JimCheung6919's Profile

見隔離大家樂唔去，真係好失策早餐食咗嗰D餐，沙嗲牛肉麵餐，煎雙蛋配丹麥牛油酥飲熱奶茶，唔洗1分鐘上曬枱，係好快，但係塊牛油酥凍嘅，啲煎蛋又係凍嘅，泡麵更加唔洗評論。舉手問個侍應，牛油酥凍嘅係咪正常，隔離呀姨即刻話佢嗰塊都係，侍應話換翻塊俾我，我當然冇要到，算數，谷氣到暈。成間餐廳搵張紙巾見下都無，好似要將紙巾會比多左顧客咁，依家真係好心嗡，香港自己搞死自己，唔好話人哋北上消費，啲咁嘅質素真係好垃圾。…Read More

難得收工上網又見咁多正評膽粗粗試下呢間…1900入座；我哋見到明明大把位…全晚總共得3枱客…安排張枱細到爆嘅枱…張枱等於中學生張枱打橫放一樣…3枱客坐得勁埋勁近…坐櫈會覺張枱矮…坐梳化會覺張枱高…其他枱全部寫留座…但我哋入去1900-2100都無人入過嚟…叫了M2牛排…又薄又細又咸…加幾條草…盛惠2百3…叫了醬爆魷魚…全部豉油加油浸咁…叫了豬頸肉…算係正正常常…野飲叫正正常常…埋單498…落街再食碗雲吞麵先夠飽…無下次…😂😂😂…Read More

估唔到住呢面咁耐都未食過呢間舖，可能次次都俾安利吸引左去，今次二話不說，一推門『魚蛋河，大可樂，唔該！』魚蛋粉其實通街都有，間間舖自認清高嘅不離開果粒彈牙爽口嘅自家製魚蛋。呢間舖嘅魚蛋亦相當好食，彈牙之餘更爽口又不會成口膠粉。讚👍出街食河粉最討厭嘅莫過於一舊一夾即斷嘅過熟河粉，而我係度食嘅河粉不但沒有一夾即散，反而有口感嘅情況出現，即係每條都分明，有層次嘅口感。讚👍講到呢度，最後亦係我覺得出薦的原因，個湯底係用魚骨煲出黎，好甜，好香，同魚蛋同河粉互相交替著，好夾！👍👍👍 #東大街10號#有機會試試#好食過安利#盛惠31蚊…Read More