lucky889's Profile

早兩日約咗同事收工喺長沙灣廣場, 諗住行下同埋搵下有咩食, 行上三樓發現很多新嘅舖頭, 經過呢間居酒屋, 門面都幾吸引同埋特別, 於是我哋兩個就坐低試下.呢度嘅侍應好好禮貌, 仲主動介紹有特色嘅食物畀我哋我們點了青蘋果 Wasabi Aoi , 味道好特別, 好易入口 , 回甘果味及wasabi 好夾！鱈魽片 做得好薄, 好脆, 口感有D似餅乾, 加上一點點沙律醬, 入口有鱈魽嘅鮮味. 佐酒一流！枝豆 配上獨特嘅醬料, 小小辣 ,十分惹味.三色燒蠔明太子, XO醬, 鹽燒 三種味道.本身蠔好新鮮, 厚肉大隻, 唔會燒得太過熟, 入口非常 juicy.芝士甲羅燒意粉賣相十分吸引 , 入口係新鮮香濃嘅蟹膏, 再配埋芝士, 爽口煙靭嘅意粉, 十分 "幸福"最後梗係食埋呢個自家製嘅花生酥, 入口十分鬆化, 滿口花生嘅味道.…Read More

長沙灣近排真係開咗好多有水準有特色嘅小店，早兩日約咗個朋友食飯， 佢介紹我試下呢間鐵板燒， 佢話試過 lunch水準都唔錯。呢度嘅職員態度，非常殷勤，會主動講解及推介。我和朋友分別點了一個 大蝦鐵板餐 及 "梅" 五點刺身盛合。"大蝦鐵板餐" 1. 開胃沙律前菜2. 燒比目魚賣相一流，金黃色嘅魚肉加脆上卜卜嘅魚皮， 入口 柔軟，魚香四溢， 好夠水準。3. 燒大虎蝦大虎蝦新鮮彈牙， 我個人喜歡加少少海鹽， 更加凸顯大虎蝦嘅香味。4. 燒安格斯牛柳外層燒得微微嘅焦，裏面嘅肉汁鎖住曬喺裏面，中間仲係微微嘅幼嫩紅血肉色， 加上少少牛柳嘅脂肪， 安格斯牛柳嘅味道十分濃郁。最後 炒椰菜，炒飯， 麵豉湯炒椰菜十分鮮甜，炒飯配以簡單嘅材料， 櫻花蝦，雞蛋，蔥花... 粒粒分明。麵豉湯，味道亦相當唔錯。五色刺身 - 味道很鮮甜，材料新鮮❤所有刺身都係厚切，好有咬口， 三文魚，油甘魚，金目鯛， 拖羅， 真鯛。 尤其係金目鯛，味道最為鮮甜。…Read More

今晚天氣轉冷， 又係圍爐取暖嘅好時機。 朋友介紹呢間18樓雞煲火鍋， 佢話食過好多次，都保持到水準，所以今次要帶我嚟試下。都未夠7點， 喺門外已經有幾個家人等位， 好彩呢度地方夠大，都唔洗好耐就有位了。裏面全部已卡位設計，座位十分寬敞。呢度嘅飲品選擇都很多， 醬料自己調教 仲有軟雪糕。我們先點了一個微辣雞煲， 雞件十分嫩滑， 而且好入味，麻辣很香加埋洋蔥，味道調較適中， 抵讚！之後梗係加湯開始下半場， 任食火鍋！我哋點咗一輪海鮮， 雖然我哋嗰個係a3 A餐, 都有大海蝦，魷魚，土魷，牛柏葉， 是日海鮮係蟶子仔。海蝦十分爽口彈牙， 蟶子仔亦十分鮮甜。之後點了兩款肥牛，"特級肥牛"牛味較濃厚。 ‘’美國肥牛‘’ 就較為薄身， 輕輕落水一 灼即食。其他午餐肉，芝士腸當然唔少得， 特別要讚嘅係呢度啲豬肚，好爽口而且清洗得十分乾淨企理。…Read More

呢兩日天氣轉涼, 梗係約埋啲朋友去補一補啦!旺角726大廈 "吞 POT 雞煲火鍋", 係我朋友介紹去, 佢話 D 雞煲好正, 早兩日我就同埋細佬去試下.雞煲種類好多, 仲係呢度嘅招牌菜, 我們點了胡椒豬肚雞煲 ( 半隻) $188.一上枱胡椒味已經撲鼻而來, 先來碗清雞湯, 入口好舒服及順喉, 胡椒味好濃, 湯底十分足料, 啖啖雞湯鮮味。當然唔少得撈下個底, 睇下有咩配菜啦, 除咗有大大件雞件同埋好乾淨嘅豬肚之外, 仲有芫茜, 西芹,大豆芽菜,海鮮菇,萵筍及粟米.煲底仲有大量嘅胡椒, 真係好犀利, 唔怪之得咁香味!食完個咁滋補養顏嘅雞煲之後, 當然叫些蔬菜及火鍋配料打邊爐啦, 牛柳粒 $108 真係幾抵食 ,肉質新鮮 脂肪分佈平均. 由於體積比較大, 我哋相對會煮耐些, 估唔到入口又唔算太刃, 內部嘅肉微微呈粉紅色, 加上辣椒豉油, 好好食!…Read More

好耐冇去過棉登徑，今日同朋友收早經過這間居酒屋，感覺十分親切，可能太掛住日本了，梗係要入去試下啦！店內地方不算太大，裝修佈置都幾有特色，由於時間尚早，我哋就叫了一支清酒及一些日式地道 食物。[安藝虎純米清酒]這款清酒容易入口，感覺柔和及易飲，而且微酸香氣以及果香味馥郁。呢度都幾講究，店員準備了一盒清酒杯畀我哋選擇，店員巳準備冰凍清酒器皿盛上，入口透心涼！[牛肉大阪燒]木魚紫菜蛋黃醬放在大阪燒上面，牛肉唔會太老 ，入口鬆化， 大阪燒煎得十分香脆。[螢光魷魚漬]醃後仍保留鮮味，不會過鹹，入口爽口，用嚟送 清酒就最啱！[木魚醬油凍豆腐]清淡嘅豆腐配上木魚醬油加少少薑味，入口又幾清新。[三重芝士燒蟹肉松葉蟹蓋]麻雀雖小，五臟俱全！芝士、蟹肉同埋蟹膏填滿成個松葉蟹蓋，食落口不但唔會太膩，反而食出有唔同層次嘅味道！[燒野菌三重芝士蛋餅]芝士味十分濃郁，芝士迷必然首選，加上面頭放咗細細嘅蔥花，上枱熱辣辣，要小心辣親。…Read More

今晚我同同事去兆萬中心試咗一間好有地道風味嘅韓式燒烤，嗌咗一個 "大君御膳" 兩人埋單 連加一 都係四百鬆啲，認真抵食。呢度嘅佈置好有傳統韓燒嘅特色，餐前小食有 大豆芽、同埋泡菜。出一面嘅啤酒同飲品都係 自助任飲。店内嘅平均年齡都係後生仔為主，好有氣氛，最搞笑係坐我哋隔離枱有幾個真韓國人，真係有啲好似睇緊韓劇一樣氣氛！LA牛排、牛肋骨肉 、牛舌都係必點推介，除咗肉質柔軟，顏色鮮豔，感覺十分新鮮之外，烤肉燒起上來充滿肉汁，真係出面其他放題嘅烤肉不可比較。仲有我至愛嘅海鮮，虎蝦、扇貝、仲有半殼石 蠔仔、魷魚同埋鯖魚柳 ……"豬肉泡菜湯"上枱時熱辣辣， 湯底十分鮮甜，入口喉嚨唔會太辛辣，味道調配剛剛好，好有誠意！最後一提係呢度嘅侍應，十分高效率，食物上枱嘅時間夠快，而且兩個鐘嘅放題，大大話話幫我們更換了燒烤盤四至五次，抵讚！…Read More

今天行開太子，見到這家西餐廳，裝修幾有特色，於是入內進食。入到店內，泠氣充足，坐位也舒服，店內環境令我有休閑的感覺。店員也很友善帶我們入座。裝修得幾有格調。看完餐牌，叫咗個美式水牛雞翼，雞翼好入味道，味道很濃，好香脆。肉好滑好嫩。好深刻印象。另叫咗個黑松露薯條，薯條是即炸的，又熱又脆，黑松露醬很濃。再配薯條，很好食，而且也份量十足。叫咗個素野菌意大利闊條麵。闊條麵好爽口，好味道。菇菌好入味道。又多汁，一食再食。也叫咗個龍蝦汁青口飯，青口很大，又鮮甜，龍蝦汁渗入飯中，好入味道。濃烈香味道。做得好有水準。飲品方面，叫咗杯芒果沙冰，天氣太熱，飲杯沙冰，人都醒神一點。芒果味也很濃。飲完感覺十分涼快。綜合各方面，價錢，食物質素，環境，服務等。絕對是物超所值的一餐。個人認為必定會再來光顧。…Read More

前日去大角咀接放工, 經過見到呢間泰式小店裝修好搶眼，再睇睇個餐牌，價錢好抵食，於是我哋就去試下.裏面嘅佈置彷如去到泰國小店一樣, 仲見到一些嘟嘟車裝修嘅卡位, 好有趣！這間小店好有地道泰菜嘅特色, 而且價錢合理, 份量都好足, 係大角咀唔錯嘅選擇！冬陰功海鮮湯 $108冬陰功湯底不算太辣, 而係些少酸, 配合其他香料嘅味道好開胃, 海鮮都算足料, 有魷魚,大蝦同埋青口.明爐燒烏, 頭魚 $138 份量十足, 條魚好大條, 其他泰式菜館, 差不多要二百蚊, 而且魚肉都十分新鮮, 裏面仲有啲粉絲同埋草菇, 湯底鮮甜美味.馬拉盞炒通菜 $58炒得非常入味, 好有傳統泰式, 菜館嘅味道.…Read More

經朋友介紹這間 Lab Eat Restaurant, 佢話環境食物質素一流, 於是上星期約埋朋友仔食一餐西式嘅燭光晚餐.裏面嘅環境感覺好舒服, 環境寬敞, 畀我們感覺係一間好Chill嘅西餐廳. 侍應非常專業, 會等你完成一道菜, 才送上下一度, 時間剛剛好.我們先來一杯餐前酒, 侍應送上自家製餐包, 熱辣辣, 加橄欖油同埋黑醋特別醒胃.頭盤先嚟海膽帶子冷盤, 賣相好有氣派, 食材新鮮, 帶子夾雜著自家製嘅酸酸甜甜醬汁, 一試難忘！海膽卡邦尼扁意粉, 大大件海膽, 真材實料.扁意粉每條都沾滿醬汁, 味道濃沃, 入口煙韌, 而且份量都唔算細, 好抵食！Fired Tilefish 這款菜係我朋友介紹, 話一定要試, 果然冇令我失望! 除咗上枱碟十分漂亮之外, 魚塊炸得剛剛好，裏面嘅肉質嫩滑, 出面嘅魚皮炸到非常脆口.整體而言這間西餐廳, 值得備忘, 下次有機會再去！…Read More

今日收早約左朋友去愉景新城行街, 發覺都幾多嘢食, 喺地下個層俾我地發現呢間鳥山名日式餐廳, 門口見到款式種類都幾多, 我地就入去居試下.我地叫咗一客厚切牛脷心, 有兩串,每串有兩大件.加少少檸檬汁,味道已經很好,牛脷好爽口, 肉質柔軟, 唔錯.深海燒烤拼盤, 有大大隻元貝,燒蠔,銀雪魚,燒蜆 仔. 我最欣賞係燒銀鱈魚, 剛剛熟,魚肉又嫩又滑 又有炭燒味. 燒蠔都好大隻, 無需用調味料, 都已經覺得很好食. 蜆仔雖然細隻些少但係都好鮮甜.燒元貝好鮮味.雪花牛肋條地獄火鍋食得辣嘅朋友真係要試下, 個湯底真係有些地獄辣嘅感覺 配上粉絲, 加上牛肋肉, 配菜有冬菇 韭菜,皇帝菜,豆腐, 真係大滿足!…Read More

一向鍾意食放題，就係鐘意18樓雞煲，可以先食雞煲，之後再打邊爐！呢度全部以卡位為主，對方頗為寬敞，而且氣流都算唔錯，依家出去食野最緊要安心！蔬菜、飲品、調味及雪糕都係自助，食品就用 QR code 落單，都幾方便，而且上菜快。先來了一個小辣雞煲，小辣容易入口，而且非常惹味，雞件大大件，剛剛好唔會太靱。火鍋配料種類分得好清楚，有肉類、海鮮、丸類……呢度嘅海蝦非常新鮮，好彈牙爽口，來回嗌左幾轉已經值回票價。…Read More

平時經過大角咀匯豐銀行對面，都會聞到陣陣好香嘅鐵板牛扒味道，今晚就約左朋友去呢間鐵板牛扒開餐！呢間餐廳係半自助形式，按照你揀選嘅食物及重量去收費，店員好細心講解唔同部位肉味及口感，抵讚！我點了一份400G 嘅牛板腱，店員即刻用大鐵板加熱，然後再上一個鐵板，配上白飯、沙律及汽水。這個牛扒非常大件，好厚肉 juicy ，肥瘦脂肪比例剛剛好，由自己控制嘅生熟度。我本身喜歡味道濃一些，我會加些玫瑰盬同埋黑胡椒，這樣更可以突出牛肉嘅鮮味！…Read More

上星期晚市放寬，約朋友去打火鍋，經過佐敦這間尚鮮海鮮火鍋，朋友提議一試，我當然沒有意見！我朋友唔係食得太辣所以嗌了一個麻辣鴛鴦湯底，麻辣湯底，香味十分突出，裏面多種配料 唔係淨係一味得個[辣]字，入口確係有台式麻辣 嘅刺激味覺!姬松茸冬瓜湯，裏面有瘦肉、冬瓜，入口清甜，打邊爐前都飲咗一碗，味道唔錯特上手切肥牛，牛肉味好濃郁，一啲都唔靱雪花油脂十分平均，放入湯底五秒即可，入口十分juice。四色丸上盛: 墨魚丸、 牛肉丸、 豬肉丸 、蝦丸全部係人手手打丸，入口彈牙爽口。豬皮都幾實淨，清理得唔錯，沒有幼毛喺表皮上。脆鯇魚片，新鮮及大細適中，滾完入口十分爽脆。…Read More

早兩日喺大圍買餸， 經過這間阿爺燒鵝餐室， 見佢新裝修， 都幾企理。門外見到掛滿一大堆燒味，顏色好柔潤。燒鵝顏色很靚，肥雞、 叉燒， 賣相都很好。餐牌選擇很多， 我睇咗一陣都未決定買乜好忽然間好想食乳豬， 最後決定買四分一隻 乳豬回家斬料加餸！買埋其他海鮮， 行完街市， 買埋餸， 回家都差不多一小時， 雖然個外賣盒佢都開咗窿。但係都有啲擔心唔知仲脆唔脆，打開一看，乳豬，每件大細都一樣，入口好脆！少少脂肪， 嫩滑嘅肉， 加上超級鬆脆化皮乳豬，入口真係停不了， 勁正！…Read More

疫情之下，二人限聚令，好耐都無得同朋友出街食下飯開放番4人限聚令後，特登揀左日平日收左工，約班好耐冇見既朋友食下飯同吹下水揾左呢個唔嘈既地方可以慢慢傾，呢間餐廳食野味道唔錯，餐廳裝潢乾淨企理，落地玻璃窗可以望到成個旺角，坐得都幾闊絡舒服呢期入秋天氣涼番，點左個胡椒豬肚雞煲(一隻)可以暖下身，味道唔錯，d雞同豬肚好多，夠晒4人食有凸，個湯好香好順喉原本點左個冰菜想試下，點知原來要冬天先有，惟有轉點菇類打邊爐又點少得炸響玲，真係新鮮即炸，上枱仲係熱，夾起好脆身，點落個煲4秒即起就食，掛湯力一流，呢個必點仲有蟹子墨魚滑，又係打邊必點系列，墨魚滑好彈呀，真係食到手打入面仲有粒粒墨魚肉，唔錯另外再點左個香煎鵝肝蝦丸，呢個真係印象好深刻，入面真係包住左煎過既鵝肝，鵝肝味好香好出，蝦丸本身既彈牙再配上蝦丸既香，個味道好特別，平時打邊爐未見過，今次點黎試下，無伏，推薦再來當然唔少得蜂巢豆腐啦，呢個又係掛汁力一流，完全係索晒個湯打得邊爐當然唔少得飲番杯可樂啦，叫左杯大檸樂，真係好大杯，張相都顯示唔到實物既巨，個size係仲要大杯過7仔思樂冰整體來說，野食不錯，地點方便又坐得舒服，食完野坐係度同朋友吹多陣水都仲得，唔使趕住走，同朋友黎食係個唔錯既選擇…Read More