tsoisum's Profile

喺商場與商場之間嘅巷仔入面，搵到呢間細細間但好有溫度嘅家鄉菜小店。舖面雖然唔大，連招牌都低調，但入到去就好似穿越咗去以前廣州街頭啲老飯館聞到陣陣鑊氣之餘，仲有住家嘅暖意。一坐低，就有碗暖心嘅住家湯 —— 冬瓜蜆湯清熱解暑，好岩而家啲天氣❤️🐟豉汁蒸馬友呢碟豉汁蒸馬友，成碟上枱已經香氣撲鼻個豉汁唔係普通罐頭貨色，而係師傅自家炒製有微焦豆豉嘅香，仲混合咗蒜蓉馬友蒸得啱啱好，魚肉肉質好嫩滑，同埋啲豉汁一齊撈飯真係一流🍜螞蟻上樹呢碟粉絲唔係嗰啲濕濕滯滯嘅，而係炒得乾身分明，每條粉絲都掛住肉碎同調味豆瓣醬同醬油下得準，啲辣味唔強但啱啱好醒胃，肉碎香口得嚟唔油膩，成碟好有鑊氣🌶️ 酸菜辣椒炒腩肉酸辣味加埋腩肉嘅油香，真係食一啖唔夠，會停唔到口🐓霹靂雞翼拆左骨嘅雞翼中間包左青瓜條，一口可以食哂，仲可以解膩呢度仲有甜品添即煎蛋餅，有幾款口味，呢個係榴槤椰漿口味，味道唔會太甜，入口有種似曾相識的感覺，就係榴槤糖嘅味道，作為飯後甜品很不錯…Read More

估唔到火炭工廠區會有一間古式設計嘅酒樓‼️由外到內，比我嘅感覺都別樹一格環境舒服闊落外，呢度嘅濃湯大碗翅餐都非常吸引只係$2️⃣8️⃣8️⃣⭐️濃湯大碗翅魚翅份量非常多❤️ 每一羹都有魚翅，湯頭濃郁有雞味，並唔係味精雞湯呢個價錢真係值回票價‼️⭐️小食拼盤⭐️紙包骨拼砵酒焗蠔呢個等嘅時間會耐少少，真係即叫即整，砵酒焗蠔好大隻，外層粉薄，炸得好酥脆，一咬開，隻蠔好juicy，炸嘅時間岩岩好，仲有蠔鮮味❤️⭐️頭水紫菜浸菜苗⭐️脆鱔飯鱔球好肥美，肉質脆彈嫩滑，魚油滲入飯內，令啲白飯更加香😋⭐️懷舊芝麻卷好少地方有咁高質嘅芝麻卷食，呢個芝麻卷完全可以媲美太子果間專門店❤️每一層都做得好透薄，芝麻夠香濃，可惜晚市無得獨立order，如果唔係我一定會encore呢個餐有齊咁多嘢食「鮮沙薑胡椒雞煲」沙薑同胡椒好夾，胡椒香夠濃，雞件好入味，連雞胸部位都好食…Read More

行咗成個下午、俾人逼到喘唔到氣，灣仔有間充滿園林感覺嘅素食cafe我就撞入咗個小森林，腳步都慢咗，心情都靜咗🌳 環境感覺：置身綠洲間Cafe唔大，但滿滿植物、自然木材裝修，好似走入咗個溫室花園咁樓底好高，連啲光線都係柔和得嚟帶啲暖，成個人都即刻醒晒！🍽 食物體驗：素食可以好玩好味叫咗個「全日早餐」，份量足又有心思🫛Impossible meat漢堡：口感好有肉味，唔知就以為真係牛肉，中間仲做到有啲紅紅哋raw嘅feel🍄‍🟫大啡菇 ：焗得啱啱好，好多汁，似食緊牛扒咁🥗芒果沙律 ：超清新，啲芒果甜到剛剛好，配埋醋汁開胃又唔膩🐥鹽酥雞髀 ：呢個係驚喜位！原來用腐皮做，炸得香脆，仲有啲胡椒香，好邪惡但又健康🥐牛角窩夫：一咬好酥脆，好好食🍝 肉醬流心蛋扁意粉扁意粉吸晒汁，肉醬用素肉整但味道濃郁，配埋個流心蛋，一拌開成個醬香同蛋香mix埋，食到停唔到口🍍🥭🍋🍉連飲品都好高質，熱水果茶用左幾款水果整的，有菠蘿、芒果、檸檬、火龍果、西瓜越飲越濃水果味，係全天然嘅味道，完全冇額外加糖茶底同水果配合得好match…Read More

呢幾個月都經常出沒佐敦，最近發現左一間高CP嘅泰菜好好食真係值得更多人知道‼️每日都會有唔同嘅優惠，今日係星期四：$🔟鳳爪沙律不過今日唔想食生冷野，所以就無order~~首先要讚一讚，呢度嘅份量好足🥩街邊燒牛肉咁大份量都只係$1️⃣3️⃣8️⃣燒牛肉外焦內嫩，帶著微微炭香，香料醃製得恰到好處牛肉切片厚薄適中，入口多汁，配上自家製的酸辣沾醬，整個味蕾即使被喚醒🦪鐵板蠔餅蠔餅係鐵板上滋滋作響，邊緣焦脆，中央保留濕潤，口感層次豐富蠔肉飽滿鮮甜，搭配蛋香與豆芽的清脆🦐 黑胡椒虎蝦粉絲煲虎蝦肉質飽滿彈牙，黑胡椒的辛香與蒜香完美融合，粉絲吸飽蝦汁與醬汁，入口滑順又滋味濃郁，令我一口接一口🍍 菠蘿海鮮炒飯炒飯用真菠蘿盅盛載，海鮮料足，蝦仁、花枝、蟹肉齊上陣，可惜美中不足嘅係米飯比較濕潤左啲！🥬馬拉盞通菜芒果沙冰係必飲…Read More

今日終於有時間嚟食我關注咗好耐嘅 Tipsy 餐廳，位於大坑呢個美食寶地，真係有種「城市角落嘅驚喜」感覺。餐廳主打酒吧風格，黑灰色調嘅裝潢配上柔和燈光，氣氛超有情調，啱晒同朋友chill住食嘢。一入去就見到佢哋做緊生蠔優惠——$10一隻，唔試對唔住自己！我哋每人叫咗兩隻，生蠔新鮮到不得了，入口即化，海水味濃郁但唔腥，仲有少少creamy texture，真係好正。我哋仲叫咗 Grilled Australian Lobster，啖啖肉質彈牙，燒得啱啱好，唔會太乾，點埋辣辣地嘅cajun butter，味道層次好豐富Grilled Caesar Salad，第一次食grilled左嘅沙律菜，菜夠新鮮，煙燻味好突出，面頭鋪滿芝士薄片，仲有脆卜卜嘅 croutons，勁好食，簡單但不失驚喜。…Read More

觀塘東廣場1樓有個小food court，呢間台灣麵真係好吸引！🍜 *花枝墨魚丸新竹米粉*湯底係濃濃滷水汁，飲落有層次又夠味新竹米粉完全可以掛哂湯，吸晒湯汁花枝墨魚丸好彈牙，咬落去仲墨魚粒口感🍚 *紅燒豬軟骨肉燥飯*豬軟骨炆得好入味，啖啖都係膠質，一啲都唔韌。肉燥鋪滿成碗飯，鹹香十足台灣百頁豆腐椒鹽味做得好好🧋 百香果紅茶叫餐仲可以半價加台式飲品，$12咋呢杯百香果紅茶，仲有粒粒椰果，啖啖都有口感茶底唔會太澀，百香果味夠清新…Read More

西貢，一個被海風輕撫嘅地方，除左風景怡人，更是海鮮控的天堂。最近去左一間隱世海鮮餐廳，餐廳面向海岸食海鮮，門口仲有秋月迎兔，可以盡情打卡影靚相🐚*涼拌蟶子皇*一開場就來個清爽的涼拌蟶子皇，蟶子肉爽滑鮮甜，配上微酸的醬汁，開胃得來又不搶味🍲*西湖花甲牛肉羹*這道羹品融合了中式經典與創意，花甲的鮮味滲入牛肉羹中，口感層次豐富。羹身滑溜，牛肉細嫩，花甲鮮香，一匙入口，暖意直達心底。🦐*花雕酒醉瀨尿蝦*瀨尿蝦用花雕酒浸製，酒香撲鼻，瀨尿蝦非常新鮮，蝦肉鮮甜中帶點酒香的微醺感，真係一試難忘🦞*泰式糟池龍蝦伴脆米粉*這道菜絕對是視覺與味覺的雙重衝擊。龍蝦肉厚實彈牙，糟池醬汁帶點泰式香辣，配上炸得香脆的米粉，口感對比強烈🥬*米湯浸勝瓜*勝瓜吸收了米湯的清香，口感清甜，是整頓海鮮盛宴中的一抹溫柔。食完重口味嘅菜式後，來一碗米湯勝瓜，正好平衡味蕾*鮑魚瑤柱荷葉飯*壓軸登場的荷葉飯，香氣撲鼻。鮑魚與瑤柱的鮮味滲入米飯中，荷葉的清香更添層次。每一口都是精華…Read More

🍷✨ 一入門口，經理已經笑容滿面咁迎接我，嗰種親切感即刻令我覺得今晚一定唔會差。成個環境都好chill，燈光柔和，音樂唔會太嘈，啱晒同朋友傾計或者自己慢慢享受美食。🥢 第一味上枱嘅係香辣蒜粉茄子條炸得啱啱好，外脆內軟，唔會油淋淋最正係佢嗰個shake shake辣粉，辣得嚟唔會太過火，加埋蒜粉，真係好惹味！食完都唔會有罪惡感🍝 跟住就係紅酒燉牛尾蕃茄芝士汁通粉牛尾真係燉得好腍，入口即化，完全冇筋紅酒同蕃茄汁融合得好靚，唔會太酸又唔會太濃，芝士味啱啱好，令成個通粉好有層次感🥩 最後壓軸係西班牙黑毛豬扒一刀切落去，已經feel到肉質好有彈性，唔係嗰啲乾柴柴嘅豬扒，肉汁鎖得住，咬落去仲有少少甜味…Read More

依家好多車仔麵越嚟越公式化，食完會冇乜感覺。但我最近食咗一間真係有心機、有誠意嘅車仔麵店，啲餸唔止係手工製，仲係你喺一般車仔麵檔搵唔到嘅款式，食完真係會記得‼️每日一早用雞骨慢慢熬湯，清甜得嚟唔寡，飲落去有層次感最正係佢再加滷水汁落湯底，令成碗麵多咗一份濃香，但又唔會油膩，啱晒香港人口味🔥 70度慢煮火焰和風叉燒呢個真係必食！叉燒經過慢煮再火炙，油脂香味爆棚，入口即化，唔係嗰啲死實實嘅叉燒。你會覺得自己唔係食緊車仔麵，而係日式拉麵店嘅叉燒。🌶️ 芥末貢丸第一次見芥末貢丸，心諗會唔會好奇怪？點知一咬落去，芥末味唔會太搶，反而同貢丸嘅肉香好夾🦐 自家製雲吞雲吞入面有成1隻半大蝦，唔係碎蝦膠，係真材實料嘅蝦肉，啖啖鮮甜，店主真係唔手軟，誠意爆棚車仔麵三寶之一嘅豬紅，佢做到極致*豬紅好入味，質感滑溜，一啖落去就知係滷得好…Read More

喺繁忙鬧市中搵到一間充滿拉丁風情嘅墨西哥酒吧，真係好似發現咗一個小小嘅避風港。燈光昏黃、音樂節奏感十足，一入去就感受到熱情洋溢嘅氣氛，令人即刻放鬆心情。一坐低，當然要叫我最like嘅Nachos啦！佢哋有唔同口味選擇，我就揀咗烤雞Nachos成碟鋪滿香脆玉米片，上面鋪咗厚厚嘅芝士，仲有啲微焦嘅烤雞肉，熱辣辣送上枱，芝士仲係溶緊嗰種——真係睇到都流口水。每一啖都係芝士嘅濃郁加上雞肉嘅香口，配埋啲微辣嘅莎莎醬，簡直係完美組合。🍤 鐵板烤大蝦蝦大隻又新鮮，炒埋三色椒同洋蔥，香氣撲鼻啲配料炒得好入味，唔係淨係陪襯咁簡單，最正軟玉米餅可以自己wrap嚟食，變成一個即場DIY嘅Taco…Read More

呢間鳥串燒居酒屋，設計感爆棚，西式元素融入得恰到好處，成間舖型到好似gallery 咁，坐低嗰刻已經覺得自己係嚟享受一場藝術與味覺嘅盛宴。Tasting Menu最啱我呢啲每次睇餐牌都猶豫唔決嘅人，直接幫你揀好晒 chef 推薦，唔使煩！【雞部位嘅全明星陣容】由雞肝茶碗蒸打頭陣，滑到好似布甸咁，雞肝香濃但唔膩，入口即化。燒雞心串、雞腎串——口感彈牙，燒得啱啱好，冇腥味，仲有少少焦香雞大腿就唔使講，肉質嫩滑，油脂分佈完美，咬落去真係有幸福感雞頸肉同膝頭軟骨就係嗰啲你平時唔會特登叫，但食完會想再encore嘅 item，前者有嚼勁，後者爽脆得嚟唔會硬。雞翼就係經典之選，皮脆肉嫩，鹽燒味道簡單但夠 punch。🍲【慢煮三黃雞白湯】呢碗白湯真係靜靜地打動你，雞味濃郁但唔油膩🍜【冷烏冬】主食係冷烏冬，清爽彈牙，配埋前面啲重口味串燒，啱啱好 balance。…Read More

今朝一踏入呢間日式洋食餐廳，已經被佢嘅氣氛迷住。店內播緊柔柔地嘅輕音樂，令人心情即刻放鬆晒。坐低嗰刻，感覺就好似搵到一個屬於自己嘅小角落，可以慢慢享受呢個早晨。🍜 豬軟骨雞白湯稻庭烏冬我一向都鍾意食啲暖苙苙嘅麵食，今次叫咗個豬軟骨雞白湯稻庭烏冬，真係冇揀錯。個湯底好清甜，雞白湯煮得好有層次，完全唔油膩，飲落口好舒服。豬軟骨係亮點，煮到啱啱好，入口即化之餘仲有啲爽口感，唔會爛晒，咬落去仲有少少彈性，勁有誠意。🍫 棉花糖特濃可可配埋杯棉花糖特濃可可，簡直係幸福感爆棚。熱辣辣嘅可可香濃得嚟唔會太甜，棉花糖慢慢溶入可可入面，飲落去有種滑滑地嘅口感🍳 和洋式 All Day Breakfast另外仲叫咗個和洋式 all day breakfast，份量啱啱好，唔會太heavy。蜜糖腸煎得香口，甜甜地又唔膩；忌廉蟹肉薯餅外脆內軟，蟹肉味好突出；蜜柑沙律清新爽口，酸酸甜甜中和晒其他食物嘅油份；牛油多士就係經典，烘得香脆，牛油溶晒入面，咬落去好滿足。成個早餐體驗就好似一場慢活嘅小旅行‼️…Read More

行過見到個招牌「九五至尊」，即刻畀佢吸引住，霸氣到唔行入去都唔得！原來係新開嘅火鍋店，仲有新店優惠，只要like 社交平台就有免費湯底，抵到震😍一入去環境已經加分，坐得舒服，唔會焗促，啱晒同朋友慢慢煲慢慢傾。🥘 我哋叫咗個麻辣鴨血鍋，最正係鴨血同豆腐可以免費添加，唔使怕唔夠食！湯底香而不死辣，啱晒唔太食得辣嘅人～不過要小心，越滾越辣，辣得好過癮！🥩 封門柳牛肉真係靚到唔捨得落鍋，脂肪分佈勻稱，入口嫩滑，咁大盤都係$248，其他火鍋店見到都要自愧不如，平到笑出聲🐔 三黃雞肉都係驚喜之一，用花雕酒醃過，雞味超濃，肉質滑又入味，重點係...$38咋！真係估唔到咁平！🦐蝦滑腐皮卷中間包咗啲菜，大約淥1分鐘就食得呢間火鍋店真係有質素，價錢又大癲，食完一次已經諗住下次約多幾個朋友再嚟開鍋！…Read More

最近去咗一間居酒屋，主打Omakase串燒，真係有啲驚喜，成個set有10串，仲包埋主食同甜品，只係$420呢個價錢喺香港食Omakase，唔係講笑，真係佛心嚟㗎！串燒方面，有雞翼、鰻魚、免治雞肉捧、紫蘇豬肉卷、燒炸豆腐、雞心、日本香菇、蘆筍、青椒、燒明太子每一串都唔係求其燒，係有心機、有層次最驚喜係免治雞肉捧，師傅每日親手剁，唔係機器攪出嚟嗰啲一式一樣，軟骨大小不一，咬落去有啲脆口，食得出係自家製，誠意爆棚餐廳服務都好貼心，唔係一味出晒啲嘢等你自己搞掂佢會睇住你食嘅進度，慢慢出餐我食到第七串開始有啲飽，講咗句「有啲飽喇」，師傅即刻識做，出咗啲清新啲嘅蘆筍、日本青椒，幫我清一清味蕾，繼續食得落，真係廚師發板…Read More

炎炎夏日，行到成身汗，最啱就係搵杯冰凍gelato嚟降溫！喺西環海濱附近發現咗間好chill嘅gelato店，裝修打卡一流，啲牆身同擺設都好有意大利小店feel，IGable程度爆燈！🍦Gelato方面選擇多到眼花撩亂- 🥭 呂宋芒雪葩：真係芒果控必食！入口果香超濃，係真材實料打出嚟嘅果蓉感，滑到好似芒果雪泥咁，食完一啖即刻refresh晒。- 🍑 蜜桃雪葩：甜度啱啱好，唔會膩，仲有啲微微酸味，女仔一定會鍾意- 🍵 焙茶味：雞蛋仔配gelato雞蛋仔係有脆感果種，係我鍾意果隻❤️焙茶味味道偏甜，茶味唔夠濃郁！個人都係鍾意芒果&蜜桃味😍…Read More