sylvia996's Profile

我自己一向中意食韓國菜，但香港黎講韓國菜性價比通常比較低，今次呢間係冇令人失望。店舖貼滿唔同懷舊主題嘅海報同旗子，令人真係置身於韓國一樣。我地2人叫左細嘅八爪魚海鮮鍋同半份柚子炸雞。八爪魚鍋一上枱份量多到嚇親我地。除咗有一大隻八爪魚外，原來仲有其他海鮮，例如大蝦、青口、鮑魚、扇貝同硯等。所以等滾左之後，海鮮嘅鮮味出曬黎，令鍋入面嘅蔬菜類索曬湯嘅精華，更加好味眾多海鮮之中，最好味的是大蝦同八爪魚，好鮮同彈牙；而且湯底飲得出冇咩味精，因為飲完唔頸渴至於柚子炸雞原本我地都抱不大嘅期望去試，但非常有驚喜！炸雞因為真係即叫即炸，外皮好香脆，而且係採用左韓國柚子醬，解去炸雞嘅油膩感，所以我地清曬成碟另一樣值得一提嘅係，店員服務態度也很好。除咗會問客人需唔需要影相、為你剪海鮮等你方便食，甚至會問你夠唔夠飽最後仲會提供埋甜品添！…Read More

以前係銅鑼灣食過呢間米線，最近知係旺角開咗，方便左自己，所以約朋友行街再食。覺得分店非常乾淨，唔會好油膩。一坐低見到餐牌都多左新款小食，有鴛鴦炸饅頭、炸皮蛋豆卜等。我地二人各叫左一人餐的小鍋米線，包一碗兩餸米線、一款小食及一杯飲品，套餐都只需$76，係非常抵食我叫左金獎腩肉、墨魚頭中辣小鍋米線（少米），一開頭見到店員送上台時嚇了一嚇，好大碗腩肉好淋身，而且好入味；墨魚頭就切到有啲細粒，但都冇阻到佢爽彈嘅口感。其實最中意係佢既湯底，唔會太咸，夠酸夠辣。而朋友則叫左小辣的鱈魚豆腐及墨魚頭。對於佢黎講，小辣就岩岩好。另外：一人小食我地係叫左麻辣手撕雞同滕椒魚皮。我地都超級中意個魚皮因為味道岩岩好，不會太辣，而且食到魚皮非常爽脆，勁有口感；手撕雞雞肉唔會太鞋。最後每人仲叫左野飲，罐裝凍檸茶同豆漿，食到最後真係棒住個肚走。下次會再試其他小食…Read More

最近發現T.O.P呢間八木橋日式燒肉做緊優惠，所以拉埋朋友黎試呢個「雨」嘅套餐，做緊半優優就可以享用A4和牛仼食加超過100樣既美食。首先，套餐頭盤係有A5和牛西冷、韓風醬油牛肋肉、鮑魚、比目魚同味淋魚乾等。A5牛和真係好大塊，而且色澤好粉嫩，油脂分布好均勻。牛肋肉醃得好入味，旁邊有燒烤小貼士教大家慢火燒15分鐘就食得，係個細心的教學，等大家食到最好味嘅肉咁多樣之中，最令我驚喜嘅係比目魚，肉好嫩，不會腥之如仲帶點甜甜嘅味，同樣教學有教大家點燒除左頭盤，套餐仲包A4和牛、海鮮、羊同甜品既仼食。A4和牛嘅部位都多，如後腰肉、肩胛肉等，其中覺得三角腩係最好味海鮮方面我地叫左生蠔，都算大粒，口感係偏柔滑同淡淡嘅海水味，係值得encore 。食燒肉一定唔少得嘢飲，雖然選擇唔算好多，但都有基本嘅汽水，我就揀左菊花茶，解一解熱氣…Read More

旺角樓上cafe選擇眾多，今次揀左呢間部屋咖啡室，佢除咗提供唔同款式set同食物外，仲可以借Board Game玩嫁，岩曬同一班朋友黎眾會由於今次我地得2個人，就叫左個性價比都幾高既二人餐，可選一款十吋pizza，一款意粉或飯，小食炸蝦餅及可選兩杯飲品，只需要$488。主食pizza 🍕:我地叫左BBQ雞肉pizza出爐仲係熱辣辣，大概有6塊左右，兩個人share岩岩好。餅底厚度唔算厚，係我中意既口感，而且面頭材料份量都多，BBQ醬同雞肉都夾，配料中的洋蔥很甜意粉🍝：辣虎蝦意粉，對於我地黎講唔辣，反而有蕃茄味比較出。虎蝦雖然得一隻，size適中，但勝在仲有其他海鮮，有青口，魷魚等，去配合蕃茄的酸甜。炸蟹餅：有6件，炸得剛剛好，外脆內，食到滿滿的蟹肉，點住泰式辣醬食，呢個組合一定係一百分飲品🥤：我地點左奇異果沙冰及水果茶。飲品份量好大杯，特別係水果茶足料濃味又大壺，重點是不太甜，利用水果自然的甜去帶出，我一個人就飲唔曬，如果可以就同朋友share…Read More

中上環一帶實在有太多隱蔽的小店，絕大部份都係小巷發現，今日決定黎試下呢間車仔麵，食完覺得好值得支持。首先，望落空間看似唔大，但座位都幾多嫁。我地二人，一個叫左招牌麵，一個就叫自選三餸麵，一份小食，兩杯野飲。招牌麵足足有5款餸咁多，包括秘制辣魷魚、豬腸、豬皮、牛腩同蘿蔔。可選湯底或者撈麵，黎到食車仔麵一定要選湯呀！仲有五款醬汁選擇，特別d嘅有秘制辣醬同四川麻辣。我就揀左要米線底秘制辣醬。至於餸方面最中意就係豬皮同蘿蔔。豬皮魚好爽脆，吸收埋辣既湯汁，好惹味，蘿蔔清甜而且唔會有渣。同行朋友就叫左三個餸雞翼尖、生菜同辣魷魚，沙爹湯底配烏冬。雞翼尖入味，魷魚夠爽口。沙爹湯底非常濃郁，好香花生味，食落有d似馬來西亞食串燒個種沙爹香。雖然叫左少烏冬，但份量仍然好多。我地仲要叫左小食沙爹金肚，非常入味同好淋。真係食到肚脹脹咁走，好滿足…Read More

佐敦及尖沙咀一帶有好少美食，係經過恆豐酒店發現到呢間餐廳，主打食鑊氣小炒同豬扒米線。不過今次想食另一樣，就係百川秘制雞煲二人揀左小辣嘅秘制雞煲，店員直接係你面前炒，所以都要等大概十五分鐘先食得，係店員翻炒期間，逐漸聞到好香既麻香味，而且份量都幾多。食落原來小辣都幾濃味，愈煲愈濃雞件已經入味且多肉，配料洋蔥食落非常淋同甜我地覺得係佢愈煲愈濃味既期間，就最岩落烏冬既時候，等烏冬掛曬個麻辣醬汁，就係最好味既時候！然後再落安格斯肥牛，去做烏冬嘅主菜。肥牛叫左細份都好多，肥瘦尚算平均，即使湯濃郁都冇蓋過牛的味道。除咗肥牛，我地仲叫左墨魚滑同鮮蝦雲吞。兩者之中，墨魚滑係比較好食，食到墨魚粒，而且彈牙。雲吞雖然真材實料，可能皮比較厚，食落口感略為遜色。不過整個雞煲黎講，係不錯的！…Read More

西洋菜南街真係好多餐廳，但經過呢間特別多人，就決定食呢間二人叫左兩碗麵，兩杯野飲，一份小食。蕃茄蟹肉扎肉湯檬粉同生牛肉湯河，兩款之間比較出色的係蟹肉湯檬，蕃茄酸酸地，但並不會蓋過蟹肉既鮮，食落有兩種層次，再加上檬粉會索晒啲湯，簡直越食越開胃相反，生牛肉相對黎講湯頭比較清，再加上少少辣椒同青檸，亦不錯的。不過兩碗都係超級大碗，好似食極都仲有咁跟餐亦都可以追加小食，我哋追加咗細嘅越式豬頸肉，份量適中，外面少少脆，唔會好乾身，而且側邊有各種醬料比你配黎食呢度既飲嘢都好大杯。叫咗芒果沙冰同埋椰青芒果沙冰係直頭滿到瀉，店員都有溫馨提示，叫用匙羹食左少少先。食得出係真材實料，唔係好假個隻糖水，值得一試。至於椰青都屬正常清甜。整體黎講，質素屬於中上，最緊要係店員服務好，價錢唔太貴…Read More

早排夜晚11點宵夜時間經過呢間串燒竟然都座無虛席，於是今日同朋友決定一早嚟試，好彩黎得早，一到七點就full晒，就知道值得了！呢度嘅食物都幾高質素，我哋為咗叫多啲嘢食，淨係叫一個主食，就係牛肉烏冬，烏冬可以選擇加唔加蔥同海帶，兩樣都加就令個湯更加濃郁。一開始我以為牛肉係普通嘅急凍肥牛，但原來係新鮮牛肉，好有牛味，唔會太韌。食串燒我哋就最鍾意食海鮮，我哋叫咗扇貝、帶子、青酒煮蜆。扇貝同帶子同樣地都係揀咗蒜蓉味，不過兩者之間，扇貝嘅肉係比較嫩、帶子嘅肉質係比較實。相比較之下，比較喜歡帶子嘅味道。至於清酒煮蜆朋友就讚不絕口，因為蜆肉飽滿，味道非常鮮甜，非常推介。肉類嘅串燒，我哋叫咗羊架、鹽燒牛小排、明太子雞翼同芝士腸等等。羊架同牛小排係燒到剛剛好，唔難咬；明太子雞翼係好飽滿，明太子係有少少辣，雞翼嘅外皮係脆脆哋，增加口感。芝士腸都有佢嘅特別之處，外皮好脆，但完全唔會乾身影響內裏嘅肉質，都幾令人驚喜。我哋仲叫左個比較少見嘅肉鬆茄子，原來呢個配搭都幾惹味，好似平時食小炒嘅感覺。食串燒點可以少得有飲品同甜品呢，我哋叫咗大話七同埋青檸梳打。兩杯嘢飲都好大杯，而且好夠氣同味！最令我驚喜嘅係呢度有自家製嘅焦糖芝士蛋糕，表面嘅脆卜卜既焦糖同芝士蛋糕非常之夾，芝士非常軟身，好推介！…Read More

係香港居酒屋就多啦，但能夠食到新鮮磯燒日本海產既就少之又少。今次上網搵到呢間裝修好有日本舊式居酒屋，而且真係係你面前燒生猛既海鮮，好有風味我地今次就叫左1份帶子磯燒、醬油木魚帆立貝同芝士蟹肉甲羅燒。帶子肥美厚實，帆立貝有埋蕃茄去帶出帆立貝既甜。完全唔洗自己動手，職員會幫你掌握火候。一呢到既選擇實在太多，我地仲叫左生蠔、鮭魚冷麵、自慢焱丸號同溫泉蛋天婦羅。生蠔好大隻，肚位脹身飽滿。我地二人都比生蠔驚艷到，因為係好清甜，本人較怕食到太重海水味。至於鮭魚冷麵係將冷麵切成一條條放入醬料或蛋食用，係比較特別既食法。焱丸號係有非常適合打卡，用三文魚、帶子同海膽等刺身同小卷去堆砌，制造出澎湃既感覺。值得一讚係個海膽，入口即溶，帶有淡淡海水鮮味。終於黎到介紹主菜啦，我地叫左個蟹雜坎做主食，由新鮮既蟹去煲成粥，再加左滿滿既蟹籽去增加粥既口感。好欣賞呢到將蟹腳分開一半，當食既時候好容易將蟹肉甩出黎。最後，黎到居酒屋一定要叫野飲啦！一杯白桃梳打一杯波蘿梳打，仲有成條新鮮波蘿添呀！真係好滿足…Read More

一直以來，都好想試呢間好有氣氛餐廳，今次趁朋友生日終於可以一試！以簡約黑白為主題，有户外同室內，再配埋音樂，好chill我地2個人叫左2款主食，1個小食拼盤。炭燒牛柳配黑松露磨菇醬同避風塘風味硯墨魚麵。避風塘硯墨魚麵一上枱就已經覺得好香，麵質剛剛好，唔會太淋，硯隻隻都夠鮮而且好飽滿，不過作為重口味人士既我，就略為覺得唔夠鹹，整體上都可以。相對麵黎講，我覺得炭燒牛係好出色，因為真係食到炭香燒過既味，而且牛柳非常淋身，再配埋個磨菇醬去帶出個牛味，好滿足除咗2個主食之外，我地仲叫左小食拼盤，可以仼選4款，我地叫左薯條、魷魚、洋蔥圈同芝士條。熱辣辣就一定嫁啦，但原來份量都幾多，其中最欣賞就係魷魚，好彈牙！而且拼盤仲有3款醬料，一次食到好多款味我地仲叫左2杯無酒精野飲去配翻d美食，如果第二日放假，必須黎呢到飲翻杯酒！我地叫左YU-NI同 Air Force Red。YU-NI係薄荷配柚子，好清，至於Air Force 就相對甜少少既荔枝味。…Read More

我地係晚市時段食，2人叫左鴛鴦鍋。一邊係麻辣湯底，另一邊係豬骨湯底。首先麻辣湯底係正常，味道唔差的。但係豬骨湯就完全唔得，雪藏味好重，淥完野食都係影響左野食既味道，所以我地果斷只淥麻辣湯。另外食物性價比低，叫左手切牛，上枱只有7片，但收費都唔平。另外叫左1米長既雪花牛，完全沒牛味，而且全部有軟骨，影響口感。其他既配料就正正常常，因為都係普通既菜，鮮腐竹同炸魚皮等。成餐飯咁樣都要快$1000，性價比低，完全係個不好既體驗…Read More

太子真係有好多值得支持既小店，今日就同朋友試左呢間既意粉同小食。兩個人叫左一份主食（慢煮西班牙豬鞍）、一份意粉(蒜油花椒蜆肉意大利麵）同一份小食（蜜糖芥茉炸雞粒），人均大概200，晚餐選擇黎講，都幾抵食慢煮西班牙豬鞍份量正常，有沙律同薯蓉。豬鞍肉質夠淋身，外層沈上調味料帶出豬既肉汁。自己就好怕食到味道好重豬既食品，但呢到就冇呢種奇怪既味啦，所以都推薦比大家試下不過，相對出色啲就係個蒜油蜆意粉，意粉煮到岩岩好，唔會大硬或者淋，而且味道好夠。雖然唔係話辣得好過癮個種，但蒜油香同蜆肉係好夾，最緊要係上枱時，意粉擺到靚一靚，岩曬用黎打卡最後，蜜糖芥末雞粒，係即叫即炸，所以係好熱同脆，讚一讚個蜜糖醬同雞粒好夾，芥末味亦夠出…Read More

自從圍方開左之後，多左黎大圍發崛餐廳。係好岩約埋三五自己暢飲一番最近啤酒仲做緊買一送一添無論食物定飲品都有好多選擇，我地得2個人，所以叫左一個芝士大啡菇黑松露意粉同德國鹹豬手意粉煮到岩岩好又足料，大啡菇上既芝士先燒到焦焦地，切開後非常多汁，再配鹹鹹地既芝士德國鹹豬手配點沙律同薯條，一上枱就知道係即叫即整，熱辣辣。豬手唔會太鹹，外皮好脆，但唔會好乾，裏面既肉仲係好juice，仲要食到滿滿既骨膠原，再點黃芥辣，冇得彈。不過，黃芥辣係有點攻鼻，所以食既時候要小心啦我地二人仲一人叫左一杯cocktail。melon sour 同blue Hawaii。bule Hawaii 顏色比較靚，充滿椰子香melone sour 味道比較fresh，係蜜瓜同檸檬既清，好岩食完豬手飲！值得一提。呢既環境係好舒服寧靜，好岩同朋友傾番一陣計…Read More

細細個有得出街食鐵板燒就覺得好幸福今日同媽咪就黎懷緬一下以前既幸福。我地一人叫左一個餐，我叫左每月特選套餐帶子西冷牛扒7成熟配蒜蓉汁，套餐除左有牛油餐包、餐湯之外，仲有雜果沙律、甜品同一杯野飲，都只係$178。份量同以往一樣咁大份，最開心就係聽到d汁淋落鐵板上面既聲，非常療癒。面頭兩粒帶子都幾大粒嫁，即使有蒜蓉汁都唔會蓋過左佢既味，肉質鮮嫩。點解會叫7成熟牛扒係因為自己唔太中意太生既牛，對於我黎講7成熟係岩岩好，不過對於媽咪黎講就可能靭左d。媽咪叫既係牛柳套餐，不過呢個餐少左雜果沙律同甜品，但依然份量十足，有兩大舊而且又厚！牛柳叫三成熟，在透過鐵板嘅熱力，令到牛差唔多五成熟。牛柳肉質相對地比較嫩，口感豐富。媽咪呢一個係額外加左蒜蓉，加完之後仲香口左，令牛更加突出係牛嘅底下仲有薯條同薯角同少量嘅蔬菜，唔洗齋食牛咁dry對於今次嘅晚餐非常滿意，所以下次決定叫埋爸爸黎，再食過…Read More

係尖沙咀做完脱毛療程，見到附近大大隻字寫豆花魚，自己未食過，見環境又ok，所以二話不説同朋友就行左入去。我地叫左招牌香辣豆花魚（小辣），一上台都幾香，面豆已經見到大量豆花，配菜有豆芽、酸菜同薯仔。魚質尚嫩，有少量既骨，如怕有骨，可以選擇加$6要巴沙魚，就唔使怕啃親。呢個酸菜魚既主角對我黎講係豆花，雖然冇豆腐口感豐富，但佢既豆香味係比豆腐出，即使有重口味既香辣，都蓋唔過黃豆香呢個湯底既酸麻香好適合用黎打邊爐，所以我地都叫左豬大腸同竹笙，原本仲想叫埋牛肉，但實在太好賣啦，冇機會叫到。不同豬大腸同竹生都唔差嫁，豬大腸洗得乾淨，唔會有臭味，竹笙就吸收曬d湯既酸麻就一定好味見冇牛肉，我地就叫多左2款小菜，分別係小酥肉同脆餅。小酥肉係可以點辣粉食，但個人認為就咁食味道更佳，香脆熱辣，兩個人好快ko左有份最後，兩個人叫左凍檸樂…Read More