amyheart's Profile

見到食評咁多哈哈笑，所以就求其揀咗呢間食。入到用QR code落單，但係開唔到佢個落單網站，待應侍應要求我用佢提供的wifi和密碼登入，表現網絡問題所以開唔到，但係奇怪在我開其他網站又冇問題喎😅做乜一定要人登入wifi唔肯人手落單？花膠同雞正常冇特別，無甚麼特別，湯底懷疑加咗味精，食完好口渴要不斷咁飲水先得。湯有碎骨。埋單限制多，唔可以俾信用卡，俾現金又嫌硬幣唔靚拒收，收銀員疑似老闆娘大大聲話唔收，令人尷尬，其他客人望住，使到群眾壓力下冇堅持落去要佢收下，食完一肚氣。…Read More

夜晚九點幾，想去食附近糖水舖但係太多人等，個肚又餓，結果喺附近條街行吓睇吓，喺門口見到呢間專賣羊肉嘅舖頭。因為本身我都鍾意食羊，所以就入咗去試吓。下單到上菜需時約20分鐘，當時夜深只有我一枱客人正等候上菜，其餘兩枱客人都已經上完菜😂😂😂我餐牌殘舊，枱面有些黏，餃子湯底奶白色，但味道有鹽味但清淡，猜不到是何種湯底；餃子有強烈韮菜味和少許辣味，但羊肉份量少，麵條口感欠佳，粉麵味道欠佳。😅整體而言：🙊…Read More

西灣河蘇豪東區有各國美食餐廳，呢間餐廳嘅午餐都算多選擇，中午客人不多，我樂於與其他客人保持社交距離，安安靜靜享用午餐。外籍侍應首先奉上熱咖啡，無咖啡不能工作的我在享用當天第二杯咖啡🥲，與附近餐廳相比，呢間餐廳嘅咖啡算唔錯嘅，同時冷氣風口冇對正食物，所以食到最後咖啡都冇話凍晒🥲餐湯我揀咗番茄湯，有埋番茄粒粒喺入面，有咬口，加埋少許黑椒同洋蔥、薯仔入去，味道層次豐富而濃厚，下次可以再encore🥰主菜揀咗雞肉漢堡配薯條，漢堡麵包皮煎得外脆內軟，牛油香剛剛好唔會太油膩；雞肉同醬汁配合得唔錯，薯條ok，整體份量都大。見鄰座客人點咗薄餅，好似係招牌菜式，賣相都十分吸引，可以一試。…Read More

第一次去呢間店,係為咗一個即將去韓國留學嘅朋友搞嘅farewell lunch!因為呢間店嘅主題係旅遊,而我呢位朋友係辭工去遊學,咁勇當然要搵間啱佢嘅餐廳襯一襯佢啦!我地約好咗4個人,我同另一個朋友先到,等咗10分鐘左右就有位喇(佢冇得訂座,限食半小時)我地入到去,坐咗入門口右手面,貼牆嘅位置,本來想拎本旅遊書邊睇邊等扮文青,可惜全店滿座客似雲來,侍應忙過不停,所以都費是行出去遙遠嘅書櫃拎書睇喇。間店舖嘅環境除咗有啲迫之外,都顯示擺設同埋佈置都好有風格同心思,有異國風情,亦有咖啡廳的溫暖。另外兩名朋友冇耐嚟到,仲帶多咗一個朋友嚟,原本仲諗住點樣塞多一個人落四人卡位度,所以求助於侍應小姐,佢就拎咗張椅子嚟,啱啱好坐多個人~餓咗咁耐終於有野食:牛柳粒長通粉:唔硬好趙口嘅牛粒,唔會太淋嘅長通粉,女士份量,因為太好味嘅關係而被朋友嘅叉叉咗幾舊走。朋友嘅花果茶:我冇飲呢隻,但睇個樣都感覺到佢有誠意。窩夫(二人份):熱窩夫,雪糕從來都是絕配,我覺得同咖啡弄嘅招牌草莓窩夫不相伯仲差唔多夠鐘會溫馨提示你仲有幾耐要交枱,望出去又真係好多人等緊,所以都冇辦法。下次閒日嚟睇吓有冇得睇吓書扮文青啦~…Read More

今日開工時遇到一些令人精神緊張的事情，所以心理上想找一些東西發洩一下，內心突然湧出羊肉卷的味道，呼喚著我......六點半上到西九food court，未到晚飯時間，人不算多，點了一份轉轉羊肉卷($45)，加一罐可樂，慢慢品嚐羊肉卷一開二，雖說是二人份量，但以我細食之人，一份羊肉卷也只能是一人份而已。羊肉重，加蕃茄，生洋蔥，生菜，味道清新而不膩，而且鮮味多汁，醬汁多得從嘴角流出來了！(店員只講英文，但以簡單英語溝通便可）值得推介~…Read More

早幾天預訂了位子，要為他送上一個驚喜:)我們選擇了set dinner，本人因要戒口，所以點了兩份羊架配芝士薯蓉set餐湯是蕃茄湯，鮮味的，但比想像中濃且酸。餐包、沙律OK啦，不過不失我們都不怕吃太生的食物，羊架五成熟，外皮脆，肉質鮮軟嫩滑，很好吃！配以我最愛的芝士加薯蓉，份量適中，不會太膩最後，侍應為生日的他送上點著燭光的士多啤梨拿破崙甜品，而Munch亦送上一小盒朱古力為禮物，為這頓晚餐作完美句點。…Read More

週末旺角仍是不夜天，滿以為晚上九時可以不用等候便可入坐，但最終都等了半小時。我們一行三人預先選好了菜式，甫坐下來便請奉茶的侍應落單，不消一會兒便先端來枝豆。暖暖的枝豆感覺比上一次惠顧時稔身，皮亦較多水，可能是翻熱的關係。特上壽司盛盒只吃了三文魚和吞拿魚，鰻魚留給不吃生魚肉朋友，吞拿魚夠鮮味，肉質肥美，一咬即開，可惜三文魚味不夠肥美，蔥花和沙律醬更輕易把它的味道掩蓋。串燒盛盒味道比較特別的是牛肉包裹著韮菜，而其他味道亦保持水準。焗芝士年糕中，芝士與年糕的配撘好。鰻魚釜飯在上菜後仍要等待二十分鐘待其煮熟，叫我們都發要餓死了，希望下次侍應可於落單時先提醒一下。…Read More

在這間大公司小部門，我們一行六人都會為壽星你／女慶祝生日，而壽星仔這次選了公司附近的日本料理店－－雪村。這店子位處又一城，價格自然比深水埗高一些，而店內的裝潢陳設都是粉細而較高級的。打開menu，價錢是七十五元至八十元不等，我點了鹽燒鯖魚定食，壽星仔則點了咖哩豬掛飯定食，六位都先來前菜沙律，是紫蘇葉、生菜、車厘茄等再加一些醋拌勻製成的，味道酸甜開胃，以及一客麵豉湯，內有兩小磚豆腐，鹹度適中，略淡。主菜鯖魚上場，是切開兩塊旳端上來，但視覺上都比想像中細小，外層燒得香脆，魚肉鮮味但較硬，可燒的時間長了點令魚肉不夠嫩滑。雪村採用了珍珠米，硬度適中，黏度夠，口感一流。整體感覺不錯，由於是星期五的午市時間，我們預先訂了位子，被安排到店子有兩張餐桌的角落，另一張是沒有人的，所以談天的氣氛是不錯的，但是侍者都不會主動走過來，只好放聲叫他們。…Read More

明明一個超普通焗豬排飯，我親手俾張單個水吧職員，我其實已經認得佢，因為佢做咗好多年嘅個女人，見住佢大肚生仔咁樣，但係我企喺佢面前當眼處等咗15分鐘，我要拎住張底單去問佢點解仲未有，一個焗豬啫唔係要即焗吓嗎？　跟住佢好似唔信我咁：「你有冇俾到另一張單我？」嘩＝　＝我咪話：」我親手餌你架喎！」跟住佢即刻打開喺佢左手面個櫃，拎咗個外賣焗豬出來，咁都得！　跟住包括佢在內，任何一個職員冇講過對唔住，我火滾起來即刻喺門口拎起張意見調查書寫低呢件事！我唔明當時晚上八時十五分超級冇咩客仔，都可以搞錯！人多啲咁點算？…Read More

舊公司值得留戀的地方，也許最大部份是那兒的人。舊同事來去匆匆，尤幸還有一份情誼在。三個相識多年的女人能夠相聚，已是賞心樂事。新公司放工時間比另一人早，於是先聯同另一友人進內，先於鑽石山站下車，依指示步進南蓮園池，在黑漆漆的路上，只有昏黃而疏落的小街燈為我們引路，沿路依稀可見是園林景致，迴廊小橋，瀑布流水，遠處傳來古箏琴音，可令人靜心、悅目。黑暗中由保安員指引，是一座中式庭園，瀑布由屋頂傾瀉至屋前湖上，若是早上到來，坐在窗前品茗，豈非人間仙境？惜當日黑幕降臨，未能親置身其中。步進店子，駭然發現晚市最低消費乃$110，雖心感不安，但為了約會在此，依然與友人一同進內。友人與我都心感min play此著並不切合細食如我們，但既已入內亦無可奈何，唯盼食物美味。酥炸海苔卷：腐皮包著海苔、蘿蔔絲等炸成，上碟乾身未太油膩，外層脆口，放置良久亦保持鬆化。紅燒豆盒：硬豆腐內鑲切碎的豆，有咬口，豆腐滑，口感一軟一硬，感覺特別沙薑香草爆直菇：直菇有o趙口，亦帶爽勁，但由於沙薑太辣，引致未能多吃菠蘿r咕嚕麥纖：以咕嚕肉的汁配炸脆麥纖，酸味適中柚子醋粉皮：酸味足，粉皮夠薄，配青瓜口感爽脆。本身只叫了二百多元的餸菜，但侍應把單子拿來，說還剩１２４元才夠數。（這個舉動令我有點不安）另外，我們的枱子就在出餸枱旁邊，而侍者經常在等侍期間站在我們餐枱旁候命，令我又有點不安了。晚市送湯及白飯或白粥，可無限添加，但三個女子花每人一百五十多元，感覺叫得太多，味濃的食物想配以白飯下嚥，但肚子已經脹大，可笑的是到九點鐘待應居然問也沒問就把還未完的碟全都收起來，我們心想：不是吧？9PM都會被趕？OMG........…Read More

看完電影，因為家中無人煮食，結果拉著朋友陪我吃晚餐，由朗豪坊步行至女人街，來到一間台灣食店，聽朋友說這兒的魯肉飯很好吃，在餓極的情況下衝了進去，還好當時差不多晚上八時也剩兩個空位。我們進入店子，昏黃溫暖的燈光居然令我想昏睡～我們點了魯肉飯，老味拼盤，酸辣粉皮，以及兩杯飲品，魯肉飯味香濃，把所有材料混和後味道不錯；老味拼盤：老水煮大腸，蛋，豆腐等小吃，味道不錯，入味酸辣粉皮：一入口好像沒什麼味道，但再多等一會兒便有陣陣辣味湧出結果：兩個女仔係唔應該叫咁多野食嘅。。。。食完之後個肚頂住頂住啦，不過真係幾好味！難怪有咁多好評～…Read More

兩個女仔去睇戲，買完票就去食午飯先，成個旺角咁大，食肆咁多，都唔知選邊間好，身邊好友提議她經常幫襯嘅＂譚仔雲南米線＂，於是嘗試一下～早前完維記嘅豬潤麵，從此念念不忘，在譚仔又叫了一碗豬潤炸醬米粉，加一杯凍檸檬茶，結果真係正到爆～一碗麵大大碗，豬潤甚至比維記更彈牙，當然，清湯底不及維記的濃味豬潤湯底了～炸醬甜酸辣三味皆有，以甜味為先，用來撈麵最適合不過！唯一不好的是風口對正食客，炸醬好快凍晒，而店子也太迫了，背部會比人用袋碰撞。…Read More

公司漸漸過了最忙碌的時期，心情輕鬆不少，便想在沉悶的生活中找些樂子調劑一下。早前同事們都覺得公司附近的食店吃得生厭了，同時開學後lunch time難以搵位，所以一同坐的士到這間300個好評的食店潮聖～午飯前，我特意到openrice找找維記是什麼傢伙，原來是３００個好評的店，我心中嘩了一聲，於是充滿期待lunch time嘅來臨，最終亦冇令我失望～12:50左右來到，不用等位，落order 五分鐘左右，一碗熱騰騰的豬潤面就端到我面前～先喝一口湯，便知這店子功力深厚－－－面湯很濃，似是在喝媽媽煲的湯似的，足料，甚至可用老火來形容！勁！　面條質地滑，沒有可惡的＂簡水＂味道，而豬潤更是彈牙，易咬開，大大片，十分足料，味濃，一個字：正～而同事叫了一些多士和＂咖央多＂，外表香脆，而醬汁混入其中，甜而不膩，絕配！我們都把湯喝個清光，雖然最後喝到最尾有點咸和口喝，但我會再來幫襯！…Read More

同朋友行開九龍城廣場，未起行之前先去醫病，我地呢D愛點心人，見到間茶樓就走入去食點心。蝦餃：蝦肉都好豐富，皮唔韌，不錯，而且佢地可以淨叫兩隻，O岩哂我地兩個人，一人一隻，可以食多D其他點心。鮑螺片燒賣：我好彩搶到鮑螺片，都幾大塊，都入味，同埋下面舊燒賣都幾大舊.....晶瑩三寶：係素粉果、芋頭餃同潮洲粉果，三種選擇，以素為主，適合我地怕肥人士。上湯浸覓菜：怕肥人士當然要食返多點菜，這個好明顯很適合我們，10蚊一大碗，份量足，上面的秀珍菇都好爽口!埋單一人都係三十幾蚊，飲餐茶算係咁，同埋可能都早，唔駛點等位。…Read More

大學同學一行十一人來到這兒，七咀八舌不知道食什麼好，結果點了一圍酒席（！）結果餸菜不過不失，甚至有點兒失望。。。迎喜穗香雞：雞肉太硬，而且皮不太夠脆清蒸大海斑：魚肉蒸太老了，硬了，不好吃，只有魚汁加分蒜蓉粉絲蒸聖子皇：蒜香入味，聖子鮮甜波士頓龍蝦伊面底：龍蝦被厚身的面粉漿弄至難以入口了。。。其他的都不過不失。。。…Read More