peterho0325的個人專頁

叫左個雲吞麵$38一碗，點知黎到係有堆麵係生，完全食唔到。同侍應講，佢拎完我兜麵入廚房，放5分鐘後拎返啱先碗生嘅雲吞麵出黎。好似當食吓係白癡。然後再同侍應講，佢再返出黎，同你講碗麵係熟煮咗，咁嘅服務態度不如唔好做啦。收咗錢就唔理人。…查看更多

諗住試下呢間燒味，見佢咁少人入去坐下。落左一份燒鵝瀨，一份西多配燒雞翼。短頭髮女侍應上錯曬啲餐，上左個燒鴨瀨俾人，仲老屈客人落錯單，個女侍應好似唔識字咁，唔識睇人落單寫啲咩。永不錄用。…查看更多

今日8點15入去食呢間垃圾鋪頭。8點40分先到第一件野食。西班牙海鮮炒飯出黎可以得番一半，有飯焦，海鮮黑曬，燒濃曬。不知所謂。第二件野食，雞翼拼腸仔加蝴蝶蝦。蝦硬又燒過頭，好似冇廚師咁。同侍應講野食有問題，啲侍應係客人面前話番個客轉頭，仲覺得客人唔岩，請埋成班垃圾暑期工，唔想做，只想有錢，趕收工，想問下有邊間食店可以容許下屬咁做，唯一可能係呢間鋪頭根本無經理，無管理，上樑不正下樑歪。呢間垃圾永遠唔會再幫襯，貼錢買難受。Pizza Hut …查看更多

放假同屋企人黎食餐下午飯。一人一爐好岩疫情環境，叫做安心啲，坐既位置都隔一段距離。先講講食材1.澳洲和牛扒180g ($198) 黎到見到塊肉係暗灰色 唔係鮮紅 感覺好似放左好耐無人叫，肉質好厚，唔軟唔林，難燒難吃，評分一星，好難食👎👎👎伏中之伏2.牛小排牛板鍵200g ($128)肉質薄，燒起上黎好易熟，幾好口感，味道不錯👍值得再叫。3. 壽喜燒牛五花連溫泉玉子($38)有油脂出，幾搶火，唔使燒太耐，燒好後點玉子，好味😋…查看更多

每次來到赤柱 都必定會來散水餅（waffle man) 最愛食佢整既waffle 有士多啤梨sauce加雪糕🍦係上面 一試難忘仲有款玉桂蘋果味waffle 都係值得推薦的…查看更多

Shopping shop到攰就黎到呢間酒店，服務可以，叫左個套餐，有龍蝦伊麵同炸雞。夠曬新鮮熱辣，上湯焗好好味😋炸雞見脆卜卜。2個人份量岩岩好，價錢幾平，同埋佢片皮鴨$78真係幾抵，可惜2個人食唔曬，唯有下次多啲人食再叫。…查看更多

行到肚餓，諗住搵間餐廳醫下肚，黎左食越南野-越一（粉嶺）聽朋友講呢度係美食沙漠，我初頭都唔信，體驗過下就明白。叫左雞絲扎肉湯金邊粉，地獄線難食，問侍應佢竟然解釋係雞扒整成，匪夷所思。總之食多幾條咬到你牙都可以甩幾隻。👎👎👎👎👎其他食物同飲品中中間間，可圈可點。唯一覺得個西瓜汁太甜，落糖水落到重手左。結論，無下次。…查看更多

今日同朋友相約黎到呢間日式燒肉店 - 環境好似日系爐端燒。叫左兩款拼盤 1.深燒牛 - 盛2.深燒雞肉拼盤先講第一款 最愛味係鹿兒島A4和牛 濃濃脂肪加上半入口即融 👍👍一口霜降牛係肉同脂肪各佔一半 食落係幸福既味道😋特級安格斯肉質偏厚 可能燒耐左少少 導致肉身有少少煙韌 下次可以早少少拎起 牛舌 薄身快熟 都係肉質鮮嫩🤪🤪牛頸脊唔算韌 味道還可以燒金菇牛肉卷 店員有主動教燒前要點醬汁同燒到一邊硬左 先番轉另一邊再燒 服務夠體貼😸😸至於雞肉拼盤，免治雞肉串，燒雞胸軟骨串，雞皮串，雞軟骨串都係我最愛。值得一試👍…查看更多

朋友推介呢間黃店茶樓，於是黎呢度試下飯聚。首先排隊拎票等入去，足足排左45分鐘。坐位可以。點心價格尚算可以。食物到餐時間幾快。基本上係叫到成臺都係野食。食完所有野坐左2粒鐘左右，就崔我地埋單。Ok fine. 送我地出門果時笑笑口。到埋單俾錢，我朋友拎$500出黎，收銀找少左$20俾佢。到出門口約1分鐘後經點算發現，入番去同收銀講番，點知佢話岩先啲錢我地無收番，入左貼士箱，呢度有曬CCTV，我地成班員工睇住，唔會俾番你。我立即解釋朋友可能睇漏眼見唔到，佢地頓時黑面同靠惡，呢個服務態度完全不能接受。大大間食肆為左$20兇食客，此舉不會接受，唔會有下次，即時食飯幾好食都無用，永不錄用。…查看更多

棋子燒鵝賣相一流，多肉同埋夠滑。肉汁分明。值得一食 一食就會不停回味。燒鵝配瀨粉一流，平靚正。附近沒有任何一間燒鵝鋪係性價比高。唯有棋子燒鵝。一人份量好足料，最緊要多汁，…查看更多

今日2個人繼疫情後黎食一平安。點了鐵板炒麵，熊本黑蒜油豚肉拉麵，鐵板豆腐，雞翼餃子🥟4樣食物都係水準以上 回味無窮 由2012年試到而家 野食水準不跌反升 值得推薦👍👍價格中等 服務可以 期待下次再來😋係呢度食野有家鄉（日本）的感覺。…查看更多

好耐無黎觀塘分店，諗住醫肚仔。叫左壽喜燒，味道還可以，可接受。到豚骨拉麵🍜 鹽到仆乖 啲麵硬到hihi 0分👎👎。雞軟骨，乾身且無肉 -1分👎👎👎。最後黎料，個串燒盛合係地獄級難食，所有鹽食既食材完全無落鹽，黎到已經唔熱。總結，黎呢度食同做善信無分別，無下次👎…查看更多