Becky Wu's Profile

今年完全未食過大閘蟹，於是同屋企人一行三人一齊去食，今餐晚飯有驚喜，去咗好耐沒去的雋園。因為天氣乾燥，所以預訂了西洋菜豬肺湯，雋園的燉湯，同屋企煲的湯完全唔同，非常鮮甜，有好多杏仁（但完全冇苦味！）感覺好滋潤！豬肺液洗得好乾淨，西洋菜非常鮮嫩，食湯渣的時候，完全唔覺食緊湯渣，讚！跟住要咗一個菜膽雞，清清地，唔肥膩！另外，當然要食我必食嘅菜肉雲吞（即係蝦膠），加埋酸甜醬，非常好味，唔係度度食到！跟住就到主角，係五隻大閘蟹（四公一乸），清洗得非常乾淨，至於好唔好食？自己睇蟹殼張相就知道啦，哈哈！仲有薑茶驅寒，老闆真係心思細密，讚！因為怕肥，所以冇叫炒粉麵飯，叫咗個蛋白蒸豆腐，因為有蝦，所以非常鮮甜，豆腐亦好滑，就咁當主食，味道剛剛好！正全晚非常滿足，大家都食得好開心，有時間一定會再嚟！或者下次可以試吓燒烤，因為晚飯時屋企人聞到燒烤味好香，下次可以叫啲燒烤套餐嚟試吓！…Read More

重開晚市堂食之後，四周出沒去搵好嘢食，今次經過一間新開嘅餐廳，門面見到好似兩餸飯咁，但原來係食泰國嘢，見有幾得意，所以坐低咗晚飯，原來呢間餐廳之前係喺旺角，跟住因為疫情關係，閂咗門，老闆娘都返咗泰國，跟住喺熟客嘅要求下，先再重開，第一次食，我叫咗我最鍾意嘅香葉肉碎飯，出名嘅燒豬頸肉，同埋馬拉盞炒通菜，唔使我多講，見相都知好好食，佢係我食過最好食嘅泰國菜，難得嘅係嘢飲同甜品都好出色，而且價錢大眾化，必定再去幫襯！(順帶一提，佢嘅醬汁全部自己整，所以再熱返食，一樣咁好味，而且老闆娘Bonnie，好好人！係咁良心小店😊👍🏻）…Read More

因為疫情關係，閉關咗好耐好耐，今個星期開返食肆晚飯堂食，即刻衝咗去我飯堂度晚膳，嘩！全場爆滿， book咗幾日先book到，非常多人，但食物質素仍然好好，今次訂咗個古法羊腩煲，係黑草羊腩，價錢一樣優惠，我加咗$40要咗個菜，羊腩全部係腩肉，無骨，肥瘦適中，最正係個汁（見到廚師嘅功力）用生菜索埋啲汁，正呀！可惜因為人太多，見到餐廳樓面好忙，見佢哋忙到氹氹轉，香港人工作壓力大，原來份份工都一樣大，可能因為人多，所以食物上菜時慢咗啲，但樓面都好有禮貌，即使好忙，但仍然同我哋解釋，話因為人多出菜較慢，好抱歉，我自問都係打工仔，喺逆市中仍然能夠生存，未執笠，已經好難得㗎啦，希望你哋過咗困難時期，有錢請多啲人，可以回復疫情之前嘅服務水準啦！整體而言，性價比仍然高，最重要係廚師嘅手藝，的確同出面一般嘅私房菜有分別，喺大角咀一間難得好食嘅中菜！…Read More

今晚又去咗喜聚坊晚飯，今次叫咗兩餸一湯，無味精老火例湯係一向好評，不用多說，今次想評論嘅係兩個新菜式，冠軍作係「千遇味分中蝦脆脆米」堅好食！！大家自己睇相啦，好幼嘅米粉軟身又脆口，d蝦剪曬腳，卜卜脆，連蝦殼都食得，個汁有d似千層脆個汁，有金華火腿味，正！另一個值得推介嘅喺新鮮鵝腸，好惹味！d鵝腸洗得好干淨，仲每段打一個結，好用心，也許出色的廚師都要用心，同埋對食物有種執著先會煮到出色嘅菜式，今次呢兩個小菜好有驚喜！…Read More

經過中環，突然想食雪糕，於是就去咗好耐無去的holly brown, 叫咗兩個甜品，兩個都有一球雪糕，除咗個綠茶waffle有d太濕，整體的感覺不錯，坐得也相當舒服…Read More

有好一段時間無去喜聚坊了，最近同事提起有間餐廳的銀牙肉絲炒麵好好食，原來係喜聚坊，有好一些日子無去，原來這餐廳巳上了好幾次電視, 要提早訂位了，好彩最後都食到失傳嘢，今次仲要係新嘢，「金瑤古法海參條」(有圖有真相，真心唔錯），因為太肚餓，沒有每個菜式都遂一拍照，其實我仲食咗「炒時蔬」、「黃金蝦球」、「夜明珠」同「杏汁白肺湯」，味道保持一貫的高水準，因為太肚餓，眼闊肚窄，本來仲想叫多幾個餸，好彩老闆㩒住我，叫我唔好叫咁多，會食唔曬…Read More

久違了的餐廳，2015-2016年常去的餐廳，今日老公突然醒起佢，於是又去咗食飯，食物水準完全無下降，賣相和味道均佳，最出色的係個雞，嫩滑又有雞味，甜點精美又不太甜，而最有驚喜的莫過於個店長，佢仍然係度做，而且係因為佢服務好我先認出佢，當我讃佢時，佢回答說「我哋個個同事都好好㗎！」...難得難得！其實，一間餐廳是否成功，食物和服務是同樣重要的，「兩樣都好」真係好難得，仲要maintain到就更難得了...…Read More

老公話喺旺角開咗分店，應該唔洗排太耐，於是，捉咗我去試，叫咗三款唔同嘅飲品，叫咗熱帶百香綠, 雪絨白桃烏龍, 同埋焦糖菠蘿, 其中限定大口吃水果茶與雪絨奶蓋系列都係新產品，我個人覺得焦糖菠蘿最吸引，茉莉花綠茶加入菠蘿粒、蘋果片和百香果醬，再放上焦糖烤菠蘿，烤過的菠蘿表層焦脆，香甜多汁，茶底果味濃郁，甜度適中，至於雪絨白桃烏龍， 稠密的芝士奶蓋，配搭白桃味嘅茶，非常清爽！…Read More

Weekend去咗試間新嘢，鋪面好似平平無奇，冇咩特別，食物亦都只係standard嘢，但原來係間相當出色的餐廳，個三文治啲炒蛋好滑，好有蛋味，但完全唔油，比北海道茶餐廰個炒蛋更好食，至於嘢飲，亦好出色，叫咗奶茶，同埋鴛鴦，兩樣都好有水準，奶茶d味道真係拍得住奶茶王d味道，至於鴛鴦，咖啡同茶嘅比例好好，味道配搭得啱啱好，非常唔錯，而且職員好有heart, 好有禮貌，亦會主動問食客的意見，我覺得值得再幫襯…Read More

去咗試w hotel嘅Sing Yin, 環境好唔錯，好啱傾計，其中有兩款食物，值得推介，一個係fried rice with abalone，而另一個亦係炒飯，fried rice with crab meat, 兩樣味道都好有水準, 炒飯粒粒分明，又唔油，蟹肉鮮甜，亦唔係罐頭貨色，至於鮑魚，係一位位上，每人一個小蒸籠上，有荷葉包住d飯，上面再加上一隻鮑魚，睇賣相已經好吸引，而且，隻鮑魚好入味，炒飯有荷葉香味，超水準之作值得再幫襯！…Read More

上星期有一日去咗wet, 地點係w hotel嘅woobar, 叫咗支酒，味道唔錯，好易入口，但又唔太甜，另外，叫咗3樣食物，小食pop corn chicken, 作為小食ok，但稱唔上係美味，主食叫咗個fish and chips 同埋 sandwich，兩樣水準都above average, 個sandwich好好食吓，只係麵包唔夠脆，chips好食，炸魚亦唔算太油，只係魚肉無咩味，環境好nice, 好好hea, 好relax …Read More

今次試咗間新嘢，食泰式外賣，我叫咗香葉肉碎飯，但因為我本身唔太食得辣，所以，叫咗走辣，肉碎幾入味，但可能因為我叫咗走辣，所以，吊唔出香葉嘅味，而且有d油，但overall算好ok，仲有加隻煎蛋，算係有誠意嘅…Read More

又到茶餐廳開飯了，已有好一段時間無幫襯香港地了，今次食物依然一貫水準，不過不失。個焗豬扒飯濕咗d，但味道ok，星洲炒米亦濕咗dd，幸好咖哩味道唔錯，小菜以鏈鎖茶餐廳水準嚟講亦算ok…Read More

因為外買員工的惡劣服務，而停了叫外賣一段時間了，今日又再試吓跟同事一齊叫吓，服務似乎無咩改善，今次好遲d外賣先送到，但食品質量就唔錯，飯量適中，而且少甜的奶茶亦真有少甜。…Read More

之前，同事請咗我去呢間餐廳試佢哋嘅tasting menu, 好有驚喜，睇相都知佢哋d食物有幾精美，相當吸睛，食材選料亦非常講究，配搭同presentation好明顯花咗好多心思，值得一讚，而且每道菜均配上不同的酒，配搭得很得宜，上菜速度亦值得一讚，逐道菜一道一道慢慢上，（但又唔係極慢果隻），上菜時又遂一介紹，服務好加上環境優美，喺一頓好唔錯的fine dinning, 加上有good accompany 更加是一件美事…Read More