crystalmelon47's Profile

之前都只係食過麻辣同酸辣的米線，但原來辣的米線都可以好多種類，真係見識少，失禮失禮....成日返工都經過此店，都心思思想試下，但睇相又好似好辣咁，今日終於忍唔住買了肥牛辣酒米線返屋企試下，飲第一啖湯感覺到有酒香同辣味，兩種味道都好平均，唔會搶走對方既味道，開頭以為湯底會很辣，但原來又唔會太辣，只係小辣，唔會成碗米線得個辣味，好有驚喜.....見到仲有其他款式既湯底同有小食.....要輪住試先得啦！…Read More

之前經過幾次見到新開，都無機會試到，難得今日有得放早，就去試下，店舖雖然有點細，但都有幾個位可以坐低進食，腸粉款式都很多，揀左一輪終於都決定食乜啦腸粉係即叫即整，新鮮熱辣，皮薄料多加左少少豉油同店舖自家製辣醬仲正，個人覺得好食過好多茶樓既牛肉腸。食左個傳統腸粉，要試下其他特式腸粉，第一次食有芝士既腸粉，都幾特別同幾好味奶茶好香滑，唔會太甜，好飲。整體黎講，食物味道不錯，款式選擇都多，店員亦都好有禮貌…Read More

呢幾日在fb都見到網媒介紹呢間來自日本廣島既沾麵專門店，咁岩開係灣仔區，相約同事一齊去品嚐一到lunch時間，我地已經即刻衝過去，希望唔會太多人等位，不過去到都已經有5個人等緊，排隊時，店員比定張落單紙我地，等左差不多15分鐘，終於有位，坐定後立即落單店裡都算寬敞，唔會坐得很迫可以自己斟水，等了大約十分鐘，小食'燒汁羽根餃子'先到餃子都幾好食，值得一試之後沙拉唐揚炸雞，唔油膩，唔會炸好乾身咖哩豚骨魚介沾麵，好香濃既咖哩味，咖哩汁沾麵送飯一流，麵可揀冷熱，冷麵比較煙勒，熱麵就食到有麥既味道，個人比較喜歡熱麵辛辣豚骨魚介沾麵，比想像中辣，但都好香濃，不過淨係食到辣味豚骨魚介味玉沾麵，原汁原味，魚介味濃厚，蛋有流心，好味！湯底放在石鍋裡，一直都保持高溫，甚至食完成個麵，餘下的湯底都仍然有好多煙霧出，服務都不錯，會再來幫襯…Read More

星期日既早上，同朋友打完波，研究緊食咩午餐，係openrice見到肉餅哥呢間人氣食店，之前又係電視睇過介紹，好似好吸引咁，所以有點唔就腳都要過去試下，此店唔係荃灣較中心既地帶，不過都近千色店和悅來酒店。可能星期日的關係，附近的寫字樓都放假，所以無乜人等位，一坐下店員就拿了例湯比我地之後我地就慢慢選擇食咩？我地都揀了係餐牌上有的肉餅試試。點了秘制金沙蛋黃肉餅配菜飯，肉餅可選擇煎或者蒸，店員提議金沙蛋黃肉餅以煎既方法整會比較好食，感覺好似食緊黃金蝦，趁熱食好好食足三兩花膠肉餅配油飯，這個店員提議用蒸既方法會較好食，花膠好淋好大塊好易切開，抵食流心芝士肉餅配出千一丁，店員提議用煎既方法較好食，肉餅上有芝士，切開肉餅，中間都有芝士，好特別好味道另點了兩款小食，迷你炸餃子同芝士炸薯波餐廳環境整體黎講味道、環境、服務都不錯，亦很有特色，但地點…Read More

在灣仔上班都有兩、三年，都知道有呢間拉麵店，不過之前舖頭名叫神虎，但一直都無去試試，直至最近終於都和同事來品嚐，不過已經改了名，不知道風格有無不同呢！難得同事都想試試，十二點多來到門口，已排了幾個人，店員給我們一張落單紙，可以選定吃什麼，等了五分鐘左右就有位了。入座後，就選擇食邊款拉麵，都算多款式，都有少少三心兩意落單紙可以選擇麵的粗幼、辣與不辣或加配料等同事點了白虎拉麵，豚骨湯底混合了關西醬汁，湯底濃厚自己就點了黑虎拉麵，湯底加入了黑蒜油，好香唔太咸湯底好味，忍唔住差不多成碗既湯都飲掉，食完成碗都已經好飽了。整體來說，食物、服務、環境都很不錯呢                                                                                                                                                                              …Read More

星期六中午來到此店用膳，餐廳位於商業大廈內，感覺很安全整潔，來到餐廳可能還很早，現場只得幾枱客，地方很大，環境清靜，很舒服。點了凍綠茶鮮奶，鮮奶很滑，綠茶很濃煙三文魚蕃茄檸檬扁意粉，個人覺得汁太多，鹹了一點炸魚薯條，魚柳好大塊，亦都好滑，不會過熟，剛剛好，不會太油膩，好味，薯條都炸得好好味熱綠茶鮮奶，有三眼仔的樣子，好吸睛啊！好濃的綠茶味，好滑好味整體來說，餐廳環境不錯，服務亦都很好，食物都算好吃，下次會再來的…Read More

同一班同事初次來到這裡用膳，地方很大，都坐得舒服。餐湯很精緻，有炸蠔、沙律菜、麵包一起陪伴上碟，炸蠔好好味、忌廉湯的味道都不錯豬扒真係好大塊同好厚，煎得好脆好香口雞扒也是煎得好脆好香口同大大塊、個蘑菇汁都好美味最令人失望的大蝦意粉，給我們的不是大蝦，若果沒有大蝦應該要老實告之，或者改一改menu, 總好過貨不對版，完全遺反商品說明條例，真的非常失望最後的甜品都不錯整體來說，如果大蝦意粉做得好完，評分都會高點，但扒類既味道是不錯的…Read More

今日整天都下著雨，約了朋友一起下午茶, 在煩惱去哪裡tea的時候，路過咖啡灣就醒起之前睇報紙有介紹過此小店，於是就去試下啦！店內都有幾枱客等緊，不過等一陣就好快有坐位了，坐下後，望望周圍環境，店內環境舒適，還有很多漂亮的佈置睇下食咩先店員隨後告訴我們有兩款食物都有好多order，可能好快售馨，我們就order其中一款，芝士海苔炸雞窩夫開頭覺得這個配搭很奇怪，但食後又感到好味，不過芝士可以多點，炸雞同窩夫出奇地夾，好有驚喜！卡邦尼意粉的醬唔會好流，味道調教得很好，睇到佢地店內貼出來的報章都有推介這款意粉岩鹽焦糖咖啡又咸又甜的味道，難以形容係咩味，個人麻麻地這種味道，鹽係自己加的玫瑰鮮奶咖啡好香玫瑰花味，同咖啡好配合，令人一飲再飲…Read More

今日一行四人一起光顧此小店，早幾日預先book位，餐廳雖然不算很大，但環境舒適，7點已坐滿客人，睇下menu有咩食先？點完餐，就先來個粟米湯，睇落好普通，飲落就有好濃郁既粟米味，同埋將新鮮粟米打磨，好好飲，好鮮甜帶子好新鮮，意粉好煙勒好有蒜味，好香口薯蓉好滑，菇同蟹肉既味道都好夾食落有少少柚子味，豬肋骨既肉好淋身，唔會好難咬，底下既薯蓉都好滑黑松露既味道好突出，十分入味好香甜酒味，奶凍好滑，但份量好似好少咁，定係個杯太大另外一杯係百爵茶奶凍，百爵茶既味道好濃郁，奶凍上有d柚子皮，好清新熱情既蘋果金寶加上冷冷既雪榚，感覺特別好濃既朱古力心太軟，好好味最後我地叫了朱古力，拉左幾款可愛既圖畫，飲得好開心呢…Read More

因為一項大型既攝影活動，令到我地有機會來到西環，印象中好似從來都無來過，亦無意間去了這間麵店品嚐，店舖雖然不太大，但都可擺放五至六張圓枱，差不多都坐滿的，係坐得迫d，不過食好味既野係要付出一下 魚旦好有咬口，感覺好彈牙，似係新鮮打出黎的，唔腥，好食，湯底亦好清甜 牛腩好香又好淋 魚皮炸得好脆，正 …Read More

係一田行左陣，感覺有點攰，諗住係附近搵個地方歇一歇，就係街尾位置見到呢間Cafe, 店舖比較細，坐位只有8個bra枱既位，店員會企係中間位置沖咖啡、洗杯⋯一目了然。看看Menu先 咩都想試下，有選擇困難，店員問我想要甜d定無咁甜，我答：無咁甜，之後就介紹左我飲Vanilla Earl Grey Latte 店員好專心咁沖調咖啡 order了兩個甜品，Double Cheese Cake好鬆軟，唔太甜又有芝士味，好好味 Banana Souffle 未食已聞到好香蕉味，質地軟熟，側邊既雪榚好濃既朱古力味，食落好滑，店員話雪榚都係自家製，唔怪之得食落同出面既咁唔同啦！食完甜品個人好開心，好有驚喜！值得推介，店員服務一流，甜品咖啡水準亦不錯，不過地點就比較偏僻，下次都會再來幫襯…Read More

在Aeon行街，行到肚餓，又突然想食鰻魚飯，睇下地下有無日式餐廳，就見到這間，有時經過會見到有人排隊，難得今日不用等位，就去試下啦！ 餐牌款式都幾多，考慮了一段時間終於都想到了炒雜菜都有豚肉，普通菜式咖哩好香，愈食愈開胃，不過炸雞炸得比較乾同有點硬鰻魚飯有滑蛋好似唔係好多地方都有，幾鐘意這個配搭，好味服務一般，價錢合理…Read More

此店還在裝修時，門口有熊仔logo，已經好期待係咪有熊仔做生招牌，點知真係有好多熊仔呢忍唔住入去幫襯下，睇下有咩特別，每張枱都有一隻熊仔陪坐餐紙都印有好多熊仔架每一枱陪坐既熊仔都唔同架，而陪我坐既熊仔係佢，好有笑容架呢個時段係下午茶咖啡杯都有熊嘜頭叫左杯特飲－綠子奶茶（泡沫綠茶）奶茶味比較濃，好少綠茶味肉醬都係同意粉先至係絕配，配薯角淨太多肉醬，唔食埋又好浪費，淨係食肉醬又好膩，真係好想叫碟淨意粉撈埋D肉醬食腸仔都幾好食，不過就無乜特別，好普通下午茶既菜式麻麻地，唔太吸引，會再來試下午餐同飯餐，店員服務都不錯，環境都幾好…Read More

放假去了愉景新城行街街，行到有點肚餓又想食鰻魚飯，所以就揀去今助，去到門口已有幾個人等緊位，唯有等一陣啦～等左十分鐘左右終於都有得入坐囉！點了鰻魚定食，又有烏冬又有飯，實好夠飽啦！鰻魚飯汁多，好食，烏冬煙韌有彈性豬扒好鬆軟，整得好好味，食完個飯都好夠飽，烏冬都食唔曬咁滯食到好飽咁走人，價錢有點貴，但可以接受，服務都OK既…Read More

最近愉景新城開了幾間新食店，不過最搶眼的，都應該係Burger Bus, 佢門口係巴士形狀又非常colourful，非常吸引眼睛，終於今日可以去試下啦！首先要係門口睇下食咩先，之後就去落order, 比完錢，店員會比個號碼牌我地返埋位等，號碼牌仲有架倫敦巴士添！餐廳內都有巴士既模型佈置店員會親自捧餐比我地，我地叫左兩個漢堡再加＄16同$24就有沙律、湯、薯格同飲品漢堡好大個，招牌漢堡係用安格斯牛肉，食落口好juicy, 而且食物仲係熱的，好味道 雞扒同樣多汁，好惹味餐廳裝潢好色彩繽紛，令人食慾大增，下次要試下其他漢堡先得…Read More