onki123's Profile

契仔媽媽臨生仔仔前要同我地食餐打氣飯，問媽媽想食咩，媽媽話咩都得。本來諗住去coffees academic，可以坐得舒服d傾下計，點知好多人，唔忍心餓親契仔所以轉左去BLT BUTGER。我地6個人好叫哂佢3個Combo (Burger，Fries+Soda/Milk Shake)Combo 1: Classic Burger with Fat Fries & Lime SodaCombo 2: B.L.T Burger with Fat Fries & Lemon SodaCombo 3: Australia Wagyu with Waffle Fries & Rocket RoadCombo除左有Burger，Chip同野飲外仲有一杯仔Coleslaw 同半邊Pickle。我地叫左Medium Well太熟怕會好似柴皮。好快食物就送到，而且仲好貼心切好哂，唔會食到就圍都係。3款Burgers 入面Classic同Wagyu 比較淡，而BLT因為有Bacon所以相對下味道好。但個人認為Wagyu係比較好食嫁，塊肉好似無薯條Waffle Fries反而好好食過Fat Fries，應該係Waffle Fries炸得脆D，所以香口d。而飲品方面就一般般，Rocket Road Milk Shake真係好甜。…Read More

之前op都見過呢間cafe，今次終於去試試佢。一行十人同朋友仔慶生。一早book左所以上到去已經有位唔洗等。星期六，七點半都差唔多坐滿。暗淡o既燈光，似餐廳多過似cafe。我地十個人叫左個6人餐，餐廳有低消，所以我地再單點左沙律同甜品。六人餐有意大利香草包、餐湯、沙律、2款小食、意粉意大利飯pizza、甜品同飲品。其實佢d食物份量都幾大，所以我地9個女仔一個仔已經好夠。香草包配油醋，就咁齋食有d硬，用黎送湯食會好d。蘋果蝦沙律之後我地單點左個薯仔沙律。小食三揀二我地揀左小食拼盤同芝士肉醬焗薯角。小食拼盤基本上成碟都係炸野。(烤雞、炸芝士、炸蝦同洋蔥圈)朋友仔讚爆左個炸芝士佢話好食到死。芝士肉醬焗薯好多肉醬，條條薯角都充滿芝士同肉醬。Pizza我地揀左夏威夷千島火腿pizza。個pizza唔係厚批係薄薄地脆脆地隻，料係火腿，粟米同菠蘿。意粉同意大利飯分別叫左蕃茄羅勒葉扁意粉，同忌廉海鮮意大利飯，兩樣都好好食，羅勒葉同蕃茄醬原來好夾，而且d醬佈滿哂每一條意粉。意大利食煙煙unun好有咬口。跟餐甜品係brownie，之後我地再叫多左朱古力心太軟同芒果拿破侖。Brownie佢幫我地一次上， brownie 包圍住朱古力、士多啤梨雪糕同雲利拿雪糕。芒果拿破侖好多吉士，成舊完全唔知點入手，最後一片片拎黎食。朱古力心太軟配雲利拿雪糕，用匙拮落去一不，的確無令我地失望啊！幫我地劃上完美的句號。…Read More

同事興喜提意lunch time買便當去公司附公園食。難得係一個鐘嘅lunch 可以偷下閒當然比面比面。同事帶我地轉左條巷仔，唔講真係唔知有間賣日式便當嘅鋪頭。原來便當係要預訂嘅，同事已經一早訂好哂去到比錢就ok啦！每份便當都有汽水同沙律附送。(可樂，忌廉，雪碧同Coke Lite)我地叫左三份便當share黎食。綠之便當、雞肉煮物南瓜便當、西京幕之內。一打開完全唔捨得開動，唔想破壞個賣相。由其係綠之便當，係一個寶盒一樣。故名思 叫"綠"之便當，就姐係素食。便當用一個盒會裝住，有上下兩層。上層: 菜沙律、涼拌牛蒡、豆腐沙律、粟米薯餅。下層有日式冷麵同醃菜。雞肉煮物南瓜便當: 紅蘿蔔、蘿蔔、煮雞肉。配菜: 芝士千層茄子、甜蛋，醃菜。飯: 紅米南瓜飯。西京幕之內係海鮮便當。一盒分為九格，有兩格係飯，分別係梅味嘅飯同另一種黃黃地色嘅飯。而其餘有比目魚、帶子蝦蟹柳、魷魚條、m獅子狗、嗚門卷、玉子、芋頭、車厘茄同醃菜。森川日式便當o既味道都比較清淡，感覺上都好健康。其實三款便當做得比較好o既係西京幕之內。帶子唔會煮過火侯，比目魚都好，係味道較淡。梅飯帶小小酸配餸食都幾好味。雞肉煮物南瓜便當，比較欣賞佢o既配菜南瓜。反而主菜雞肉有小小煮過火。芝士千層茄子就有小小漏。而賣相最靚o既綠之便當味道就最普通，冷麵配醬油有青瓜、蛋、紅蘿蔔絲。沙律配芝麻醬，味道都好淡。涼拌牛蒡算係最有味o既。森川便當食賣相真係一百分，睇得岀廚司o既用心，食物精美又擺得靚，未食望到已經好開心啦，仲洗食咩。…Read More

去親佐敦食粥其實我靜係識得去廟街o個邊，今次想試下第二間。石仔記除左粥仲有粉、麵、飯，好多選擇。下午茶時段叫$22以上粥品加$5/$8可以有飲品/小食。望到有齋粥我二話不話就決定到啦！南瓜粟米粥，唔係好多粥鋪有齋粥。再加左杯蜂蜜薑茶。媽咪就叫左及底粥同南北杏梨茶。我問咩係及底粥，原來係豬腸，豬腰，豬心，豬肉丸。所有豬o既野集於一粥。佢地d粥都幾大碗下午茶黎講，南瓜粟米粥好清甜，南瓜綿粟精都幾甜。蜂蜜薑茶都唔差,好夠薑味。及底粥媽咪話d豬腸、腰、心等內藏好姆喉,可能係用太多梳打粉黎洗d內藏。南北杏梨茶就唔係咁好味，因為好酸。…Read More

坐巴士總會經過呢間茶餐廳，因為地點唔算就腳未有機會幫襯。今日突登係九龍灣行過去，經過一堆車行終於到啦。店鋪係舊式o既茶餐，宜家舊式茶餐廳真係越黎越小，重要係有麵包櫃o既。麵包櫃堆滿各式各樣西餅，卷蛋，合桃酥，椰撻，蛋撻，牛油蛋糕等等。遲左一步已經無早餐，叫左牛奶餐同特餐，其實同早餐都差唔多。其實我去得茶餐廳10次9次都係食通粉，今次係雙腸通（紅腸香腸）配奶茶。朋友依然係沙嗲牛肉米，牛油多士加火腸奄烈配牛奶。通粉煮得有小小太淋，配料方面都幾多下，至少唔係腸仔切半扮多，    仲有2條菜添。奶茶都好有水准。食左啖朋友沙嗲牛米，個湯好夠濃，好好味。牛油多士雖然得半塊，但係係有厚度o既。發現一個好得意o既野，就係枱枱都有一個杯放住d出出前一丁o既味粉，點解呢? …Read More

今日去PMQ Night Market，本來打算係Market入面食下野但由於又熱又人多，所以決定落返中上環吃。熱辣辣嘅天氣決定去食越南野，九點要等位，所以我地去左另一間。其實我地應該等下，因為有人等味道應該係有保證。當我地入到去鋪頭已經得返無幾枱客人，而且準備打烊 o既狀態。因為已清緊垃圾。套餐A靜係得飲品。套餐B都有包小食同飲品。我地一坐低叫左3個套餐B豬頸肉撈檬、雞絲撈檬、咖喱雞翼配法包同單點左牙車快。小食我地叫左上湯油菜、水晶香茅豬肉卷、水晶包(+3)。飲品: 青檸梳打x2、三色冰。小食先黎，真係一碗湯之後幾塊生菜，水晶卷入面係有小小肉碎同木耳，水晶香茅豬肉卷就係有d檬粉豬肉同生菜。撈檬好快都黎到，同一般o既一樣青瓜、紅蘿蔔、生菜花生同炸。個魚露汁就非常唔夠，得一碗仔，我地問姐姐再攞，佢話比多小小你，唔該哂喎。而且佢地d汁淡到呢。咖哩雞翼，朋友話d味怪怪地，仲要唔係用薯仔黎整，係蕃薯。因為我ok蕃薯，所以可以接受，朋友們就覺得好奇怪。反而全枱最好食嘅係牙車快，係冷盤好似沙律咁，酸酸甜甜好開胃。有紫椰菜同椰菜仲有小小金不換。飲品方面，三色冰椰汁味道非常怪，係未飲過咁o既汁味o既椰汁。青檸梳打好慷慨比左一罐梳打水，但得2片青檸，仲要d砂糖係未溶的。點解可以咁樣其實？ …Read More

朋友仔生日飯，見佢學緊德文就決定去食德國菜。其實我都未食過德國菜，咸豬手就食過嘅。經op table map book位，非常方便，填哂d資料確定時間就ok啦。上到去地方都幾舒服至小唔會痴實隔離枱，而且有室外同室內，因為天氣太熱都無人坐室外。Berliner做緊main course buy one free one,只要print張coupon每枱最多可以叫4個main courses，再free 4個。我地點左Pork Knuckle (德國鹹豬手配酸菜薯蓉)，Sausage Platter (德國香腸拼盤) ，Flammkuchen with Black Forest Ham Pizza，蝦意粉。豬手成隻上枱，waiter幫忙下已經將佢分左屍，豬手皮好脆肉好嫩，埋酸菜一齊食無咁漏，香腸拼盤大大話話有5,6款唔同嘅腸仔，我自己覺得白色腸好食d，因為紅色嘅都好咸。Pizza料有ham，蘑菇同火箭菜，仲有小小菘子仁。但都係好咸突別係塊ham。反而個蝦意粉就味道比較淡。不過食完咁咸嘅中和返都ok o既。我地7個人第一round之後唔夠，加點左個酥炸薄豬柳同燴牛肉醬拌意粉。燴牛肉醬意粉味道唔錯吃唔會太咸，而且每啖意粉都充滿住牛腩同醬汁，真心覺得好食。酥炸薄豬柳整到好薄咁炸，非常脆口，加左檸檬汁會無咁肥。佢仲有一個好似忌廉蘑菇醬可以dip。尾升當然係要以甜品畫上句號啦。因為朋友仔生日，我地自備左蠟燭，餐廳仲幫我地o係碟邊寫字，我地點左Dessert Platter，有三層。第一層係栗子mousse同朱古力餅，栗子mousse用個杯裝住上面仲有幾粒士多啤梨，同幾條朱古力脆條。個栗子mousse其實有小小食唔岀係栗子味，大家仲係度估係咪chocolate mousse。朱古力脆條非常的甜。第二層係 pancake with raspberry sauce。朋友話好好食，半碟佢食哂咁制。開頭佢用Apple strudel d雪糕點黎食，之後佢再試raspberry sauce佢話無咁漏。最後一層就係Apple Strudel配雲利拿雪糕。好好味，因為自己本身都好蘋果同玉桂，暖暖嘅Apple strudel 配凍冰冰嘅雪糕，簡直一流！…Read More

新蒲江一個好小踏足嘅地方，如果唔係要學野應好小機會會黎。今日決定清清地去食粥，幫襯下小店。其實我幾怕岀面食粥，因為太重味精食完會好口渴。本來想食白粥但驚唔夠飽就叫左柴魚花生粥，唔講真係唔知原來柴魚花生粥姐係豬骨粥底。朋友叫左滑牛粥，再加碟腸粉加兩杯凍豆漿腸粉係最快到嘅！值得欣賞嘅係佢地d甜醬同麻醬唔會水禧禧，好杰下。之後我o既柴魚花生粥，花生豬骨分量適中，但有小小咸。比姐姐聽到我話咸，即時話要加ｄ白粥比我溝淡佢。都未黎得切回應碗粥已經比姐姐拎左去。朋友滑牛粥因為即刻生滾所以有dd耐。牛肉好淋，朋友話有媽咪的味道。就係我就快食完o既時候，姐姐又問我夠唔夠啊？仲洗唔洗加多ｄ比你。咩食粥都有得添？太客氣啦姐姐。…Read More

以前返工都會經過呢間泰國餐廳都見幾多人食，突然間諗起所以決定去試下。唔知係咪落雨所以無咩人。鋪頭入面泰國姐姐都會講廣東話。無set lunch只有單點。點左個2人份p既冬陰功$88，同青咖喱蝦球$84加白飯$12。冬陰功湯入面只有蝦一種海鮮，仲要係得一隻同大量草菇。味道唔算好辣，可以話幾淡下。青咖喱好多汁用黎飯一流，但媽咪話偏甜，蝦都有7,8,9隻入面仲有泰式茄子蕃茄同豆角。碟白飯size足夠2個人食，如果唔太來食的話。其實好多野都想叫，可惜得2個人，唯有下次啦！ …Read More

有朋友仔從台灣黎左，叫我地帶佢地去香港人必食嘅野。為左方便佢地決定帶佢地去鵝頸橋街市大排檔之後可以繼續行街。估唔到話去食大排檔佢地非常興奮，仲問會唔會食食下有古惑仔。坐底後表演左香港人洗碗筷比佢地睇，呢d就係我地嘅習慣大排檔酒樓例必洗下d碗筷。點左椒鹽九肚魚，䜴椒炒蛽呢d大排檔必點items。仲有韮菜炒鮮魷丶欖菜肉碎炒豆角丶香芋滑雞煲丶鎮江豬仔骨、豉油星炒麵。鎮江豬仔骨同䜴油皇炒麵係朋友見到隔離枱之後叫嘅，豬仔骨無試到因為得4舊，見朋友食得津津有味應該唔錯，豉油皇炒麵好大碟，而且唔會好油。椒鹽九肚魚，䜴椒炒蛽都好好味炒得好香好惹味，韮菜炒鮮魷丶欖菜肉碎炒豆角都好好味唔會好油，魷魚都唔會好un。香芋雞煲賣相雖然唔係好美觀但味道又唔錯bor，芋頭炆得好淋好味。…Read More

落左成個星期雨星期五終於好天，唔可以浪費呢個機會即刻要出街去。本來想食日本野點知想食ｏ既間都full booking。見天氣暖返d就想食沙律，咁無埋由靜係食沙律咁齋。就去左食Le Grand Pokka Café，真係懶係grand。記憶中呢間野係好食嫁，細過都幾成日去食。七點鐘去到唔洗等位，一坐低就有籃麵包。佢有set meal或者散叫，set meal有頭盤，餐湯，主菜，甜品同餐飲。(奶茶咖啡檸茶檸水）加$30可以轉特飲同一客macaron 。我地叫左一個set dinner同單點左紅酒牛柳粒蛋包飯。頭盤要左銀魚仔沙律，餐湯係南瓜湯，係即場係你面前倒比你ｏ既。南瓜湯唔creamy因為無忌廉，都好無咁漏。送ｏ既籃麵包好硬下而且好油下。牛柳粒蛋包飯賣相就幾得，隻碟好大，但個蛋好鞋而且無味，個牛柳就好咸。應該係比你送個蛋包飯食，但我唔係食緊碟頭飯其實。入面ｏ既飯係炒飯底，但好多一舊舊未炒勻。香煎帶子比目魚有三塊魚，細中大咁疊住，兩舊薯仔，兩粒帶子，一粒蘑菇同兩條盧筍。比目魚幾滑無過熟但依然無味汁就多啦。帶子好淋上面有小小魚子，反而薯仔就唔好太好食個皮淋一d都唔脆。跟餐甜品係一杯仔柚子嘟喱加柚子sober同一舊綠色ｏ既蛋糕仔。餐飲就要左熱檸水。基本上餐廳環境好舒服，但服務就比較causal。服務員大大聲係你隔離大叫邊張有咩未到，仲係你隔離er氣，當下我以為自己係去左大排檔其實。…Read More

團購買左burger mix嘅couple一直都未用，因為佢嘅換領時間係14:30-19:30。2點半又過左lunch hours，今日ot終於用得著。團購指定和牛漢堡加有機蘑菇湯，團購價$35。比左張couple唔係幾分鐘就整好。個包唔算好大個同麥當當嘅差唔多，係塊牛肉厚D。個包唔得軟熟，可能因為我唔係即食。因為佢係烘過，所以如果唔係即食就過左度氣變硬左。個包除左塊牛肉仲有蘑菇同芝士，但味道比較淡，醬就好多但無咩味，如果可以有pickles應該會好味好多。標明係有機蘑菇所製，湯入面嘅係碎蘑菇，個湯都幾杰下。…Read More

朋友仔由坐低就不停重覆住:呢度嘅麵包好好食！直到我地點左食物佢終於肯停。得啦，我地知道啦！我地叫左3個sets，再單點左炸雞籃同煙三文魚三文治。Lunch set 4款意粉同2款飯咖喱可以選擇，同有一杯草莓益力多。我地叫左：Set A: 拿破侖意粉Set B: Carbonara意粉Set E: 吉列朱扒咖喱飯因為餐廳做緊櫻花主題，所以每份食物都有2塊花形麵包，但係真係得個靚字，好睇唔好食，好硬。可能因為人唔多食物好快就到，佢d食物都幾細碟，但都幾適合細食嘅人，仲有d salad。我地share黎食，真係一人得一啖咁多。佢d意粉係扁意粉，拿破侖比carbonara好食，可能因為我唔好白汁，兩款意粉分別都有火腿，煙肉同蘑菇，Carbonara嗰碟d意粉係住埋一pat，應該係煮嘅時候無整散佢。咖喱吉列豬扒就係日本咖喱味道，豬扒個吉列好黑，可能d油用左好耐。單點嘅炸雞籃入面有薯條，炸洋蔥，雞塊，丹麥麵包。薯條未炸得透唔好食，雞塊無咩特別，丹麥麵包有士多啤利果醬同牛油可以搽。煙三文魚三文治，煙三文魚份量唔多，反而d cream cheese有d over左，成塊好似唔洗錢一樣，好食但太多都會變得唔好食其實。同佢個包呢好似焗太耐，因為個底好黑下。基本上唔算十份好食，所以一次就夠啦！ …Read More

是日朋友飯局，打算食潮洲野去！本來想去北角但又怕有排等位，就近近地去銅鑼灣鵝頸橋，之前都食過一次。一行6個人早一日訂左位，因為怕星期5無位。七點半到左都差唔多滿坐。食潮洲野當然一定要叫鵝片拼豆腐同蠔仔粥，鹽焗烏頭。仲有唔係潮洲菜o既雜錦豆腐煲同雞炒芥蘭。鵝片拼豆腐兩個都好夠味，蠔仔粥d蠔仔都幾大粒而且無沙。上寸已經幫我地打開左，條魚本身無咩味，dip左醬就鮮味d。到雜錦豆腐煲入有有豆腐、豬肚、豬肉、生菜，蝦等等。真係名符其實雜錦豆腐煲，大雜燴一樣咩都有。反而芥蘭炒雞就唔係咁好食啦！D雞好大陣雪味同白賴哂唔係好夠鑊氣。…Read More

又到一星期嘅開始，啱啱先Recovery到又返工啦！即然係咁應該要買返杯咖啡醒醒神。habitu有個promote每逢星期一都會有一款飲品Buy one get one free 比你迎接美好嘅星期一。今次係Puree Latte（普洱茶鮮奶咖啡）不嬲都鍾意試新野當然要試下啦。可能我要左Soy Milk所以個泡唔夠細滑，飲得岀有茶味都有咖啡味，仲有小小茶葉碎係上面。都幾特別啊！ …Read More