾意食，唯有俾多次機會試試佢，睇下冷氣有無改善！今次去到兩部冷氣都開哂，環境比較涼爽，今次食得比較開心，唔使邊流汗邊食普通size嘅酸菜魚-呢間嘅酸菜魚係幾好味，魚塊數量幾多，配菜份量少！但今次個酸菜魚湯底比較酸😖另一個餸係：友義氣小炒皇$98-個菜係微辣，有腰果、魷魚等嘅配菜，配飯食一流幾開胃八珍豆腐煲-八珍豆腐煲入面有幾種配菜：豆腐、豬肚、雞肉、雞髀菇、蘑菇等（忘了）-調味適中，份量都唔少，幾好味，餸飯一流整體而言，今次食物質素同環境都唔錯，如果唔係冇冷氣嘅話下次都會再幫襯…Read More

屋企人講咁好耐想食片皮鴨，最近見呢間星期五嘅片皮鴨有半價！半價咗個價都唔錯，所以一於過嚟試試😝片皮鴨 $568一隻 (圖中係半隻）-片皮鴨個皮係脆的！幾好味-而個餅嘅厚度適中，唔錯！-而鴨就普普通通-半價咗嘅價係會食嘅😋雕花醉雞 $108-份量有啲少，得5-6舊有肉嘅雞-可能食唔慣個酒味，覺得食入口有啲奇怪😂淮揚拾景炒飯$128-入面有菇、蛋、蝦、豬肉、飯-飯炒得算乾爽，又唔油-但個飯味道偏淡-一般 唔會再叫😂二菘炒鴨未配芝麻燒餅 $118-鴨肉臊味有啲重，所以調味都重啲-芝麻燒餅1. 芝麻味唔香 2.個餅無咩味-呢道餸唔會再試😂 一次就夠小籠包 一粒$16-小籠包個皮係幾薄，但個肉有啲少，調味唔夠-唔係我食過好味嘅小籠包雞絲粉皮$88-成道菜都一般般，唔係特別出色，花生醬應該係買一早整好個啲，同係超市買個啲都差唔多總體而言，啲餸菜無咩太大特別，價錢又唔係好抵，未必會未試…Read More

公司要farewell同事，咁大家就上foodpanda 搵咗呢間餐廳叫外賣返office齊齊食，唔洗身水身汗行出去之餘，又準時到office，一lunch time就有得食，又唔洗等位😋其中有兩個餐🤪 吉列西班牙豚肉滑蛋蓋飯餐配燒汁（配沙律或者湯 &飲品）$80-豬扒肉質唔錯，但有啲根-豬扒調味適中，就算無汁就咁食都ok-個燒汁不過不失，餸飯ok烏唐揚滑蛋蓋飯餐（配沙律或者湯 &飲品）$78-沙律不過不失，唔會苦-個餐會配埋個汁，個汁醬就揀咗蘑菇汁，蘑菇汁嘅蘑菇味好重但調味唔夠，差啲黑椒？胡椒味？-個滑蛋飯有啲失望，滑蛋夠滑，但調味唔夠，而個飯淨係飯，無炒過。-唐揚雞就得5舊，但雞調味夠-份量偏少，CP值較低總體而言，不過不失.. 一啲好一啲差，但以呢個價嚟講，唔會再選擇。…Read More

呢間嘢開咗係淘大咁耐都未食過，見今日興致勃勃就一於去試試😋 大概6點半左右去到間餐廳，但出面早已排緊隊買票入座，大概都等咗6-7張枱嘅人先入到大概都要20-30分鐘。中途啲員工仲要處理外賣單啊等等，所以令成個輪候時間較長。排到我地要係門口揀好買啲咩嘢食，然後比埋錢，職員就會幫你安排入座。入到去張枱大概係咁樣，有紙巾、調味料，而等食物嘅機就要放上去個位到，方便職員送餐😋係等待食物嘅時間入面，我就出去自助bar到拎飯、沙律、湯、餐具等😝 沙律就有薯仔沙律同普通沙律，值得一提，薯仔沙律幾好味，有驚喜。咁就冇咩特別，同埋有啲鹹。叫咗個二人餐有日本A5佐賀牛個個餐$525個餐有牛脷、佐賀A5和牛、豬扒、牛膈肌同炸蕃薯條開始個熱板都唔熱，放落去好似慢煮緊啲肉.. 燒到2046🤣，所以後尾叫咗個職員幫我地換咗塊板，好好多🤪 起碼放落去係‘炸炸’聲。日本A5佐賀和牛-食落好多油脂，好淋，食2-3舊ok嘅，但食多幾舊就好油膩🤣厚切牛脷-味道都唔錯，普普通通，無太大特別美國極黑豚肉-一開始比我地都比較生，然後自己落板整返熟，去到自己鍾意嘅程度。-出奇地，呢個豚肉又幾好味，唔‘鞋’之餘又唔會太淋，口感剛剛好！牛膈肌-牛膈肌食落比起平時啲牛’煙銀‘少少，但牛味都重，無咩太大特別🤪炸蕃薯條-而炸蕃薯條係岩岩炸起，所以食落熱辣辣，好好味，放凍咗食就無咁好味（無咁甜同無咩味了）。總括而言，呢間呢個價都ok嘅，平時想食鐵板燒牛嘅都可以過嚟食，畢竟沙律，飯，湯任食，但呢個餐試完一次就滿足了…Read More

夜晚9點幾呢啲時間，係疫情下嘅觀塘區個選擇唔太多，聽朋友講呢間啲咖喱幾出色，所以一於嚟呢間試試佢！咖喱牛脷飯$56份量算多，4舊厚切嘅牛脷，仲要每舊都唔細㗎！平時食就淋啲，今日有啲失準，比較‘銀’。咖喱芝士焗雞扒飯$58-份量適中，大概係1塊雞扒，切開咗4-5舊，啲雞扒都幾嫩，但可惜係個咖喱不似預期，唔重香料同椰香味。是日餐A: 黑椒美式西冷配薯菜 +餐湯 $70-舊西冷幾大塊，肉都有1cm嘅厚度-食落唔‘鞋’，正正常常，對得起個價錢最後都有加啲嘢飲飲下，全部餐都唔包嘢飲。呢間啲份量係ok的，但食物嘅質素未去到會想再食，但夜晚無咩選擇下，都會揀呢間🤣 不過不失。…Read More

夜晚9點幾係觀塘肚餓會揀啲咩？通常會諗起有得堂食嘅譚仔🤪！9點半先last order 如果9點半前入座都仲有得落單，快快手手食嘢添！一入座諗好食咩就叫個姐姐幫手落單，個姐姐態度又幾好，因為我地仲想叫個外賣拎走，佢就建議我地啲餸齊哂再幫我地落單！咁我地落齊單之後，嘢飲到先，落單個姐姐幫我地上嘢飲，佢仲記得我地每人叫咩嘢飲，分埋比我地，唔會好似平時咁放係張枱就算！當D麵到齊哂之後，個姐姐走嚟幫我地落埋外賣嘅單，超細心！值得讚！去到譚仔點少得叫蒜泥白肉🤪🤪！呢間D蒜泥白肉幾好味! 好嘢味!另外，叫咗碗酸辣雞肉＋凍嘅青檸綠豆薏米水兩碗過橋米線 （1碗蕃茄湯，1碗清湯)Ｄ麵同餸嘅份量都好夠！正常發揮！但今次個姐姐Ｄ服務態度又真係估唔到！讚！…Read More

聽朋友講呢間餐廳嘅buffet性價比幾高！有長腳蟹又有生蠔，仲有其他個啲刺身、熱食、甜品！一應俱全！一於就試試佢🤪一去到當然要食啲回本嘢：海鮮（長腳蟹同生蠔）生蠔區嘅師傅係即開，隔離有個姐姐即刻用水刷一刷走啲殼覺得酒店呢個做法幾好，幾有效率！佢啲蠔一時一樣，一時大一時細，睇彩數，不過呢個價位咁嘅質素我都接受的！其次就食長腳蟹，啲長腳蟹有少少鹹，不過可接受，肉質鮮嫩，唔錯！食咗幾圈 其他都無試🤪啲蝦用夾掂過殼唔硬（唔新鮮）所以無試。熱食：試咗豬頸肉、肉丸、咖哩+酥皮餅、燉飯、巴東牛肉、糖醋魚肉同龍脷柳等～肉丸就太散，口感一般，燉飯唔入味又好水其他就無咩特別，可一試嘅。甜品就試咗幾款，最令我印象深刻嘅係佢主打甜品-芒果千層酥皮！芒果正正常常多汁，下面個酥皮好酥，脆！又唔會太甜 正！但另一個榴連千層餅就唔太建議試，因為個皮都唔脆，因為雪過入雪櫃所以係硬的.. 口感一般整體而言，埋單每人$350呢個價食呢啲食物CP值係高的！但未必會再試🤣 因為有其他食物質素高 價錢都ok嘅餐廳可以揀🤪…Read More

星期日當日因為book咗皇家太平洋酒店嘅staycation，就有千幾數嘅餐飲消費額可以用，咁當晚就叫咗呢間餐廳嘅部份外賣上房食。當晚叫咗好多嘢食，-肉醬大利粉$145-香茄香草水牛及巴馬芝士薄餅$155+$25額外加辣肉腸-巨無霸公司三文治$175-印尼炒飯$135-凱撒沙律$125+$50加煙三文魚再係另一間餐廳叫咗其他嘢食 （所以有啲食物我呢到無打）首先，逐一評論下啲嘢食肉醬大利粉$145食落去好重牛肉味嘅肉醬意粉，肉醬味道一般，個意粉又淋，吉幾下就斷咗… 份量還好。香茄香草水牛及巴馬芝士薄餅$155+$25額外加辣肉腸個pizza新鮮熱辣辣，啲水牛同芝士味唔太出一般般，薄批底，份量還好，無咩特別，但個批邊勁硬😂巨無霸公司三文治$175得4件，份量有啲少，但入面啲料都幾多，味道上過得去！印尼炒飯$135有一大片蝦餅，2串串燒，一舊雞鎚同飯啲串燒同飯都無咩特別… 飯有啲濕，味道唔吸引。凱撒沙律$125+$50加煙三文魚呢個沙律啲菜正常，清爽，唔苦，爽脆！但幾驚訝嘅係，加嘅煙三文魚份量都幾多！ 有成5-6片？ 驚訝！加分！總體而言…. 如果唔係有餐飲消費額都未必會食🤣 雖然價錢唔貴，但食物質素一般。…Read More

係一個星期日嘅下午，打算係新蒲崗附近食啲嘢，想食個間茶餐廳又無開，見到呢間依稀記得有人提過佢啲酸辣豬扒幾好味，所以膽粗粗試試佢！門面望落一般，有啲殘舊。一入到去個段時間唔太多人，得6-7個客，見啲人講到酸辣豬扒正，就一於試試！小辣豬扒酸辣鳥冬 +熱檸水 $37 豬扒數量同價錢成正比！同埋啲豬扒係即叫即炸，有誠意！可惜嘅係有啲啲難咬。個酸辣湯做得幾好，又酸又辣，又唔會太搶個味！好多酸菜，脆嘅花生！份量合理！幾滿意🤪🤪…Read More

呢間店地方算易搵，一過馬路就見到了。我係平日中午２點左右到，咁岩係D人食完飯，所以咁岩就有位坐個陣我係廚房出面落單，落完單即刻收我錢，然後就係入面等野食！間餐廳有分幾間冷氣房同無冷氣既地方食野。雖然冷氣房Ｄ冷氣都唔算特別凍／涼，但總算唔焗又唔會食到流哂汗。同埋食野既枱唔算大，如果４個人一張枱既會有D逼。叫左一個嗚門便當盒既吉列豬扒 ＄４０＋＄６ 轉蛋包飯，再加左＄５叫左３件關西炸餃子。吉列豬扒出乎意料地好味，一嚟炸得岩岩好咬落去唔會難咬，二嚟炸皮唔厚，三嚟豬扒仲係熱的，四嚟真係食到係豬扒。但個蛋包飯就麻麻地，用白飯無炒過，同埋淨係整左D醬係上面，蛋又無咩特別。炸餃子就一般，雖然上枱係熱，但明顯地翻炸過唔知幾多次既餃子。總體而言，如果唔加＄６ 轉蛋包飯既，以一個＄４０既飯黎講係幾抵食嘅，ＣＰ值好高！有機會會再試！…Read More

見呢間新開去試吓啲酸菜魚同小食！酸菜魚 標準$198 特大$298酸菜魚份量適中，配菜唔少，有芽菜薯粉萵筍。個湯酸酸甜甜幾開胃。椒鹽豬扒$78味道唔錯，份量適中，但唔係椒鹽豬扒嚟，似係酸辣豬扒，啲豬扒唔算‘拿’得好勁。一入間店發現有少少焗焗地，開頭冇為意，點知後尾越食越熱，邊食邊流汗，同個老闆講係唔係冇開冷氣又唔理，就算壞冷氣都講聲，極度懷疑佢係因為慳電費而唔開冷氣！就算好味都未必有下次，對啲客都唔好😔…Read More