h0004534's Profile

已有數年沒有來過鑽石山的抹茶館，這間餐廳曾是太太的摯愛，入餐廳前，見到餐牌與數年前見到的相約，也是二人餐，有頭盤，有菜有兩個煮食，兩個甜品，和兩杯茶，之前食過黑蒜油拉麵，印象是極好的，可是今次點了兩碗拉麵後不管賣相味道，份量，都極之失望，和三年前的沒法比，如果可以從頭再選過，我不會選擇這款拉麵，拉麵的鹼水味非常奇怪，叉燒肉厚柴口，基本上是一個低分的拉麵，至於甜品方面，水準還是可以，這次我點了軟雪糕和蕨餅，份量味道還可以。也說說頭管的刺身吧，要加錢，另加$18 ，但份量少得可憐，新鮮情況還可以，但只能說頭盤夠一人食而已，二人餐的份量來說，這個份量實在太少。飲品方面，我沒有點加錢的綠茶飲品，只簡單地點了兩杯熱的茉莉茶，一般吧。…Read More

難得和太座星期五，放工忙裏偷閑，去食日本嘢，無心插柳，入咗呢間舖頭，大約六時半，場內人數不算太多。看過餐牌，第一個感覺是，這店的價格定位比千両還要高，質素份量未知，看了5分鐘餐牌，就點了兩樣刺身，海膽軍艦，一個卷物，一些燒物，還有芝士玉子蛋。先來的是刺身，尚算新鮮，但份量極細，每樣只得三小片，一下子食完了，由於不算便宜，亦不是厚切，就這樣算了。再來就是玉子蛋，賣相味道份量都幾好，芝士不算多，芝士份量如能雙倍更好。海膽軍艦$108兩件，軍艦上的海膽份量，鮮味，還算可以。點了帶子鵝肝卷，不知道為什麼，卷物上的帶子刺身怪怪的，室溫，亦不爽身，有一點帶子味，但不算很夾下邊的鵝肝卷。點了三種燒物，牛脷和雞翼都不錯，但牛脷份量少，亦未算頂級，感覺加了不少Premium。最後一串燒麥是雞腎，只能說一個字差到極，血水味極重，嗜血的朋友應該是你杯茶。環境氣氛，服務員態度，還好。這餐廳的洗手間有點奇怪，免得要去就不要去。…Read More

一家四口於九龍城食晚飯後，到老字號中式糖水一試，簡單直接而言，就係呢檔糖水非常失敗。一進入舖頭，聞到一陣好奇怪的味道，沿途行去座位嘅時候，地板黐黐立立，坐低後點了兩個甜品，一個係紫糯米芒果珍珠，另一個係腐竹清心丸，份量上，絕不細，唯獨味道可以說是失望中之失望。先講個腐竹糖水，用匙羹一搞落去，見到非常稀肚的糖水，有幾片腐竹浮下浮下，如果自己煲個腐竹糖水就知道，基本上佢冇乜落過腐竹，慳料慳皮慳到極點，完全冇煲出嚟係豆漿奶感覺嘅質，清心丸，大細不同，有啲好大粒，有啲好細粒，細個幾粒還可以，另外大嗰幾粒好似未煮透，中間個心硬到阿媽都唔認得，至於薏米， OK啦，有少少渣，問題不算大。至於紫米露，簡單嚟講就係幾樣材料按客人需要撈埋一齊，味道不配搭，甜度不均勻，食物溫度亦不均勻，入口感覺非常奇怪，連愛吃甜品的兩個小朋友，吃了兩口都放下匙羹。冇下次就肯定㗎啦。…Read More

大年初四，難得和老婆可以去拍拖食個靚早餐，無心插枊來到深水埗新香園，見到招牌作麻辣牛肉蛋治，叫咗一個麻辣版，一個原味辣版，烘底，再來多一杯熱齋啡同埋一杯熱奶茶。食物來到，賣相9分，一口咬下去，即刻由天堂折回地獄，蛋牛治太多汁，成份三文治濕爹爹，肉多個但，唔係代表肉多，只係蛋少，估計係用旦水開，勉強足夠包住啲牛肉就收工，另外啲牛肉聲稱用巴西牛仔扒，其實入到口，都係一大堆橡筋，味道，口感都控制不到，失望。再講杯齋啡，一杯正常咖啡可以開10杯呢度嘅齋啡，淡而無味，失敗。…Read More

響佐敦搵咗一輪，都搵唔到傳統嘅牛腩粉麵店，行行吓，終於發現呢間店，兼門面其貌不揚，決心入去一試舖頭內有浸好大重味道嘅牛肉味，幾難頂，點咗一碗牛腩米粉，一上嚟，極不吸引，中伏味濃，先飲啖湯，一落口，湯冇味，味淡，再食米粉，好硬，質量唔得，再試埋啲牛，完全跌入谷底，$20都比多。😞舖頭入邊，展示咗好多相片，有懷舊相片，有拍戲取景照片，有明星零食嘅照片，但係實情係直升機，伏伏伏，如果因為啲相入嚟，只會講你完全中伏…Read More

今日放工早諗住經過呢間滷水店買盒豬大腸同埋我搶佢孝敬下老婆，比完錢，就見兩個師傅開始斬料，一個負責大腸另一個負責鵝腸，見佢落刀個吓話啲份量少得可憐，啲鵝腸得幾條，豬大腸就有一條，但係偏瘦，基本上冇乜肉可以食，佢分開兩個盒，個服務員交俾我嗰陣時係輕飄飄嘅，大風吹都吹散晒。返到屋企諗住同老婆可以隊下啤酒食下好野，嘩一開盒夾兩舊就冇晒，超級唔抵食，可以話係滷水店中味道非常一般，份量極其少嘅一間店，老實講以後唔會幫襯，而家外賣有八八折，但係八八折之後都仲好貴，好老實講半價就差唔多以咁嘅份量來講，唔會再去幫襯。失望，以為連鎖店啲嘢食同埋水準質量有保證，太失望。補充多一句，滷水味道可以，鵝腸係爽口，只係性價比極低。…Read More

長話短說，正！我對食物先評性價比，講氣氛講環境均為垃圾。從落單個刻個台灣感慢慢浮現，下單後，收銀的那位會以帶點台灣音的普通話同廚師下單，坐下來，等一會，研究一下枱面上的自制醬料，熱騰騰的面便送上了，賣相九分，份量九成，自由再加點菜脯，加幾滴蒜汁，就升至十分！我選了雞肶，味道八分，幾滑，唔算大隻，份量七分，上碟時會問你要唔要膠手套方便食用，夠細心，比多兩分。送左杯冬瓜茶，唔算甜，幾好，無特別要求！整體不錯，可以返食！…Read More

放工路過，兩大一細要搵食，個鋪觀感唔錯，有位，坐得還好，仲有bb櫈，馬上坐低。叫咗一個咖喱蟹，炒碟菜，一個炒飯。咖喱蟹賣相糾紛，但係啲蟹肉會都梅既，淡到爆，全蟹近付空心，成隻蟹夾埋都無五份一係肉，好似帶咗一碟咖哩蟹殼一樣，痴線的！其他嘢一般般啦，炒菜幾好味，但咸，好細碟。薄餅，還好，其實無特別。菠蘿炒飯，唔係原隻菠蘿上個種，無乜菠蘿肉，得兩隻蝦仔，普通過不普通。一百萬個伏！各位未去千祈唔好去！九龍灣係美食沙漠，但估唔到伏到咁！…Read More

星期四老婆心血來潮想做辣妹，咁我就成全佢啦！唔想去太遠，又要帶住呀仔，所以近近地搵左旺角呢間，訂左6:45，兩大一細！上到去半滿，湘菜味四溢，地方企理。點左個乾鍋肥腸，水煮牛，熗炒土豆絲，燒茄子，担担面，仲另外送左個尖椒皮蛋（要响wechat share就有）。先上皮旦，免費的，不能強求，7.5分。再黎肥腸，幾好，份量大，唔算辣，7.5分。再黎水煮牛，牛肉有啲老，量多，芽菜底，味道幾好。土豆絲有驚喜，好香，口感正，但唔辣，可能因為我只係叫左小辣，8分。担担面，唔掂，4分。唯一要彈就係上菜速度慢，好多時見佢等埋幾碟同樣菜色一齊出，希望可改善。…Read More

公司部門聖誕午餐，早成個幾月前要BOOK訂，仲要按人頭落訂，位位一舊。十二點到達，己不少人入座，在服務員引入座之際看到食物賣相不錯，以為可以大飽口福，誰知竟是惡夢的開始。因為好肚餓，第一轉先選燒肉類：燒牛肉－賣相８分，質素只有１分，舊肉老到不得了，除去外燒焦的皮，內裡半生熟的部份如香口膠一樣，失敗。幾位同事也分別取了，沒有一個原整吃下。燒羊架－賣相８分，質素８分，全場唯一值得翻吃的食物，不算好好吃，只是沒有更好的可選，最終吃了四件。再來另一盤：凍海鮮（蟹腳，龍蝦鉗）－　蟹腳好多水，唔肥美，好一般；至於龍蝦鉗就直頭係全餐最敗筆之作，咸到爆，即係覺得難為左我自己個腎，食左半隻無食。北京填鴨卷　－　鴨片即切，餅卷即包，以為無伏，結果又令我和一眾同事傷心，服務生即埋於電爐上預熱餅皮，可到即使你以九秒九的速度回席進食，皮仍是冷的，乾到食唔落，食左三分一，又無食。什果明蝦沙律　－　我無食，但身邊同事話有一股 'UP' 味，無食到。食到咁上下有個侍應行過黎做PROMOTION，順便問我地食物如何，我地講左話唔掂，再話埋個沙律比佢聽，佢即刻換左成盤。刺身　－　無特別，種類少，一般新鮮啦，７分還有其他的食物，很一般,，以470蚊一位 (包加一) 黎講真係堅唔抵，170蚊都唔值。…Read More

咁啱入開元朗，下午兩點半，口痕搵野醫肚，諗起呢間野，再查地方，原來近在咫尺，馬上入店，有位。兩個人，點咗個根丸面，三十二蚊，西多，廿皮，凍奶茶少冰，十六雞。碗面一上就知不妙，啲牛丸同真係純牛打出黎個啲差好遠，九成九摻混左其他肉，入口同街邊小食啲牛丸並無分別，什至更難食，不是百份百牛肉，而是百份百被騙。講講個湯底，色水足，但入口零味道，食完仲要有超勁味精反應（我本人一向對外邊食物味精反應不大，除非極重手），垃圾湯底。西多一般，即炸，唔難食亦唔好食。奶茶我無飲，我老婆話都算難飲，飲左半杯就停。總括而言，三句講哂：難食，呃錢，祝早日結業。…Read More

今日同老婆上午入元朗睇醫生，中午搵野食，路過呢間，初望價錢ok，全憑感覺入座，店內侍應全部年青人，感覺幾young!同老婆點左個牛扒rib eye , 7成熟， 另外要左個雞肉burger 跟粗薯條。先黎burger , 賣相8分，味道8.5分，入口夠熱，超juicy! 薯條夠熱，幾夾。再黎個扒，外歡7分，但入口有8分，肉質正，juicy, 跟碟有兩條露荀，小粟米, 幾好。唯一要彈係塊扒下面個啲茄汁蔬菜物體，唔係難食，但唔夾。餐飲我要左果茶，是日係熱情果菠蘿，幾好，唔太甜，唔洗加錢，所以我比8分。我老婆要左杯green tea latte , 仲要加12蚊，但唔掂，完全無綠茶味，見我老婆飲剩半杯就知出事，我飲左一啖，好神奇，好似無飲過野咁，2分。…Read More

點左個香辣札肉碎湯米早餐，跟好立克走奶。個早餐一上黎就變成零食慾，賣相差到無朋友，湯蓋過米粉，啲肉碎似有還無，條扎肉直徑同個一蚊銀相約，厚薄如75g的A4紙一樣。令我對太興過往的影像徹底幻滅，如果餐版上的圖片只屬參考，我會話係同餐牌上圖分大纜都扯唔上，圖片已不具任何參考價值。…Read More

公司下午茶, 六個茶餐, 其中4個為炸脾。外賣送到來的時候已不熱, 而且水氣重, 炸皮都淋了, 口感減分, 味道一般, 7分。唯想向各位一提, 其外賣接線態度極差, 上次同事講過已有問題, 諗住比多次機會佢地, 結果沒有最差, 只有更差, 估計下次叫茶餐不會錄用了。附圖是腿治, 跟雞脾餐的, 我會建議改名叫做頹, 因為確很頹, 很DRY, 沒有誠意, 只能作果腹之用。…Read More

放工到西環探望親友, 臨上去前搵個地方衣肚, 眼見呢間店, 自稱做左好多年, 故此一試。抵步, 人不多, 裝修簡單, 光猛。即然招牌是酸辣 豬排, 就當然點呢個啦, 不過今天不想吃米線, 因此換左做上海 麵, 不用加錢。不消兩分鐘, 熱騰騰的酸辣 豬排麵就送到了, 賣相不錯, 陣陣的辣味攻鼻, 頗刺激的。上海麵粗粗圓圓的, 再細看, 發現原來是烏冬…..估計烏冬是預先煮到8成熟, 亦放了一段時間, 需上枱是熱騰騰的, 但麵的質感卻沒有了, 有點失望, 扣分豬排可以, 肉質新鮮, 味道調配得不錯, 入口香味四溢。如可以分開上碟將會更佳湯上浮著紅紅的辣油, 辣油中有幾舊酸菜, 湯底是頗辣的, 但不酸, 入口沒有酸的剌激烈!!! 枉為酸辣麵, 扣分30蚊一碗, 不貴也不平宜, 湯不酸而麵也不彈, 不過也不失, 不驚也不喜。…Read More