Isabella lam的個人專頁

之前喺尖沙咀分店食過榴槤冰好好食，今次特登帶媽咪過嚟試吓，點知食完之後好失望😞第一，榴槤冰上面有放西米，由於係成座山咁嘅造型⛰️，所以即使好小心甘筆，但一筆起嘅時候就跌到成枱都係西米。。。第二，味道方面就冇投訴，面頭有軟滑香濃嘅榴槤肉🤩，底下嘅榴槤冰淡淡都有濃濃嘅榴槤味😋。然而，口感方面實在係有待改善🙂‍↔️，首先唔知係咩原因，有幾舊冰係特別大嚿 （如下圖），又好鬼硬，整左幾下都整吾碎。另外，舊冰個口感好奇怪，有種溶左嘅雪糕再雪返硬佢嗰啲冰粒嘅口感，完全做唔到軟綿綿嘅效果，重點係同我之前食個個口感好唔同🙂‍↕️以$58依個價錢而言，我覺得佢係品質監控方面可以做好啲💪🏻…查看更多

之前食過大角咀分店覺得幾好，滿心期待嚟再食。 環境方面就略為光線稍暗同埋多雜物堆放。服務方面都ok,會盡快安排座位，open rice $50現金優惠券兌換都算順利，但落單嗰陣時要撳櫃檯付款，之後喺櫃檯用現金或者八達通俾完錢之後先算落單成功。野食係落單後大概兩分鐘已經送到，麵質係正常台灣手工面水準、有咬口，牛肉軟硬適中，但係有少少怪味，至於湯就冇咩特別，但食完好口渴。😣 覺得水準比以前下降左，所以食完有啲失望🥺。總結係如果趕時間想食個快lunch都ok, 但要特登排隊就吾會啦🙈…查看更多

今日黎到灣仔想食平平地食個lunch，所以揀咗依間OpenRice評價唔錯的餐廳雖然餐廳位置處於街市一角，但店內都幾乾淨衛生，而且中午時間見到好多人排隊買外賣～我地坐個張臺係風口位覺得有啲凍🥶，但店員都好好人甘幫我地轉左張臺👍黎到重頭戲——燒味飯！ 1. 燒鵝乳豬雙拼飯（$88）熱奶茶（+$5） 燒鵝皮帶左啲脂肪，送飯一流，不過我食個幾件就吾係好多鵝肉可以食😅到乳豬啦～乳豬皮夠脆，肥瘦適中又夠厚身，食食下有啲膩就點左啲芥末，點知又幾好食喎😋杯熱奶茶都幾好飲又夠滑😚2. 燒腩仔叉燒雙拼飯（$58）雙拼飯黎講都唔算貴，燒腩仔夠晒脆，可以一啖一件，記得要點埋芥末食💛！佢比起平時食開深黃色嘅芥末唔同，食落唔會搶咗食物本身嘅味道，解膩之餘又可以食多幾舊💗！至於叉燒，有燶邊食得出炭燒味，肥瘦均勻，又夠曬大件😎3. 乳豬叉燒雙拼飯（$85）啲燒味味道差唔多，不過今次啲乳豬比較多骨，得好少肉，而且食到底有啲鹹，可能落得太多汁🤔其實依間餐廳仲有暗然銷魂飯，好多人叫，不過今次冇試到😂…查看更多