林凜's Profile

同朋友係附近上堂，隨便揀左一間日式餐廳黎試下，餐廳空間比較細，位置唔係好多，裝修同一般嘅居酒屋一樣。我同朋友兩個人，最初覺得散叫價錢同叫一個套餐差唔多，所以當日就叫咗套餐B嚟試吓。套餐B最開初嘅時候會上四款魚生刺身，3客壽司同埋麻醬沙律，刺身同壽司都算新鮮，味道都唔錯。食到中間，會上銀雪魚西京燒、味㬝湯，明太子炒飯。然後剛剛炸好嘅天婦羅都會上埋，熱辣辣。最後會有甜品一客，我哋當日嘅甜品就係紅豆年糕。比較令人印象深刻嘅菜式係銀雪魚西京燒，鹹鹹甜甜嘅味道配上炒飯一流。仲有紅豆年糕，年糕兩面係整硬咗嘅，中間就係有口感嘅年糕，配紅豆有少少甜，非常可口。令人失望嘅菜式係明太子炒飯，明太子分量過多，令到炒飯變得非常之鹹，食第一啖嘅時候會覺得好味道，但食多幾啖會因為太鹹然後唔想再食落去。最後一盤炒飯只係食咗一半左右啫。總括而言，呢間居酒屋都有一般日式居酒屋嘅水準，但係套餐來講，價錢偏貴，份量亦唔算多，可能散叫仲會平少少。…Read More

小妹一向都喜歡食點心，但如果人少少的話，食點心嘅款式並唔會有好多選擇，食一兩粒已經覺得好飽，所以海雲天點心絕對係一個非常之好嘅選擇。早前OpenRice做優惠，可以以優惠價購買海雲天90分鐘點心放題，時間我就揀咗下午茶時段， 2:30正式開始，當日提早左15分鐘去到，已經有好多人喺外面大堂到等候緊。點心放題都係早去到就可以優先入座，坐嘅話亦都會比較好嘅位置。叫點心有時限，只有60分鐘，但食點心嘅時間則多於90分鐘，聽講其實可以再坐耐少少，坐夠兩個鐘都可能得，但只限下午茶時段。頭頭餐廳會送幾款指定菜式，包括鮑魚撻，好似北京烤鴨嘅夾包、同埋椰皇燉雙皮奶。其餘菜式則可以用QR code掃描點菜，就咁睇啲款式都好多吓，兩個人都未必可以食得晒，所以我採取一個策略，就係想食嘅點心都係只點一件，盡量等自己可以試多少少，如果想食多一件嘅話，先至嗌夠兩件，呢個點心放題非常貼心，因為可以一件一件咁叫，連蝦餃都可以叫一粒，所以可以試到好多款唔同嘅點心。見樓面姐姐亦都非常好服務，就算叫一件，佢哋都好樂意。食物質素好比一般茶樓嘅質素，唔可以話非常之有驚喜，但絕對唔難食，一般點心例如蝦餃、燒賣、鹹水角、炸物、鳳爪、腐皮卷、菜苗餃都有正常嘅質素。唯獨比較令人失望嘅係腸粉系列，因為腸粉皮太厚，而我最鍾意食嘅點心係鹹水角，因為好新鮮好熱辣辣，就好似即叫即炸咁。已近排好多人食嘅黑金流沙包，都會有流心，味道正常。總括而言，海雲天點心選擇比較多，兩個人都食得好開心，好滿足，鍾意食唔同款式嘅人絕對適合，建議腸粉就唔好叫啦，一定會失望，另外食點心放題嘅話，白飯粥粉麵類都係唔好叫啦，除非真係好有興趣。…Read More

之前睇IG分享長沙灣一帶新開嘅文青Cafe，今日就去拜會一下，因為限聚令同埋食肆禁晚食嘅關係，我哋4:55到達Cafe，都頗多人等候，直至5:30先至可以入座，炎炎夏日真係唔簡單。店內冇最低消費，時間所限，所以我今次淨係點左一個窩夫嚟試，小店嘅其他嘢食我都好想試。自家製牛奶雪條配焦糖香蕉窩夫窩夫底軟硬適中，外層夠曬趣，內層都食到窩夫嘅質感。配料方面，餐廳用咗黑朱古力醬，味道唔會甜，但係朱古力醬入邊有酸酸嘅感覺，我個人認為酸酸嘅味道就有少少影響咗整體嘅口感啦。而忌廉同埋焦糖脆脆呢個配搭非常之正，為窩夫加分加分，加埋香蕉效果不錯，自家製嘅雪條有淡淡的牛奶香，唔會太甜，食完成個窩夫都唔會有超級甜嘅感覺，有啲餐廳嘅焦糖窩夫雪糕，往往食完都覺得太過甜，所以唔太鍾意，而呢間餐廳嘅就啱啱好啦。另外窩夫嘅size都係頗大嘅，兩個人食都會覺得非常之有滿足感，如果一個人食就應該會覺得超級飽啦。我見多啲人食嘅係竹炭窩夫，因為賣相會比較吸引，打卡都幾靚，不過小妹個人口味怕竹炭窩夫會有澀味，而且我超級愛焦糖脆脆，所以今次就唔試啦。…Read More

光顧左鮮芋仙好多次，亦去過荃灣同銅鑼灣的鮮芋仙，覺得幾間店的水準都能維持高水平同一般，亦試過店嘅不同的台式甜品，整體都覺得呢間店好味道呢個係芋圓4號，芋圓同芋頭都係好出色，裡面係甜水加沙冰底，加珍珠同紅豆令口感好正，因為我特別中意芋圓同仙草凍，所以我每次都會再另加，呢碗糖水份量其實都好大碗，我自己一個人食就會覺得大滿足同過多，所以都中意同朋友分享，再瘋狂加料另外豆花系列同仙草系列都覺得好正，不過店內係自助式，屯門店還好，會有員工收搭枱面，比較清潔同衛生，疫情其間，排隊安排比較好，有人幫忙安排入座，無之前咁亂或者有人係隔離企住等位，感覺都會更好。…Read More

早前被J.S. Foodie吸引，推介各種班戟甜品，賣相好靚，而小妹又非常愛好日本的Soufflé Pancake，所以就去左九龍塘的JS foodie揾食餐廳可以先取票再等位，即使疫情嚴重，都依然有人等候，大概等左半小時，仲要差點Miss左票號，終於入到去啦。餐廳裝修都幾日系，位置好闊落舒服，一睇餐牌，原來呢間梳乎厘班戟同Flipper’s係同一間黎架！咁質素應該非常之有保證。由於所有甜品都係即叫即整，所以等候上菜嘅時間差不多要20到25分鐘。最後簡單叫左士多啤梨藍莓香蕉班戟，Flipper’s嘅班戟真係可以焗到好高，又好鬆軟，佢嘅忌廉、麵粉、雞蛋應該都係非常之高質，因為原材料高質，所以感覺焗出嚟的甜品亦都非常之好味。另外士多啤梨一啲都唔酸，好甜，香蕉同藍莓亦都非常新鮮，呢三種生果加埋配呢一個甜品真係非常之出色。…Read More

被Cafe的外觀及旁邊的活化建築物所吸引，所以搵咗一個週末的下午，拜訪添飲咖啡店。唔知係因為疫情關係，還是添飲咖啡店的安排，訪客需要先喺網上預約，才可以於午餐時段被接待，由於山長水遠嚟到粉嶺，所以食唔到午餐，感到非常之可惜，第一時間用WhatsApp預約返下午茶時段，食個輕便午餐之後再回頭光顧，可惜嘅係下午茶餐牌同午餐餐牌係完全唔一樣嘅。旁邊嘅活化建築物，新界裁判法院係打卡之選，亦有草地可以影返幾張靚相。喺餐廳入邊一共點左三款食物，分別係肅靜凍啡、布朗尼蛋糕配雪糕、菠蘿百香果沙冰。呢間文青Cafe外表一流，內裏裝修非常舒服，只要預約咗時段，就可以任坐直到下一個時段。但食物就非常一般，如果講食物質素，可能未必會光顧呢間餐廳添。肅靜凍啡：一係凍齋啡加青檸汁、薄荷葉，對於平時飲開latte嘅我來講，呢款咖啡真係難以入口，不過外型非常之特別，都可以打返張咭嘅，可能鍾意飲齋啡嘅朋友，會鍾意呢一個比較有特色嘅咖啡。布朗尼蛋糕配雪糕：雲呢拿雪糕溶得非常之快，味道中規中矩，實屬一般的布朗尼蛋糕及雲呢拿雪糕。菠蘿百香果沙冰：有菠蘿味、有百香果味，但係就冇沙冰，以為自己飲緊菠蘿汁，呢個係最失望嘅食物。…Read More

與友人相約於西鐵站附近的西餐小店Never too late，友人多次推介小店的午餐Set Lunch，我們合共叫左兩個套餐，分別為牛扒配意粉及雞扒配薯菜。午餐均配餐湯、麵包及飲品。餐湯非常高質及濃郁，是日餐湯是忌廉湯，不會太稀，亦是嚐到當中的蘑菇味。跟餐凍齋啡及凍朱古力味道亦不錯主菜方面，牛扒為肉眼扒，相對價錢來講，都算不錯，炒意粉加左蒜蓉、香草，鹹淡適中，意粉外表雖然油令令，但食落去又唔會太油膩燒雞都可以做到鎖起肉汁，不會太乾，如果雞扒外皮可以焗脆一點就會更好，薯條為一般茶餐廳炸薯條，如果改為連薯皮的炸粗條，口感會更好更高質，不過薯條份量很大，有滿足感又夠飽，加分餐廳環境清幽整潔，西式格調，非常舒適，桌椅非常舒服及寬敞。午餐人均消費一百元左右，份量相當足夠！…Read More

觀塘東廣場必食漢堡包推介呢間小店小妹已經幫襯過幾次，食咗幾次之後，發現漢堡包依然可以維持一個高的水準。漢堡包喺廚房入邊由廚師一個一個咁樣去煎嘅，我見到每一日店員都會用一啲新鮮嘅免治牛肉做漢堡，而我最鍾意舖頭嘅漢堡包亦都係經典牛肉漢堡加菠蘿🍔。發現中間嘅牛肉漢堡好厚，亦好有肉汁，加咗菠蘿之後，漢堡包嘅油膩都會減低，菠蘿亦會令到漢堡包變得更Fresh及Juicy! 小店裏面除咗經典牛肉漢堡係必食推介之外，炸薯條係非常之出色，除咗全部都係即叫即炸，熱辣辣之外，薯條係一啲連皮嘅粗薯條，非常之有口感，及滿足感。另外我都有試過大隻佬漢堡及雞肉漢堡，大隻佬漢堡非常之滿足，雞肉漢堡略鹹，但係依然覺得經典牛肉漢堡係最好食嘅，喺香港真係好少食到咁平，但咁高質素嘅漢堡包！…Read More

早前聽朋友介紹元朗區的石燒店，一心歡喜以為好好味，點知失望又痛苦。是日點左肉眼扒($88)同牛more之道($75)各200g，兩份牛扒前後相隔幾秒上菜，肉眼頭頭彈油彈得十分厲害，諗住慢慢切慢慢食，但彈油實在彈到不行了加上塊肉眼扒唔知點解好多筋，好難切！切極都切唔到啲油不停地彈上黎！好彩友人建議將啲肉放返係隻細到不得了嘅碟上面先切，叫解決左問題。但友人舊石頭好似無咁熱，啲油彈得無咁勁。我對手前後被彈油彈左十次，每次都好熱好痛，最後有下彈到紅左一達，希望今晚唔會見到水泡。塊肉眼扒好多牛筋，令啲食物好難入口好難切又好難燒熟，完成食唔到！都未曾食過咁多牛筋嘅肉眼扒，心諗係咪肉眼同西冷搞錯左。另外連加罐可樂都要自己去雪櫃拎，真係無服務可言。其餘配菜非常一般，蘿白味增湯嘅蘿白係苦嘅，沙律同白飯就正常。石燒店全港都有好多間，呢間就真係不了…Read More

我好中意食綿綿冰,而且都食左糖百府好多次,其實我自己都feel到佢地ge質數係下降緊,有時好食有時難食,不過我依然都好支持佢地!我自己就最喜歡芒果冰同宇治金時,芒果冰真係正到唔識形容,宇治金時有一種好fresh ge感覺,但芒果牛奶冰我個人就麻麻地prefer~其他都唔錯ge有朱古力冰,個味比較濃,適合最後先食牛奶冰個味有d淡我平時都係自選.,因為幾好玩之餘又可以食自己中意ge野!不過其實諗返,d綿綿冰又真係幾貴下,用水做都要30-40幾蚊一個~…Read More

早前同四位朋友一齊到瀛素食到食飯,係朋友介紹ge一間餐廳,我一直對素食的印象都麻麻地,以為又係豆腐同菜之類ge東東,不過呢一間店比我ge感覺就真係幾好!首先老闆娘對人好nice! 又有耐性~~~親切!而且d又好好味我地叫左好多野食最好食ｇｅ係個日式海鮮ｐｉｚｚａ,個口味真係一流!特別係個餅底,唔會係第2d店到食到,除左我地外,我仲不斷聽到隔離個台d人叫好食好食~第二就係個四季豆炒肉糜,送飯就係一流! 都肉糜都幾真下~仲有咕嚕肉,口感唔錯,像真度又高!~我地仲叫左軟殼蟹壽司!呢個真係好好味,我覺得好似食緊真ge sushi一樣再黎係老闆推介ge牛油果醬西多,我自己個人就麻麻地like,可能係因為我一向都唔喜歡牛油果個味,不過如果中意ge試下都冇妨,我都fd都話係ok ge!…Read More