Bvjus's Profile

其實本人從來未去過客家，又唔識得客家人，只不過喺呢度食飯，食得出細個嘅時候食客家菜嘅味道。今晚帶咗屋企長輩一共六個人去食飯，預先已經喺WhatsApp訂咗枱，預訂咗一隻八寶鴨同釀鯪魚。去到嘅時候，再嗌咗半隻霸王雞，同埋一碟酒糟炒油麥菜。首先上嘅係霸王雞，上菜嘅時候，以為佢嚟咗一隻雞。因為份量非常充足，就咁睇size，真係似而家出邊食飯嘅一隻雞嘅份量。飯店哥仔話，鹽焗雞同霸王雞都係一樣，分別係霸王雞上邊有薑蔥而鹽焗雞係冇的。雖然好老土，但係雞好滑，雞有雞味喺而家香港嘅食肆唔係必然的。八寶鴨更加係功夫菜。首先要將鴨骨起好，在釀入糯米，栗子，鹹蛋黃各樣嘅餡料酥炸而成食嘅時候外脆內軟味道層次豐富。食嘅時候淡淡都係肉同餡料，我家少爺非常欣賞，因為佢太唔鍾意噒骨啦。釀鯪魚真係唔係度度都有得食。首先要將鯪魚拆肉起骨，再配合豬肉臘腸各種配料打成魚滑，在讓返落條鯪魚入邊。淨係聽到呢啲程序都知道呢味餸唔簡單。 呢間係一間位於大圍好耐嘅飯店，裝修各樣可能未必有集團式嘅餐廳舒服，但係佢哋嘅服務態度好有人情味，小店嘅魅力確實唔係集團式嘅餐飲可以媲美。 最後，碟頭相當充足，叫餸嘅時候千祈唔好眼闊肚窄。…Read More

認識呢一間餐廳係睇YouTube有YouTuber介紹， 見到有唔同雞嘅部位串燒， 已經好有期望。 點知， 嚟到餐廳一試， 果然冇令人失望。 當晚， 我哋叫咗好多唔同雞嘅部位串燒， 個人覺得最好味嘅係雞頸肉同雞橫膈膜。 由細到大， 阿媽都話雞頸係打針嘅地方， 所以通常都唔會食。 今次一試， 原來先知道雞頸肉係咁嫩滑嘅。 佢本身有好濃嘅雞味， 但係又唔會好油膩。 橫膈膜都係第一次試， 佢嘅肉質有啲咬口， 雞尾好濃， 又係一啲唔係好油嘅部位。 當晚餐廳介紹咗一款叫「雞蠔肉」嘅串燒， 佢話係雞髀嘅內側，試完之後果然好嫩滑，肉質豐富Juicy！ 我哋當晚仲encore咗兩次添！ Overall，當晚叫嘅嘢食都好有質素。下次一定會再去。…Read More

星期日同表姐妹去食brunch， 揀咗呢一間對住維港海景嘅餐廳。 餐廳空間感同光線都好充足，有一種好舒服嘅感覺。我哋幾個傾偈傾得好開心。由於自己有花生及堅果敏感，訂座之前已經確認咗有食物敏感。當日餐廳都仲會記得同再三確認有啲乜嘢我係食得，有啲乜嘢佢會幫我轉左無花生及堅果。雖然有部份食物係無限量供應，但係質素依然好新鮮。我哋encore 咗Sashimi。 上甜品嘅時候，餐廳都另外預備咗一份冇花生及堅果嘅甜品俾我。感覺非常之窩心。最後值得一讚嘅係，佢哋杯Americano好好飲。…Read More

星期五下晝同一班同事offsite 開完會， 係附近見到呢間cafe， 正好比我哋休息一陣debrief 一下頭先開完會嘅嘢。 每人叫咗一杯嘢飲， 有Hojicha latte, matcha latte, caramel latte 同 Iced latte。 本來都想叫matcha latte， 但係佢哋冇soy milk， 所以轉飲Iced latte。 Iced latte 好啱我個人口味， 奶好香濃， 同咖啡味好balanced， 又唔會互相搶咗大家嘅味道。 咖啡入口好smooth， 唔係酸或者甘嘅豆 （ 但係我冇留意佢哋用咩嘢豆）我哋坐咗半個鐘到就走啦， 下次經過會再去…Read More

由於另一半鍾意飲法式洋蔥湯，所以就search 到呢間位於上蘭桂芳斜路上樓嘅法國餐廳。個人覺得餐廳佈置好法式，牆上面嘅gallery collage 好似去咗法國嘅餐廳小店咁，係冇得去旅行中都有啲安慰。我哋叫咗法式洋蔥湯，個人覺得唔錯，湯底偏淡，但係加埋多士上面嘅芝士一齊食就啱啱好。食到有焗芝士嘅脆片同湯嘅味道好夾，值得推介。主菜我哋叫咗黑松路野菌意粉，係用橄欖油炒嘅，味道唔錯，但係自己會鍾意再乾身少少。第二道主菜係「燒乳豬」（需預訂），呢個真心有驚喜，佢係用咗乳豬肉同其他材料卷成條狀，但係又保留返乳豬皮然後去燒，所以冇骨之餘又滿足到可以食脆皮乳豬嘅感覺。甜品係法式焦糖燉蛋，蛋夠滑，個人覺得焦糖有啲厚，但係焦糖控制得好好，微微嘅焦苦味配甜滑燉蛋，完結咗呢餐晚飯。食物份量適中，仲有其他主菜都好似好吸引，會再返去試。服務細心，記得我哋有食物敏感，每逢order都會幫我哋確認，食得放心。…Read More

臨近聖誕節去海洋公園staycation試咗呢間係hotel reception 旁邊嘅lounge，以lobby lounge 嚟講，嘢食嘅selection 算唔錯。由於我哋有食物敏感嘅關係，餐廳都好貼心咁幫我地改咗一啲menu，值得一讚呢～ 叫咁兩份set dinner，頭盤改咗為「彩虹沙律」？ 總之就係沙律菜加牛油果加蕃茄加意大利黑醋啲friend啦… 沙律菜新鮮爽脆，意大利黑醋份量適中，唔錯唔錯。第二度係龍蝦湯，一般般。主菜一份叫咗魚，一份叫咗牛，兩份都做得唔錯。牛扒叫medium rare 真係嚟咗medium rare，佢唔係標榜啲乜嘢特別牛肉但係牛都有牛味… 不過個魚肉就略微散咗啲，一切開就散，但整體嚟講都係好味嘅。甜品略甜但係配返咖嘛啱啱好… …Read More

疫情下冇得去旅行，唯有係香港搵啲正宗外國菜頂住先。嚴格嚟講呢間係外賣店，暫時只係做外賣。當日買咗4款唔同嘅嘢食，可能係星期日關係，廚房即叫即整，非常新鮮。試咗cold cut platter ，屋企人鍾意食cold cut，一個order 有四款唔同嘅肉加芝士。第二款係私心推介嘅grilled vegetables，佢係用自家製嘅basil oil 連同個cold cut platter，返屋企可以切返個antipasto platter，當自己去咗意大利… 不過個人建議啲油同醋另試，返到屋企臨食之前半個鐘到先淋試去，比少少時間啲菜吸收下啲精華 第三款係mozzarella cheese and tomato salad，估唔到香港都有咁高質素嘅mozzarella ，就咁落鹽同油都已經好好味。最後係tiramisu，意大利廚師話個甜品啱啱砌好，千叮萬囑吩咐要過多兩三個鐘先好食，唔係會唔同味道。意大利人對嘢食果然執著 記得上去前order定先，咁就唔使等啦… …Read More

Bookmarked 咗呢間餐廳好耐，一直都未有機會試。終於上星期六同朋友係銅鑼灣shopping完之後試咗。首先服務貼心，每個座位都有藤籃擺嘢，shopping 完後唔怕冇位擺，坐得亦舒服。朋友叫咗一份醉雞晚餐set，雞髀大大隻，酒香又濃又入味，值得推介。自己就叫左銀雪魚，份量亦都比想像中大份，配上 lemonbutter 同薯蓉，比例啱啱好。最後甜品叫咗cheesecake 同咖啡，完滿嘅一餐。由於本人有花生同堅果敏感，侍應們都好有耐性同細心幫手同廚房double confirm 啲order，make sure 冇引致敏感嘅食物，食得放心。…Read More

五一黃金週條街開始多人，係疫情下間餐廳都要book到2030先有位，睇嚟應該有哂咁上下質素，所以有啲期待。餐堂唔算大，大約10鬆張枱到，坐得都尚算舒服。當晚fully booked, 餐堂小waitress 明顯有啲應接不暇。上餐次序都亂左。我地叫左晚餐set 牛小排，上左主菜都未上餐前小食，大概忙中有錯。散叫左個法式洋蔥湯，大概係飲過嘅洋蔥湯最「甜」嘅一個了... 不過，佢都有好多驚喜位。餐前麵包係暖的，仲有三款麵包，而其中一款仲係牛角包忝，呢個係有誠意嘅... Set 嘅餐湯係南瓜湯，呢個係好味嘅，有好濃郁嘅南瓜味而又唔太creamy... 食到南瓜本身嘅甜味... 主菜牛小排係最有驚喜。本身舊肉好juicy 同好稔。佢唔似啲butter knife steak 咁，食落好有質感。甜品叫左tiramisu 同最近大熱嘅400次咖啡。係屋企整唔到唔使失望，嚟呢度就有得飲啦～ …Read More

長假期第一日想去搵嘢食，知道呢家店好耐終於有機會去試。頭盤叫左磨菇湯，湯做得唔錯因為自己若鍾意飲好creamy 嘅中式西湯。最有驚喜嘅係個麵包，暖暖的，外脆內軟。主菜係60天熟成牛，我地叫左medium，試菜時又真係冇overcooked 👍 另外好impressed 嘅係訂位時講過有花生敏感，一坐底佢地就同我講佢地記得 ，仲同廚房講左，對於有食物敏感嘅客人的確感到安心。係好多地方都見到餐廳嘅細緻位。例如飲品試面嗰片風乾橙，若果自己做會好多功夫，買現成嚟做裝飾成本好貴，但係有一塊咁精緻嘅香橙另到成件事已經唔同哂... …Read More

話說朋友仔極度推介壽司豐，於是趁有機會去試下佢地嘅lunch. 由於我地比較麻煩，有好多食物敏感 🥜🦐🦞🦀🦪，每次食 Omakase 都要係booking 嘅時候講清楚。好好彩師傅冇嫌棄我地麻煩都一一滿足到我地，真係麻煩哂師傅 🙏 當日係坐壽司bar 枱 (見到佢入面有間房，不過唔知會唔會open for booking) 坐得都舒服唔會有好迫嘅感覺。師傅會觀察你食完每一碟嘅反應，冒求令你enjoy 每一款菜色。今次我地試左Sushi and Sashimi Omakase, 下次一定會試埋sushi set 嘅Omakase …Read More

We went in a group of 4 and ordered 2 sets of menu for 2. The portion was generous and taste was over expectations. My friend has allergies to shellfish and I have allergies to nuts which they could cater for both. There was no time limit for how long we could stay. We had a good time and definitely will return. …Read More

嗰日自己一個行街，行到肚餓就搵嘢食，間餐廳bookmark左好耐但係仲唔試過，所以就趁呢個機會試下。 食物，服務同環境冇上像中咁好，午餐時候都還好，但到下午茶時候見到有湯通粉同炒蛋 🤔，感覺上好似茶餐廳咁，但係咖啡都真係做得唔錯... 嗰日食左個午餐有蕃茄忌廉湯，飲得出係用茄膏開出嚟嘅，主菜肉丸意粉做得唔錯，挽回唔少分數嘅，到最後餐飲吖咖啡，就係全餐最好嘅部分啦～可能嗰日係星期日下晏，翻枱都算快，本來想坐耐少少睇下書都已經唔好意思（雖然佢地冇講明用餐時間）... …Read More

星期六同閨蜜去嘆個靚lunch, 今次係第三次去，之前兩次去係朝早10點零11點，唔使等位，但係今次係下晝兩點，等左大約35分鐘 但係因為之前嚟過，知道呢度啲咖啡同嘢食好有保證，所以堅持等。 終於等到我地，好彩又係窗邊位，陽光灑入嚟又唔係好熱，感覺好悠閒，好似去左台灣咁雖然食物選擇唔多，但係食材好新鮮。我地叫左All day breakfast 同 grilled chicken salad ，通常伴碟啲菜都唔新鮮，但係啲沙律菜好爽脆! 最抵讚佢個open kitchen 都唔令到小小咖啡點好大油煙 同場仲有其他客人係另一張窗邊枱寫生…Read More

大年初七諗住同同事嚟食餐好少少嘅，希望來年樣樣順順利利... 就選址呢間諗住坐得舒服。大家都點左牛排，最初 waitress 話生熟程度最少都medium 起跳，同事們都覺得可以接受嘅，點知嚟到嘅時候，每塊都係8至9成熟 咁都算啦，但係問waitress 有冇牛排刀又冇 佢又係用高身鐵pan 上 其實只係想同同事舒舒服服咁食一餐，食物質素都唔係最主要嘅，但係一舊8，9成嘅牛排已經有咁上下韌，冇牛排刀，個高身鐵pan又熱之下，好容易比個pan 邊辣親隻手，基本上係好難進食 不過，杯咖啡係好飲嘅，比出邊連鎖的或者小店都好飲環境又真坐得舒服 建議: 下次set menu嘅時候可能要諗下有冇相應嘅配套先，好嗎？…Read More