koeylai的個人專頁

男友係拉麵控，又係試拉麵既時候，本身係想黎試佢個雙子拉麵，但因是期間限定，已經無左，所以喜愛白湯既男友選擇左*特級白湯拉麵*佢個碗真心好大個，有3大片叉燒，仲有一隻溏心蛋，呢個白湯係濃雞骨味，但飲落清清地咁，拉麵方面就無軟硬度既選擇，屬於粗曲既拉麵。湯底味道其實ok，但因之前試過另一間白湯，仍然覺得未能超過😬而我見佢「冠軍」咁犀利，當然會一會佢🤪湯底紅紅地，比較惹味，有d香菜配搭解油膩，叉燒帶有少少咸香，淋香易入口。而個腐皮袋，裡面係一d碎碎既粉絲同韭菜，其實口感幾過癮，腐皮又索滿湯汁，但實在係大舊，食唔晒。中間既一團肉醬，拌勻後，成個感覺即時變左中式炸醬麵既味道。以味道方面，個人就麻麻鍾意，因為都算幾濃味下，純粹個人感覺。日式餃子比較少d加入韭菜，但我鍾意❤️內餡豐富，鬆軟。而黑豚腩肉燒得幾香口，有彈牙既腩肉脂肪，加上麵豉帶味，不錯哦！其實另外仲叫左個*名古屋風雞翼*，無影到相，因為味道真係差d，本身見佢好似燒得幾香咁，一咬落去真係好甜好甜，完全食唔落去甜到，呢個就有點失望了。…查看更多

是晚同男朋友家人食飯，其實平時間唔中會經過呢度，突然有想試下既興致😂又聽朋友講呢間野幾ok，就趁多啲人試下。男友第一時間話試下佢個杏汁豬肺湯，湯色澤奶白，豬肺大件新鮮，杏汁味道還好不太超過，不錯的。煎蠔餅我幾鍾意❤️蠔仔都幾脹卜卜，成塊pizza咁，已切好一件件，邊邊位幾酥脆，而中間位置煙煙un un，口感係我鍾意的。白灼鵝腸幾爽口，帶有少少肥，所以幾香，份量都足夠。佢有醋同辣油比你點，我就覺得醋會更吊到味，辣油相對黎講無咁香。滷水鵝（下裝）係有咬口既鵝，但又唔會話咬唔開，肉質係有彈性，皮同肉唔會話分開，個人覺得做得都ok。呢個牛肉調味都可以，口感可以，但唔見有酸椒🤔不過不失，唔算特別。瑤柱蛋香炒飯就真心有少少驚喜，飯粒分明彈牙，咸咸香香，飯上面炸過既瑤柱絲令個飯口感更豐富，所以我平時好少食飯都食左兩碗👍🏻…查看更多

留意左呢間店一段時間，上次想黎食咁岩無開，今日同男友落樓下睇下有咩好食，見佢開左試下先😋本身睇OpenRice 見佢有車仔意粉自選配搭，覺得幾得意，但原來到選擇既時候，係會有選擇困難😂😂所以最後見到有套餐，都係叫套餐算🤓我同男友都叫左套餐，另外每人加左$35 upgrade 做龍蝦🦞忌廉湯，個湯好有龍蝦味，勁香，飲完個口仲留有佢既香味，滿足跟餐既蒜蓉多士，雖然細細塊，但好惹味，外脆內軟，蒜味唔會太over, Good!主菜意粉，配料充足，巴馬火腿順喉易入口，意粉既軟硬度適中，醬汁味道香濃。男友叫既西冷牛扒，熟度剛剛好，肉味濃。但唯獨薯蓉有少少腥味，似係自家煮既感覺，原薯仔味道。不過整體黎講，會再黎食既☺️…查看更多

今日又想食拉麵，男朋友話試下呢間，都係黃埔入少少位置，入內都多人，但仍有位置可坐唔洗等位。湯底選擇都有好幾種，可能太多種類，感覺因此湯底感覺都無咩誠意😅黎到有一大片紫菜，上面既芽菜太多同生，所以無食到，魚介豚骨湯底都屬於濃味，不過魚介味唔出，感覺好似蟹味多d😂😂拉麵我選擇左直麵（硬），硬係做到既，麵質不過不失。煎餃外表唔錯，不過食落唔脆，內餡豐富，但黎到其實已經唔熱，覺得可以做得更好。蒜蜜叉燒就唔錯，都燒得香，蜜糖味配搭又幾清甜，肉質還好。男友叫既芥末拉麵就無試喇，皆因我唔食wasabi，佢就話ok 既幾得意，但表示下次應該會食第二種湯底😂…查看更多

今日一人晚餐，難得收工係附近有野做，趁機會enjoy下，試吓想試好耐既周月先😃舖頭入到店內裝潢比店面感覺闊落，座位下同前面都有位可放袋，🙈因為我shopping 完一袋二袋所以店員都有提醒我可放袋既地方。一場黎到，都無咩點諗，就食佢招牌既周月沾麵啦我要左濃湯周冷麵走青、100g麵，再加細既sunstory 生啤（生啤買一送一其實幾抵👀）麵黎到，都係有半隻溏心蛋，還可以的。湯底望落清清地咁，無平時個d咁結身，但估唔到掛湯都ok,而且醫油味散出香濃昆布味，我最喜歡💕而裡面既角切豚肉，有燒過的，幾香口，而且入口鬆化，冷拉麵彈牙有咬口。 👍🏻…查看更多

因為落雨，迫不得已要係商場搵野食，見未食過就試下啦，都聽過佢個名。咁見佢擔仔麵係招牌，試下啦又，$28雖然都知唔方大碗，但無諗過係得一啖😳我食左一啖就無左，要食得飽我諗可能要食5-6碗，而我本身都唔係話食得多野。湯底無特別而且好油，隻蝦凍既🙈其實另外仲叫左份烤紹興香腸，份量一樣係好細小，又收$28，味道都係好一般，唔明點解咁貴，我叫埋一罐可樂，買單就已經$74，但仲係肚餓mode，因為返工唔可以餓住肚仔，最後唯有過對面買個薯條頂肚，真係只此一次，下不為例😢…查看更多

約左成個月，終於都約到閏蜜食飯，之前佢話想試呢間，本身想訂定枱，但兩人不設訂枱，就直接walk in 去，不過當日都無咩人，一去到就有位了。一坐低閏蜜同我講「你睇下你個碗，有蟲呀！」原來係本身個碗有既pattern，幾搞笑，被玩了😂😂當然唔少得叫返支啤酒先啦～左手邊係龍脊啤酒，偏酸帶微甘，而右手邊黃蜂啤酒就比較淡口，淡淡蜜糖味，比較易入口。閨蜜話白玉王鴿係必試，賣相真係幾吸引，size正常，一開二一人半隻岩岩好，貼心的有埋手套唔洗怕整污糟隻手。乳鴿皮脆肉嫩，調味剛好，價錢仲幾相宜，只係$33係抵食既腐乳大蜆，腐乳味偏甜，蜆幾大隻，而且肉嫩，不錯。秋葵淮山，清清地，味道有點似炒河既感覺，好吃的。呢個冰鎮咕嚕，又係必點，口感一流，好似冰糖葫蘆咁，第一次食冰鎮既咕嚕肉，冰冷脆口外皮，配juicy既肉，正仲配有鮮果，無咁單調添。…查看更多

相約妹妹撐枱腳，係旺角周圍行睇下有咩好食，天口熱又唔想食得太heavy，行過又見呢間有位，就決定係佢啦。睇餐牌見有預設既魚生飯同自選款式，其實幾特別，可以選擇自己鍾意佢刺身。我地就選擇左自選，佢係$10一個醋飯底，再有唔同價錢既刺身選擇。我地叫左一板加拿大海膽，算新鮮厚肉，但係跟四州紫菜有d怪怪的😅所以完全無開過。其他配料我地仲揀左藍鰭中拖羅、油甘魚、劍魚腩同象拔蚌。大致刺身尚算新鮮，中拖羅都係有些少酸，醋飯反而唔太有醋味。生蠔都幾甜，size正常。呢個蟹籽沙律就比較大兜，食晒都幾飽，一大堆蟹籽足料的。…查看更多

下晝3點幾先食lunch，咁岩係尖沙咀想搵d野食下，又見未試過，就入去試下。剛入店時以為佢落場😂因為一個客都無，不過之後都有幾台客入黎。見佢有羊肉片又幾特別，一個人食就無試到水餃同燒餅。開頭黎到以為好少羊肉，但其實都有足夠份量，因為比d麵遮住左，肉質都ok，又夠騷，個湯都滲透住羊騷味。而麻辣湯佢預設係小辣，個種味道勁似譚仔個個麻辣湯底，唔算太油。本身配菜有跟少少秀珍菇同生菜，感覺都豐富的。寛麵滑但略嫌唔夠咬口，整體都還可以，唔算太標青👌🏻…查看更多

今日特別想食辣野，係灣仔比較少選擇，近近地就試下呢間，之前都經過見到好耐。中午時段，人都幾多，位置比較狹窄，周不時都會撞到下我😅不過都明舖頭細係咁。其實我本身係叫雞扒四川粉，不過可能太忙，錯左我都照食，因為都趕趕地時間。講返個米線，佢中辣係幾夠辣既，不過唔香個種，同埋偏油。米線份量正常，配菜有荀同榨菜、花生（d花生幾大粒下）。而雞扒我覺得幾好，炸得幾香脆肉都滑，切開埋又方便食，味道就好似豪大大雞排既感覺，但份量唔算多。…查看更多

見樓下新開張放假就去幫襯下，點知原來係伏，本身好肚餓落到去叫左個*紫菜鵝腸中麻辣瀨粉*走芝麻、走花生、走青，最終係食唔晒。下午4點零落去人唔多，除左我之外，一個起兩個止，但係落錯單🙈紫菜 變 韭菜，本身無為意張單打錯左，碗野一黎到半碗韭菜，而且紫菜消失了，心諗我知你本身有但唔洗咁多呀嘛😨原來一開始已經搞錯左，其實覺得都算嚴重，人多忙我都原諒你，都無咩人客都落得錯証明完全無心聽人講野🤯我通知返店員，佢就另上返個紫菜比我，由於太多韭菜頂唔緊，都係拎左個碗夾起佢算😅所以就變左圖中咁既境環🤷🏻‍♀️都係因為呢個原因，本身碗野個樣無影到，太亂了😟講返食物，首先個湯底，所謂中辣係咸到不行既清湯加一pat麻辣醬，而咸味已蓋過辣味，係咸到食完拿喉個種。之後，紫菜正常既，但索左湯就....😖鵝腸係去左肥膏既，爽口但唔太香。而手製瀨粉就同我去深水埗本店相差無幾，可接受既質感，但唔係兒時食既果種瀨粉。…查看更多

第一次食呢間，聽過好一段時間，今日行過就入去試下。中午時段12點零1點既時間，不乏長滿既人流，始終午飯時間。呢到係搵左位，再出去叫既形式　，無額外加一收費。因為想食辣，所以就叫左呢個*麻辣金肚牛筋湯麵*，個湯其實幾夠麻幾夠辣，但唔夠香。金肚切得細細易入口，都爽口唔痴牙（因為最怕牛肚會痴牙😂）。而牛筋我幾欣賞，入味但軟硬度適中，有返d口感，份量足夠。麵底方面，好似拉麵咁，彈牙既，不過本身以為係寬麵，感覺上無咁台式。午市呢個價錢有埋熱飲，覺得都ok。…查看更多

又係探索周邊食晏地方既時候，本身打算食譚仔，見呢度有間新既車仔麵，鍾意試新野既我認唔住就走左入去試😂😂店面四四正正，幾有風格，而且店面都有咁上下空間，大落地玻璃加強左空間感。呢到都係圈紙仔落單，可選既配料都有三十幾種，我就叫左兩種配料加米粉，跟麻辣醬，加配無糖可樂。*紫菜牛筋米* $30+可樂$10同一般車仔麵一樣湯底偏甜甜地，紫菜唔少。牛筋份量就幾多，而且仲幾大舊下，夠淋入味既，附有少少肉。米粉正常，麻辣醬其實幾香，不過正常份量對我黎講唔夠，我係另加左辣椒油，辣椒油都ok既～整體感覺還好，間中應該會食下。…查看更多

早收工又遇著屋企有事未返得去住，咁就係附近食埋野先啦，先幾日碌OpenRice 已睇中呢間，今日咁得閒就一丁友黎試下👀上到去都滿座咁濟，咁我一個人就唔洗等位，坐吧枱都ok。餐廳環境昏暗，都見有多種酒類，感覺有點似酒吧。其實見都多菜式選擇，但一個人食唔到d咩，咁就叫個*古早味乾撈麵*試下，配料有滷蛋、豬軟骨同滷肉。滷蛋入味的，滷肉都係，鍾意佢有d肥肉好香。豬軟骨本身以為係一舊煲湯既豬骨，但係又ok ,咬第一啖先知係豬軟骨，又幾入味，都淋既😂麵底都好有咬口，麵條都粗身，調味適中，算係幾ok。…查看更多

今日已經係第二次幫襯，男友話好想再食，所以佢返工前就一齊去食埋先😋呢度裝修完乾淨企理，食物水準比以前更上一層樓，完全估唔到😳係有驚喜個隻！上次黎太夜飲唔到，今日即刻試下，有一人份量咁叫，又幾好。*胡椒豬肚雞湯*好濃既雞湯，睇個色水就知，豬肚肉厚滑嘟嘟，雞都係，胡椒味都夠。*涼拌魚皮* 調味好香蔥油味，魚皮脆卜卜，開胃小食一碟🥰原本佢係有芥末，但因我唔食芥末，所以走左，但我都覺得好正～*沙姜煎雞*店舖推介之一⭐️又幾香口，沙姜味濃，雞件又滑又嫩。不過比較下我同男友最鍾意佢另一款雞，比較岩我地口味😁😁就係呢個*古法銅缽焗雞*喇～張相早兩日影既，不過今日都有叫到，但男友係打包返公司同同事開心share。呢款雞有淡淡藥膳味，惹味juicy，雞就一樣都咁滑，d汁岩岩好收晒水，正👍🏻*櫻花蝦蛋白炒飯*呢個飯連平時唔太好食飯既我都不停口，首先炒得粒粒分明，櫻花蝦咸咸香香好頂癮，蛋白又炒得好滑（平時一般見都炒到老晒），另外裡面有紅米令到成個炒飯口感好豐富😌配合得好完美💓呢個早兩日食完我同男友都念念不忘😂😂所以今日就再食返。*艇家炒蜆*辣辣地咁，份量足夠，而且有返咁上下size，欣賞佢用料唔馬夫，隻隻蜆肉都脹卜卜，熟度都控制得宜。最後呢張就係早兩日食既，順便講埋，呢個*酸辣泡椒滑牛肉*唔算太酸，但幾香，有係大陸食個種感覺，係好個種。裡面有唔少萵筍，爽脆的。滑牛肉剛剛熟，保持到肉汁。我同男友好似發現新大陸咁，應該會經常幫襯，因為出品確實有水準。…查看更多