Jessietwi06's Profile

唔怪之得個個都話係香港食野係搵笨，今日終於深深感受到🤣🤣今日行行下頸渴就係呢間餐廳買左杯Iced Matcha Latte，外賣既，一拎上手嚇左一跳，少到咁？真心建議餐廳不如用啲細隻啲既杯黎裝會好啲😂😂起碼都美觀啲睇落冇咁市儈，只能講會覺得好唔抵，以為買杯野飲裝滿/滿9成會係基本，係我太天真了。味道的話就普普通通，不過不失，都冇乜服務可言架啦。大家係呢間飲野都係堂食會好啲，外賣就完全唔建議了。…Read More

之前食過一次覺得唔錯今次就決定再去食多次啦。點知食到勁嬲人手完全不足，明明出面排緊隊然後有個女人直接行左入舖頭話1位就俾佢坐低兼落埋單，我地同返職員講個女人打尖佢地就話自己入黎坐就得咁好啦既然佢咁講我地都直接入左去坐，但人手不足既關係係完全未執枱，都等左成15分鐘左右先有人黎執，仲同我地講我地坐低左之後先執枱會難執啲，聽到我真係忍唔住同佢講係你同事叫我地直接入黎坐😑然後叫左碗腩肉紫菜米線，上到黎見到係冇腩肉得紫菜，咁就同佢講碗米線無腩肉啦，跟住個職員話腩肉冇晒？？？啊大佬冇晒你咪問人洗唔洗轉餸/要少一個餸囉，問都唔問一句係想點？由坐低到真係食到一碗麵已經係45分鐘後。。。咁既用餐體驗真係啲野食幾好食都冇用，雖然都唔係好食得去邊，真係好失望…Read More

之前都有黎過呢間泰國餐廳食晚飯，味道價錢都唔錯，所以今次就黎試埋個午餐先！同朋友12點半左右入座，眼見都滿晒位，不過好彩餐廳仲有2樓，職員就安排我地坐2樓！👍🏻2樓有2張大圓枱，同啲4人枱，環境好寬閣敞坐得好舒適！而且呢到啲職員好貼心，我坐低之後覺得有少少凍就即刻著返件褸，職員見到就二話不說幫我較返高啲個溫度👍🏻睇下個lunch menu先，價錢$65~$88不等，💰合理選擇都算多，星期一至五仲唔洗收加一服務費！脆炸五花腩煎蛋飯配咖喱汁，一見到個餐牌我就比呢個餐吸引左，一上菜果然冇令我失望🤩賣相已經超靚超吸引😋首先試下個脆炸五花腩，表皮炸得超酥脆，而內裡肉質十分鮮嫩多汁，再配埋隨碟而上既酸汁，豐富口感之餘亦能瞬間消除油膩感，真係食多幾舊都唔驚🤣煎蛋仲有成兩隻！拮穿個蛋黃就即刻聞到濃烈既蛋香味😋配埋白飯口感軟糯蛋香四溢超好味！！唔好唔記得呢個餐仲有配埋咖喱汁！咖喱香濃而不膩，配白飯真係一流，完全冇野可以挑剔，一個飯可以有咁多種口感，真係好抵食🥳大家一定要食！！💯咸香海南雞配油飯，海南雞肉質勁嫩滑勁好食！！！配埋餐廳自家製既醬汁真係令人回味無窮，連對海南雞飯超挑剔既朋友都讚不絕口😍而且油飯香滑軟糯粒粒分明，口感十分之好，令人食極都唔停！小食我地一共加左3款，分別有紅咖喱魚餅、炸香茅雞翼同飛天通菜。紅咖喱魚餅香辣可口，魚肉香軟嫩滑，配埋泰式甜辣醬口感更加豐富。炸香茅雞翼一定要熱辣辣咁食，口感酥脆且肉質超香口，都係要配埋泰式甜辣醬咁食！飛天通菜就貴少少要+$40，不過我同朋友見到個份量都嚇親，超多！！！加$40就得到呢個份量既通菜真係好抵！通菜食落去口感清爽，配埋各種辣香料，為呢碟通菜帶來豐富既辣味，真係越辣越上癮，最後都係比我地清晒🤣鐘意食泰菜既朋友我真係建議大家點都要黎試一次！價錢合理食物質素好環境舒適職員服務有善，而且元朗站行過黎5分鐘都唔洗，唔係唔試啊嘛！…Read More

見屯市新開左間台灣野，每次經過都見有啲人係到等緊，咁我都搵日Lunch去試下先啦，食完就真係深深感受到係香港食飯有幾貴同質素有幾差😂😂午市價錢$58～$78不等，我就叫左個台式鹽酥雞配滷肉飯 $72，個滷肉飯一上菜真係嚇親我，明明餐牌上既滷肉飯咁多滷肉咁靚（大家可以睇下佢個午市餐牌圖既滷肉飯），而我呢碗就得幾粒肉碎咁樣😂😂賣相已經超差，第一印象已經唔係幾好，不過我都明既，圖片只供參考嘛味道又唔係好，啲飯偏淋飯量又少，我朋友係食牛肉麵，食完都係好似冇食過野咁😂😂啱晒啲鐘意輕食既人👍🏻呢間台灣野真係又貴又唔好食，真係如果你啲野係好食我都唔覺一個Lunch $70幾蚊好貴，但依家完全係唔抵食😂…Read More

鐘意食串燒既朋友一定要黎試下呢間！朋友住朗屏就係附近搵野食，點知就搵到一間咁令人有驚喜既串燒店😍個個都話係香港食串燒係搵笨，但呢一間絕對唔係！CP值超高😍雖然話係串燒店，但佢都有麻辣燙食😋$58任選4個餸，餸都有成接近30個選擇！最後我地就揀左午餐肉、娃娃菜、廚師腸同魚腐，每一款餸都唔會話太少，感覺啱啱好。而麵底我地就揀左薯粉，口感十分嫩滑且彈牙，索晒啲湯令每一條薯粉都好入味，而且一啲都唔油膩，仲覺得越食越清爽，令人上癮！串燒（可選走辣、BB小中大辣）：檸香雞串 $20呢一串有驚喜！✨食落口有淡淡既檸檬香味，為雞肉帶來一種清爽既口味👍🏻而且雞肉外層酥脆，肉質十分嫩滑多汁，口感豐富又清爽，好食💯韮菜 $13食串燒我就覺得一定要食燒韮菜，雖然好簡單普通，但佢就係有一種獨特既口味，再加上辣粉既加持，令韮菜味道更加濃郁🤤玉子燒 $28之前食過既串燒店都好似唔係成日見到有玉子燒，覺得幾特別就叫黎試下先🤩燒完之後外層脆脆地，內部依然係咁軟滑且保持彈性，蛋味超～濃郁，又甜又香口，好食！雞皮串 $18$18有兩串！雞皮串我又係覺得去串燒店係一定要食！食落去香脆可口之餘又勁香雞油味，可以增加食慾🤤...之後仲叫左好多串燒，例如蜜燒雞中翼、雞軟骨串、五花腩串、燒賣等等， 每一樣味道都唔差，而且店舖雖細但都坐得好舒適，間唔中過黎食下宵夜都唔錯！價錢又唔算太貴，平均每人$150左右都可以食飽！抵食！…Read More

餐廳位於Mikiki附近，由啟德或者鑽石山地鐵站出發都可以，都係行15分鐘左右。餐牌選擇多，有散嗌、有晚市套餐同有6-course menu，海鮮／肉類／意粉／薄餅／酒類應有盡有～是日餐湯配麵包，湯係椰菜花湯，飲落去菜香之餘味道甜甜地，唔會太鹹，十分之香口。麵包鬆軟又香味十足，就係食或者沾湯食都不錯。香烤紐西蘭肉眼牛扒伴時令雜菜（5成熟），咬落去牛味濃郁且肉質嫩滑好易入口，一啲都唔會鞋又唔會過於煙韌，出色！再沾上香濃既蘑菇汁，令肉眼扒味道更加豐富惹味！時令雜菜令我有驚喜，出去食牛扒成日都唔鐘意食佢地啲配菜，但呢到既雜菜好清甜好好食，忍唔住全部食晒～（唔記得問店員呢隻雜菜係咩菜）西班牙油炸條配熱朱古力醬及雪糕，油條即叫即炸，拎上手仲熱辣辣！口感外脆內軟，可自行沾上朱古力醬／雪糕，我個人就比較鐘意沾上熱朱古力醬多啲，飲完酒身體凍凍地食一口熱朱古力醬配油炸條，簡直暖入心餐廳店內好有特色，有土耳其風格，打卡一流而且環境靜靜地好chill，好適合同朋友飲酒談心～…Read More

紅日12點開門已經有4-5組人係到排隊，我地都好好彩可以第一輪入到，入到去見到餐牌寫住得60分鐘進食時間都嚇左一跳，仲以為一間西式餐廳會可以比人慢慢坐底食🤣🤣午餐都算多選擇，我就叫左個夏威夷風情薄餅都幾大份，食剩左兩舊🤣 料都幾多，個皮脆脆地幾好食。再叫左一份雞翼，有兩種口味，玫瑰蜜糖同香辣味，玫瑰蜜糖好好食，有淡淡玫瑰味甜甜地好易入口，不過香辣味就麻麻地，酸味好重，辣味就唔係好出，所以我推薦大家食玫瑰蜜糖雞翼👍🏻環境都坐得舒適既，不過啲員工態度真係麻麻地😂😂…Read More

國慶就諗住同屋企人去餐好既😋 即日打電話預約竟然都約到晚上8點鐘，唔理三七廿一book左先❗❗7點50分左右到達店員已經安排好位置比我地入去，店內環境都幾細，只有7~9張枱左右。首先就揀左雞煲口味先，我地就揀左BB辣(因為老媽子唔係太食得辣🤣因為怕食雞會食飽左咁就食唔到其他火鍋配料，所以就只係叫左半隻雞🤣咁就咩都可以食下~等左一陣店員就拎個雞煲過黎，仲會幫手炒埋👍🏻我地仲加左鵪鶉蛋，本身想加埋鵝腸不過店員話已經售罄了😢😢可惜~啲雞一食落去甜甜地好好食，不過辣就真係唔係好辣🤣食得辣既人一定要叫小辣或以上🌶️啲雞肉又嫩口又惹味，越食越開胃😋😋食晒啲雞就轉打邊爐，話左個牛魔王拼盤(例)、嫩鴨血、即叫即炸脆響鈴、即叫即炸餐肉條、手工韭菜餃等等等等...即叫即炸脆響鈴等得有啲耐，不過等咁耐真係值得，因為真係好好味😭😭😭大推💯嫩鴨血我就覺得唔夠嫩滑一般般😥😥其他都好好食，不過不失，重點係店員態度好好~食滿$1200仲會送安格斯封門柳一份😍4個人都幾容易就可以食到🤣下次一定會帶其他朋友再黎食！…Read More

放學一諗唔到食咩就會去食三哥，都算係窮人恩物🤣🤣我每次都係叫雞肉+生菜，然後要酸辣湯底，唔要飲品的話只需$45👍🏻酸辣湯底就冇得揀辣度既，不過我就覺得呢個辣度岩岩好，同埋酸酸地好開胃👍🏻雞肉每一舊都好嫩口，份量都唔少，生菜就清甜好味，每一碗配料都好多，有腐皮芽菜韭菜👍🏻…Read More

呢間餐廳周不時都見到好多人係門口排隊，原來專係食牛扒既。今次就同媽媽黎試一試佢。雖然呢間餐廳專係食牛扒，不過餐牌都有其他選擇，例如丼飯、烏冬，咁我今次就冇叫到牛扒食，而係試下佢地個烏冬先🤩餐廳內有部自助機可以自己落單，當然都可以直接係櫃台同員工落單。今次我就叫左個岩盤牛肉溏心蛋烏冬賣相就普普通通唔係太吸引，不過就咁睇啲肉都幾多下，湯就清清甜甜咁幾好味，溏心蛋我就覺得熟左少少，整體黎講都不過不失既唔難食。不過人地專賣牛扒可能牛扒會出色啲？下次會再黎試下🤣…Read More

大快活既打邊爐一向都好受歡迎，晚上5點開始供應，有時7點幾去到都已經售罄晒😢😢或者個湯底得返一款可以揀😢今次我都唔輸虧，6點幾就去到🤣終於比我叫到呢個淮山湯底！肉我就要左半磅穀飼牛肉，可以揀4安士既不過就一定唔夠我食🤣火鍋配料都唔少架，有餃子、香菇肉丸、扎肉、海苔魚棒、生菜等，如果覺得唔夠都仲可以加配料，我就加左一份午餐肉👍🏻主食仲包飯/烏冬，打邊爐就一定會係配烏冬架啦所以唔洗諗😋$100都唔洗就可以食咁豐富既邊爐，勁抵！不過唯一唔好就係要早啲落去食，如果唔係就會賣晒😢…Read More

Pepper Lunch果然係大人細路都好鐘意，星期六晏晝去到要等15分鐘左右先入得😢見到餐牌有新品推出左，係牛五花燒肉丼$78，就即刻叫左黎試下😋除左牛五花之外配料仲有粟米、西蘭花、泡菜同煎蛋👍🏻不過我就覺得泡菜唔應該放係鐵板上🤣因為放係下面個啲好快就燶左啲啲🤏🏻同埋泡菜都係凍食好食啲~牛五花份量都唔少，食到最後都仲有👍🏻飯都會有紫菜係上面，非常之易入口，不過個飯分開上就好快凍，都係放埋上鐵板惹味啲🤣🤣…Read More

星期日最鐘意就同屋企人去飲茶，呢一間酒樓次次都唔洗等好耐位就可以入去，應該係因為價錢比較貴既關係，不過最近我地屋企既得呢一間酒樓，所以冇辦法只好次次都係食佢😢😢每次一黎到都係叫左藥膳鳳爪先😋首先因為媽媽超鐘意食鳳爪🤣同埋雖然話係藥膳鳳爪但藥膳味唔會真係好濃，好易入口👍🏻同埋鳳爪都好鬆軟好好吮，一吮就會脫骨，超易食👍🏻之後再叫左啲炒米粉、燒賣、腸粉、排骨、鴨腳扎...都係啲酒樓必食點心👍🏻如果唔係滿座呢到上菜速度係幾好的🤣👍🏻…Read More

天一商場黎講，想食下壽司好似淨係得呢間可以食🤔🤔呢間餐廳一到夜晚都好多人係門口等位，今次我地都等左5~10分鐘左右。餐廳都算多款式揀，有前菜沙律、刺身、壽司、炸物、鍋物、爐端燒、天婦羅.....仲有好多好多選擇!包羅萬有!我地就叫左D壽司啦、蟹籽沙律、同一啲炸物，呢間係用紙仔落單既，直接係紙到寫上你要既食物編號就可以👍🏻蟹籽沙律$35，好大碗，有蟹籽蟹柳絲同青瓜絲，食落去超清爽鮮甜，勁啱夏天食用🤩芝麻雞翅$39，見到餐牌話係必食就叫黎試下先！雞翅炸得香口，唔會乾爭爭，肉又嫩口多汁🤤💯壽司都唔差，正正常常👍🏻不過我就覺得啲員工服務態度唔係好得，比錢埋單既時候唔知職員定經理係一句野都冇講過，係一粒字都冇，都唔祈求會同客人講多謝晒個啲說話，而係連總共幾錢都唔講😂😂就咁企係到等收錢，令人無奈。…Read More

又到糧尾，又到大家樂食飯既時候，大家樂周不時都有D優惠既餐，今次就係洋蔥雞扒煎蛋飯，承為$40包熱飲，真係幾佛心😍😍食過幾次都感覺唔錯既，不過等叫籌既時間見到有塊好燶既雞扒，心諗唔會係我掛！？ 點知驚個樣黎個樣，真係叫左我個號碼😢😢真係GG了，個下好想開口叫職員換過塊比我，但店員一副理所當然既態度令我卻步左，同埋都驚佢換塊比我個陣會加料比我，所以唯有硬食啦😭😭平時我都會食雞皮，不過今次真係食唔落，好艱難咁切左塊雞皮走食肉就算，其實除左塊雞皮其他都唔錯的，粗粗地又當一餐😮‍💨…Read More