amyvenicequeen's Profile

一年多冇落官塘OCT 食飯，今日專程來到同朋友聚舊 。一行4人 想食西餐，搵到呢度有大家都鐘意嘅牛扒同生蠔 就book 左。要知官塘區先不說高質，比較above average 見得下人嘅西餐可能兩三隻手指數得盡……呢度叫做坐得舒服而且食物水準超於我地所想！有驚喜！～斧頭扒～賣相見圖不用解釋 ：）打咭一流！ 做到有碳燒嘅感覺，肉質都好淋，應該會成為我地下次再來嘅理由！如果想冇咁膩 ，可以再熟少少 e.g. medium well /8成熟。向香港有做斧頭扒嘅餐廳唔多而且一般都好貴（貴一倍都見過食過但質素都唔夠呢度好）今次呢個價錢1388仲有折，我地4個人兩男兩女，係絕對食唔哂 ，如果想試埋其他野，建議有5～6 個人食就剛好。～生蠔～ 點左3款法國生蠔 每款兩隻 ，個名唔記得，但3款都好新鮮好肥美又夠大隻 ，加幾滴檸檬汁就ok, 唔洗加其他汁，本來食完想再encore ,不過又叫左其他野⋯⋯如果我一個女仔食3～4隻飲杯酒，食2塊餐包，其實已經可以當一餐飯 值得一提係師傅開蠔手勢好好，開得好靚同好乾淨 ，連個帶子位都起得好好。~意粉～有al Dante 感覺而且好香口 ，蜆都夠鮮甜有肉（如果蜆嘅份量多d 就perfect) 不過去到最後其實我地都食唔哂d野，浪費左。酒精類飲品選擇都算多 ，餐酒同cocktails 有唔少選擇紅白酒有by glass ,around 60/杯，價錢親民 ，食海鮮生蠔同牛扒少不了呢度嘅staff 見我地幾個人都鐘意飲酒，仲話佢地有做happy hour ，有個露天area 或者坐在bar 枱飲，都好chill 。…Read More

中秋節週六 跟家人一行10人來到食自助餐起初擔心遲book位好難有大枱 但成功預約。留意直接經餐廳book 的話8人以上需付deposit 。經朋友介紹我地來因為家中有多位長老，對於食飯要行來行去拎野同時要傾偈實在有點不方便，但feast 設有手機點餐 牛扒 羊扒 蒸魚 帶子 咖哩 意粉等多款主菜可以手機點餐任食 。主餐牌特別推介以下3款：牛扒 蒸魚 帶子 其餘buffet bar 有生蠔 海鮮 包括長腳蟹2款生蠔(Australian +Irish)都好新鮮 而且不停供應也沒有限住拎幾多。 熟蝦十分爽甜新鮮，長腳蟹都好多肉但偏咸一些。甜品推介 ：creme burlee，燒得夠焦香又夠滑，仲加左好多雲呢拿籽 ，其他甜品賣相都不錯，但已經飽到冇位再試。隔離商場有3小時免費泊車有夠方便！ 啱哂節日大班人有小朋友老人家嘅家庭聚會!…Read More

星期五同weekend 成日經過都見呢間野堆滿人，今日好奇走來望下係乜料子！ 我對飲啤酒冇乜研究，只識幾種，lager ,IPA,stout etc. 手工啤，我都係好膚淺咁睇個label 吸唔吸引就試。 不過今日揀唔到樽裝/罐裝，因為呢度實在太多選擇....咁飲返on tap 算啦！ On tap IPA 同 on tap 有青瓜味lager . 好特別！真係有淡淡的青瓜味，60幾至70幾蚊杯嘅啤酒，用小膠杯（330 ml左右） ，有啲貴。 如果純粹想飲杯啤酒，解下渴，呢度係幾高消費，但如果你同朋友來試下酒吹下水，hea返1-2個鐘就會扺啲。 飲個環境嘛～貪呢度夠chill 又有戶外枱櫈。…Read More

病了，到尖沙咀睇醫生，附近得呢間有粥食，印象中佢地啲粥唔錯。由入門口到坐低再點菜都由一位好有禮貌嘅女服務員幫手👏🏻👏🏻 加分魚片皮蛋粥：粥底好滑👏🏻👍🏻皮蛋...成碗粥得三粒，不過都好好味嘅，好大個蛋黃仲有皮蛋應有嗰種臭味，正！ 魚片...少之有少似食緊魚「碎」，我佩服師傅刀工，切到佢得2-3mm 咁薄，一入口就溶咁....食完成碗除了間唔中有啲碎骨，完全唔覺自己食緊舊魚！在遊客區食野係咁上下，食租金！不過如果連多幾舊魚都afford 唔到 ...點算好？ 餐牌不如唔好賣魚算。…Read More

懶洋洋嘅星期一仲要公眾假期，見呢度有星期一優惠，400 蚊松啲就有兩個pizza 加肉丸，沙律，同甜品，就叫左外賣了。由6點40分order , 向外賣app 送貨顯示一路改時間，改了最少4-5次 最後8:35 先送到 足足遲左本來預計嘅30鐘 3倍有多😡😡😡😩不過食物質素係好好嘅 ，好熱好juice 的pizza ,好肚餓嘅我倆，一人食一個，最後食得哂。肉丸就麻麻，得個大字，個汁好味過舊內。Tiramisu ,最後食唔落，留返第二日晚餐做甜吅，仍然好好味，好濃咖啡，一啲都唔膩。…Read More

大熱天時 ，同朋友經過古董街，佢介紹來呢間cafe 飲杯野，抖一抖 ....eee Halfway Coffee ! 原來佢地有兩間鋪，之前去開東街嗰間，地方細細，相比呢度就十分開揚，有好多open seats,啱哂social 傾偈同大班啲人來。Iced earl grey : 好濃嘅茶味，但甘甘地得來好易入口，都夠大杯同好夠凍。朋友飲熱嘅americano ,用佢地招牌古董杯上！夠哂冰凍嘅茶，但啲冰絕對不是大大舊嗰種，唔會飲兩啖就冇！🙂Lemon tart :$88 。點嘅時后都有啲懷疑，點解呢度啲甜品咁貴，上菜時先知唔係一舊tart 咁簡單！係五星酒店級數嘅擺碟，仲有新鮮蘋果，雪糕一齊。又即刻覺得好抵😍😍 ！店內非常䌓忙！滿坐😱…Read More

來到海怡outlet 放血，時間是金錢，又冇乜選擇，到頂樓食個三明治，飲杯咖啡提神再繼續血拼！🤣兩個人點了兩份三明治share ,交換半份食又夠溫馨！牛油果煙肉生菜蕃茄意大利包=升級版BLT sandwich !—-夠大份—-足料—-面包香軟至於個ham&cheese toasties 就好一般，普通火腿同片裝芝士，仲有少少油膩感。環境確實係唔錯，因為呢度賣木製家俬，cafe 的擺設枱櫈都係原木為主，十分relax 。絕對是shopping 中間抖一抖嘅好地方 。…Read More

今日我考試合格（其實朝早已book 好位預左） 同男朋友，好朋友一行三人來食好野，開支酒慶祝。在OpenRice book 位，好快就收到餐廳whatsapp confirm ,仲好細心問我地三位有冇食物敏感。今日我地都揀左食5道菜set dinner ,呢度好flexible ,你可向set menu 上面由前菜，湯，意粉，主菜，甜品等唔同section 選5樣野 ，當然你也可以揀六道菜啦 。未開始個set menu ,原來有免費小食，Parma ham mozzarella cheese ,高質素食材，讚😍頭盤羊肚菌白露筍水熟蛋，三樣野味道好夾，加上羊肚菌係我近期愛上食材之一，通常在中菜先食到。又加分😍👍🏻👍🏻湯：mushroom clear soup 👍🏻👍🏻👍🏻又係好味道！好濃菌味，甜甜地！仲有上菜時用茶壺倒出來上碟，視覺味覺雙重享受❤️❤️另一道小食/前菜：炸軟殼蟹，都唔錯但略歉油膩左少少，蟹味好突出！意粉，又係菌...點解咁多都係菌？ 因為我係主要食素，白肉同魚類，少食紅肉，其實餐牌上有好多唔同選擇，鮑魚，帶子，牛肉等等都有。不過呢個意粉又係好好食，加左好香嘅Parmesan cheese 向面，仲煮得軟硬適中。好了，主菜來了：grilled chicken 🐣 七彩繽紛嘅伴菜，令人食慾大增。以fine dining 來講，分量係多左少少囉，你會覺得佢唔矜貴,但我就覺得餐廳好老實。雞肉好嫩滑，如果個汁多返少少就完美。朋友點的tiramisu ，我放棄了甜品。…Read More

今晚happy Friday ,決心要食餐好。好耐冇食一餐正經嘅意大利菜，於是就來左呢度。Parma ham and buratta cheese !😍😍😱🥗個cheese 波成個拳頭咁大，好開心呀，入面仲係超級流心，食落仲有淡淡牛油香咁。高質！👍🏻Parma ham 都好好味 ，係切得較厚身嘅，但有幾塊比較肥 。小食bruschetta : 一般般，因為蕃茄味唔夠濃呢 ，對於蕃茄好高要求嘅我，食得出佢唔係用入口蕃茄呀...Steak : 賣相好好，所有伴菜都煮得好好食，好新鮮。可惜我地order medium 嘅牛扒under cook 了，似medium rare ，入面仲紅色同凍凍地。其實有諗過send 返俾廚房，不過唔想浪費了咁大舊肉呢，同埋舊肉其實幾好味，可以食到生啲（medium rare )嘅我就食哂中間部分，其他留給我另一半分享。沾埋個磨菇醬，真係好好味。…Read More

呢度咖啡一啲都唔平，5-60蚊杯不等，但依然吸引到我來，原因係環境，好靜，好適合hea下睇下書，有時坐足兩個鐘飲一杯野都唔願走。鐘意坐店外門口位，有遮蔭，空氣好，仲有好多居民在附近放狗，睇下玩下人地嘅狗狗，好寫意。至於咖啡 ，我覺得合格中上，飲唔到太獨特嘅餘香/after taste ,但都係夠濃同好有咖啡香。cappuccino 奶泡都打得唔錯飲到底都仲hold 到個花。PS:特別鐘意呢間coffee shop 提供嘅雜誌，多種類（同好另類都有） 啱哂啲文青😂…Read More

在壁球中心打完波行到中環搵食，黑仔地行行下落大雨，走左入呢棟大廈避雨....😓 咁就順便入來邊食邊等停雨啦。一入餐廳就心知不妙，環境裝修都好fancy 下，搞到著成打波look 嘅我地坐得好不自在，好彩餐廳又冇話唔接待我地呢兩位波友。講返野食：餐前免費小食鮮蕃茄醬多士（個包似focaccia ,咸香！ 仲有nuts 同大大粒檻欖，very good 👍🏻👍🏻👍🏻White sangria : 個人覺得偏甜，飲唔到白酒香味，水果味都頗濃郁嘅，不過就貴左少少了，成為$85 一杯食西班牙菜唔少得嘅iberico ham ,貪心地叫左50g $350 個大洋，送蕃茄包一大杯伴食，以呢個份量，呢個質素又唔算好貴（ham 食得出好濃嘅nuts 味，連肥都可以食）再來兩道開胃前菜tapas,帶子刺身同蕃茄凍湯！帶子份量足，好夠鮮甜，擺碟仲好靚。 凍湯也不錯，好滑同埋有有濃嘅香草味下一道（我嘅主菜）：蟹肉沙律，非常讚！ 面頭有舊香草雪芭，蓉左落沙律度 味道加埋剛好。好多蟹肉侓有火箭菜減減飽濟感。 我一個人食 當主菜都兼太大份，不過太好食關係都俾我消滅左佢。男朋友點了的主菜慢煮beef cheek 。我試了半舊....😭😭好難食，好大陣蘇味頂唔順（我本身係愛食牛架）仲有啲似林版牛肉乾咁嘅口感...我唔識欣賞了！可能牛面係特別部位，suppose 係咁嘅味道掛！…Read More

今日由中環半山行上薄夫林水堂向落數碼港！嘩...消耗左好多体力喎，即係有quota 食邪惡野啦。😏😏😏！入到商場其實食肆得三兩間，好口渴嘅我地二話不說入左呢家墨西哥餐廳飲返杯！我地揀左坐向近window 既high table ,貪佢可以望 到幾時日落就埋單走人出去睇日落。餐牌的draught beer 係estrella 但侍應話佢地冇再供應，已改為asahi . 唔緊要！一樣好飲，好夠凍同好夠氣。😍唔少得嘅送酒小食，nachos ，有pulled chicken 向入面....好足料，辣椒pickle 同蕃茄/yogurt salsa 味道出眾,入面仲撈左少少薯蓉。以為係小食，最後飽到食唔哂。今晚連晚飯都放棄了冇食呢。Ps:要讚呢度啲staff,好親切友善，服務非常好！ …Read More

今日brunch 主題係要健康，oolaa 早餐/brunch ,有唔少green /veggie/vegan options 。呢個叫the warm green brunch , 底層係quinoa, 煮熟了的kale同埋脆卜卜嘅杏仁片，面頭有半隻牛油果，一隻水煮蛋同halloumi cheese ！ 唔好似為全部菜食唔飽，每種材料都有特出味道，加上新鮮檸檬汁，清新有益得來又夠飽肚。 所有菜都偏淡，冇乜調味，食得出新鮮原味道，halloumi cheese 好夠咸，加埋其他菜食剛好味道平衡。加上蕃茄汁一杯，為我個健康brunch 劃上完美句號。至於同行嘅朋友，選擇食得邪惡點，係breakfast burger ,入面夾左hash brown ，腸仔同bacon，仲有件大到「嘔」左出來嘅煎蛋，賣相吸引。…Read More

今餐又係朋友請，真係前世修來嘅福氣，我呢幾個月好多朋友請食飯。 今晚主題係「傾正經事」不過係邊飲酒邊傾...所以點了一支紅酒長談。送酒小食tortilla ,好香脆，個汁係忌廉同蝦，好可惜tortilla 少少；汁多多，最後個汁剩了一大半 好浪費。醫肚之選，點了個墨魚汁大蝦意粉。大蝦好味又爽口，意粉食唔出有墨魚味，有少少overtook ,唔夠al Dante ，咸左少少。 最令我差異嘅係呢度是causal dining 地方食個意粉要300 幾蚊份量又唔算多，味道仲一般，唔怪得全的客人撩撩可數。酒反而是不錯的 ，不過朋友點又係朋友請 唔知幾錢呢。 …Read More

今日同事請食飯，好有心選定了這家。不用等位就戊座。跟lunch set的沙律和湯。其實飲唔出個湯用咩做不過幾好味同好滑。沙律有大蝦同芒果，芒果質感怪怪的 🤨，可能唔新鮮....反而個餐包好好味，係似鄉村包同法包之間嘅味道。同事點的羊架，好大份呢 ，我唔食羊，冇試味。跟餐甜品英式apple crumble ,eeee 啲crumble 向入面，面頭冇...唔香唔脆 ，我唔知係咪正宗英式做法但比起我平時食嘅apple crumble 差好遠呢😆我點了牛乾菌risotto : 好失望，個risotto 米飯未煮透，入面仲有米骨，但外面已經淋到一pat pat 咁....其實我心知在外要食到好味risotto 係唔容易，但呢個係set menu 唯一素食，想食健康少少就只點呢個。最後想用員工優惠10%off ,點知店員話餐廳星期一開始轉了手，已經沒有優惠😑…Read More