maomaomujimiu的個人專頁

話說貓貓今日唔食早餐，就係為左呢餐。貓貓好鍾意食放題，尤其係日式放題。入到去侍應講日文嘅歡迎。有一刻覺得去左日本。貓貓好鍾意呢度嘅氣氛。仲有前面嘅salad bar可以自己攞前菜。好多野食呀喵。油甘魚新鮮到呢！好耐無食刺身。個個刺身都新鮮同甜。蝦刺身彈牙又唔腥，貓貓encore左好多次！睇下呢啲壽司。好多種類，飯份量唔多，可以令貓貓食到唔同味道嘅壽司，好貼心。比目魚係貓貓最愛！食幾多都唔會濟。都好新鮮好甜！貓貓不知不覺食左好多。貓貓好鍾意呢個蝦多士。香脆有蝦味，任食唔嬲，貓貓好興奮！炸物都係貓貓嘅天堂！tempura係貓貓食放題必食。呢度嘅天婦羅炸得好脆，仲好熱。唔洗點汁，食最原汁原味都好香脆。貓貓食食下已經食左兩個鐘，今次日本食之旅圓滿結束。…查看更多

今日貓貓去行完街，就入左呢間餐廳食野。見到環境都算舒適，所以決定入黎試下。餐廳空間大，坐得又舒服，唔會好嘈，好適合貓貓食晚餐。貓貓order左個燒汁豬扒蛋包飯套餐。呢個豬扒係貓貓見過最大嘅豬扒呀！厚切到咁真係好滿足。豬扒好juicy，側邊煎得香脆，好肥美！蛋包飯入邊嘅飯粒粒分明而且好香滑，好香蛋味。真係好抵食。煙三文魚沙律好清新，有芝麻醬，食到好開胃。西湯好靚，濃味，份量啱啱好。之後再order個黑松露白汁牛肉焗飯。超級大份。貓貓好興奮。上邊嘅芝士好多，餐廳真係好捨得。啖啖黑松露清香，同埋大大嘅牛肉。食得超過癮！仲有呢個芝士雞翼，上邊係去骨架！食一啖好濃嘅芝士牛油味，好邪惡！芝麻蝦多士第一次食。芝麻味好香，同蝦好夾。呢個有驚喜，一定要食！咁嘅親民價錢黎講，野食又好味，唔得彈。貓貓巧開心喵！…查看更多

今日貓貓去鰂魚涌玩roller。roller前去左樓下冰室食野。好舒服嘅冰室，夠凍位夠闊。熱辣辣嘅天氣係冰室透氣真係好爽喵！貓貓order左個厚切豬扒飯。厚切呀正！最鍾意厚切。豬扒整得好有水份。咬落去口感彈性，好新鮮，而且好夠味。一啖飯一啖肉，惹味！個豬扒份量，嚇傻左，真係好大！仲有呢個茄牛通。濃郁嘅湯底，真係啖啖番茄味，好fresh！牛肉大大舊，好開胃呀喵！你睇炒蛋幾靚。夠滑，加埋係麵包度，牛油同蛋真係好夾！麵包超香牛油味！order個瑞士雞翼小食。未食已經搵到好濃嘅味道。瑞士汁已經滲透入雞肉入邊，甜甜地，好濃好濃，足料嘅醬汁，呢個好味呀喵！飲杯熱檸水同熱檸蜜，坐係冰室吹水，好relax。貓貓好滿足，因為食咁多野，價錢又抵！份量又大。侍應態度好好，係香港黎講，要搵到間好態度嘅冰室同茶餐廳係好難得。keep住呀喵！…查看更多

貓貓好想去韓國旅行，好掛住oppa們嘅食物，唯有係香港食啦。貓貓好鍾意呢個地方。環境光猛，仲有自助區可以俾貓貓任攞任食。貓貓雖然係港貓好細食，但都食唔少肉架。好多好多肉，個個都咁fresh，慢慢品嚐！牛舌燒得剛剛好，好彈牙，味道甜而不腥。貓貓encore左好多好多次！出餐都出得好快，網上order左好快就送埋過黎。服務好好。仲有貓仔幫手送！仲有呢塊豬肉，配埋醬汁一齊食，食極都唔夠，夾埋醬汁真係越食越開胃！發覺呢度野食乜都齊。包羅萬有，菜，牛，羊，雞，豬，海鮮，你諗到嘅都有。食得多肉，可以叫下菜fresh下個口，再繼續食。食到咁上下，係時候食返個甜品啦。貓貓留左第二個胃俾甜品。食到好飽再用甜品劃上句號，貓貓好開心呀喵！…查看更多

貓貓想飲nuttea好耐㗎啦。今日終於有時間去飲返杯！見到anson lo係舖頭，貓貓即刻變得好開胃，如果有得order佢就好喇！真係好靚仔呀！聽講呢度嘅奶蓋好飲。叫左兩杯黎飲！無錯，喵係有九條命，兩個胃！呢杯火龍果奶蓋好靚仔。鮮豔嘅紅色。好吸引。原來可以用貓貓鏟黎筆奶蓋黎食，正呀！當貓貓食一啖奶蓋，好香嘅堅果味，陣陣嘅榛子味，真係好特別。食完奶蓋飲一啖火龍果茶，紅龍果味唔會遮到茶味。兩個夾得好好。貓貓好鍾意呢個極有創意嘅飲品。呢杯菠蘿堅果奶蓋茶可以揀微糖。貓貓就試下。原來貓貓發現，nuttea嘅茶正常甜度都已經係貓貓鍾意嘅少甜，所以再叫微糖，會更少甜。呢個微糖可以更加飲到茶嘅味道，菠蘿調一調個香味，成件事好purrfect!飲完都仲想叫多幾杯。因為呢個奶蓋真係好出色！貓貓超級鍾意呀喵！…查看更多

貓貓今日想食個靚嘅午餐。於是揀左呢間食。一入去已經覺得好舒服，餐廳嘅氣氛好好。好有大自然感覺，仲有好寬闊嘅位置可以坐低食飯。貓貓order左個牛柳紅酒汁配薯菜。大大舊牛柳真係睇到都開心。要求左3成熟，真係整到3成，咁靚咁多汁，貓貓好開心。牛柳好軟好好味，加埋紅酒汁好完美。驚喜嘅係，薯菜唔同於其他餐廳嘅薯菜。呢度有好多唔同嘅菜，譬如茄子，瓜類等等。每個菜都好夠味好甜，真係好好味好出色嘅薯菜。南瓜湯係濃郁，又唔太甜。飲完會覺得好fresh。煮到好好味。沙律大碟。調味調得好，唔會太酸，無搶走沙律本身菜嘅鮮甜味。貓貓真係覺得呢間餐廳好高質。馬沙文咖哩炸魚飯。呢個又係一個驚喜，因為原本想食喇沙。但賣晒，所以叫咖哩。呢個咖哩好好味，有花生嘅香，濃郁嘅咖哩又唔辣。炸魚用盲曹魚，所以本身都好鮮甜味。點左咖哩食，成件事昇華左。真係好好嘅配搭。又同珍珠米一齊食。呢個咖哩一流。如果可以再多啲咖哩，貓貓真係會飲左佢！好值得食！貓貓飲埋杯凍檸茶，熱檸水。請一請口腔，refresh下。真係好正喵！…查看更多

行完葵廣就過去間cafe飲野。Cafe全綠色，環境似外國街頭風格，幾有特色。好寫意既感覺。叫左個kaya bagel，聽講係佢地既鎮店之寶。本身對kaya無話特別喜好，朋友話想叫就叫左個黎試下。上菜已經好香椰子既味道。戴住口罩都聞到。bagel外面脆脆地入邊煙韌，口感好舒服！加埋kaya，好香濃！口感好有層次。因為之前食過好多馬拉餐廳既kaya都覺得好甜，但呢個kaya真係好唔同，超香濃，甜度又啱啱好，真係好正！！之後叫左杯matcha latte。好靚既拉花，latte好滑，唔甜，抹茶味夠濃。飲住latte食下bagel，好chill好舒服。估唔到細細間，有啲咁有特色既野食！好有心思既小店！…查看更多

終於夜晚可以堂食喇！今日貓貓係旺角行完街，好掛住呢間性價比高嘅泰國菜，即刻貓衝過去食。貓貓見到餐牌已經留晒口水。好肚餓呀！餐廳環境依然係咁，簡單又企理。貓貓order左個冬陰功炒飯。好快就上次，正呀。炒飯好香冬陰功味。好開胃。仲有兩隻大蝦，開心死貓貓。好新鮮嘅海鮮，大隻又好味，好好味呀喵。蠔仔蛋超大份量。整得好香，蠔好新鮮，點埋辣椒醬好開胃。啖啖蠔，好豪氣！仲有呢個燒豬頸肉，燒得好好味，份量又夠多！側邊幹身脆口，入邊好juicy。點呢個醬瞬間好似去左泰國咁！高水準！紅咖哩雞好香奶味。鍾意佢咖哩味濃。而且好足料。貓貓開心但貓貓不說！貓貓食得好滿足，感覺呢間泰國餐廳好好味！性價比高，貓貓食得好開心喵！…查看更多

貓貓係間性價比超高既酒吧餐廳食左個brunch。係旺角同油麻地中間。高樓中享受brunch semi buffet。貓貓開心但貓貓不說。餐廳俾貓貓既感覺就係好高貴又好新穎。貓貓去左沙律吧度食左幾轉。好健康好多菜。睇下，又貓貓鍾意既蕃茄。炒蛋，茄汁豆，沙律菜，仲有紅黃椒。紅黃椒好甜。好健康既一道前菜。酒店式既自助早餐。貓貓睇到已經濕左個咀。呢片豬肉好惹味。整得好濃味喵！貓貓既豬柳主菜好大份呀！用菠蘿去調味，都係第一次食。貓貓覺得豬柳好夠味，煎得有水準。豬柳juicy，調味料足。菠蘿既酸甜味另豬柳既味道去到另一個層次。貓貓超鍾意食呢道主食。飲杯醒神熱咖啡。食住餐廳既甜品。好享受。芝士蛋糕配咖啡好搭。好chill，好hea，好食喵！…查看更多

貓貓今日食左一間好特別既cafe。係荔枝角，原來有間咁有特色既cafe。貓貓鍾意餐廳既氛圍，播住輕鬆既音樂，係荔枝角咁多工廈既地方竟然有個咁有歐美風情既餐廳。可以慢活下。貓貓好肚餓，order左個終極漢堡飽一飽肚。漢堡包既麵包係貓貓鍾意既脆脆包。甜甜地脆脆地既包，又夠香。漢堡包一定要配呢個包先好味。牛肉漢堡一睇就知係靓牛。一入口，貓貓已經feel到牛肉個鮮甜味。好好味呀喵。侍應攞左5個醬俾貓貓任點好開心。貓貓鍾意佢有個truffle mushroom醬。松露既味道，加入去漢堡好好味。仲有沙律醬，番茄醬，辣椒醬等等。加入個漢堡就有另一位味提升左出黎，貓貓真係濕左個嘴。薯條啱啱炸出黎，超熱超爽口。好味喵！食漢堡點可以少左個蘇打俾貓貓gur一gur。青檸荔枝蘇打真係好清新。貓貓飲完成個人精神晒。貓貓好鍾意呢個漢堡飽飽餐！…查看更多

一間好local既冰室，但野食又有啲創新野。貓貓今日係呢個冰室食左個滿足的晚餐。冰室好多marvel既公仔。尤其係ironman。好靓。播住廣東歌，香港味道濃。貓貓好肚餓，坐低就order左個all day breakfast。第一次見到冰室有英式早餐。呢個大啡菇真係不得了。上邊有塊牛油慢慢融化，蘑菇吸晒牛油汁。貓貓食一啖，蘑菇既香味滲透貓貓既口腔，貓貓濕左個嘴。貓貓鍾意食呢個英式早餐。因為炒蛋炒得好滑。仲可以夾麵包一齊食。炒蛋真係香又滑。啱啱炸既薯餅，好脆又粒粒薯仔味，正呀喵。仲有沙律。生果沙律，清甜好好味，貓貓覺得真係好fresh。仲有靓靓既煙三文魚玫瑰花，無諗過呢間冰室野食整得咁靓。鹹牛肉芝士玉子燒餐。玉子切開，芝士拉絲真係吸引死貓貓啦！好滑既玉子。入邊有留心既芝士鹹牛肉。真係好滋味。呢個餐有埋傳統經典冰室一定要食既撈丁。仲可以配埋餐肉。好創新又復古。貓貓好鍾意呢個餐。玉子入邊好滑，仲好香。係冰室飲凍檸蜜，感覺好舒服。貓貓真心覺得好正，同埋好飽好飽！…查看更多

貓貓今日想食泰國餐。所以就揀左一間貓貓鍾意既泰國餐廳，新泰。入去餐廳，貓貓覺得好舒服好靓。入邊好有泰國放鬆又高級既氣氛。而且座位有枕頭，十足十泰國悠閒既氣氛。貓貓肚餓啦，order左炸軟殼蟹芒果米紙捲。軟殼蟹啱啱炸出黎，熱辣辣。食一口，好脆又食到蟹肉既甜味。芒果又甜，口感真係好豐富。點一點酸辣醬，味道更加開胃。越食越覺得爽口喵！貓貓之後再order左個泰國豬手。呢個豬手好特別。炸得同德國豬手外表一樣。但口感完全唔同。好特別既泰國豬手。豬肉係完全鬆軟好多汁。但係豬皮超級脆又肥美。重點係點埋個黑汁，味道更加好食。少少辣少少甜，真係好開胃，貓貓濕左個嘴啦！貓貓想食甜品。椰青大菜糕。成個大椰青邊左啫喱。好得意呀喵。啫喱有好清甜既椰青水味。仲有啖啖椰肉食。呢個甜品真係好好味好清甜。貓貓食到好飽好開心喵！…查看更多

貓貓今日好想食牛扒。決定去食一份大大份既牛扒。今日貓貓黎到太和食呢間傳說中日式既牛扒餐廳。餐廳係自助式既，好似Ikea咁。所以食牛扒唔需要俾加一服務費，貓貓鍾意。貓貓俾左錢之後攞牌仔，等牌子響就會攞餐。好特別既日式餐廳。貓貓order左個400gram既西冷。貓貓第一次見到400gram既西冷原來係咁大。切開個肉，仲係3成熟。好多汁，好新鮮。貓貓濕左個嘴啦又！貓貓最鍾意食西冷既脂肪同有條筋位，好有彈性。加左鹽同胡椒，牛肉味道好甜好濃。貓貓仲加左套餐。有沙律，味增湯同烏龍茶。好健康既配搭。沙律有麻醬撈埋。味道好爽好清甜。貓貓個兵叫左300gram既肉眼。分左一半俾貓貓，肉眼好靓。肉質軟，多水份。貓貓一次過食兩個部位都真係食到好開心子！牛扒可以點佢既柚子汁。陣陣好香既柚子味同牛扒混合得好好。貓貓真係愛上左呢度既牛扒！呢間牛扒既價錢真係唔貴。好抵食既牛扒。…查看更多

今日貓貓約左朋友特登黎呢度食牛牛。最近好似好hit，貓貓梗係唔會錯過。貓貓覺得佢既餐廳設計好靓。俾貓貓一種高級又chill既地方，好適合港貓打卡靓靓。食之前侍應會介紹menu，原來餐廳既牛係用牛第二嫩既地方叫flat iron。貓貓order左個香草平鐵牛扒。原來有成舊蒜係側邊，烤完之後特別香。一塊塊食，再食牛扒。味道好夾，好靓既口感。貓貓覺得medium既牛扒烤得拿捏得好好。真係medium。肉質夠嫩，又有水份。原來flat iron既口感真係唔同啲。保留住肉汁原本既鮮甜同水份。原汁原味再加左香草香，簡單但超級好味！睇下啲肉質幾靓！原來餐廳薯條係任食。貓貓點會放過呢個難得既機會呀！食薯條，食到一陣清新既松露味。薯條有松露味真係第一次食，好好味。貓貓濕左個嘴。薯條啱啱炸出黎，貓貓係咁叫侍應添加薯條。390日谷飼prime級平鐵牛扒。呢個既肉質再唔同啲。咬落去貓貓已經濕左個嘴。牛肉同脂肪混合得好！好靓既牛扒。牛扒係medium rare。更加食到水份爆出黎又甜既感覺。牛扒既色澤睇落去已經好吸引。加少少醬之後，肉質變得更甜。好難選擇因為原味好鮮好靓，加汁又豐富左甜味。薯泥都整到好幼滑好香！dirty lemonade。有幾dirty就睇唔出，但味道真心好味。又唔會太甜。貓貓鍾意呢間餐廳！服務態度係加分的！…查看更多

貓貓今日睇完戲，係九龍灣決定食冰室。聽聞呢間冰室質素唔錯，所以貓貓決定過黎食。貓貓好鍾意冰室既風格。好光明，俾人好正氣既感覺。黃燈又光明，好舒服。貓貓好肚餓，於是order左個涼瓜火腩煲。熱辣辣，好香噴噴。火腩層皮因為痴住個煲，燒得好脆同香。陣皮香味好似乳豬皮咁，好正喵！涼瓜無乜苦味，同火腩好夾。熱辣辣既火腩煲越食越開胃。貓貓真係濕左個嘴。仲有中湯送。好暖。火腩飯既汁最適合撈飯，幾多碗飯都唔夠。小菜真係整得好好味。椒鹽魷魚都好好食。menu寫住小食以為份量好細。點知呢碟魷魚勁大碟。真係好抵食。魷魚炸得好鬆脆。椒鹽味增加左魷魚既鮮味，口感又彈牙味道又新鮮，貓貓好興奮。椒鹽又唔會太鹹，味道啱啱好。貓貓越食越開胃，估唔到好快就食晒！熱檸蜜暖一暖貓貓既肚，感覺好舒服。貓貓覺得呢度真係好多野食，有西餐，中餐，東南亞餐，乜都有。味道整得好好，貓貓好鍾意呢間冰室。…查看更多