66meoww's Profile

從來未想過會有榴槤主題的下午茶，一踏入餐廳已經有一種驚喜的感覺同埋撲鼻而來嘅濃郁榴槤味。如果d侍應唔鍾意榴槤味都幾慘 😂 第一道菜 - 椰子榴槤燉湯 - 聽起嚟有啲奇怪，第一口湯亦都鹹鹹地，但入面嘅榴槤味冇格格不入，反而煮完之後仲保留住creamy的質感，好神奇。然後就入正題 - 三層下午茶！侍應哥哥好細心咁提醒我哋由頂層的鹹點食到底層的甜點。頂層的龍蝦尾同埋香辣蝦杯都好開胃，個人最鍾意佢嘅香辣蝦杯；雖然比想像中辣但係泰式酸辣汁的檸檬香同蝦肉好夾。中間嗰層有泰式蟹肉三文魚子魚餅，馬來西亞 炭燒魚肉同埋軟殼蝦，全部都幾好味。最後重頭戲就係 - 底層的榴！槤！包括: D101, D175 and D197，榴槤班蘭碟豆花糯米飯同榴槤椰子碟豆花西米杯！另外唔記得講，自家製嘅榴槤雪糕(連榴槤肉)係任攞。果香同果肉的濃郁真係非常吸引，而且凍冰冰一啲都唔膩。同行的朋友一口氣吃了四次另加Godiva 朱古力軟雪糕(試咗一啖，超香濃朱古力味唔會死甜)，而我吃了兩次榴槤雪糕已經好飽，結果底層的榴槤甜品冇乜心機食 😂 總括而言，榴槤粉絲絕對不能錯過，去兩次都唔誇張！😂…Read More

We opted for the 2-hour free flow which offered sangria, cava, house red and white, and beer. We went for the sangria and cava. Food was ok but not impressive. The brunch set came with 5 starters to share: Cold cuts & cheese platter: Most igable out of the 5. Mediterranean salad: Loved the feta cheese. Finished most of it as my friends weren’t huge fans of veg LOL Tuna tartare: Bread was the right amount of crunchy, good match with the tartare.Poached eggs, bikini fries with bacon bits: Expected 3 eggs instead of 2 as there were 3 of us. The amount of fries and bacon was also more appropriate for 2.Grilled cheese sandwich: Not pictured, would’ve tasted a lot better had they been heated up more. For main course we had roasted suckling pig, pan fried lobster (not pictured) and paella. All tasted good except that the paella was a bit too salty. Dessert was my favourite course: we had Basque burnt cheesecake in raspberry sauce with pistachio ice cream, and churros with vanilla ice cream. 100% recommend the pistachio ice cream - it was just divine. The Basque burnt cheesecake was creamy and tasty. Churros were crunchy outside and soft inside, perfectly tasty whether on its own or dipped into the vanilla ice cream.…Read More

話說某日路過威靈頓街，諗住試吓三哥個香辣回鍋肉蝦仁炆米線。大概12:20pm 去到，門口已經有8, 9個人等緊，攞完飛後排咗半個鐘先入到去。一入去突然心血來潮想食薯粉，就將炆米線改做薯粉。另外見到有個新小食: 麻辣醬銀耳鹿茸菇，一於叫埋試吓。個炆薯粉(10小辣)香氣撲鼻，表面鋪滿一層紹菜同回鍋肉。回鍋肉夠入味同埋冇油膩感，蝦仁就普普通通，不過感覺好足料，一路食一路都仲搵到回鍋肉片同埋蝦仁 😂 薯粉都夠入味，10小辣對我嚟講啱啱好，而且質感夠咬口之餘又唔會太靭。唯一美中不足係原來三哥冇得少薯粉，對我呢d成日食唔晒碗米線/薯粉嘅人嚟講有d浪費食物 😣麻辣鹿茸菇爽脆可口，略嫌麻辣落得太重手，食咗幾啖已經覺得個嘴變咗孖潤腸 🥲 不過呢個應該係因為我本身淨係食到10小辣-5小辣 🤣食完好似上咗癮咁，已經諗緊下次幾時再試炆米線版本 😆…Read More

睇完大量好評，滿心期待咁同朋友嚟午市。招呼我地嘅中年哥哥幾熱情友善，一入餐廳亦見到滿牆藝術裝飾別具特色 💛 我哋坐嘅餐枱後面成幅牆都擺滿紅酒，感覺會係唔錯嘅相片背景。Menu係前一晚餐廳已經WhatsApp左比我，玩法大致就係set lunch 包前菜，餐湯，主菜，甜品同餐飲。價錢主要取決於主菜，另外都睇會唔會加錢upgrade 前菜/甜品/飲品或者加唔加小食/配菜。嚟得一個半fine-dining 價位嘅餐廳就對服務質素有返咁上下期望，點知就係失望嘅開端… 🤭💔我upgrade 左green salad 去蕃茄水牛芝士(+$55) (❌不建議咁做，詳情睇下面)，主菜叫咗warm aged beef cheek ($260)。朋友想叫short rib ($360)，好戲就來了🥲 姨姨服務生建議朋友叫八成熟，朋友有點不可思議咁話從來未食過咁熟的short rib，姨姨就話: “我地呢度一定係咁熟架喎 如果你食唔到八成熟 咁真係唔好叫呢個short rib 囉!” 我地兩個都O左嘴。未聽過服務生咁冇禮貌又自以為是，而且我地自問都客氣同佢講野… 好彩朋友EQ高，played along 話咁就試下啦！佢另加左個side dish - grilled veg ($35)(❌不建議咁做，詳情睇下面)。甜品可以揀”是日精選”或加錢選擇其他甜品。我地經歷過佢啱啱的霸氣回答，今次110%戰戰兢兢畢恭畢敬咁，問佢當日嘅”是日精選”係咩。佢回應: “我唔知廚房今日整咩喎！要出到嚟先知架喎！” 我同朋友對望一眼，冇講d乜但真係又一次O嘴… 譚仔姐姐都親切十倍，而且食物平二十倍 🥲🥲🥲 佢落完單就頭也不回走開了，算數 - 我地都冇再expect佢重覆我地嘅orders。Appetizers 同湯和麵包正正常常。上面提到‼️絕不建議好似我咁upgrade 沙律去蕃茄水牛芝士: 只見碟上得一小半位置被沙律/芝士/蕃茄佔據，另有一大半空間，令人有錯覺以為個碟未準備好上桌 - 應該係我大鄉里，對plating 呢d野識條鐵咩 🧐 (圖中冇完全入鏡sorry 下次會影好d - 如果有下次嘅話)。主菜方面，先講好的: 我個牛面頰表面由於經過熟成處理，所以有少少焦脆，裡面的肉保持軟腍濕潤，有肉汁而且有d膠質感覺，一口咬落好有層次感，調味亦適中，唔沾mustard都好好味 😋 Mustard 份量可以再多d，我地有問佢再要。朋友的short rib就真係令人大開眼界 :0) 如圖所見，所謂嘅另加嘅grilled veg 係正常配菜expected嘅份量，絕對唔可以話佢自己係一個side dish。而呢個份量亦都發人深省，令人思考如果冇加到菜，咁係咪就會一個大碟+一條骨就算 🧐 我嗰個牛面頰好彩都仲有啲薯蓉 :0) 朋友話八成熟嘅肉好韌，要咬好耐。我自己冇試過，不作評論，大家有興趣可以試下 🤣爭啲唔記得講 - 上我哋主菜嘅時候，姨姨服務生又出擊: 粒聲唔出將一樽鹽擺喺我哋枱面，轉身180度就走，一聲”慢用”都冇講。講真以呢個價位，我reasonably expect 更好嘅服務。飲品我叫咗latte，朋友叫英式紅茶。要注意‼️”英式紅茶”嘅意思唔係佢有一系列茶葉選擇，而係得一種 (好似係 earl grey, i forgot) 🤡 見到我哋飲品嘅時候又一次(亦都係最後一次)跌到一地眼鏡碎: 我個latte細杯同冇拉花都算了，d milk foam 厚到我以為自己飲緊cappuccino 🤧 朋友個英式紅茶我地以為會用茶壺裝住茶葉，另外比個小茶杯倒d茶出嚟。理想同現實總係有好大差距: 啲茶就咁用普通日式食肆果種黑色膠杯裝住。Ok 嘅… 如果喺壽司郎見到就冇乜違和感。都係果句啦，呢個價錢嘅話，presentation真係有改善空間。神秘嘅”是日精選”好彩不過不失，係士多啤梨藍莓配芝士蛋糕。冇特別評語，就只係想像中嘅味道。失望。顏色只係光環。回頭率應該係0。…Read More

Tucked away on a quiet street in the Sheung Wan neighbourhood, Rapha is a cycling supplies store slash cafe. Stumbled upon this gem on a Sunday morning, went in because of the playful golden retriever trying to dodge around her owner and head out the store 😂 What I liked about this place: - Lots of sunlight 🌞- Cute mini “backyard” with a tea table/couches and a couple of trees providing shade- Friendly baristas- Not too packed - there were cyclists coming in and out the store to chat with baristas about cycling while getting their caffeine fix. During the (almost) 2 hour i was there, the only non-cycling customers they had was a guy, and me 😂- Because of ^ I didn’t feel the pressure to chug my coffee and free up some space for other customersOrdered a flat white, which tasted ok although lacking a bit in terms of aroma and body. That said, given Rapha is first and foremost a store specializing in cycling gear, I don’t expect its coffee to be on par with that of e.g. Barista Jam/Halfway/Winstons.Would still come back for the chill vibe 👍🏼…Read More

聖誕及新年假期間的festive brunch 與平日的brunch menu 有d唔同，最大分別係所有菜式都係shared的，等大家都可以嘗試到3個主菜。我哋另外叫左 free flow Prosecco。Kimono fried chicken 外面炸得金黃酥脆，裡面仍鎖住肉汁，沾上微辣的蛋黃醬後層次豐富。T-3 salad 以酸甜的醬汁混入沙律菜和鵪鶉蛋，非常開胃。然後再上三道🐟: 西瓜三文魚他他，鱸魚沙律，同吞拿魚牛油果卷。三文魚他他同西瓜浸在冰凍的醬汁裏，一鹹一甜味道異常地配。吞拿魚牛油果卷要沾紅紅的beetroot mayo，雖然本身唔係好鍾意紅菜頭嗰陣味，但係呢個將完全冇嗰種攻鼻嘅味道，反而甜甜地，令吞拿魚卷味道更加豐富。鱸魚沙律冇食到 因為當時已經飽飽地 😂主菜嚟啦: 燒乳豬配番薯蓉，烤三文魚，同全素的Chimichurri炒飯。乳豬皮脆肉嫩，不過略嫌肥膏太多，同埋唔沾個醬就冇乜味。烤三文魚就平平無奇冇乜驚喜。炒飯雖然得洋蔥，紅黃椒同埋豆，但係出奇地冇想像中咁難食😆甜品有驚喜: 一個platter裝晒2人份量的brownie, alfajor 同應該係banana cake 😂 三種baked goods 仲係暖暖地，讚👍🏼 brownie 雖然好甜，但好彩側邊有啲鋪碟嘅raspberries/blueberries 個酸味中和返。Alfajor 食落好似shortcake，口感鬆軟又甜甜地，超好味！Banana cake 記住要淋上旁邊的cinnamon士多啤梨🍓果醬後趁熱食~餐廳環境ambiance 都好chill，侍應都好友善熱情，佢哋有時忙得滯忘記添水/酒都可以理解。圓滿的free flow brunch 🥂~…Read More

第3次來這裡晚飯前drinks 純粹因為地點方便在ifc. 如果你熟習癱仔姐姐語言 將會與這裡八成侍應溝通順利👍🏼 Xmas eve下午早了下班 趁還沒到晚飯時間便來drinks. 注意喔 它沒有happy hour deals的。不知是否節日關係 drinks menu不是平日那兩頁而是變成了只有一頁 平常一堆cocktails都不在menu上 選擇不多。點了 Riesling 和一個叫Night Jasmine的cocktail. Snacks方面 午飯時間過後點心不供應 於是點了椒鹽豆腐 魚子醬蝦多士 和每次必點的蜜汁叉燒 。豆腐外脆內軟 非常香口。蝦多士一入口有一陣油膩 蓋過了魚子醬和蝦味 有點失望。叉燒才最無奈 今次每片有50%都是肥膏不是肉 與之前幾次的截然不同 我們都受不了要把肥肉吐掉。至於服務 沒比較便沒傷害。如果你expect癱仔級的服務 便會有回到癱仔般家的感覺🙂 當天drinks時段餐廳只是半滿 但我們等了半小時叉燒還未上桌。與侍應生follow up時 她竟說因為廚師在吃飯 叫我們多等一會。不評論廚房的晚飯時間因我也不熟識 但侍應姐姐的表達方式真令人大開眼界 - 總不能理直氣壯地叫客人等廚師吃飯吧 反而你什麼都不用解釋 簡單說替我們追追單不就好了嗎? 話說回來 這跟上次癱仔姐姐上完香檳後忘記替我們開瓶 是小事一樁🙂這樣說吧 要是你逛ifc逛到累 不喝一杯會死而其他餐廳又滿座了 那不妨來這裡體驗一下甲級地點兼有癱仔親切感的餐飲服務😀…Read More

訂了weekday下午茶替好友慶祝生日 侍應很熱心地offer拍照 還不厭其煩主動從不同角度替我們拍 😂 食物方面 scones夠熱,moist, 超讚 👍🏼 (比fortnum & mason 那不知所謂又乾又硬的scones好多了)。鹹點也很出色 三層架以外另上的蝦春卷建議趁熱吃 蝦很meaty 有點油膩但沾上甜酸醬後還好。至於三層架 從頂層開始 鮑魚酥和鵝肝撻味道都如想像中好。中層的龍蝦沙律很足料 有驚喜 煙三文魚和青瓜蛋沙律不過不失。我和朋友對底層的甜點興趣比較少 😂 值得一讚的是它們設計非常精緻 可惜我們都嗜鹹多於甜 每款都只吃了一兩口便嫌太甜 只是個人口味的問題 嗜甜的朋友應該頗喜歡。環境當然打五星 而且因為weekday關係人流不太多 可以與朋友促膝詳談兩三小時。價錢方面 兩人大概一共$600 以食物環境和服務質素來說 絕對物超所值 very good value for money ✨ 付款時侍應還貼心地提醒我們某些信用卡享有九折優惠 有些地方是不會這樣提醒食客的呢~ Overall 非常好的酒店下午茶! …Read More

食物Set lunch 包頭盤+主菜+甜品+飲品。頭盤beef carpaccio嫩滑 味道不錯 與蒜蓉麵包片很配。主菜意粉有咬口 掛汁能力很好。Carbonara 醬+bacon slices + poached egg 攪拌均勻後夠濃厚。甜品是柚子布甸 帶甜甜的奶香。環境不錯 是typical 中環餐廳的環境。硬要挑剔的話 可以說座位安排有點擁擠 不過卡座沒有這個問題。整體每人大概$200-300 性價比高 尤其考慮到中環地段的租金。…Read More

與同事第二次光顧了 兩次都被質素驚艷到！今次叫了午餐之一的炸豬手 連餐湯及餐飲。份量非常足夠 豬手會先切好才上桌。豬皮炸得甘香又脆卜卜 皮下的油脂炸完後感覺沒那麼膩 最下層的肉酥脆香口 超有層次感！沾點芥末醬味道更豐富。其實豬皮的份量頗大 我也抱着珍惜生命的心態 吃剩了好幾塊 😂這碟菜沒有碳水化合物 伴碟有一點沙拉菜 適合低碳飲食的人。同事一個點了牛仔骨 另一個點牛排 全都對食物讚不絕口。雖然點牛排的是男生 但都吃不完 分量可想而知多麼足夠。…Read More

景色冇得輸 望出去係維港 去果日好好彩天朗氣清。食物以佢價錢嚟講有少少失望。下午茶的重點 - scones - 比想像中硬 少少難切開 中間少左d moisture (始終都係老字號文華的scones最好)。Scones 有原味同有提子乾嘅版本 配有clotted cream, strawberry jam 和 lemon curd. 覺得Fortnum & Mason 自己品牌嘅士多啤梨果醬配scones幾好味。 鹹點有5款小三文治: 火腿, 青瓜加cream cheese, 蛋沙律, 煙三文魚, 同雞。麵包係嘉頓切皮方包。餡料平平無奇 亦唔係特別好味 記得其中一款係咖喱味 我同朋友都認為少少難食。甜點都係5款 冇乜印象係乜嘢 因為個人prefer鹹多過甜 😂 記得有個香蕉蛋糕幾好味 其他多數都係好多cream. 如果你係鍾意偏甜口味 呢d甜品會啱你。可能因為臨近聖誕 服務員會推住餐車問每張餐枱嘅食客試唔試吓聖誕log cake。log cake 係好味嘅朱古力蛋糕。順帶一提 下午茶所有食品都可以refill 幾啱胃口大嘅人。整體感覺係勉強ok 喜歡鹹點嘅朋友 建議抱住去打卡嘅心態 唔好咁注重味道 個心會舒服d。喜歡甜品嘅朋友應該會鍾意呢個下午茶餐單。飲品值得一讚 有好多種Fortnum & Mason 品牌嘅茶可以選擇 而且飲完一壺之後可以試另一種茶 唔使只係加水refill. 茶葉選擇之多 總有一款啱口味 又可以解甜點嘅膩 係呢個下午茶餐單的highlight ✨總括嚟講 試過一次就足夠 🤓 …Read More

已經嚟過幾次 今次突然想食辣野 點左辛辣拉麵 另外加荀 個湯夠濃 辣味方面 除咗辛辣 仲會有一種甜甜地類似韓式辣醬的醬 兩隻味道夾埋幾有層次 我特別叫咗小辣 因為記得係好辣 (利申 譚仔5小) 結果都流左少少鼻水眼淚 😂 好彩另外加荀 佢會雪到凍冰冰 浸喺日式醬油/麻油入面 香得嚟又啱啱好解辣…Read More

Weekday 4人晚飯, 要訂座。Waiting staff 很友善熱情。我沒有跟朋友一樣點酒精飲料, waiter主動提議要barista 看看有沒有熱茶 😂 最後點了 soda water (no sugar). Cocktail list 很吸引。食物水準超高, 特別是牛肉串燒和烤牛肉！ 其他也大力推介, 如- 炸雞丸子- 炭燒八爪魚- 炸軟殼蟹- 炸木薯粒 (口感似炸年糕, 勁好味)- 精選檸汁醃魚生- 香烤三文魚配冬菇飯 每道菜經過特別的醬汁點綴後更加出色。烤三文魚飯的醬汁超像鰻魚飯的味道, 要看個人喜好。餐廳氣氛casual, 整體感覺很好, 下次想試一試它的椰子雪糕。…Read More