JoyceLau18's Profile

呢間舖睇住佢開，開始嘅時候見到佢有用心做食物嘅，但時間耐咗，食物嘅質素就開始變差。一個月前食過晚餐，已經覺得D魚生唔新鮮，幾款魚生食落都係一種味道！所以已經一個幾月無再幫襯。今日午餐呀仔話想食壽司，咁我心諗俾多次機會，試吓有無改善啦！點知係仲衰過上次，我揀咗I套餐係魚生定食價值$75，魚生唔太新鮮不特止，連魚生飯都唔合格，飯太淋啦😣點都食唔落😔而呀仔叫嘅係C餐親子魚生丼$58一樣衹食咗幾件三文魚，飯全部無食，咁就同個負責人反映D食物質素唔掂，佢就話換過一份俾我，但我話D飯咁樣都係同一煲飯，換都無用吖！唔駛喇。咁我一個餐衹係食咗2舊玉子、一件太卷（最難食嘅）、一件帶子壽司和一塊刺身（因D飯太難食諗住衹食上面）咁我就叫走埋單嘅時候，佢都係收番我$133。😟2個人都係食唔飽，返家前仲要買個飽食，越諗越唔抵😰。…Read More

建生附近好多食店，但無邊間係比較好食，呢間須然開咗一段時間，聽講話都係痳痳地，所以都無幫襯過。到最近真係唔想再食屋企附近嗰幾間，諗住試吓啦！ 老火湯勁足料，好味！今日食义燒炒銀針粉夠惹味。唯一可能係員工嘅態度可以再有禮D，同埋午餐數量少，1：40去到5種餐剩得2種還有供應，變咗無咩好揀😅去過2次每次都係咁。…Read More

6月5日晚經過良景，見好耐無幫襯大家樂，諗住去睇吓佢有咩新茶式，點知衹得燒味、鐵板、焗飯和湯飯，當下都好失望，但因唔想周圍搵野食，就入去點咗個諗住會好穩陣嘅(脆爆燒肉四寶飯)，第一啖食嘅燒肉衹覺好咸😣😫然後覺得好韌😑，佢話嘅----(脆爆)去咗邊?而其他如紅腸和雞翼都係得勁咸!連嗰半邊咸蛋都係乾淨淨!🤨咁我點食呢？而我老公嗰碗鴨腿湯飯，D鴨腿勁鞋😟熱檸檬水面有層油點飲🙄🤨以後打死都唔會再去幫襯!!😤…Read More

呀女生日，諗住同佢食個新奇、好玩嘅飯，點知好唔開心!首先去到安排坐位而經差!我地5個大人，佢居然俾張四人枱第五人要坐走廊位，而當晚係星期二得3枱客，有好多位置可以安排，點解要我地咁樣坐呢？要我地作出投訴侍應生至俾個較寬敞位置!☹到自己動手整食物時，因第一次黎呢種餐廳，唔知道御好燒嘅製作方法，侍應生居然無俾醬汁和木魚我地令到第一個御好燒無喱味道😫做第二個時另一個侍應生攞黎至知。去到最尾梗要食佢本店講嘅自己動手做梳乎厘啦！點知😠等得耐唔講，制作時已經覺得好奇怪，俾個好似厠紙筒嘅長筒紙，棟高佢然後叫呀女放D梳乎厘漿落去鐵板燒，問題係筒身高蛋漿小，蛋漿大部份黐住喺張紙度，係鐵板嘅好少，攪好耐至推到落鐵板(ー_ー)!!都算諗住好食就算啦！點知侍應生話ok啦，可以放生果和其他裝飾，然後我地 筆嚟食，簡直想吐返出黎，裏面仲係水咁樣😫根本個蛋漿發唔起好無😠已經食到一肚氣，埋單佢仲要收我切餅費!我俾蛋糕侍應生時點解無講要收費，埋單至黎收錢，如果佢有話我知要收切餅費$50，我一定唔會係嗰度食蛋糕啦！…Read More

琴日係yoho想食拉麵，見佢下午茶有拉麵2隻餃子加一杯野飲$55就入去試吓，食過好多間拉麵，最差都係呢間啦！义燒油膩到形容唔到😫配菜感覺用水烚熟一D味都無，湯底一般😐仲要加一服務費（即埋單$60）咁嘅質素咁嘅價錢，以後唔會再幫襯😝…Read More

都味試過食鹽燒青魚食到成口油，隻碟斜攞起D油多到會流動😫石頭鍋飯D飯林嘅!叫個經理取消青魚，點知佢仲要堅持青魚整完係咁㗎!唔想我地取消碟青魚😯要我地好堅持唔要佢至死死地氣取消，好無禮貌😑以後唔駛再去😡…Read More

一路都好鍾意食美心嘅雜果撻，但今晚試過呢間分店嘅雜果撻之後，決定以後唔會再買!生果唔新鮮，餅底冧哂，一食就知應該擺咗好多日都賣唔出啦!😦做為咁老字號嘅舖，有咁嘅質素食物，真係好失望😐…Read More

本來想入去幫襯，點知D無侍應招呼，成3~4分鐘至有人問你幾多位，因我地4人，但行到最入位置都無4人位，我地就企咗係度，咁我就問咁點呀？然後有個企係張大枱執緊野嘅侍應就話：（人地就走呀！呀姐，等多一陣得唔得呀！）真係聽到火都黎，味即刻走囉！…Read More