leeddeborah1822's Profile

在中上環返工，想揾餐舒服午飯食，又要價錢相宜，又想食素，真係萬水千山咁艱難（唱起來了！）呢度一入到來，樸素的木枱白色的牆，那種平靜簡約的感覺，就好似由緊張的中環去咗另一個世界咁，由星期一突然跳片到去星期6咁樣，由於太過於relax了，會完全忘記哂上午的公事繁瑣（也會差點忘記了食完要回去繼續上班）menu很簡單，都是Lunch定食set，“小碗料理“每樣菜式細細份，禪食嘛，當然要食得簡單清淡而有節制我和友人都選了4款菜的定食，大家各選不同的菜式，可以一次過試哂A~H 8款口味，主糧有米飯或細湯麵可選4款主菜+油豆腐麵豉湯+一碗主糧$118/@（不收加1），價錢可接受噢好豐盛的“揀雀“噢有木有？細食的話，可選細湯麵，湯底很清淡（舌頭零負擔），麵質有點像米粉的豆腐很細滑，冷梅子漬白苦好清爽，大根煮十分入味但又不咸的，茄子田樂也好吃，楓糖西柚橙子丁是點睛噢（我最愛）其餘是煮蔬菜，每樣來一點點，也會令狼吞虎咽的人也能慢下來細細地品嚐，不自覺地融入了慢活的態度再點了一份加錢$20的甜品跟友人共分享，抹茶蕨餅紅豆蓉，一看就醉了……不過比想像中要甜了些（醒咗）我雖然算細食OL，但這一個4菜份量卻是剛剛好，七成飽，沒有飯氣攻心的俗態，不過在這種舒適禪悅環境下（sorry，我說的是環境及食品，因鄰桌的食客說話聲浪實在太大否則會更正），午餐慢談細吃下來，會完全忘記時間，不過繁忙中午break一break享受慢食一刻，真的有洗滌心塵是，稍稍修復一吓心累的好處，繼續精進搏殺一下午地方細細坐位不多，最好預早訂定位…Read More

無意中發現食肆林立的機利文新街，竟存在住一間這樣價廉物美的平民外賣飯堂樓上店，真是咱們一衆“長崎良美子“OL的恩典可能因為是樓上店及只做外賣自取的關係（不設堂食的），所以價錢很相宜，每日有不同餐牌，都是親切的家常便飯，約有6-7款菜式可供選擇，2款菜1飯$273款菜1飯$30飯有白飯或炒飯可揀並全部附送1碗中式例湯價錢非常抵飯盒內是沒有間隔那種，飯菜塞得滿滿的，完全沒有將貨就價，回去一打開，有種人情味的感動由於菜已塞滿了一個飯盒，所以飯是另外上的（食量少的OL可以叫“少飯“，咁就會一盒過俾你，不用嘥多個盒了）我選了三款菜（$30）：蒜蓉炒油墨菜+節瓜冬菇肉丸+鮮茄炒蛋，我沒有要白飯，選了炒飯（也不用加$的）油墨菜好多，炒得好爽身添，節瓜是我最愛，肉丸有兩大粒，另有一個魚腐，炒蛋係最好味嘅（幾個同事都選中了炒蛋都讚），番茄雖然不多，但個蛋炒得絕對有誠意，好滑，配這個炒飯一起食真是一流噢家的味道由於份量真的不少+上我比較細食，所以可分開到一盒留返晚餐再吃，既慳家又營養，30蚊就解決到兩餐了，平均$15蚊一餐噢是日餐牌：我是用Whatsapp落單的 5931 0130會即時send餐牌給我選，預早訂定再去自取，非常方便因為上1/f，沒有電梯的，要行上兩堂樓梯，飯店內的職員十分親切有善簡單，親民，價廉，量足，物美，中上環打工仔恩典選…Read More

這店新開無耐，一入到嚟，老闆就親自向每枱食客介紹食品，網上見佢的招牌食品有大腸，豬紅那些內臟食品……除了麵，泡飯外，老闆說還有串燒食物供應，但因為新開無耐，未及印製得切串燒的餐牌及相片，所以暫時欠奉，要親口介紹……老闆又熱情詢問客人想食d乜嘢，再推介有乜選擇俾客人揀。不過今晚想食清清地呀，肉及內臟都唔啱我，見到有“脆米泡飯“咁清新嘅？就好想試吓叫了一個泡飯，兩個涼拌：清爽山筍$32鹽酸車厘茄$15時菜高湯脆米泡飯$38加了脆米的泡飯口感不錯，有白菜，通菜及勝瓜粒，飯量都好多，唔大食嘅要慢慢食才食得哂，湯底清，唔覺有味精，都ok嘅。山筍是真清爽的，正（無辣又不油）都好大碟，鹽酸車厘茄好清新三樣蔬食共$85唔食內臟的人嚟到這裏一樣有選擇，或者下次試試串燒食品吧…Read More

凡中午經過中環的“蘭芳園“的人，好難唔俾佢飄出的一陣陣濃香咖啡香氣所吸引而食指大動！ 上次食呢間已經是很多年前了，今日朋友話一齊來緬懷一吓吧！朋友好醒目，話唔想排隊排到巔，就午飯時段高峯後的1點左右嚟到呢度食，果然排了幾個人就有位了，慳返不少時間 入到去場面超墟冚！！店面細細，卻坐到密密麻滿，萬人空巷，目測有一半都是慕名而來的遊客，枱同枱之間的gap位要側身攝住才行到入去…… 午餐叫咗2個招牌餐：“蔥油豬扒撈丁麵“及“雞扒撈丁麵“，呢度的上菜速度都好快吓，朋友的雞扒超級香，而且賣相不俗，皮脆甘香feel，成塊雞扒及豬扒都係已剪開上，方便食用 雞扒比豬扒的賣相更好嘅，而我的豬扒呢，食味就一般啦，肉質雖不算嫩滑，但都叫做無渣嘅，個人感覺豬扒係偏咸了少少，不過就不是外間的用重味精醃料味道，感覺是家常味嘅我最喜歡就係個撈丁麵，份量不大，傍邊有大大pet蔥（其實得一塊豬扒嚟講，果pet蔥多到都食唔哂嘥咗d）撈丁的麵身夠乾爽，豉油不多，但撈一撈，d汁又剛剛夠掛麵，而且有好多菜呀，好健康呢度d食物除飲品外，大部份都係用即棄式發泡膠餐具，唔係太環保，但可能因為太多食客，為免洗唔切餐具而影響出菜速度才用這些吧，亦可能因為增加了食物的成本……所以，這裏的茶記餐係有一點貴噢（豬扒撈丁+熱㗎啡要$51）不過食物味道都ok，出菜夠快 我最想點讚的是，這間店在本地係有點“歷史“，又有點大名氣的茶記，卻並沒有大鼻子黑面而待慢客人，是日眼見舖面內外的員工，做到無停手，但難得每一位都笑容滿面，好客氣好親民，真係有街坊街里feel，令人進食時加倍愉快，要加分噢！！…Read More

晚餐不想吃太飽，食一碗有點米氣的粥養吓胃都唔錯，雖然呢度的粥不是招牌推介，但我每次嚟都會叫，因為以這樣的中小型點心店嚟講，外邊係好少有粥可選擇的，而好似這裏的粥底又煲得咁綿密嘅，就更少有了，所以呢度的粥都算係我的摯愛 之前吃過這裏的肉丸粥，唔算大碗，但內料有4粒丸（2粒鮮蝦丸2粒鯪魚肉丸），1吋左右大，丸質都是鮮打到起膠的，沒有滲其他粉料，所以粒粒都真材實料好彈牙， 今天的肉丸粥是豬肉丸，雖得3粒，但另外又有魚肚，鮑魚絲，魷魚絲伴底，一人份量嚟講，係好豐富足料，粥底米氣好香，而且沒有加粉，感覺是有生命的米粥，（不是一般食到的糊粉狀無喱米氣的狀態）質感幼滑綿密不稀不稠，上枱又夠哂熱，很讚，由於是一人份量，女仕吃完一碗都不會過飽，意猶未盡剛剛好，肚子還有空間可以食其他點心今日粥底的肉丸是鮮打豬肉丸，魚肚條，鮑魚絲，魷魚絲（$36）又點了個炸花枝餅（$26）今次食的花枝餅沒有之前那樣厚身，但薄薄的蝦餅加了杏仁片在外層，令到口感更豐富更香，送粥一流這裏的一人份滋潤燉湯都是我的摯愛，今日有“白菜乾南北燉豬肺“，一打開就好濃厚的羅漢果香氣，湯味濃郁回甘，滋潤入心，非常抵讚 這裏的黑椒蒸牛肚都不錯，白蘿蔔墊底，汁料是比較清的口味，不會腥又不黏膩 食物價錢中中啦，但一位茶錢加到$8蚊，在這裏嚟講顯得係有d貴，選擇不多，不過有得揀白毛牡丹，鐵觀音，普洱，水仙……幾樣咁囉 晚問環境比較靜，也不用排長籠等位，所以經開附近，都會嚟…Read More

我本來對“刀甩“這種甜食無乜感覺，一直都只覺得，係塗裝了五顏六色的“鬼佬牛脷酥“而已…… J.co的出現，令我對刀甩的感覺完全改觀了，就因為係hk第一間刀甩專門店，又咁多人讚，所以要嚟試試，見到店內廿多款花花綠綠的力甩，胃未食，相機未食，眼球已先食個飽了，眼闊其實肚好窄的我，要在十幾廿款中揀2件，真係……會有選擇困難症㗎！我諗真係無邊個小朋友小女生對住個刀甩櫃會抗拒到誘惑囉目不暇給的《刀甩陣》！！而且價錢……仲吸引，每一個大刀甩都只係均一價$15蚊，又幾親民喎！（只係正常一個吞拿魚麵包的價錢，就食到嚟自印尼刀甩名店的滋味，試一試都值得嘅）款式有大又有迷你版，有實芯，又有空芯，直徑都有8~9cm大，toping有糖霜，有果仁，有果醬，有朱古力，有抹茶，有脆米，有椰絲……真係花多眼亂ha~ha最後鎖定了Sugar ice及Forest Glam 呢2款通芯大刀甩，配上一杯英式早餐茶（預備消滯用）白色的“Sugar ice“舖住薄薄的糖霜，俾人一種好優雅的感覺，至少視覺上唔會覺得好厚膩，一咬落去，一陣風似的，好柔軟鬆香，味道淡淡只有少少甜，唔錯而“黑森林“味就比較濃郁喇，面頭舖滿朱古力碎，有2粒酒味cherry，所以甜味重少少（對喜歡甜的人就應該啱啱好），好rich，一黑一白，一清淡一甜濃，正二人share牙咗2件，剛剛好啦，再多一件都吃不下了，嘆返杯熱茶中和一吓，好滿足店面不大，但座位感覺都幾悠閒，不過都好多人排隊買外賣，而且都是大大盒的買走，睇嚟真係好受歡迎。兩個大刀甩+一杯熱紅茶，盛惠$52蚊，味美又價錢合理，絕對可以同朋友再嚟三嚟，試試其他口味試食完後，朋友的小朋友睇到相，都即時巔咗，話要嚟食“刀甩自助餐“，大擦一頓咁話！不過現在J.co只登陸hk只有灣仔一間，希望未來在港九都會再開分店吧，普及這種人見人愛的美食，研發更多的款式 …Read More

路過老尖見到博物館展覽緊玩具展，好耐無嚟過了，又剛好tea time時段，就順便入去 canteen飲杯嘢啦，原來已經變咗身做懷舊餐室，好有舊式香港地味道入門口右邊排隊買餐，然後拎號碼牌自己找坐位左右有兩種不同格調的卡座最有特色就係窗邊最入呢排鑲有楕圓形鏡的木卡座，雲石枱面，上面掛有鳥籠，其實好有舊上海味道呀不過枱櫈距離都好窄吓，櫈側還有一個木小扶手裝飾，唔係個個坐（塞）得入呢……生得高大豐滿人士慎入以免卡住近門口的卡座及地磚就係典型港式茶餐廳feel，卡座枱櫈都好闊落近大門處大堂有五六十年代的designer chair，好容易令人有粵語長片角色上身ha ha入面大堂比較大，有一系列蓮香茶居feel的木枱櫈，懷舊通花屏風等，玩味十足，大家可以揀不同的區坐影吓相下午茶餐價錢合理，一般茶餐廳價錢而已，點了一份奶油脆豬仔包（有兩瓣），熱華田，脆豬包外脆內軟，完全不會硬到咀，沒有烘到很燶乾，所以連長者及幼小童都啱食食客在入門口左邊自助買餐，拎號碼牌後再揀位坐，侍應會拎餐過來，她/他們都有笑容又很有禮貌屏風處後面有自助冷熱水，杯及餐具，自己嚟不過食下午茶餐其次，影相懷舊才是主題吧睇吓博物館展覽，再嚟飲杯懷舊茶，不失為一個好地方…Read More

週日傍晚經過k11想快點醫肚，見到呢度食新加坡嘢，又不用等位，就試吓啦入口右呢邊的座位比較靜，埋邊有條殖民地特色的金屬樓梯做裝飾 餐牌封面設計好似份報紙咁都幾靚，我都係選$248二人餐乜都有唔駛煩（其實放假真係……唔想再用腦思考睇餐牌） 套餐主菜選了餐廳推介的新加坡海南雞飯，福建蝦湯麵，及清湯雜菜煲雞肉都幾嫩滑，都ok㗎，配有一盅冬瓜湯，油飯不算香，但就超級大碗福建蝦湯麵，有一隻蝦，金沙腩，豆卜，魚片，貢丸，牙菜，蘿蔔，幼身油麵條質感一般啦，但個蝦湯底就十分香濃，濃而不膩，有好重好豐盛的蝦味，真係一飲就停唔到，好驚喜呀！讚雖唔算好大碗，不過對女仔嚟講，飲哂d湯，食完一碗麵都剛好飽了清湯雜菜煲份量超級大（感覺好抵嘅），雜菜其中有還有薯仔及紅蘿蔔，幸好只係蔬菜嚟，慢慢ko佢都唔怕會好滯嘅食飽飽餐飲揀了熱羅漢果蜜及熱苡米水……都係好大杯嘅，而且杯身厚很保温，最啱食完慢慢坐傾吓偈都唔會好快凍，見到鄰枱有人食緊肉骨茶，好似好味咁，下次可能會試。呢度位處地庫角落位，唔會好似樓上d食肆咁多人排隊，亦無限時，又有卡位，人唔多唔會太糟吵，行完街好攰落嚟食，可以坐耐d無限時交枱的壓力價錢都算合理啦，算是K11食肆中的經濟之選下次應會再嚟吃呢個滋味蝦湯麵嘅…Read More

一衆中環OL想找個價錢合理，環境舒適的lunch餐廳地方，真的不易 最近就發現業豐大廈2樓開了間新餐廳Cuisine Culture，門前放滿新張誌慶的花藍，似係剛新開無耐，望入去感覺都幾好……再望一眼lunch餐牌價錢又可以接受喎 所以隔了兩日，就約朋友一齊去試，新張關係，老闆娘Rebecca好熱情介紹及招待，老闆George正是大厨本人呢，店員不多，但每位都很有禮貌嘅 雖然新開無耐，未有太多人發現呢度，但12:30-1:00左右lunch高峯時段，都有六七成滿，勝在不用排隊等立即就有得入座位店面座位感覺都幾舒適，好簡約休閒feel，兩排木枱之間都有比較寬敞的空間，枱面及座椅都夠闊，唔會感到逼逼劫咁，一坐落嚟個人自然就好relaxing到……原來陳設都是老闆娘同老闆的心思嚟 午餐時段有set lunch供應，價錢都算合理嘅同朋友都想食清清地叫咗兩份紅魚柳配海鮮汁跟飯可以揀餐湯或沙拉，我同朋友都忌生冷，所以叫了熱湯是日餐湯：西蘭花忌廉湯（唔記得佢話係西蘭花定椰菜花，個湯白色，應該係椰菜花吧？）btw，feel到佢真係用機打磨過的，綿得嚟又有一些質感，不是一般糊粉狀求其整的忌廉湯有誠意嘅，而且最重要是佢夠熱，（你知啦如果飲到唔凍唔熱嘅忌廉湯真係好攞命），呢個湯係ok嘅，不過呢，個湯匙就……超級細，不停咁筆呀筆……筆好耐都未飲得完……或者厨師想我們慢慢品嚐，唔好好似美國人飲可樂咁飲得太快而忽略了湯的滋味吧要慢活要relax其間見到隔籬枱OL食緊的沙拉，賣相都幾靚吓㗎，一點都不欺場喎，好想影低㗎，但不好意思影人地啦，或者下次再試吧主菜，香煎紅魚柳配海鮮汁（我們都薯蓉改轉白飯）原本餐牌紅魚是跟薯蓉的，我地怕薯蓉易“膩漏“，所以改了配白飯，魚個皮煎得幾香，而且份量啱啱好，魚肉……過得去啦，個汁味道就不錯（雖然少了一點），配菜就略為少了一點喇，（無論視覺上或胃口上），配菜如果多返少少，或者將紅蘿蔔粒，改用迷你原條BB甘筍仔，會靚d又美味d吧（你知啦，OL多數喜歡食sidedish啲蔬菜嘛）（留意：餐牌上主菜所配的薯蓉，只可以改白飯，不設改意粉的，如果想食意粉的朋友，就要另選lunch set餐牌上的各式主菜配意粉，例如今日咁就有：紅酒牛尾配意粉，紫蘇蕃茄大蜆意粉……可選，因為主厨對食物的配搭都有講究的，例如他覺得魚配薯蓉及白飯的食味是比配意粉好，這些都是厨師的心思嚟）餐飲就較多選擇，除了咖啡/茶/檸檬茶水，還有橙汁/萍果汁等可選（果汁雖是現成產品，但有果汁揀都幾好吖）我們點了萍果汁及熱咖啡，果汁都算甜濃，但都好大杯而咖啡味道就一般la，有待改善吧，加油整體感覺都幾舒服嘅，地方闊落，枱同枱之間有個合理距離，傾偈不用跟左右食客哎破喉嚨鬥大聲，（這也是其中一個令人感到relax的原因）中環嚟講，這個餐廳set lunch價錢都算合理啦，OL們一定會喜歡呢度，我一定會同其他朋友再嚟過囉其他晚餐餐牌參考…Read More

曾幾何時2015年，我的早餐5日有3日都係外買Delifrance呢個美味清新的蜜桃麵包跟茶包奶茶嘅，對於我呢個早餐不喜歡食太多肉的麵包人嚟講，大大個半邊蜜桃，側邊的酥皮又好酥軟，真的百吃不厭㗎是女仔們早餐的摯愛但當時早餐時段都係好快賣哂（唔清楚係店舖落貨太少，定是太多人買啦），所以當一見有得買，我都會一口氣豪買2個走早餐見到成個太陽咁嘅蜜桃麵包，加上不黏膩的奶茶茶香，真係精神為之一振，醒神哂，同事見到試了半個，都話正，要翌日搭單買一個添可惜這款美食2016年起已經無再出品了……好可惜，我曾經問過店員好多次，幾時會再出？？但店員都告訴我上面未有再推出的消息……噢！真真希望Delifrance再次推出蜜桃麵包啦…Read More

幫襯大力講緊已經是在元朗大馬路頭的商場內08-09年的事了，同朋友千里迢迢咁入元朗去食過幾次，當時舖面很大，裝修又很典雅，有個很亮堂的觀音好莊嚴，去元朗如果想食齋，都會諗起去“大力“，所以印象都深刻㗎已好耐無去了，最近發現“大力“原來搬咗，去無咁旺嘅朗屏西鐵站附近的居民區，上下兩層的細店，比以前是細了三份二吧，但一見到“大力“二字，都有一種久別重逢的感覺……入到去見到裝修的風格沒有再承襲以前大舖時代的經典高雅，現在的裝修陳設走的是“入屋路線“，很親民，大落地玻璃外面看入去都好明亮整潔是日帶同信佛的鴨D健二去晚餐南瓜例湯煲得很濃郁，有家的感覺，二人分都夠飲$15清炒百合雜菜不油脂，素叉燒外香脆內軟，十分正素小菜兩味，一濃香一清淡，白飯例湯各一碗，很簡單但滿足 …Read More

一直都有慕名好想去志蓮靜苑的園林參觀吓，終於如願了 4點多才入園，真係好世外桃源feel，行吓影吓相剛好夠鐘晚飯，雖然早已風聞入面的“龍門樓“素食出名不便宜，但既然有幸嚟到，何不一試呢 天未黑530便已在龍門樓登記攞飛，本以為一早去到可任揀窗口靚景位欣賞夜景，點知530去到完來所有靚位已經俾人一早訂哂座，walk~in攞飛的就只能輪候面壁吧枱位……（好奇怪食素齋的地方竟然有吧枱位嘅？）但如果放棄吧枱位，就要輪候下一輪7-8點有排等，知客小姐話吧枱的坐位也很寬闊舒適的，咁唯有……吧枱都照殺啦！輪候區有一排櫈，面對大幅玻璃的松林夜景，已經超舒適 615walk~in的2人散客就很快有得入座吧枱，枱面不算很深，但椅子卻是很寬闊，雖然要“面壁“，但2人傾偈都算ok嘅點菜時刻，睇嚟睇去都係叫餐試得款式多d及較化算，最終點咗個《珍菌四人套餐》半份（即二人份）有10樣單元，好厲害啊和風赤膠耳香麻羊肚耳青瓜苗芙蓉銀耳羹翡翠百福袋酥炸海苔丹松 拼 酥炸南瓜松茸珊瑚醬豆腐煲碧玉百合座頭菇地衣牛肝菌炒飯時令鮮果二人餐合共$400（免加一）先上枱的是涼拌小食兩款：上面是麻香羊肚耳青瓜苗，青瓜苗都係第一次吃，幼小鮮爽輕脆，末端還帶有黃色小花，但望住一寸長左右的青瓜苗……未長大就要俾人食，感到有一點“殘忍“下面小碟是和風醬赤膠耳，又係未見過的食材，店員說這兩種耳菌類，都是產自雲南的，而赤膠耳外表好似啡色的黃耳，咬落質感好黏韌，地咁，跟青瓜苗的口感各有特色但涼拌前菜嚟講，二人食的這個份量就稍微多了一點，吃極都未吃得完，赤膠耳由於比較口，如果每人兩三件可能口感會更好，多了反而覺得好漏再來的是“芙蓉銀耳羮“羹中的絲幼到難以分辨是甚麼，總之夠哂熱，好味到暈招牌必食“翡翠百福袋“，入面好足料，真係超好食松子仁地衣牛肝菌炒飯，夠乾身炒的很香掛住食食食……結果有幾款都無影到添時令鮮果食飽飽，信步再看看志蓮凈苑的夜色，聽著園林播出的古琴声，整體感覺真是美得不得了，日夜景色都咁典雅，整個人都放鬆下來 …Read More

行過形點二期呢間“Honey滿“，見佢除了甜品外，中午及下午有個123easy lunch set午餐三部曲，有6種口味薄餅可選，嘩！啱哂我，而且一睇，真的沒有眼花！！！come on$58的價錢，又有薄餅+又特色飲品+糖水喎，又坐得舒服又唔駛等位，咁嘅價錢去邊度揾吖！ 6款都好吸引吓噃，最終pick咗個田園素食薄餅，清新吓，配荔枝花園熱飲，朋友則選燒烤醬雞肉薄餅，配草莓洛神花熱飲，甜品也是一樣要熱的細磨杏仁茶薄餅大約6寸左右，脆薄底，當兩個薄餅上桌時，都令人很有驚喜，平，靚之餘，才料很足都不賴呀我的田園薄餅有牛油果，紫洋蔥，菠菜醬蓉做底，wow，配上芝士真的小清新呀，朋友的BBQ醬雞肉薄餅，蕃茄醬底，雞肉上面有菠菜，BBQ醬是有微辣的，正呀！兩個薄餅都又靚又好味，好食到我倆都唔多想講嘢，不停咁趁熱食食食！真係估唔到滿記做薄餅呢瓣都咁有心機令人咁驚喜餐飲是我最愛的果類熱飲，“荔枝花園“入面有大大粒荔枝，士多啤梨菠蘿果肉粒，“草莓洛神花蜜“都有士多啤梨果肉粒，兩杯飲品雖然輕微甜咗少少，但濃香醒神又有果肉咬吓，好正呀…再嚟跟餐甜品的細磨杏仁茶，是滿記的一向優品，細滑香就不用多說了店內環境走日系路線，簡潔舒適一個薄餅的價錢，有特飲又有糖水，已經抵到無話可說啦驚喜的食品質素，超值的價錢，假日都毋須加一，真係要讚讚讚呀…Read More

自從中環有了《茶木》後，大班揾食OL不辭勞苦行九條街都要去排長籠朝拜，我就是其中之一 無偈，中環很少這類台式中價餐廳，所以十分渴市，午市即使無得訂位要排長籠，舖面又唔多位，為咗食佢，個個都死心塌地咁由1樓的後樓梯排到上2樓等到頸長都無計（後樓梯夏天焗熱到痺，到冬天又寒風陣陣） 中環這間店比其他分店的田園style裝修得更high一些，雖然燈光略暗一點，但潮而簡約，有兩邊是落地玻璃窗位，望大廈及行人天橋景，另有一番情調 叫了一個自由配搭set，固定的前菜有：溏芯蛋半隻配小青瓜粒，及開胃小咸菜末，另外自選配菜我就揀了蕃茄湯浸蔬菜，主菜就選了奶油炸鱸魚，殿粉質就揀了必食的新竹湯米粉，餐飲點了熱的玫瑰紅茶自選鱸魚套餐連餐飲$79（需另計加一）每樣少少，份量的骰又剛剛夠食（在中環嚟講算是抵食的中價餐了）一直很喜歡呢家的鱸魚主菜，之前有一段時間佢用杧果肉及汁配炸鱸魚，我雖不太喜杧果，但都覺配合得很吸引，今次醬汁改成奶油冬菇及菌菇，三塊鱸魚柳連皮炸得酥香脆，魚肉卻是很嫩滑，好啱OL的口味，食完魚，底部原來墊咗幾條長形炸物，好像是炸麵粉條，沾了奶油醬汁又出奇地好吃，青瓜溏芯蛋好開胃，新竹湯米粉粉幼湯濃香，只幾箸的量，OL又是愛佢剛夠吃兼不油膩，湯面的三條芋頭已比之前有所改良了，之前的版本是兩大舊半寸厚，約2寸半長的大方條，芋本身已是一種比較厚實飽滯的食物，睇到切到咁粗方條嘅芋，眼睛都飽了，有人會寧願不吃，現在切薄了很多，分成三片，口感更好，好快ko就不會浪費不過芋頭是蔬菜又能飽肚，想必設計餐單份量時有考慮到營養的配搭嘅，ok啦熱玫瑰紅茶作為餐飲嚟講，都好大杯吓，茶味比較濃，但乾玫瑰很清香，都足以醒神撐到下午中環店有少量蔬菜三文魚沙拉供應，埋單時見甜品很吸引，但Lunch時段太愴猝了，來不及吃，唯有用眼睛掃描當吃咗啦 雖然齋排隊已等了半粒鐘，店面待應又不夠，得兩人要落單清枱連帶位都忙得團團轉，但起菜同自助埋單都算很快嘅，待應忙到甩轆但仍很有耐性，完全沒有黑面等半粒鐘食半粒鐘剛好僅僅趕得切一小時多一點返歸……跑九條街嚟食餐晏好滿足，我愛茶木！ …Read More

真係好鬼鐘意入東涌，覺得景觀好有大山大水的氣魄，市區傍邊就有好大自然嘅feel，對於我呢d週六日一定要到郊外抖吓新鮮空氣靜靜hea吓，俾個腦袋空白一吓的人嚟講，真係勝地嚟 東涌食肆選擇不多，想避開人山人海的東薈城，我覺得對面的屋邨商場地舖的《CafeHolic》是個幾好的慢hea地方 是日下午3點，正好嘆個輕盈下午tea，點了2份水果pancake tea set，好清新的新鮮水果切片（有哈密瓜，火龍果，士多啤梨等），pancake是很可愛的迷你版，有兩片，還灑上了一層薄薄的糖霜麵粉，配有小杯糖漿，感覺很討喜，好啱tea~time想食少少墊一吓，但又唔想太飽的女仕們喜歡這裏的錫蘭奶茶，奶質口感比較輕盈，入口感覺0負擔 店面雖小，但環境雅致舒適，燈光柔和，兩邊都有大玻璃窗，外面有樹景，嘆個午茶都幾寫意㗎，而且價錢相宜，水果pancake set連一杯熱飲只係$34，茶餐廳價錢，就有cafe的舒適感，抵呀 hea完一輪tea，再出去海邊沐浴一吓陽光散吓步，就乜嘢煩惱都忘記得一乾二淨啦…Read More