豪食天王's Profile

嚟旺角食地道的泰國菜，一定會幫襯「阿來泰式地道風味」，價錢平民質素高😋泰式乾炒牛肉河粉$68呢個炒河粉好有泰式風味，夠鑊氣，河粉彈牙，份量都夠多，好味😋馬拉盞炒通菜$68呢個炒通菜都係夠鑊氣，夠晒味道，會偏鹹少少，又有少少辣，層次感足夠👍咖喱炒大蝦$168泰式咖喱炒大蝦，味道濃郁，夠晒滑口，啲蝦大大隻，蝦🦐走過油，食到好新鮮，夠晒彈牙，忍唔住叫咗碗白飯，真係送飯一流，識食一定要加埋蒜蓉包，夠晒好味😋👍…Read More

天后出名多野食，最近俾我發現到一間全新嘅日韓燒烤，一於入嚟試吓😋前菜有5款，樣樣都好食，尤其kimchi同蓮藕最好食👍食完仲可以免費添加！「爽脆白鱔片（配浦燒醬汁）」4件大大塊白鱔片，全部厚切啖啖肉，配合埋啲蒲燒醬汁，新鮮爽脆「四味五花肉」四味五花肉是此店的熱賣菜式，分別有（黑椒鹽，韓式醬汁，蔥蒜，果味醬汁），成條上嘅五花肉真係第一次見，仲要有咁多款口味。個人推介韓式醬汁，因為夠晒入味，有少少辣嘅口感更好😋「厚切A5和牛粒三拼」三拼分別有（A5宮崎雪花和牛粒）（A5宮崎和牛稀有牛眼蓋）（牛舌）牛舌爽口彈牙，口感豐富😋，和牛粒不愧為A五等級，入口即溶，真係好好味，強烈推介🤩🤩，另外牛眼蓋都不錯，脂肪分泌足夠，有足夠既牛味👍👍通常食燒烤都會用得比較多紙巾，紙巾就分布在裝飾上十分方便，美觀實用，值得一讚👍👍叫咗兩杯特色飲品🍸（北海道芒果牛乳乳酸）（藍蝶花佛手甘熊茶）兩款都好清新，口感好好，藍蝶花果杯有石榴味，有一種清新撲鼻嘅感覺。最後大家得閒過嚟試吓啦！…Read More

今次要介紹的餐廳，搭輕鐵康樂路站行2分鐘左右就到。就會見到間黑木亭日本🇯🇵餐廳。環境舒適，寧靜，又有情調，好適合情侶一齊嚟👍蟹🦀️將軍薯仔沙律🥗先嚟食個前菜蟹沙律，蟹將軍顧名思義一定有蟹肉同埋蟹籽，入口有種酸酸甜甜嘅感覺，好開胃，鍾意食沙律🥗的女士們一定要試下。炸蔥吞拿魚蓉鮟鱇魚肝卷呢個真係highly recommend超級好食🤩,食落去有好多重嘅口感，先有炸蔥嘅味道，又有近似海膽嘅魚肝味，真係令人一試難忘🥰蔥鹽厚燒A5宮崎和牛不愧為A5和牛，一口咬落去，入口即溶🤩魅力沒法擋😍牛嘅脂肪分布好平均，再配合埋蔥花，一個字正！玉子燒汁脆活海鰻鰻魚一向都係我最愛之一，而對鰻魚一向都好有要求，但呢件鰻魚真係冇得頂👍，燒到皮脆肉嫩🤩口感十足，再配合埋啖啖肉嘅玉子，簡直係冇得輸，不過俾個建議大家，要趁熱食，凍咗啲皮會比較硬，冇咁好食😉最後叫左2杯飲品：蜜桃烏龍紅熊茶同綠茶鮮奶熊脆脆兩杯飲品賣相好得，用嚟打卡一流，名副其實係飲得又睇得😋Overall如果想食啲種類多又有特色嘅日本餐廳，不妨試吓呢間啦😄…Read More

今日係荃灣行開Donki,有D肚餓🤤居然比我見到有築地Gindaco 係food court,平時你想食要到日本先可以食到😋，今日係荃灣Donki food court就有得食了。叫左個8粒裝$48每一粒都大大粒，夠哂圓，外皮好脆，配合埋燒汁醬同沙律醬，真係一流🥰而家不過今次入邊多咗啲生薑，比較spicy,算係美中不足，不過都係好好食！環境指數：🌟🌟🌟🌟味道指數：🌟🌟🌟🌟回頭指數：🌟🌟🌟🌟推介指數：🌟🌟🌟🌟…Read More

繁華嘅銅鑼灣出名吃喝玩樂，應有盡有嘅地方而百德新街更加係著名嘅商業大街,鍾意食burger🍔嘅我,為大家推介喺百德新街Fashion walk附近叫Moo Moo餐廳裝修環境非常時尚，有特色，可以同一班friend👫收工飲下酒🥂吹吓水的好地方。Classic Moo &Cajun fries大大的burger,充滿牛肉味的漢堡扒，加上炒過的洋蔥🧅更加入味，2個字好味😋薯條🍟炸到好脆，外脆內嫩，份量都好多，2個人都食唔哂🤭Meator pizza手工pizza有肉丸，Parma ham，辣肉腸，個餅底好脆，有煙煙韌韌嘅感覺😳，份量係2人食就岩岩好👍餐廳仲有其他套餐，大家不妨可以試下。Overall 可以一班人吹水，飲酒🍻的好地方…Read More

行完花墟要醫肚，上網search到呢間見comment唔錯，就入左呢間食，鋪頭唔算大，但裝修新淨光猛，加埋啲食物賣相唔錯，打卡一流👍🏼食物質素都唔係得個樣，味道唔錯！兩個人叫左一個set dinner加一份all day breast，跟餐仲用優惠價追加左蒜蓉生蠔同柚子蜜糖雞翼，佢個追加Menu又真係樣樣都好吸引，款款都想嚟試下，再加埋佢地又份量好足，所以最後都飽到嘔😂😂是日餐湯係雜菌蘑菇忌廉湯，味道唔錯仲可以食到有細微菇碎，增加左啲口感。Set Dinner叫左安格斯牛堡，牛味濃郁但略嫌淡咗少少，但個包幾好食加返分。估唔到伴菜薯條最好食，好脆！份量又多！正！另外散叫嘅all day breakfast都好好味，個窩夫估唔到咁脆！配蜜糖，如果可以自選果jam就更Perfect了。其他部位味道都好好，而且有蜜瓜配Parma Ham，相對比較特別，個蜜瓜仲要超甜😋😋蒜蓉燒蠔，見正賣相都好吸引，食落口都有驚喜，新鮮又juice👍🏼👍🏼雖然唔係大只，但呢個價錢可以接受啦。柚子蜜糖雞翼，炸得脆口，而且好入味👍🏼👍🏼最後嘆埋杯cappuccino, Perfect！Overall 呢間餐廳可以有下次！…Read More

尖沙咀美食眾多，見到一間舖頭大排長龍，原來係食越南嘢，作為美食達人，當然入去試吓啦😋順化蕃茄蟹肉扎肉湯蒙—$67一黎大大碗，感覺已經好有誠意，好有驚喜，濃郁嘅蕃茄🍅湯味，加上蟹🦀肉嘅鮮味，感覺好開胃，食到停唔到口🤩越式香茅豬扒湯河—$62香茅豬扒夠晒入味，份量又多，加上濃郁嘅湯配合河粉，食完非常飽😋好有滿足感😊越式炸春卷春卷嘅特色就係外脆內裏多餡，唔需要點任何汁，已經食出春卷嗰個層次感，好有驚喜嘅小食👍越式炸蝦餅呢個蝦餅都好好食😋又係炸到外脆內嫩，最重要係要點埋個泰式辣醬，真係Perfect match🤩最後點埋個龍眼冰同埋椰果椰汁西米露，為呢一餐畫上完美嘅句號😉Overall性價比好高嘅一間餐廳，大家不妨試吓👍…Read More

係太子行過，見到佢間鋪張相「招牌崩沙腩」好吸引😋，入去想試下，但居然冇位😣，下午4點左右都咁多人，等左一陣入到去，全程冇人service 😢可能真係太忙，有待改善。一心諗住食崩沙腩居然賣哂😭相當失望，最後迫於無奈叫咗個牛丸牛腩河加杯凍奶茶🧋。牛丸佢話係手打牛丸，食落佢去都有少少彈牙，但就好有牛肉味，比想像中好食😋大家可以試吓👍。牛腩-佢比我個部位就比較靭，味道不過不失。成碗麵賣單$44，價錢係太子黎講算平，性價比都高既。希望下次崩沙腩唔好咁快賣晒啦，下次再黎過😉…Read More

今日推介俾大家嘅餐廳有復古味道嘅英式餐廳👍，尖沙咀係第一間開嘅餐廳，而銅鑼灣係第二間新開既。裝修風格當然係復古英倫風，又懷舊嘅照片，有以前英超球會嘅親筆簽名，有碧咸喺曼聯時期嘅簽名波衫等等⋯猶如置身喺英國嘅酒吧一樣。坐低當然係要食佢哋嘅招牌菜，炸魚、薯條🍟，條炸魚足足有12吋長，認真誇張😳我都從未食過咁大條嘅炸魚。聽老闆講：佢哋唔係用普通嘅油，係用健康嘅植物油非常健康😏條炸魚炸到皮脆內嫩，仲有三款醬俾大家選擇去點。以下分別係黃色嘅咖喱醬、綠色嘅青豆醬、同埋啡色嘅牛肉醬，個人推介俾大家試青豆醬同咖喱醬都非常出色，大家一定要試👍今次仲試埋佢個牛肉批😋一切落去，皮好脆，入邊啲牛肉餡唧晒出嚟🤩發出陣陣嘅牛肉氣味，令到我好肚餓😁大家一定要試，會令到大家一試難忘😉另外仲試埋佢個雞肉腸，又係炸到皮好脆嘅雞肉腸，估唔到香腸都可以咁整，味道都係唔錯👍來到酒吧🍻當然係飲返兩杯啦，呢兩支酒比普通嘅啤酒濃度高一D,有7-8% Alcohol，但係飲落去有啲生果嘅味道，好易入口，強烈推介大家一試。老闆話佢哋有幾款果汁同埋一啲啤酒都係英國進口嘅，出邊比較難飲到。Overall 想一班人飲下啤酒，吹吓水食下午茶，就嚟呢一間復古英式餐廳啦😉…Read More

今日行開長沙灣幸福邨探朋友，見到有間個名好有霸氣嘅賓墟餐廳，一於走咗去試吓😉茶餐廳嘅風格是種類夠多，出餐夠快，同埋小菜夠鑊氣。呢間賓墟餐廳絕對做到呢3點😎加上快得來職員有良好嘅服務態度，呢一點絕對值得一讚👍先講個例湯，睇圖都知落足料，絕無味精，兩個字「好飲」，有住家嘅感覺😋乾炒豬扒公仔面，食炒公仔麵最緊要係夠鑊氣，色水均勻，D豬扒又夠多,夠入味,我居然可以食晒成個公仔麵😳大家不妨一試😊啫啫豬潤滑雞煲～黎茶餐廳我比較鍾意食小菜，因為佢夠鑊氣又夠嘢未，啫啫滑雞煲更是我的最愛🥰隻雞好嫩滑，又夠多，性價比超高👍大家一定要黎試吓Overall一間又平民又好味😋CP值極高嘅茶餐廳…Read More

港島區天后出名多隱世嘅美食，今次就為大家介紹「蠔灣」Oyster Cove🤩冇錯!!顧名思義就係食生蠔🦪生蠔拼盤～6種法國蠔圖中10:00方向順時針數起Tia Maraa pearlSpeciales Lambert~ No.1Krystale ~No.1La perle NoireTarbouriech Oyster (pinky)~No.0Gillardeau No.2味道由淡至濃，每一款法國生蠔🦪都各有出色，食落去鮮甜！爽口！大大隻嘅冰凍生蠔🦪入口帶出海水味，極度新鮮好味😋非筆墨能形容🤩建議大家食生蠔嘅時候咩都唔好點，咁先食出生蠔嘅原汁原味😉食生蠔嘅最佳拍檔，當然係配白酒🤩🥂法國藍蝦🍤第一次食鮮甜爽口彈牙，識食一定要咬佢個蝦頭！超正🤩🤩北海道帶子粒空運到港嘅北海道帶子鮮甜，多肉，爽口，彈牙，再加少少Wasabi，點啲豉油，回味無窮👍車厘蜆食車厘蜆，我建議加啲檸檬汁，再點豉油會更美味一樣都係口鮮甜🤩清酒蒜蓉煮活蜆湯呢一道菜我本人強烈推介🌟因為真係好好味🥰個湯用咗大量嘅「沙白」去慢煮，令到個湯十分鮮甜，再加埋大量嘅蒜蓉粒同埋洋蔥粒，每飲一啖湯都充滿鮮甜同埋口感度十足🤩再加埋大大粒嘅蜆肉，大家真係要一試😋龍蝦🦞忌廉意粉🍝$198忌廉意粉食落去冇卡邦尼咁「漏」再加埋龍蝦肉既爽甜，真係好滿足😊味道都係同樣咁出色😋overall如果大家鍾意食生蠔🦪，不妨真係試吓呢一間😉…Read More

之前聽人講荃灣海濱花園有一間日本fusion菜好好食，今次就特登為大家介紹呢一間隱世日本fusion菜唔好睇佢舖頭細細，但裝修環境充滿日本動漫，又有日式嘅擺設，睇擺設更知道老細好鍾意鐵甲萬能俠，因為有好多Figure公仔🤩裝修環境令到人哋好舒服，食得好開心😍麵豉湯內裏居然有兩舊蜆肉😳，好足料，味道適中唔太鹹👍PS(加嘢飲轉套餐就有麵豉湯，漬物同前菜）七味竜田炸雞$32炸雞外脆內嫩，加上七味粉令到個味道更上一個層次😋芥辣八爪魚$38睇埋相已經覺得好特別,食落去有魷魚嘅爽甜,又有綠色嘅芥末Wasabi味,加上甜甜地,感覺就好似食緊八爪魚刺身咁,好Fresh,大家可以不妨一試👍炭燒竹輪明太子烏冬$60兩大舊獅子狗加上大量嘅蟹子，食落去好有日本嘅感覺，明太子烏冬食落去比較creamy,烏冬比較彈牙，食得多會有少少「漏」，但佢嘅份量就啱啱好，又係一款幾特別嘅菜式，大家都可以一試😉芝士漢堡扒$58大大塊漢堡扒上面加上一大塊芝士，再用火槍燒過，令到個賣相更好，從而做到外脆內嫩，配埋個飯好好味😋Overall一間性價比超高嘅日式餐廳,大家一定要試🌟…Read More

被譽為元朗三大名物小食之一～蠔餅肥姐蠔餅婆喺元朗出晒名，平時無論星期一至星期五或者假期六日，都大排長龍，咁啱今日打風又落雨，所以冇人排隊、終於都比我食到了🥳新鮮熱辣，即叫即整，胡椒味比較重，外脆內嫩，強烈推介👍環境指數：🌟🌟🌟味道指數：🌟🌟🌟🌟🌟回頭指數：🌟🌟🌟🌟🌟推介指數：🌟🌟🌟🌟🌟…Read More

元朗教育路出名多嘢食，燒味係香港人嘅最愛🥰，今次為大家介紹嘅燒味店係「滷家」。雪梨紅蘿蔔湯先講嗰個湯，一飲就知係冇味精，住家湯😋每一碗都非常足料，每一啖都好鮮甜，同阿媽平時煲嘅靚湯冇咩分別，非常好飲😋話梅涼瓜片—$32呢碟小食比想像中好食😳估唔到涼瓜可以咁樣整！冰凍涼瓜加埋話梅嘅酸，有齊晒：酸、甜苦、三種味，加埋涼瓜本身嘅爽口，你會食個一啖，就會一食再食，強烈推介🤩油雞～睇賣相已經好吸引😎，份量又多，食落去肉質鮮嫩，美味可口😋梅子脆燒鴨燒鴨皮脆多肉，沒有太多皮下脂肪，所以食落去個口感唔太肥膩，食燒鴨，燒鵝，識食一定會點酸梅醬😏咁先係最好味😋Overall CP值極高的餐廳，大家一定要試😉…Read More

又到左推介油尖旺樓上鋪必食餐廳，今次推介嘅餐廳相信好多足球迷都會好鍾意❤️叫做成間餐廳嘅裝修布置，圍繞着足球⚽️嘅味道，有唔同球會，球星簽名嘅波衫，有各式各樣足球產品陳列品，如果大家都係足球迷，應該就睇得出大部份都係英倫球會阿仙奴的精品🤩就連啲餐具都含有足球嘅元素🤩先講前菜～個湯係椰菜花忌廉湯—味道唔錯，有帶出椰菜花甜味嘅湯👍蒜蓉包烘到好脆，睇賣相都知好食。鹹蛋黃雞翼—$88一碟有五隻，大大隻😏新鮮即炸，每一個部位都充滿鹹蛋黃，睇埋相已經流晒口水🤤非常好食😋，強烈推介👍鍾意食鹹蛋黃嘅朋友一定要試🤩巴拿馬乾火腿黑松露雜菌意大利天使麵$188我估唔到Parma ham配黑松露個味道係如此夾，而天使面🍝個硬度都適中，份量亦都啱啱好，因為如果份量太多就會好(漏）。日本直送鰻魚意大利繪飯$158睇埋相成塊鰻魚差唔多蓋晒成個飯，都幾誇張下😳大啖大啖咬落去鰻魚啲肉好嫩滑，重點係無骨👍意大利繪飯本身就係會黏黏地嘅，好有口感，食落去都好飽肚，味道都係唔錯嘅。最後飲埋杯咁精美嘅咖啡☕️簡直就係PerfectOverall身為足球迷嘅你，點可以錯過😏…Read More