食過第一次豉油雞淮山湯麵，覺得幾好，第二次嗌飯。十一點半左右網上交單，想12：35拎。因為咁岩工作有d野趕，遲左落樓，去到舖頭都已經12：45，但外賣架只有A8x同A9x既單，我A6，以為俾人拎左個餐。問收銀阿姐，佢話應該做緊，唔會有人拎左去，但話唔係跟單做。佢入去問完話張單係度，之後就大力放個外賣係我面前，但唔講呢個外賣係我，要我自己睇係唔係A6。如果早超過一個鐘落既單，要求埋取餐時間，仲要話唔係跟單做，真係唔明咁俾個客揀乜野取餐時間。遲落單仲反而早有餐係咩玩法。香港餐廳普遍態度差呢下真係世一。…Read More
見到有個叫高原龍爪菜,唔知係乜,試下,仲叫左個木耳個底$15,每個配料$3,冇飲野,食中辣(中庸之道也:])等左一陣,聞到好香麻味(花椒味),已經流晒口水佢一上黎,D配料好豐富,佔左半碗,有酸菜,莞茜,蔥,芽菜,同辣肉醬高原龍爪菜好爽呀!下次一定會再叫!木耳都好正!中辣對於我黎講,唔係太辣,但係呢種麻辣麻起上黎夠正宗,食完真係個嘴麻麻地!佢D米線煮得岩岩好,食到最後都唔會林晒,好彈牙!另外,佢有涼伴菜食,都係$10一碟,不過唔知份量係點,下次會試!雖然過左咁耐先打呢篇野,不過過左咁耐諗起都流晒口水,想食多幾次!!!下次會食薯粉~
