waiyann's Profile

嚟依到片皮鴨就食得多～而且都encore過無數次！有幾好食就無須多講今次想特別啲，加上冇咩人討論，試下佢個酸菜魚先佢個酸菜魚全名酸湯龍躉片，同平時酸菜魚一樣有魚亦有靈魂薯粉-龍躉片佢個魚同平時出面嘅酸菜魚完全不同，因為係龍躉，佢既厚實又滑溜，非常有彈性，擺入口差啲跣咗落喉嚨，而且咬落滿滿脂肪感不過可能食慣外面嘅酸菜魚多用鱸魚或桂魚，薄身得嚟亦細嫩，都係覺得咁樣夾啲～-薯粉薯粉佢用左長條型嘅薄薯粉，冇咩咬口，不過份量足，如果可以轉用寬粉就更好-湯湯方面佢較為偏酸，味道都濃，感覺係健康啲嘅湯頭，食完都唔口渴～總括嚟講，佢嘅酸菜魚同片皮鴨一樣有誠意～不過片皮鴨就更勝一籌啦，酸菜魚都係出返去食…Read More

同朋友一樣好鍾意飲sake 於是就約一次飯聚係居酒屋入到去燈光昏暗 有日本居酒屋嘅視感壁紙都係日系和風式同埋啲杯杯碟碟 仲有富士山形仲有我好鍾意嘅日文歌聽食物方面嗌咗一個sukiyakiA5和牛入口即溶仲有壽司之後嗌左啲小食同串燒送我哋枝出羽櫻真係非常好嘅搭配！特別一提佢嘅串燒 真係好香呀喺近銅鑼灣嘅港島地段價錢都唔算貴重點係同朋友傾住計飲住咁chill嘅sake加埋部機慢慢斟 慢慢嘆飲幾耐都keep住咁冰埋單仲有平日88折真係超級滿足！…Read More

今日同屋企人去食飯，一入去見到有卡位空咗，咁我就多口問句：「我想問會唔會有卡位坐嫁？」咁個位著皮褸長頭髮嘅女經理：「冇啊冇啊，啲卡位留咗俾人啊，人地卡位6個人坐嫁。」咁其實當場3張卡位，有2張都係兩個人食飯坐緊，所以我先多口問下，咁如果冇你咪話留咗俾人，冇咩必要咁嘅態度囉。但當時我都諗住算啦，當自己唔啱，要求得多咗就算，咁就跟住佢入去佢比我嘅位置。入到去佢帶咗我去全間舖頭最最角落頭嘅位，咁我都諗住是但啦照坐啦，費事好似為難佢咁。但係我一入到去，就見到張枱係上一手留低，全部碗碗碟碟食物殘渣都喺度，咁其實都正常嘅，咁我就坐低等吓佢過嚟執啦，點知我坐咗差唔多10分鐘，嗰位著皮褸嘅女經理先至施施然拎住兩套碗筷過嚟擺低喺我張枱度，然後就想直接走，咁我就忍唔住問佢：「你唔幫我執埋張枱？」然後佢先至轉身再留返低，一路執一路話：「好忙啊，唔得閒執。」講吓我已經想抱着西客嘅態度回應佢，但係抱着息事寧人，所以我完全冇出過聲。咁佢執完我照揀野食，揀咗5分鐘到就想叫人嚟落單，但因為我地坐咗係最最角落嘅位，咁就諗住等人過下嚟先，我嘅心態係正常一間餐廳知道自己舖頭有個咁山旮旯嘅位，仲要啱啱先有客入咗嚟，理論上都會得閒留意下，點知我又坐係到望同舉手10分鐘都冇人理，我知道我係可以行出去叫佢過嚟幫我落order，但係當下我內心已經好嬲，但迫於無奈都係要出去叫佢過嚟幫我，落完單之後到野食嚟都係正常，平心而論佢嘅食物都係正常。但問題又嚟，我襯個位侍應擺低野食個時：「唔該，可唔可以幫我加小小水。」個侍應應我：「你打開個茶壺蓋咪得囉。」我個下真係隻眼突到差啲跌咗落地，你俾個咁山旮旯嘅位俾我唔幫我執枱唔幫我落單唔幫我拎野，全部都算。我打開個茶壺蓋俾邊個睇？你根本冇人會經過！我襯你過嚟禮貌地請你幫我加水你竟然咁應我？係咪要我拎住個茶壺好似小學生咁出去排隊輪水先係個合格嘅客人？當下，我又再壓抑我心中嘅怒火，只想做個有品啲嘅人，講左句：「依個位冇人睇到嫁。」個位侍應先至幫我加水。到賣單，毫無疑問，個位身著皮褸嘅女經理又再揼單俾我，個張卡單就咁蜷縮地俾佢揼係枱面，我亦都心如死灰咁拎走，心裏面默默狠下決定：「我以後都唔要再嚟食⋯⋯」做位品格合格嘅人真係太難了。個個山旮旯位食物…Read More

立濱喺今次認真想寫食評前 已經嚟過幾次 而每一次都冇令我失望過(´▽｀)依到嘅omakese不但平到開巷 水準仲一流 雖然好細間 但就係因為佢細間 每節都只係招待到9到10個客人 甚至更少 但佢並冇因為人客少就敷敷衍衍 反正佢地更加用心 師傅係每一件壽司上嘅時候 都會同我地講食材嘅特點 用咗咩材料 點食先喺最合宜 喺到每一件壽司即使稱不上精品 但已經係小品 而且滿滿都係師傅嘅心思係入面 佢地嘅壽司用上新鮮嘅食材 然後用好多好特別嘅醬汁 再加埋小小配料 帶俾客人嘅除咗有視覺享受 更加有味蕾上嘅刺激 舌尖上接觸、感受、融化 最後滿足咁吞落去 成個過程我地用咗三十秒去享受 師父們所用嘅心機一定不止於此特別想推薦鮮帆立貝壽司、炙燒吞拿魚、炙燒左口魚裙邊 鮮帆立貝壽司喺出面食到嘅口感完全唔同 以往外面食到嘅帆立貝口感單一 咬入口會覺得唔彈牙 仲會有啲黏口 而係到食到嘅帆立貝咬落係絲絲分明 而且非常彈牙 有口感之餘仲完全冇冰鮮味(*¯︶¯*)炙燒吞拿魚同炙燒左口魚裙邊係未上碟前 師傅拎火槍燒嘅時候 成間舖都係依陣炙燒嘅香味 當索依陣味索得咁上下 件壽司就到啦 一入口 不誇張喺真喺入口即溶 仲要係感受到個過程 係舌尖上一點點感受到片魚變成油脂咁 係香到不得了( ♥︎ᴗ♥︎ )最後食埋甜品 係蕨餅同千層蛋糕 食完真係想問下 立濱有咩係整唔到嫁... 點解連甜品都整得好食過出面真係賣日式甜品嘅舖頭 仲要係tiramisu同第一次嚟食嘅珍珠奶茶味 依啲都係出面要搵下先食到嘅味立濱真係一間對得住自己價錢有突好多好多嘅小品壽司舖 環境係充滿日系嘅溫馨感 不過大家去前就記得要book咗位先 好full嫁佢地(๑´ڡ`๑)…Read More

今日就黎試依間期待已久的西式餐廳因為聽講佢係主打健康西式餐飲 所以好想睇下平時俾人感覺油膩滿滿嘅西餐可以點健康法一入到去侍應已經好nice咁帶位 入面裝修得有氣派之餘反而有小小家的感覺 snowvocado 飲落口感順滑 有小小milkshake嘅感覺之餘又有小小酸奶味同椰子香睇翻menu 原來佢係奶加椰子同菠蘿汁等等嘅材料 所以口感真係好豐富 再加埋個擺盤 真係好有夏日風情 而烏龍茶奶蓋個茶底濃厚 飲落香醇之餘亦有回甘香味奶蓋奶味不重 但亦有特色澳洲和牛醬手工貝殼粉和牛肉醬嘅牛粒鬆厚 加埋小小番茄醬令口感同味道更新鮮另外佢用左巴馬臣芝士 帶岀左醬汁味道威靈頓美國特級牛柳平時係岀面食到嘅威靈頓好多都會好大 依家對我黎講真係岩岩好岩size一望落酥皮色澤金黃 賣相吸引 等我切開望下先！酥皮厚薄適中 而且口感唔會過厚 食落亦吾係得粉味 而係非常鬆脆內𥚃牛柳牛味濃郁 而且吾會太韌 加埋酥皮食令口感同味道得以昇華擺盤更跟足佢健康路線 用菠菜同手指薯 令人耳目一新 仲吾會咁heavy蘋果批配自家製雲呢拿雪糕不得不提呢個蘋果批真係好大個 而且好精緻 自家製嘅雲呢拿雪糕香草味濃郁 所以唔會太甜 而蘋果批裏面非常足料 不但有粒粒蘋果 仲有陣陣嘅肉桂香味蘋果批嘅酥皮只係薄薄一層 所以更突出到蘋果嘅鮮味 新鮮熱辣出爐 加埋冰凍嘅雲呢拿雪糕 真係好正啊而且呢間餐廳嘅性價比真係好高 好多嘢都係大件夾抵食 仲同出面食到嘅行貨好唔同 真係一啲都唔heavy 貫徹始終所以為食 但又唔想喺出邊食到咁肥膩 呢度真係好啱你…Read More

之前食過晚市 今次就試個tea啦依個一字骨雞翼上枱熱辣辣 食落外皮酥脆 油分恰好 加埋上面芝士汁 成個層次得到提升依杯牛奶泡泡就較為普通 綿花糖融吾到落牛奶之餘 仲搞到人好手忙腳亂不過亂得黎 如果可以一啖綿花糖一啖奶 都match嘅orea冰超綿滑！加小小朱古力同綿滑口感相映成趣 入口即融食到底仲有驚喜添…Read More

見過依間餐廳好耐 但一直未試過 今日心血來潮就試試佢8點到到 可以直接入去吾使等位朋友就叫左個龍蝦飯 龍蝦肉未致於勁鮮甜 不過都有啲juicy 而且只係98蚊 就有半隻 啲飯除左係親子丼 仲有少少蟹肉混在其中 食落口感濕潤 都吾錯嘅而依個牛扒鵝肝飯 牛扒乾身 口感過韌 只有淡淡炭燒味值得讚賞 上台時仲有小小凍鵝肝食落不夠juicy 鞋身 仲冇左滿滿脂肪感加乘 不過一般日本餐廳的確不可要求太多 但個飯都要128蚊粒溏心蛋係幾溏心 不過蛋白就吾夠入味最後仲叫左過pancake楓糖味 食落就係糖漿 蛋味不重 亦不至於入口即融總括而言 我百幾蚊一個飯可以享受到更多 應該可以飲到個跟埋set嘅野飲 吾洗加錢⼃…Read More

同朋友突然好想飲泰式奶茶，就去搵吓尖沙咀有咩泰式餐廳，結果就見到呢間水門雞飯，睇咗個餐牌果然有泰式奶茶，見其他嘢都幾啱食，就入去坐低左。一嚟到一人叫咗一杯嘢飲，我當然叫咗泰式奶茶，朋友叫咗杯菠蘿特飲，果然夠晒凍，杯泰式奶茶都好正！夠奶又夠甜，大大杯，菠蘿冰又吾會糖漿味，有點菠蘿粒。由於我哋吾肚餓，所以只係叫咗小食，就係泰式生蝦，可能因為天氣熱，所以特別想食啲生冷野，啲蝦下面有冰冷藏住，感覺都幾新鮮，而且個汁好夠味，調味得好好唔會死辣，搶走咗生蝦嘅鮮味。跟住就叫咗個甜品芒果糯米飯，記得之前去泰國，幾乎晚晚都會食，喺香港做得出色嘅，其實冇幾多間，一係個飯太硬，一係個芒果太酸，但係呢間竟然超級似泰國嘅味道，飯軟硬適中，好軟糯，芒果又甜，配埋啲椰漿同上面d脆脆，真係一個都唔夠食呀。…Read More

尋日終於同朋友黎左呢間專門食日式串燒嘅餐廳 - 南亭。餐廳串燒嘅款式好多，搞到樣樣都想食。 燒鵪鶉蛋，細細粒嘅鵪鶉蛋燒到外面金黃色，脆脆地，好甘香。蘆筍豬肉卷將薄薄地嘅豬肉片包住蘆筍攞去燒，因為蘆筍本身水份比較多，燒完都唔會乾。加上豬肉片嘅油包住蘆筍面，咬落又香又多汁，配埋冰凍啤酒仲爽。免治雞肉串d雞肉好嫩滑，連埋d軟骨非常有口感，加上佢本身有嘅調味，甜甜地鹹鹹地幾好食。 串燒鵝肝真係第一次食！燒完嘅鵝肝好香脆，肉質比較乾身，食落冇咁油，幾好食！…Read More

朋友對於西班牙風情好迷戀 所以今次就陪佢嚟到依間西班牙餐廳 希望可以為佢搵返地道嘅西班牙風情 而我亦可以趁衣個機會享受一下呢度同地鐵站距離好近 搭一層電梯就會上到去門口已經有西班牙式嘅插畫 而且大門亦都設計得非常之有特色即刻入去先再講入到去先發現 原來嗰度嘅員工全部都係外籍人士 佢哋好親切咁帶我哋去到座位不得不提 嗰度嘅環境真係勁有西班牙風情 牆壁燈光等等都令我非常讚嘆嗰度仲要播傳統西班牙文歌 雖然聽唔明 但係完全感受到西班牙熱情奔放嘅味道Wagyu beef and foie gras air baguette 呢個係一款和牛鋪係一個好似橄欖球球形嘅長法包上面 然後入面就有滿滿嘅鵝肝醬店員將佢放上枱面之後 拎出火槍 直接喺我哋面前將依塊和牛燒熟 而食落佢嘅口感偏硬 但只要咬開咗 就會發現佢係好脆身 先感受到和牛嘅肉汁 然後起舌頭底下就有滿滿嘅鵝肝醬 好正 “Bravas” crispy confit potatoes ,spicy paprika sauce 呢道菜個樣好平凡 可以睇得出係西班牙嘅地道菜式佢係一啲炸脆左嘅薯仔 上面鋪滿濃濃嘅芝士醬雖然食材都係啲比較平凡嘅嘢 但係食落依然有西班牙嘅家常風情Garlic and chili prawns 蒜蓉蝦加上濃郁嘅蝦汁係底層 滲透晒放喺旁邊嘅法包食落完全係地中海嘅鮮味 正宗西班牙海鮮餐順帶一提 呢度已經好細心咁樣整走晒啲蝦殼 客人只需要將個蝦頭同蝦尾整走 就可以享用½ Wagyu short rib 依道菜嘅和牛肉已經完全唸曬 因為佢吸收晒呢度嘅紅酒汁 所以食落嘅嗰種牛味同平時嘅完全唔同 而且再加上洋蔥調味 味道濃郁Squid ink paella 海鮮墨汁飯上枱嘅時候令到我好驚訝 因為佢竟然係一鑊咁樣上 睇嚟依種亦都係熱情奔放嘅西班牙風味一種墨汁飯加上少少檸檬汁調味 令到本來沉重重嘅墨魚汁味道得以昇華 形成一種果鮮味上面嘅海鮮亦一如以往地新鮮 美味Churros with chocolate 西班牙油條係一種歷史悠久嘅國民點心 源於牧羊人放牧 因應野外環境而發明亦有人話係鄰國葡萄牙參考左中國嘅油炸鬼而製成不論如何 呢款的確係一款非常有意思嘅點心一上枱 已經聞到一陣好香嘅味 拎上手有糖裹面 一條點朱古力 一條點雲呢拿味雪糕 真係好有趣 Red SangriaSangria係葡萄牙語有血嘅意思 而杯一杯葡萄酒加上水果 令到本來帶有少少苦澀嘅葡萄酒煥然一新 飲落有濃烈嘅酒味之餘 更帶有水果香 香味四溢之下 亦為我依餐地到西班牙菜作出完美嘅總結 總括而言 熱情奔放 美麗而浪漫 真係令人不由自主咁愛上依間西班牙餐廳…Read More

其實我一直覺得放題啲野食好劣 成日寧願以小小錢岀去食算不過今次依餐 因為朋友聚餐所以冇得揀去邊 亦因爲咁開拓左我放題眼光因為10幾個人去 佢幫我地安排左個勁角落嘅房仔 但好彩佢地冇吾記得我地 仲成日都入黎收下碟咁 個到食物種類有勁多款 我淨係講啲我推介嫁啦牛舌 個到啲牛舌好正 明顯係炭燒燒到脆卜卜 咬落煙煙韌韌 不時有炭烤口味係口中徘徊 正鵝肝帶子壽司 個到帶子刺身已經好新鮮 加埋一粒小鵝肝係面 口感好正炙熱蟹棒芝士壽司 足料仲有塊大芝士 正重點係 仲要有movenpick嘅雪糕！雖然得1盒 但係已經滿足到我慾望 畢竟其他嘢食已經好滿足…Read More

早前嚟呢間餐廳食過 嗰時已經覺得呢度勁可愛 係滿滿嘅少女風入嚟真係好似後生咗幾年於是今日又諗住再去試嘅時候 先發現原來裝梗修 摸門釘不過唔緊要 我一樣好想同大家分享上次食嘅感受不得不提 呢度嘅嘢飲同間餐廳一樣 賣相都係極好爆谷味嘅嘢飲 以為會好伏啦 點知嚟到嘅時候不單止眼前一亮 飲落去仲要係一種前所未有嘅口感同味道簡單啲講 佢係真係將完整嘅爆谷味變成液體 但效果又唔會好奇怪 大家有機會真係要試吓而佢一到嘅軟殻蟹比較油身 吾算脆 不過我覺得亦都係好好味嘅如果大家有機會 真係要試試…Read More

想同朋友玩下煮飯仔 所以就去咗道頓堀啦 望住個Menu 太多選擇啦 於是就嗌咗個二人餐啦個人覺得佢個二人餐都幾抵食 388有一個御好燒同大板燒 前菜有煙肉沙律仲有一碟牛添 而且仲包嘢飲 如果要加特飲每杯加$10咋 仲成個Menu嘅嘢飲都加得 最後仲有甜品添作為一間唔係專食牛嘅鋪頭 我覺得算係唔錯 起碼唔係橡筋牛肉 用依塊鐵板燒牛 感覺仲幾新鮮添我整御好燒其實啲Step錯左 落面糊落錯左 搞到成舊野好散 但係望吓 加番啲醬汁都似模似樣啊 而且食落味道 我估無論係點整都係咁上下 始終食材同煮法都係咁到大阪燒啦 呢個我覺得都幾易整 攪拌完啲材料 就可以直接燒 然後每面燒5分鐘睇吓我個製成品 呢個係幾簡單㗎而最值得推薦係依個芝士年糕 每面燒4分鐘就會燒到變咗金黃色啦 入口個皮脆卜卜 入面係軟綿綿嘅芝心 我覺得比起主菜更加正 不過依個就要自己另外俾錢買啦另外 用openrice訂枱買滿$300仲會送牛添 抵食…Read More

上一次食麻酸樂已經係5.6年前嘅事 因為吾係成日經過 再加上越來越少分店今日突發奇想 朋友話食譚x 我突然醒起佢 於是就轉地點了以前黎親都係食小辣米線 但過左咁耐 我口味都變埋 淨係記得依到米線都吾錯 咁岩見到個自選乜乜乜系列 見到有冬陰公湯 個人好鐘意依種湯於是就叫左了冬蔭公湯蟹棒加鴨胸配薯粉講真我覺得算吾錯 個湯雖然好普通 但我覺得當平時啲休閒晚餐算好高質 就好似某m字頭快餐店 你都吾會對佢有咩要求啦依碗野都係四五十蚊 料足量多 我仲吾太食得辣 依到除左辣仲有幾種湯係吾辣 eg蕃茄 冬蔭公 已經好貼心我個人覺得係好食過譚x/x哥 大家不妨一試…Read More

一向覺得牛角肉好吾錯 所以朋友話想係九龍塘搵食 我即刻就諗起依到下午茶有成七折！所以梗係即刻帶埋朋友試下啦一入到去就即刻同朋友推介左個f set 因為我真係好鐘意食牛舌 而依個set又有薄牛舌 又有厚燒牛舌 真係好正肉到啦 牛角啲肉望落好靚 脂肉均勻 份量作為一個high tea真係岩岩好開始燒嘅時候 望住佢慢慢變熟 反轉仲有啲格狀紋真係好療癒 食落口雖然吾算入口即融 但係真係好有牛味 啲肉汁juicy到爆 再加埋燒汁入味 真係好正最後奉上牛角飯 大家知咩事啦牛角係又一城黎講真係抵食加好食 如果係又一城翻工翻學相信就會明我講咩…Read More