carcar.foodie's Profile

📍 阿木台灣麵呢間台灣麵向來都好出名，之前喺旺角分店都幫襯過，價錢實惠得黎又好食，絕對係糧尾之選！😍食物質素拍得住喺台灣食嘅味道👍🏻🍝麻辣麻醬肉燥拌麵 $53睇個賣相好似平平無奇咁，但味道好有驚喜！上面同底部有大量嘅滷肉，加大量嘅青瓜絲～攪拌至均勻就食得😽麵既質地幾有彈性；肉燥係半肥瘦，比例均勻，加左肉燥既關係，味道好濃郁！推薦食得辣既大家一定要加自家製麻辣醬，直接昇華咗成碗麵嘅味道👅麻辣既味道驚人，愈食愈過癮！必加！🐮滷牛腱 $65份量相當足！牛腱勁厚切，食落會更加有口感～味道嚟講唔錯，牛腱滷得好入味，牛肉同牛筋既位置好平均～完全唔似食緊小食，似係餸多啲，女仔食既話2個人share 食就差唔多😚🦪蚵仔酥 $50係炸蠔嚟嘅，蠔仔細細粒但量好多😆蠔仔冇腥味，味道正正常常冇話太大驚喜，不過值得讚嘅係炸粉唔厚，而且調味方面都唔錯，幾夠味！🍹芝士岩鹽奶蓋四季春青茶（凍） $40🍑粒粒白桃紅茶（凍） $34…Read More

📍三日月今次嚟到呢間日式席前鐵板燒餐廳食飯，環境寬敞舒適，裝修精緻，新派和風嘅設計帶嚟型格嘅氣息～之前都有黎過，今次過黎Me Time 一下🥰🌟豐 • 一人前鐵板餐 $398 ✨優惠價✨🔶前菜三小點分別有煙燻雞肉、味噌茄子同帶子裙邊～煙燻雞肉最有驚喜，肉質有彈性；帶子裙邊口感彈牙🔶木瓜柚子沙律木瓜柚子沙律好清新，爽脆清甜，加埋啲微酸醬汁，開胃又唔膩🔶大虎蝦原隻拆散放喺鐵板上燒，蝦頭同蝦鬚會壓成一片，薄到成塊薯片咁，蝦鬚食落會比較脆口；而蝦肉亦都好彈牙，配埋羅勒香草汁同香濃嘅蟹膏醬汁一齊食，好鮮味！🔶 鮮活蘇格蘭聖子皇蟶子用鐵板燒至香氣撲鼻！肉身爽脆彈牙，牛油同蒜蓉嘅香味完全逼咗入去，夠鑊氣，鮮味十足！🔶 茶碗蒸蛋嘢質地滑捋捋，蛋香味重，用咗日本產地嘅蛋～同平時食到嘅味道好唔同🙈同時加入咗魚子、魚湯同木耳絲，增添唔少口感🔶 美國Prime 肉眼薄燒卷配鐵板炒雜菜肉眼嘅脂肪比例會好平均，唔會有多餘嘅脂肪～肉質鬆軟，食落牛味濃郁！中間夾住金針菇同香蔥，層次感十足！配埋鐵板炒雜菜，爽脆清新，中和油膩感～🔶 鐵板炒飯鐵板炒飯，上枱滋滋聲，香氣撲鼻！飯炒到粒粒分明，乾爽有嚼口，雞蛋香蔥均勻包裹，簡單但鑊氣十足🔶 豆乳味噌湯食到尾聲飲返一碗熱湯會比較解膩，有海帶同豆皮，味道正正常常🔶甜品當晚嘅甜品係抹茶大福🍵抹茶味重濃，唔太甜，幾好！⭐️好味指數： 8/10📍 三日月 (尖沙咀)尖沙咀金馬倫道23號金馬倫廣場2樓B號舖…Read More

📍樂天皇朝想食正宗小籠包？😎一定要試吓呢間嘅招牌八色小籠包！最近佢哋喺沙田新城市廣場開咗新分店，座位闊落，食物選擇多，放工時間已經人龍湧現，想食就要早啲去排隊啦！🥢特式皇朝小籠包 $148一籠八色（原味、糟溜絲瓜、鵝肝、黑松露、芝士、蟹粉、蒜香、川味），款款吸睛，皮薄餡足，一啖咬落去湯汁瞬間爆發💥由原味、鵝肝、黑松露到川味，每款味道都獨當一面，層次分明，食得出係用靚料製作。仲要夠足料，食完成個大滿足！鍾意試新口味嘅大家必嚟打卡！🌶️四川夫妻肺片 $78牛肚爽口彈牙，吸盡麻辣精華；牛肉片切得薄身，肉味濃又鬆化。兩者口感層次分明，麻香惹味，加上秘製醬汁同花生碎，真係正！🌶️川味涼皮 $60川味涼皮真係夏日恩物！涼皮滑溜又煙韌，入口超級過癮～麻辣汁調得香而不嗆，醋香微微地，撈埋青瓜絲、芫荽同炸花生，口感豐富，酸酸辣辣零舍醒胃🍝紅油抄手拌麵 $78抄手每隻大隻餡多，豬肉鮮味突出；麵煙煙韌韌，掛滿香辣紅油，麻中帶香😌撈勻食每一啖都係滋味，辣得過癮又唔嗆喉⭐️好味指數：8/10📍 樂天皇朝 (沙田)沙田沙田正街2-8號新城市廣場三期1樓A132號舖#沙田 #樂天皇朝 #上海 #上海菜 #八色小籠包 #小籠包 #夫妻肺片 #涼皮 #紅油抄手 #川味 #川菜 #沙田新城市 #spicy …Read More

📍燒烤堂唔使諗！食串燒🍢首選一定係燒烤堂！🔥 水準長期都Keep住~成日都有新品推出😚就算平日都一樣咁旺場，氣氛一流！諗唔到食咩嘅大家快啲Bookmark啦！~ 🤩今次同大家介紹我心目中嘅Top 8 ‼️💫💫💫 焦糖青蘋果鵝肝多士 $108重點推介之一！值得食既鵝肝😍鵝肝夠曬大塊，極香同爆多油脂，係口度融化🤌焦糖青蘋果絕對係神來之筆！酸甜清爽完美平衡鵝肝既油膩，烘脆既多士托住所有精華，一啖咬落去，冷熱交織、軟脆夾雜💕🐤惹味蜜糖燒三黃雞全翼 $28燒雞翼我最鍾意食！蜜糖香甜恰到好處，燒到金黃色嘅雞皮脆卜卜，裏面肉汁大爆發！三黃雞肉質超嫩滑，醃得入味之餘，蜜糖同鹹香平衡得啱啱好，食完一隻立即想encore！🦆椒鹽鴨舌/ 麻辣鴨舌 $28每條鴨舌都炸到金黃酥脆，椒鹽鹹香惹味，撒滿蒜粒同辣椒碎，香氣爆棚！麻辣味鍾意食辣嘅人士必叫，掛滿香辣汁醬，食得過癮，後勁凌厲😣🐤明太子雞腿肉 $28雞腿肉燒到外皮香脆，肉質依然超Juicy嫩滑，一啖咬落去肉汁滿瀉！面頭鋪滿濃厚嘅明太子醬，鹹香鮮味瞬間爆發，微辣惹味，同燒雞肉好夾！🦑麻辣墨魚鬚 $22墨魚鬚爽脆彈牙，掛滿香辣惹味的麻辣醬，辣度十足又帶微微麻香，食落非常過癮！口感Q彈有嚼勁，愈嚼愈出味😚🍆孜然蒜蓉茄子 $38原條茄子燒到軟糯爆汁，鋪滿超多金黃蒜蓉同孜然粉，香氣濃烈！入口蒜香爆炸，孜然獨特既辛香味同茄子嘅清甜完美融合，惹味到停唔到口！🐮薄切牛舌芯 $28牛舌芯軟嫩，入口細膩多汁，帶有濃郁牛油香氣！表面微焦，灑上少少鹽同蔥花已經將鮮味推到極致，口感軟滑得來帶點彈牙，真係一試愛上！🧀芝士黑醋無花果 $58烤過的無花果溫熱清甜，口感軟糯；加上濃郁軟滑的芝士，奶香爆發～畫龍點睛既黑醋醬酸香微甜，完美平衡了芝士既膩感，味道層次極豐富！💫汁燒雞心 $22💫麻辣雞軟骨 $18💫爽口雞腎 $23💫牛小排 $48💫泰式豬頸肉 $28💫鹽燒豚肉荔枝卷 $22💫雞皮墨魚滑 $38💫鹽燒翠玉瓜 $16💫荔枝莫吉托 $58💫啤酒 $48 （買一送一）…Read More

📍綠茶餐廳呢間內地人氣浙江菜終於登陸香港，由米芝蓮星級名廚俞斌聯手合作制定menu ，推出多款夏季限定菜品！最近仲喺旺角朗豪坊插旗🚩餐廳環境清幽，似穿越到杭州西湖；呢啲中菜嘅菜式同味道都好適合一家大細/長者！🦐翠舟蝦劃 $88賣相相當搶眼，成隻船咁登場🚢！用爽脆秋葵砌成翠綠船身，裏面釀滿彈牙鮮甜嘅蝦滑；一啖咬落去，秋葵嘅清新夾住蝦滑嘅濃郁海鮮味，口感又爽又滑，鮮味十足，真係睇得又食得！ 🐤龍井烤雞 $138原隻金黃脆雞上枱，📸俾你相機食先～ 職員再用手撕開，雞皮脆到嗦嗦聲，切開既一瞬間肉汁滴曬出嚟！咬落雞髀位嫩滑爆汁，龍井茶香淡淡滲出，由脆皮到嫩肉 ，熱辣辣食真係冇得輸！🔥🐷鮑魚小炒肉 $108原粒切片鮑魚爆炒豬肉！鑊氣直衝上枱～鮑魚片彈牙厚肉，配埋青椒一齊炒，鑊氣十足🤩青椒走過油而且辣辣地，幾好餸飯😍仲有個熱鍋熱住，唔怕傾得耐凍曬🍲陳皮菜蒲頭老鴨湯 $58飲啖湯水暖笠笠，十年陳皮加老鴨，一啖飲落回甘十足！碗湯勁足料，有鴨肉、雞腳、瘦肉等等嘅材料熬製，鴨肉燉到「骨肉分離」，甘甜中帶絲絲鹹香，喉嚨即刻有潤到😆✍️筆墨酥香 $48必食嘅係甜品，幾有驚喜！係食得嘅毛筆😍毛筆頭超級酥脆，白豆沙餡綿滑湧出，蘸落硯池係濃郁既朱古力醬作為「墨汁」，成個set連筆架紙鎮上枱，夠曬打卡able📸🍵 九曲紅梅（熱） ($12 @位）…Read More

📍Bingo & Cook呢間人氣韓國餐廳長期爆場🔥必點嘅超長海鮮鍋份量驚人，料多鮮甜，食到連湯汁都唔放過！今次再encore，依然保持水準，大大鍋最適合約齊班friend圍爐share！🦀50cm 韓式海鮮鍋 $380呢個50cm超長韓式海鮮鍋一上枱真係震撼全場！成鍋鋪滿霸氣海鮮：原隻肉蟹鮮甜，大蝦爽口彈牙，魷魚嚼勁十足，青口同鮑魚吸盡湯底精華。濃郁嘅韓式辣湯底滾住食，越煮越出味，海鮮嘅鮮甜同湯底嘅香辣完美融合，啖啖都係滋味。份量十足，最啱約齊成班friend share食！🔥🍣牛肉芝士紫菜包飯 $80暖笠笠嘅飯卷包住濃香牛肉同半溶芝士，一啖咬落去芝士洶湧澎湃，牛肉醃得入味，口感豐富～邪惡但好滿足，絕對係必點之選！🐥藥膳人蔘雞湯 $168足料到爆！成鍋人蔘香氣撲鼻，飲落甘甜溫潤，藥膳味醇和自然，一啲都唔苦澀～重點係裏面嘅雞件真係超大件，雞肉燉到軟腍入味，一啖湯一啖肉，成個人即刻暖笠笠，好有滋補養生嘅感覺😌🍯蜂蜜黃油炸雞（半份） $130一上枱就聞到陣陣香甜！外皮脆卜卜，沾滿蜜糖同蒜香黃油，咬落去勁脆，入面雞肉嫩滑多汁🤩甜鹹交織好惹味，半份啱啱好，唔會太膩，送啤酒真係一流！🍶青提子米酒 $140一入口係清新香甜嘅青提果味，跟住米酒嘅微醺感慢慢滲出，兩種味道平衡得啱啱好~冰涼順喉，甜度適中，完全唔會有嗆喉感😇配住濃味嘅韓式炸雞一齊食，解膩又清爽，絕對係今餐嘅完美收尾！⭐️好味指數：8.4/10📍 Bingo & Cook (尖沙咀)尖沙咀麼地道37-41號港匯廣場地下17-20 & 31-34號舖…Read More

夏日熱辣辣，今期牛大人推出限時活動「炎夏椰樂祭」🌴，以椰子為主題提供多款特色餐點，為大家消一消暑🌞清涼度夏🧊💫120分鐘日本A4黑毛和牛火鍋放題 $488/位🍲鴛鴦湯底 — 喇沙椰爺仲夏鍋 & 牛夫人秘方麻辣鍋 (少辣）🔺 喇沙椰爺仲夏鍋 - 期間限定既湯底，濃郁既喇沙配鮮甜既椰子🥥喇沙係正宗既味道👅仲有另一款新出既湯底 - 木瓜椰皇嫩雞鍋，大家可以試下🔺 牛夫人秘方麻辣鍋 (少辣） - 食辣人士必點，可自選辣度，試左少辣，但會愈煮愈辣🥵🐃任食日本黑毛和牛A4+ 日本黑毛和牛既肉質細緻，食落柔嫩，油花豐富，食落更有和牛獨有既奶香味🫶入口即溶，每片食落都好柔軟🥳呢個套餐仲贈送M9和牛牛丸同海鮮拼盤😏😏🔸 M9和牛牛丸：牛味較濃，好彈牙！🔸海鮮拼盤：有魚、鮑魚、生蠔、扇貝～每樣都夠新鮮同大隻；海鮮拼盤係會放時令既海鮮，所以未必每次食都一樣✨炎夏椰樂祭想特別講一下今期限定食品，已經親身試曬😏🔸椰子小食-椰酥跳跳豬: 將半肥瘦既豬肉酥炸，加上爆炸糖！好特別既小食，鹽酥豬肉好夠味，爆炸糖增添唔少味蕾上嘅衝擊-黃金椰絲蝦丸：必點既小食！！！蝦丸真材實料，啖啖蝦肉，完全唔厚粉！食落口感酥脆；仲配左2款醬：香椰火焰醬同椰汁美奶滋，香椰火焰醬就比較濃郁，啱曬重口味人士-椰林火山脆薯條：係選用粗薯條，即叫即炸，沾上醬汁食就已經好食，味道正常🔸 特色飲品椰奶蓋芒芒爽：係杯椰子味超重既奶蓋，底部係芒果🥭整體嚟講都幾fresh~真係有種消暑嘅感覺；而且杯嘢嘅賣相都好吸引，有顏色漸變既效果🤩🔸特調飲品粉桃椰香（Pinku Paloma）、冰檸伴椰 （Malibu Lemonade）、藍調微風 （Blue Hawaiian）；所有特調飲品「日本黑毛和牛A4+」晚市套餐任飲，或每杯售價 $58🔸甜品香芋椰漿脆脆: 質感似沙冰，椰漿特濃😋味道清涼得黎又甜甜地～🎉【優惠活動】🎉1️⃣ DSE畢業季［學生狂歡時段］每位學生憑全日制學生證，於星期日至四21:00後入座可享以下優惠：* 「美國特級安格斯」套餐即減$30* 「澳洲極上和牛」套餐即減$60* 「日本黑毛和牛」套餐即減$902️⃣ 知識就是折扣通過答題贏取餐飲折扣等優惠，所有客人都可參加，答題中不可使用電話、書本等。獎品如下：* 答中2題：即影即有一張* 答中4題：即送鮑魚小吃拼盤共6隻 (3款特色鮑魚各2隻)* 答中5題：下次惠顧吃到飽套餐全單八五折 (需登記成為Storellet會員)3️⃣ 追蹤牛大人社群媒體 即可獲贈「椰奶蓋芒芒爽」一杯。…Read More

📍燒烤堂呢間串燒店一定係我心目中最No.1🌟所有串燒都係即叫即燒，味道同份量都絕對係滿分之選！！！每次黎都會有新推出既產品，次次都有意外驚喜🥳🥳今次一於介紹吓我嘅Top 8️⃣🐮和牛棒（配松露一口飯） $58新推出產品之一！用免治和牛整成嘅和牛棒，真係誠意十足🤩和牛入口即溶，牛味濃；芝士同松露帶咸香～💫💫💫 焦糖青蘋果鵝肝多士 $108重點推介之一！值得食既鵝肝😍鵝肝夠曬大塊，極香同爆多油脂，係口度融化🤌爆juicy👍🏻而焦糖青蘋果酸甜嘅口感冰正正中和返，唔會覺得油膩🦑雞皮墨魚滑 $38係用油脂滿滿嘅雞皮包住墨魚滑，墨魚滑好彈牙，必試！🦑麻辣墨魚鬚 $22墨魚鬚超爆爽口，好彈牙！！！加咗麻辣粉更加惹味🤩💫 椒鹽鴨舌/麻辣鴨舌 @$28鴨舌真係每次嚟食都必點，口感爽彈，相當惹味，越咬越香！一串都有成六隻鴨舌，份量夠多～幾欣賞佢唔會燒到乾爭爭，保留到肉質同口感！椒鹽同麻辣味相比之下，麻辣味更勝一籌😏🧈蒜香牛油酒煮蜆 $68蜆肉夠鮮味，每隻都勁飽滿又大隻！但比較有驚喜嘅係蒜蓉包，勁重蒜蓉同牛油，好香好脆，絕對會為咗個蒜蓉包再叫呢個😘🍆川燒蒜蓉茄子 $38茄子不嬲都係燒烤必食，係茄子上面鋪滿蒜蓉同菜脯，燒完之後超級香😎茄子軟腍，一絲絲咁拉出黎食好過癮，茄子好入味！！！🐤爽口雞腎 $23雞腎極度爽口，而且好有厚度，幾抵食！基本上每次嚟都會叫㗎啦，必食之選🤩💫 惹味蜜糖燒三黃雞全翼 $28💫 雞肉軟骨棒（付月見） $36💫 薄切牛舌芯 $28💫 孜然豚肉韭菜花卷 $24💫 獺祭45 300ml $168💫Highball $48…Read More

📍Homeland想慶祝又唔知去邊？呢間西餐廳真係唔錯㗎！🤩環境同氣氛都好好，最正係有畫碟服務😍，同埋會送即影即有📸，搞到成件事好有儀式感💕好適合用嚟慶祝生日或者過紀念日，保證會好開心！🦞韓式玫瑰醬龍蝦QQ捲捲意粉 $228呢個必試！龍蝦用椒鹽處理過，殼香脆肉彈牙，鹹香惹味😇個玫瑰醬香甜得嚟一啲都唔辣，奶滑嘅醬汁掛滿曬啲QQ韌韌嘅捲捲意粉，口感一流～鹹香同甜味夾得啱啱好，好唔錯！👍🏻🐷BBQ醬燒滋味豬肋骨配薯條 $168呢份豬肋骨真係大大份夠曬霸氣，肋骨厚肉又鬆化，一啖咬落去肉汁滿瀉～BBQ醬燒到香噴噴，甜甜地非常惹味，蘸多啲醬汁食更加正😌旁邊既薯條粗身脆口，點埋茄汁食，不知不覺就清曬成碟，超滿足！🐤酥脆炸芥末蜜糖雞翼(5隻) $88外皮炸到金黃脆卜卜，入面肉汁鎖到實一實~個芥末蜜糖醬調得啱啱好，蜜糖既香甜行頭，跟住先帶出芥末嘅微辛同香氣，唔會攻鼻，反而好惹味～🍰 特濃開心果巴斯克奶蓋蛋糕 $118開心果味堅濃郁，真係食到果仁嘅香氣！最欣賞係佢唔太甜，完全唔膩，食完一整個都無負擔😍面層嘅奶蓋😋仲有畫碟服務💕個圖案精細到呢～像真度極高，未食先興奮，打卡一流！📸🍷精選紅酒 Shiraz $68穩陣之選，果香充沛，入口順喉醇厚，帶少少辛香餘韻😌發揮正常，容易入口，配牛扒或者就咁嚟飲都唔錯。🍻Suntory Sunset (7/3) $88係最新推出嘅啤酒！口感醇厚帶有麥芽風味，味道清新！入口順滑，麥香之後會帶出少少回甘，整體平衡得好好～冰凍飲真係特別爽，好適合而家呢個天氣，🔆特別優惠：🌞 午市四人同行一人免費逢星期一至五午市惠顧堂食，即享四人同行一人免費，及全單免加一服務費。（以最低價錢的套餐為準，每位客人最低消費一個午市套餐）…Read More

呢間韓燒餐廳係正旺角E2出口，行一分鐘就到，夠曬方便！餐廳環境簡潔，座位寬敞～仲播住K-pop音樂🎶令人心情放鬆，chill住食😈✨ 午市自助餐（成人） $168✨ 午市海鮮任飲任食 ✨ +$58/位🍹自助吧有唔少既前菜同醬料攞，試左韓式大豆芽菜、青瓜、辣魷魚醬同泡菜，味道幾正宗；另外，汽水都係任飲，想飲熱飲嘅朋友仔都可以試熱麥茶～🥩肉類超多唔同款式既肉類，分別有韓式牛肋骨、霜降一口牛、美國安格斯肩胛翼、韓式豬皮同韓式雞肉等等，務求試曬佢咁多款野食🤣但係唔使特別擔心，每碟嘅份量唔會好多，大概都係2-3塊左右▶️推薦牛肋骨，肉質鮮嫩且有咬口，同時又唔會覺得好韌！而韓式豬皮就比較爽口，亦都係唔錯嘅選擇👅霜降一口牛就真係要小心睇火，因為好容易燒燶😣🦑海鮮升級左海鮮刺身任食，於是就叫咗醬油蟹、醬油蝦、帆立貝、海虎蝦、青口、大蜆、海墨魚同扇貝！仲有刺身：厚切三文魚同油甘魚腩，juicy!▶️推薦： 扇貝新鮮，幾大隻，而醬油蟹味道唔錯，爆曬蟹膏🤩🥟炸物&熟食炸物當然唔少得啦，試左韓式柚子單骨雞翼、炸雞軟骨、炸紫菜粉絲卷、粉絲煎餃～而熟食揀咗浦燒鰻魚～▶️推薦：柚子單骨雞翼絕對值得叫，柚子醬塗滿隻雞翼上面，味道甜甜酸酸，好開胃～同一時間，雞翼仲保留到脆口，唔錯！蒲燒鰻魚亦都好推薦大家食，鰻魚燒到幾入味，絕對唔馬虎～🍨甜品有軟雪糕、蛋糕同埋泡芙，全部都可以喺自助吧到攞😆…Read More

📍不苦 Buff平日返工做野好苦，但放假有好西食就不苦😌 呢間木系咖啡店採光十足，主打西日式fusion料理同自家制甜品，系假期慢活好去處✨咖啡用本地烘焙豆為主，每月仲會引入唔同產地嘅單品咖啡豆，比你品味獨特風味～位置方便，鄰近雷生春、汝州街打卡話咁易，鐘意文青風同咖啡嘅唔好錯過！🥗慢煮雞胸配柚子汁沙律 $98雞胸超大塊，慢煮功夫到家，肉質異常嫩滑，一啲都唔鞋口～柚子汁調得好清新，醋味溫和唔嗆喉，食落好舒服，成個配搭輕盈又開胃🤤🦐香煎海蝦辣蕃茄汁粗管通粉（微辛）$128海蝦大大只，煎到金香爽彈，精華在於個每日鮮制的辣番茄汁，微辛醒胃，茄味濃郁仲帶啲蒜香，掛汁力極強，完美包裹住每條煙韌粗管通，食落滋味十足！🦑脆炸七味海苔尤魚 $68外層炸到金黃酥脆，沾滿七味粉同海苔，香辣惹味😆入面既尤魚依然保持爽彈，一啲都唔韌，炸功控制得剛剛好，食到停唔到口，絕對系佐酒一流！🍟和風明太子炸薯條 $68幼身薯條炸到金黃香脆，熱辣辣上枱~ 沾滿咸香濃郁既明太子醬食落外脆內軟，滋味雙重，系令人食唔停口既佐酒小食！☕️（凍）桂花鮮奶咖啡 $66凍桂花鮮奶咖啡用咗衣索比亞豆，帶出果醬甜香，同桂花清香好夾！配搭士多啤梨同桃駁李鮮果杯，清新爽甜😌轉Oatly燕麥奶口感更滑，誠意推介！🍹 蝶豆花檸檬汽泡水 $50漸變既紫色好夢幻，打卡必點📸入口系清新檸檬香，配合細密氣泡，口感清爽又解渴，夏天飲真系一流！…Read More

📍 am.pm呢間舖頭嘅梳乎厘人氣No.1！雖然即叫即製，但出餐快靚正! 款式多到花多眼亂，今次仲撞正感謝祭💓，甜品第二份半價，超抵食！🥞炎燒布丁梳乎厘+日本3.6牛乳雪糕係呢度嘅招牌之一！表面層焦糖脆卜卜，一啖落去超驚喜😆梳乎厘空氣感十足，入口鬆軟綿滑，配上濃郁奶香嘅雪糕，凍同熱嘅交融，實在太正！必點！🌟🍵靜岡抹茶牛角包窩夫將牛角包壓成窩夫，即叫即製，外層烘到金黃酥脆，一啖咬落去咔咔聲，熱辣辣香氣撲鼻🤤重點係嗰抹茶粉，沈左超多！選用日本靜岡抹茶粉，茶味超濃郁回甘，微微甘苦中和咗窩夫嘅甜膩，邪惡又滿足！💓🍯蜂蜜珍珠牛乳呢杯真係真材實料！一睇就見到杯底勁多蜂蜜，甜得嚟好滋潤養顏～啲珍珠煮得啱啱好，煙煙靭靭超Q彈，配埋香滑嘅牛乳一齊飲，口感同味道都完美配合，每一啖都係享受！🍵宇治抹茶珍珠牛乳抹茶控至愛！😍選用頂級宇治抹茶粉，茶味甘香濃郁，入口回甘，完美中和甜膩感～搭配Q彈煙韌既珍珠同香滑牛乳，每一啖都係煙韌同濃厚茶香嘅交織，味道層次豐富，清新又解渴😌…Read More

📍 SHAKE!T天氣咁熱，梗係要飲返杯奶昔解暑啦！呢間係香港本地品牌，用料絕不馬虎！精選多個名牌食材，好似九龍維記鮮奶同OREO餅乾等等；奶昔係用超過50%鮮奶，水果系列全部新鮮生果製造，仲有唔落冰㗎！🤩乳酪100%鮮奶製作，窩夫漿都係每日自製，誠意十足！🍓US Strawberry Yogurt 美國士多啤梨乳酪 $55一入口係好濃郁嘅鮮果甜酸味，仲食到啲士多啤梨果肉添。乳酪本身夠曬冰凍順滑，酸甜平衡得啱啱好🤣最正係面頭嗰加左朱古力醬同生果乳酪出奇地夾，邪惡得黎又感覺冇咁有罪惡感！😈🥤HK Style Black Sesame Milkshake 港式黑芝麻奶昔 $45超濃郁嘅芝麻香，口感細滑到不得了，絕對係真材實料～加咗亞麻籽之後，多咗陣堅果香同微微口感，健康得黎成杯飲落都好滿足，係幾養生既選擇！🍨Italian Pistachio Parfait with Ice Cream 意大利開心果雪糕芭菲 $65開心果醬多到鋪滿雪糕面， 每一啖都係好濃郁嘅堅果香，真係將成個味道昇華到另一個層次！雪糕質地綿密，配埋脆脆同奶油，多重口感😌 🧇Chocolate Hazelnut Waffle 金莎朱古力榛子醬窩夫 $40即叫即整，拎上手仲熱辣辣，咬落去好脆，真係外脆內軟🤩朱古力榛子醬多到漏，仲有啲沈花生碎增加口感，香甜濃郁又唔會太膩📍 SHAKE!T (旺角)旺角豉油街25-31號地下4A號舖…Read More

最近心郁郁好想食串燒，黎到呢間串燒店！睇餐牌發現價錢相當親民，最平$10就有一串，今次可以放肆食過癮！😻🔶$10區🐽鹽燒西班牙五花腩 皮脆肉嫩鹹香惹味，油香四溢脆卜卜，邪惡但過癮🦑泰式燒墨魚鬚 墨魚鬚爽口彈牙，燒得啱啱好，泰式酸辣醬超夾🔶$15區🐽味噌松板豬 $15肉質爽脆焦香滿分，味噌濃郁甘香惹味，鹹甜交織好開胃🔶$20區🐤鹽燒雞腿肉 外皮脆口內裡嫩滑，鹹香恰到好處吊出鮮味，肉汁滿滿🐤鹽燒鮮雞腎雞腎爽脆彈牙，鹽燒焦香惹味，咬落卜卜聲🐤鹽燒鮮雞尾甘香油潤卜卜脆，鹽燒焦香冇得頂～爽口彈牙越食越上癮🍢黑松露金菇卷松露菌香澎湃撲鼻，金菇爆餡多汁，外層焦脆內裡濕潤🔶$28區🐂鹽燒牛舌芯牛舌芯厚切超軟嫩，鹽燒焦香鎖肉汁，入口即化有嚼勁，牛魔王必食！🔶$38區🧄蒜蓉欖角燒蟶子（微辣）蒜香撲鼻欖角鹹鮮，蟶子爽脆唔韌口🔶 嗌晒佢都無錯系列🍯焦糖菠蘿鵝肝醬多士（2件） $58焦糖菠蘿熱辣香甜，鵝肝醬冰涼豐腴，份量亦都勁多；多士脆卜卜承托，冷熱交織口感奢華🐟椒鹽＋紫菜味＋泰式辣醬＋九肚魚 $68外皮酥脆到嗦嗦聲，椒鹽吊味，紫菜碎鹹香，再點埋泰式辣醬，三重滋味夾攻；的確係必試！🔶必食惹味小食🦑墨魚滑＋紫菜＋大蝦 $68份量極多，真係成條火龍卷咁多😆 墨魚滑爽彈鮮甜，紫菜薄脆帶香，大蝦爽口惹味，三重口感完美融合，鮮味MAX!!!!🔶主食🥘咖喱牛舌手抓餅餐廳人氣之選～咖喱濃香惹味，濃郁但唔太辣；牛舌厚切軟嫩彈牙，手抓餅千層酥化，夾埋啖啖肉汁香口！🍋青檸檬菠蘿Gin（微醺） $38味道幾fresh ，解一解油膩感🍊薄荷桔仔Gin （微醺） $38飲完透心涼，夏日消暑必飲⭐️好味指數：7.8/10📍 人生有限杯.串燒店 (旺角)旺角通菜街1A-1L號威達商業大廈Deli2 1樓1A號舖…Read More

📍一鍋堂平時最鍾意就係打邊爐，平時食慣牛x同牛xx,今次試吓其他🤓聽講呢間主打香港地道火鍋，食物款式多，但價錢唔貴，性價比幾高！🐮Set D日本黑毛和牛A4+ $338/位🍲湯底🔸一鍋自家麻辣鴨血豆腐鍋: 麻辣湯底夠哂惹味，豆腐索盡湯汁，鴨血彈牙冇腥，正😍🔸金湯椰子雞煲: 金湯清甜椰香足，雞肉嫩滑唔鞋口，配料足料，飲啖湯食件雞，暖笠笠😎🐄任食日本黑毛和牛A4+ 日本和牛A4+雪花靚到！！！油脂分布均勻似大理石紋～入口真係即溶，濃郁牛味同豐腴油香係口腔爆開，肉質嫩滑，每片食落都好柔軟🥳🥩肉類除咗和牛，亦都有唔少其他款式，包括極上安格斯牛小排、南非和牛三花腱、澳洲M6和牛牛腹肉、紐西蘭羊卷肉、壽喜燒黑豚肉、伊比利亞黑毛豬等一下，多達20幾款！🤩🔸比較推薦極上安格斯牛小排，牛小排肉紋細密似雪花，油脂分佈均勻，咬落去肉質結實得嚟帶軟熟，牛味濃郁得嚟唔會膩口；而三花腱霜既筋肉交織口感出眾！輕涮幾秒入口爽脆彈牙，牛味濃得嚟帶獨特嚼勁👍🏻🍲火鍋配料除左出面自助bar既火鍋配料之外，仲可以點鮮甜桶蠔、原隻海蝦、磯煮鮑魚、瑤柱干貝滑、爆膏鵝腸、原隻帆立貝等等🔸 比較推薦爆膏鵝腸，真心正！鵝油甘香濃郁，腸身爽脆彈牙，蘸啲豉油已經無得頂～海蝦同鮑魚都新鮮，食落有鮮味🤩海蝦大大隻！encore咗幾次🔶小食小食較多元化，包括有凍甜蝦、藍青口、麻辣五香牛腱、涼皮等等，呢啲可以喺自助吧度自取～另外都可以透過QR code點各種台式小食，例如鹽酥雞、白雲鳳爪、避風塘粟米等等🔸較推薦凍甜蝦，口感一啲都唔差㗎，海鮮味濃；涼皮嘅味道都好正宗，麻辣嘅味道好開胃！🍹飲品一般火鍋放題嘅飲品都基本上齊全，但呢間有好多唔同種類嘅啤酒，全部都係任飲！！！🍲如果有啲朋友飲唔到太重酒精嘅話，可以試吓飲茶酒，茶味香濃帶有淡淡嘅酒香味，飲落都幾易入口㗎🥳…Read More