amanda124的個人專頁

一品粥好吃，粥底綿滑，不會漿住喉嚨，很好吃。腸粉最喜歡，是大陸款，粉皮輕身起皺，一睇已經知岩我心水。配芫荽好好味。豉油王炒麵就普通咗啲，配甜醬立馬變好吃。如果炒麵可以加芽菜就好啦。豆漿無糖，豆味不太濃，但都可以接受。…查看更多

午餐好抵食，人少，枱好大張，座位闊落，咖哩飯選擇很多，豬、牛、雞、羊、魚也有，我點了咖哩牛肉飯$55，咖哩味濃，辣味足夠，薯仔好味，洋蔥、青紅椒足夠，牛肉數量都好多。唯一不足的地方就是牛肉下太多鬆肉粉，入口怪怪的，味道不好。下次來要改為點咖哩雞飯，拒絕鬆肉粉。洋蔥豬扒飯味道不錯，豬肉份量很多，豬扒又鬆又夠淋，小朋友都岩食，蕃茄，洋蔥量也不少，味道甜甜酸酸，送飯好開胃，朋友話好味，$48超級抵食下次去開上水都會再幫襯。…查看更多

鰻魚飯，超級厚身，仲燒到燶埋邊，醬汁夠多夠厚，好好味。$65 真係超級抵！哩度food court 中午時份都好容易搵位，坐係大窗戶隔離食超厚鰻魚，都係第一次覺得food court係咁疏乎😋😋…查看更多

牛肉burger有驚喜，好味喎👍，塊漢堡牛扒有1吋咁厚，好多肉汁，好好味，午餐menu內$130幾，散叫menu內就$160幾。朋友點的魚魚午餐佢都話好味，side dish既瓜瓜菜菜都好味喎。再點左甜品apple crumble with ice cream. 好好味，不會過甜，蘋果酸酸甜甜，配上雪糕及pie食，好鬼夾。個pie上枱時仲係好熱，太好味了😋見到佢地有afternoon tea，平日至到5點，價錢都好平，大約$100。…查看更多

哩間拉麵鋪好受歡迎, 加上有2位報紙上既食家話哩度係全hk最好味既拉麵鋪添, 所以不得不試. 星期一1:30pm黎到, 都仲要等30分鐘先入到去, 裡面好細, 只有2張長枱, 共1x個位, 坐左落左, 轉下身都會撞到隔離. 餐牌選擇不多,而且款式都差唔多, 結果點了這兒的人氣拉麵: 一品湯豚骨拉麵.一品豚骨拉麵, 真係好好味, 湯底好濃厚, 超濃既湯底仲香到無人有, 麵質也不錯, 叉燒係少有的厚切叉燒, 都算幾腍, 再加埋糖心蛋, 同超多既靚芝麻, 唔怪得之咁受食客歡迎. 結果我成食晒不特止, 仲連d濃湯差唔多全部飲晒添. 食完之後, 好滿足, 好滿意.…查看更多

次次經過哩度都排晒長龍, 今日終於有機會去試. 雖然我地排左15分鐘, 不過真係好值得. 餐廳裡面只有1x個位, 坐得好迫下. 用漫晝黎做牆紙好有日本街頭風味. 餐牌仲有好多選擇, 從來都未試過有咁多拉麵選擇, 同老公2個人揀得好開心. 心多多既我地研究左個餐牌好耐, 結果揀左個蟹肉拉麵&叉燒拉麵. 蟹肉拉麵好正. 有好多好新鮮既蟹肉, 多到我一個人幾乎都食唔晒. 麵質不錯, 有咬口, 湯底仲正, 好濃好杰好好味. 原來係海鮮湯黎, 我食完碗麵仲差唔多飲晒成碗湯, 無諗過一碗拉麵可以做得咁出色, 麵, 蟹肉同湯底一樣咁完美, 難分高下.叉燒拉麵都唔錯, 叉燒肉腍, 一d都唔"鞋"口, 湯底係醬油湯底, 很香濃, 夠晒入味. 隻蛋仲要係糖心蛋黎. 老公讚不絶口. …查看更多

哩度係食京菜&官府菜, 好有私房菜既風味. 食物水準非常之高. 不過價錢就唔平, 果碟醬汁肉絲(連包包) 要$200, 海鮮津白$100, 仲有1個酸辣湯麵$60, 2個人連加一要$380. 不過我覺得哩個價錢都好值, 哩度環境好優雅, 服務好細心, 最緊要係哩度既野食樣樣都有好高既水準, 絶對係宴客既好選擇. …查看更多

我一值都很鍾意食肉骨茶, 哩度既肉骨茶唔貴, 六七十蚊就有交易. 肉味很香濃, 肉腍, 仲有好香既藥材湯, 小火鍋一邊煮一邊食, 好有風味. 食完哩個肉骨茶, 成個人暖笠笠, 最岩就係冬天進補食. 連老公都話好介紹, 我地一定會係冬天再返去食多幾次. …查看更多

09年10月15日 星期四一直很怕中午的1-2點去食lunch, 實在太多人, 迫到水洩不通, 連胃口也沒有了. 所以我總會選下午茶時段才去食. 這兒的下午茶時段由2點己經開始了, 每當我很想吃健康的蕃茄湯底的湯粉麵或大大杯的冰凍奶茶時, 我多數都會選來這兒. 今天, 我點了另一款的健康米線, 就是雜菌生菜湯意粉及凍奶茶, 盛惠$25, 超祗. 1. 雜菌生菜湯意粉 ($25包飲品)雜菌有秀珍菇, 冬菇及雞脾菇, 雜菌的份量很多, 加上香味獨特清新, 很討人喜歡. 生菜顏色嫰綠, 吃一口生菜, 非常爽脆, 略嫌生菜份量太少, 只有2-3口的份量. 意粉煮得滑溜, 不會過淋及過硬, 夠煙韌. 奶白色的湯底味夠濃又不肥膩, 很不錯. 2. 凍奶茶一直很喜歡這兒的凍奶茶, 可以說是香濃幼滑, 而且夠大杯, 冰凍無比. 喝完一整杯, 總是相當滿足兼涼透心. …查看更多

09年9月18日 星期五今日下午茶時段點了1客下午茶, 豬軟骨出前一丁及熱奶茶, 盛惠$27. 這間茶餐廳座位非常寛闊, 仲有幾部大電視, 我一邊食野, 一邊就睇住無線下午時段的烹飪節目, 一樂也. 1. 豬軟骨出前一丁 這個餐本身$24包飲品, 可選擇米粉, 河粉, 意粉, 通粉及螺絲粉, 配搭夠豐富. 另可加$3改配出前一丁或烏冬, 一見到 "出前一丁" 哩4個字, 彷彿即時聞到公仔麵的濃香麻油味, 於是馬上點了出前一丁了. 上枱時, 成碗公仔麵熱騰騰, 麻油的濃香陣陣送來, 禁不住夾起一小攝丁麵, 熱蒸氣馬上急劇湧上來, 好香啊. 丁麵烹調的時間剛剛好, 不會過淋過硬, 喝一口湯底, 味濃夠惹味. 豬軟骨炆得火候夠, 軟淋無比, 肉質肥美滑溜, 圓筒型的軟骨跟豬肉的份量各佔一半, 肉味更是非常香濃, 肥美的豬軟骨跟香濃的丁麵簡直配合得天衣無縫, 很久也未嘗這樣味美的丁麵了. 2. 熱奶茶熱奶茶香濃幼滑, 略嫌淡奶的份量較多, 有點兒漿喉. 而且熱奶茶份量太少了, 即使喝完一整杯也有點不夠喉的感覺. 下次再想食丁麵, 我也必會再來幫襯, 而且仲一定會指明奶茶少奶. …查看更多

09年9月19日 星期六家人一早聽聞這兒的印度咖哩正宗又好味, 於是今天一行6人就到此吃午餐. $48+10%的午餐共有5款咖喱可供選擇, 包括海鮮, 什菜, 雞, 羊及牛, 就乾脆5款試勻再另多點一客什菜咖喱. 除了咖哩外, 午餐再跟小食(脆薄餅, 咖喱角及香料鐵板串燒雞), 飯/子烤薄餅, 甜品(紅/白湯丸)及飲品. 1. 小食(脆薄餅, 咖喱角及香料鐵板串燒雞)脆薄餅烤得香脆, 不膩口, 調味料有2款, 分別是少辣醬汁及甜甜的果醬, 配上脆薄餅果真各具特色. 這兒的咖喱角是少有的鬆化, 不是那種死實的貨式, 不油膩卻又甘香味美. 內裡的饀料是薯仔及疏菜, 辣辣的濃咖喱拌勻饀料, 大家吃一口已經讚不絕口. 拌隨的小食還有2件小小的燒雞, 經香料醃後, 頓成鮮橙色, 再用鐵板烤出微燶, 相貌相當可愛. 雞肉經過烤烘後, 表面乾身, 內裡香料味清新怡人, 啖啖肉, 很討人喜歡. 大家都吃得津津有味. 3款的小食當中, 尤以咖喱角最為出色, 吃後馬上食慾大增. 2. 咖喱(海鮮, 什菜, 雞, 羊及牛)爸爸獨愛這兒的羊咖喱, 他說羊沒有慣常的羶味, 換來是羊肉的濃香, 很有肉味, 肉質有嚼頭. 這個羊咖喱做得非常野味及出色. 而海鮮咖喱內, 有少量尤魚, 魚, 蝦, 帶子等海鮮切成細粒, 拌有香草及香濃的咖哩醬, 是眾多款咖喱中最辣的一款, 妹妹最愛辛辣, 這款咖喱最討她歡心. 我跟媽媽不嗜辣的, 最愛這兒的什菜咖喱, 這款咖喱跟其他的略有不同, 是略帶甜味又有咖喱的濃香, 配上不同新鮮的什菜及香草, 最為適合不過. 至於雞及牛咖喱, 味道也不錯, 雞肉尚算嫰滑, 牛肉則味濃, 各有千秋. 3. 飯/子烤薄餅全枱人都選了子烤薄餅. 薄餅上枱時還是熱騰騰的, 大家一窩蜂地往那盆薄餅去取, 用手撕開薄餅, 發現真的鬆軟無比, 醮上不同的咖喱汁, 再往咀裡送, 真的是非常美味滿足. 大家都雀躍地試拌上不同的咖喱汁, 再數說那款咖喱汁最合心意. 頓時間, 歡笑聲充斥著餐廳每一角落, 很溫馨. 4. 甜品(紅/白湯丸)紅湯丸是用麵包醮牛奶, 再浸滿糖漿; 至於白湯丸則是用麵包先醮芝士, 再淋滿糖漿. 不過兩者都是非常非常的甜, 甚至甜得有點兒嗆喉. 相信一般香港人都不大接受這樣甜度. 不過能夠一嘗地道的印度甜品, 倒有新鮮感. 5. 飲品(Mango Laisse)每次到印度餐廰, 我一定會點Mango Laisse, 這杯飲品是將芒果, 乳酪及冰粒放入攪伴機, 打成的冰凍的芒果乳酪, 再放上輕量的香草. 喝起來有濃郁的芒果味, 幼滑的乳酪, 也有淡淡的香草芳香, 而且冰凍透心涼.我覺得一家人出外食飯, 最重要的是大家相處的美好時光, 食物倒是次要. 不過今餐的正宗印度咖哩確實味美, 為我們一家愉快的相聚時刻錦上添花.…查看更多

09年9月25日 星期五要於天后找一間可以坐得舒舒服服的西餐廳並不容易, 今天我跟友人就選了這兒吃午餐. 一上樓梯進入餐廳, 發現這兒環境開陽光猛, 座位闊落. 我們各點了一客午餐, 有麵包, 湯或沙律, 主菜, 甜品及咖啡或茶, 共5道菜, 埋單每人$80. 這個價錢, 以天后區西餐廳來說, 價錢不算貴, 但論食物質素, 還有可以改善的地方. 1. 麵包籃內有合桃麵包, 烘得暖笠笠, 咬一口麵包, 香噴噴兼鬆軟, 合桃粒也不少, 每一口都吃到合桃肉, 感覺良好. 2. 磨菇湯或田園沙律我選了磨菇湯, 磨菇湯尚算香, 但不算濃, cream的份量也不多, 頗為健康. 磨菇的份量也太少, 故磨菇味不算濃郁. 友人選了的田園沙律份量很大, 一大碟滿滿的, 友人食得很高興, 她稱讚這兒的沙律爽脆又鮮甜. 3. 香煎鯛魚及紅酒燴牛肉鯛魚(snapper) 份量頗多, 魚扒煎成微燶, 魚肉雖然煎得過於乾身, 肉質也不怎樣嫰滑, 但配上特製的蜜糖芥末醬卻又爭回不少分數. 微辣的芥未醬混入清甜的蜜糖醬確又出乎意料的清新, 醬汁比魚肉更能牽動我心. 友人點了紅酒燴牛肉, 牛肉切成小丁方, 啖啖肉, 又不用刀砌, 夠晒方便. 紅酒醬汁味濃卻又不會搶走牛肉的濃香, 扁意粉火喉煮得剛剛好, 不會過淋, 煙韌有致, 這份紅酒燴牛肉水準很不錯. 4. 朱古力小蛋糕跟餐的甜品是朱古力小蛋糕(brownie), 朱古力味道濃郁, 甜度也很適中, 不會過甜, 這個小小的朱古力蛋糕有酒店水準, 非常不錯. 5. 咖啡只喜歡淺嚐咖啡的我來說, 這杯熱咖啡的水準也不錯, 不會過於濃郁苦澀, 下次再來幫襯時, 都必會再點. …查看更多

09年9月5日 星期六一直很不喜歡味千, 曾經幫襯過的3間分店 (銅鑼灣x2及將軍澳) 也覺得食物水準低. 拉麵不是正宗的日本拉麵, 湯底很港式, 不是日本風味, 而且落很多味精, 不見得真材實料, 所以吃後總會非常口乾. 1. 叉燒拉麵老公點的叉燒拉麵, 湯底很肥膩, 成碗油, 很多味精很鹹, 很不健康. 叉燒切得很薄, 肉質又不夠滑很鞋口. 麵條很幼, 所以吃起來沒有嚼頭. 2. 雞肉中華沙律冷麵一直不喜歡這兒的湯麵, 所以改點了冷麵. 冷麵夠凍, 麵質彈牙, 吃起來很涼快舒服, 配上麻醬及花生醬很醒胃野味, 雞肉份量也足夠, 雖然談不上肉質幼滑有雞味, 不過勝在啖啖肉, 已很不錯. 這兒的冷麵水準比起湯麵要高很多. 不過我點的中華沙律冷麵跟本上全完沒有中華沙律菜, 只有不下10條青瓜幼絲, 又一次引証味千的貨不對板..... 這個冷麵的名字若改叫雞肉冷麵會更為貼切. 3. 蒜片牛肉這個牛肉用鐵板上, 一上枱時這客牛肉滿碟都是油, 而且有些牛肉更是燒焦的, 還沒有吃下去已聞到有點燶味, 賣相一點也不美. 油下得實在太多了, 有些牛肉上面的蒜片甚至被油浸淋了, 吃下去實在有點嘔心, 非常不討好. 想不到這兒的牛肉居然用上了肥牛, 加上油淋淋的油份, 所以很肥膩, 吃了數口己經全碟放棄了. …查看更多

09年8月26日 星期三為慶祝妹妹牛一的大日子, 專登搜尋酒店lunch buffet, 希望有她最喜歡吃的生蠔及刺身, 發現這兒的lunch buffet食物種類又多, 有刺身, 生蠔, 熱盤, 甜品, 連加一每位都是$130. 1. 生蠔妹妹一坐低即刻就拎左7隻生蠔大吃一餐, 生蠔又大隻又新鮮, 而且仲係不停refill, 包保各位人客食得滿心歡喜. 2. 刺身及壽司刺身種類很多, 有凍蝦, 三文魚, 煙三文魚, 八爪魚及章紅. 其中我最喜愛是凍蝦, 夠大隻, 鮮甜又爽口彈牙, 而且每一隻凍蝦都是size相約, 賣相相當誘人. 至於三文魚也是切得頗大片厚身, 吃起來啖啖肉, 肥美香噴噴, 很是討好. 壽司分別有象拔丰, 帆立貝, 熟帶子, 甜蝦, 軟殼蟹, 赤貝等. 其中我最喜歡的是帆立貝, 大大粒, 很鮮甜味美. 連吃了5隻帆立貝, 原本還想添吃, 發覺還有很多沙律, 熱盤及甜品也未嘗, 於是轉移陣地到沙律吧. 3. 沙律沙律款式真不少, 除了有不同的沙律菜外, 有多款的泰式柚子及粉絲沙律, 德國臘腸沙律等. 我就來個大雜滙, 揀了我最喜愛的羅馬生菜, 配上德國獵腸, 長通粉, 粟米, 西蘭花, 柚子, 尤魚等, 再淋上千島醬及黑醋. 沙律菜很新鮮, 鮮甜爽脆, 吃一整碟後, 覺得身心充滿健康, 放是盡情改攻熱盤及甜點. 4. 熱盤真想不到這兒的熱盤款式也是非常多, 除了一般的中西式外, 也有泰國, 燒味, 酒樓點心, 印度等. 而我最喜愛的是蝦餃, 鱔及火腿. 熱騰騰的蝦餃晶瑩皮薄, 比很多中式酒樓還要出色很多, 連忙推介給妹妹, 妹妹也讚不絕口, 還說很久也未嘗這樣出色的蝦餃了. 另外, 鱔也是很肥美, 啖啖肉, 彈牙, 有嚼頭, 配上蒜茸豉椒醬爆炒, 更是野味非常. 再到吧枱欲找靚仔火腿哥哥取一客火腿, 靚仔哥哥面帶親切的笑容問我要多少片, 我說: "2片, 唔該." 跟著靚仔哥哥便往那只巨型的烤火腿脾切下2片厚厚的給我. 還真是頭一次感受到自助餐的枱吧師傅那樣親切地款待客人, 感覺良好. 5. 甜點甜點有小碗盛載的布甸, 泡芙, 曲奇及慕士蛋糕, 也有大大個的蘋果批, 麵包包丁, 海綿, 芝士及朱古力蛋糕, 全部都是少少甜, 最適合怕肥又貪吃的我. 另外, 泰式棷汁糕, 綿花糖, 凍豆腐花, 朱古力噴泉及Häagen Dazs雪糕也很受歡迎. 當中, 我跟妹妹最喜愛是蘋果批, 焗成金黃色, 吃一小口, 蘋果與批皮的份量配合得剛剛好, 蘋果帶點微酸, 淋上清甜的醬汁, 配上鬆化的批皮, 真是一流的享受. 這樣暖笠笠的蘋果批, 只要吃一口, 便心感溫暖.6. 服務除了先前提過的靚仔火腿哥哥招呼禮貌周到外, 收拾碗碟的靚姐姐也是值得一稱. 每當有人客離坐取食物時, 靚姐姐總會溫文有禮地收拾碗碟, 又主動加添清水, 到埋單時, 更主動地問我們有否各信用咭, 幸運地我有hsbc咭, 可以全單85拆, 每位$130. 這樣出色的lunch buffet, 真是祗到飛起, 非常值得推介給大家. 大吃大喝後, 妹妹不但讚我找到咁正既buffet, 更為我倆姐妹的生日慶祝添上美好的回憶. …查看更多

09年10月8日 星期四8年前當我還於上環區返工時候, 己經很喜歡來這兒吃午餐, 我喜歡這兒情調浪漫, 服務有禮, 食物水準奇高. 今天跟一位舊同事慶祝她的生日, 於是便提議重遊此地緬懷一番. 我們均點了set lunch (每位$148+10%). 包括前菜, 湯/沙律, 主菜, 咖啡/茶及甜點. 1. 前菜前菜有橄欖, 小肉丸, 薯仔沙律, 還是一如以往的健康醒胃. 2. 湯或沙律 - 蔬菜凍湯在悶熱的天氣下, 由中環地鐵站步行而來, 所以一看見menu, 便決定點這個蔬菜凍湯. 這個湯很清新, 淡淡的蔬菜香氣, 喝起來很舒服, 涼快極了. 非常適合這個炎熱的夏天. 3. 主菜 - 西班牙海鮮炒飯這個海鮮飯一直都是這兒的招牌貨. 所以我跟友人二話不說都點了一客. 店員先把全碟的海鮮飯給我們先看, 再細心地分成2份給我地. 雖然這兒的set lunch己多年沒有加價, 但這個招牌貨水準下降很多. 首先每人只有1隻中蝦, 1隻青口及少量的尤魚粒. 海鮮份量及size比以前細左很多. 吃一口飯, 發覺這個飯煮的時間不夠長, 所以煮出來濕淋淋, 一點也不乾身, 加上醬汁下得太多了, 所以味道太濃太鹹了, 害得我們要邊吃邊喝水, 最後我跟友人因為這個飯太鹹, 都沒有全部吃掉便放棄了. 大家一致認為這兒的西班牙飯水準實在差了很多. 大家邊討論大廚是否正值放假, 還是這兒的大廚己經不是我們多年前幫襯的大大廚. 對於這個招牌貨我們真的很失望. 4. 甜品 - tiramisu我們2人都點了tiramisu. 這個水準很好, 是當日我們點的最好味的一道菜. tiramisu的咖啡及甜酒份量剛好, 再配上軟綿綿的海綿蛋糕, 實在又濃又軟又美味. 真的很好吃. 5. 咖啡咖啡香濃幼滑, 也是相當不錯. 吃過這頓午餐後, 我跟舊同事都覺得這兒的食物水準下降了很多很多, 實在談不上出色味美, 很失望. 我估我這一兩年內也不會再來幫襯了. …查看更多