coffeecafez's Profile

芫荽麵，成碗都係老芫荽，味道還可以接受，但唔係美味果隻，本身唔夠湯，老芫荽浸唔到湯，難食，想加湯又唔得，叫淋麵又唔夠淋，即刻無哂胃口。濃湯白雞麵好普通，咁既價錢有太多選擇，叫淋麵變爽麵，真。無下次。…Read More

無論今日天氣幾度，佢賣既炒麵，依然維持係凍冰冰既水平，係我等食期間，我又見到有張紙寫住《製作須時，請耐心等候》，須時製作一份凍冰冰既炒麵？連簡單既保溫都無，的確唔簡單…Read More

外賣app叫外賣送九龍灣，送餐時間須要45分，落單時間係11：35分，收到時間係12：42，送餐延遲常有發生，好……我受。叫了一個花膠蟲草花螺頭燉湯+上海菜飯、花旗參燉雞湯+瑤柱蛋炒飯、慢煮叉燒飯+1隻秘製滷水蛋+瑤柱蛋炒飯、梅菜肉餅、蟲草花臘味炒飯+椰子燉雞湯，全單總數$417.40＃椰子燉雞湯已變酸＃秘製滷水蛋送漏＃蟲草花臘味飯，d飯超硬，食左半掉左，之後就胃痛＃全部湯都唔係燉湯，只係煲湯＃全部湯係無熱湯，只得暖，已經打左個好大既折扣第一次叫就係比呢d我，我又點會再叫第二次食品變壞、貨不對辦、品質其差、仲要送漏野，老闆，價錢唔係平架…Read More

用外賣app叫餐，可以制作1個鐘都送唔到出門口，預計時間一遲再遲，再早d叫又晨咁早送黎，11點50分叫，1點05分司機才取到餐，午飯時間12點30分至1點30分，預計時間形同虛設12點唔夠就落單，3碗米線要做成粒鐘…Read More

中午食晏同幾個同事去試下（總共六人）主打生熟牛肉同牛丸，真心湯底係好濃味，但真心覺得真係咸，雖然飲左唔算口乾，但感覺上唔係用時間熬出黎。食物款式真係小得驚人，只得河粉提供，主要係生牛，熟牛，牛丸，牛筋，牛腩，同幾款小食。 份量少得恐怖，我幾個唔係大食既同事都齊聲話《食完好似無食過》，你想有飽既感覺，就要叫多幾款小食……服務員態度唔算差，但唔係好果隻，繁忙時間要搭檯我地好體諒，安排分配客人坐位都要用腦囉，唔好亂塞人入檯啦。食完埋單每人100找幾個大銀，即刻自我感覺做左水魚，再黎成個下午都覺得有股好濃烈既牛騷味係口腔遊盪，我應該有生之年都唔會再去喇………Read More

位於商廈10樓，我book左7點半四位，7點15分已到齊，排隊搭升降機已用左20分鐘，一入門口，感覺有點伏。。。好大油煙，好焗，地下超級冼！滑過你塊面。。。搞咁耐先上到黎又唔想走，唯有入去食。。食物質素一般，個爐係屬易潔，但係對住個爐，冷氣又超唔夠，滴住汗食！ 滿坐後，油煙令到我對眼好辛苦，食物款算多，熟食有小丸子、咖喱角、小唐菜、炒飯...等等，味道尚算OK；刺身有三文魚、希靈魚、蚌片、鲍片、蟹柳等，每人每次限取4件，切得比較細粒。燒物款式倒算有些少驚喜，除一般肉類，還有鮮冬菇、雞肶菇、茄子、魚片、紅腸等，特别d有秋刀魚、迷你蒼魚、半殼蠔等。冷盤有沙津(大多數係薯仔)，冷拉麵，冷烏冬等，特别d有凍蝦，翡翠螺，藍青口，但唔新鮮，另有沙津吧，只得沙津菜，粟米粒，車厘茄，提子乾等，甜品吧有好多小杯子同小件蛋糕，sorry。。我要用難食黎形容。我從來未食過咁難食既甜品，布甸...液體狀，啫喱超甜偏實，雪糕得簿荷碎朱古力only，有部凍版機可自制雪條，得一款類似密瓜味既材料，無味道兼感覺好膠，仲有部棉花糖機，但得白沙糖提供，軟雪糕機壞左，仲有自己做夾餅機，粉漿唔太好食，後加材料又少又差！飲品有汽水機，凍檸水及凍檸菜，不過好似洗杯水咁...唉！真係食得好辛苦！食物質素已經唔係好過人，環境仲要咁惡劣，返到屋企，個身超臭，仲點會有下次？  我選擇唔會再去!…Read More

9點半入席, 4大人+1小童, 全場人不太多, 等了2分鐘倒就入座坐卡位服務招呼都ok, 還主動加湯, 可能係9點半入場既關係, 有些飲品一早沽清, 例如酸梅湯&忌廉等豬骨筒湯底 - 唔覺有豬骨香味, 可能有甜粟同紅蘿蔔的關係, 都算幾清甜手打墨魚滑 - 我食得最多既其中一樣手切肥牛 - 差, 根本唔係肥牛位, 色澤瘀瘀黑黑, 不太新鮮蝦 - 一碟6隻白蝦, 無乜特別, 還好手打雞肉丸 - 一口咬下, 吐都吐唔切, 一大陣雪味, 超級難食白鱔片 - 一碟4片, 還可以脆肉鯇魚片 - 一碟4片, 還可以雞子 - 真係好細粒稻庭烏冬 - 煙刃幼滑, 的確係推介食品, 好好味牛腩 - 好似炆好左既牛腩番熱, 有晒味半乾濕吊片 - 都幾香, 但好多沙雞柳片 - 好重雪味, 唔係唔想食, 係無辦法入到口, 超難食牛根丸, 貢丸, 芝心丸, 芝士腸, 午餐肉, 蟹柳, 鮮冬菇, 炸魚皮, 豬紅 - 普通無特別…Read More