Kellytse520's Profile

懷着希望去嘗試，失望的中菜。。。乳鴿好瘦，無咩肉。咕嚕肉酸味刺鼻。這個小炒王，全部都是炸出來的，沒有炒的鑊氣。魚香茄子，賣相很一般這個炒飯，不得了，一食就知用"美極"炒，鹹到不得了吃完飯又沒有甜品供應, 整體感覺欠佳。試了很失望…Read More

行VWalk見到呢間泰國菜，見餐牌食物好吸引，所以入去試吓，地方唔算大，但坐得舒服唔限時👍🏻青木瓜沙律+無骨鳳爪做開胃菜一流，辣辣地，鍾意佢唔算太酸💕喇沙金邊粉好味，湯底椰汁好香濃，配菜又多，淨返d湯用來撈飯，無浪費👍🏻👍🏻豬手飯好入味，豬手炆得好淋，旁邊仲配有酸菜雞旦，重口味人士可以叫多汁嚟撈飯💦豬頸肉最出色，好焦香，份量都唔少，必食！最後芒果糯米飯做甜品💕芒果好香甜，糯米飯軟糯，好滿足嘅一餐！！…Read More

行完荷里活廣場，比呢間西餐廳嘅環境吸引，感覺幾舒服同開揚，所以入左去試吓。晚市都有套餐，幾抵食，我哋兩個人叫咗：一人套餐另加小食&白酒，咁樣可以試多啲野。賣相幾好但略嫌有啲清淡，感覺好似健康嘅西餐，重口味人仕可叫其他款式試吓😋。最欣賞係Pizza：好多芝士可以拉絲，餅皮夠薄好脆口，不過要趁熱食，凍左會硬冇咁好食。甜品就麻麻，應該係木糠布甸嚟嘅。入座嗰陣，侍應話限時個半鐘，但最後都無趕我哋走，可以慢慢傾吓偈。👍🏻👍🏻👍🏻…Read More

好耐冇出去食飯，疫情放寬約咗平日去食火鍋放題，㨂咗牛小排套餐🥩牛肉質素唔錯，火鍋湯底濃郁🍲海鮮都無限追加～唔使就住叫(隨便用手機落單就得） 。外面仲有熟食區，乳酪雪糕/壽司/沙冰飲品。種類算多，但如果有刺身更好😛職員服務態度唔錯😄成日走來加湯/收野。平日晚上唔使book位，方便隨時Walk in👌🏻如果唔想出街食，我見仲有外賣火鍋套餐($208起）可以買返屋企食，好似幾吸引！下次可以試吓。…Read More

每隻餃子都很足料。。。。新鮮即包即炸，菜譜自家製好有風味。麻辣雞腎分量十足，辣度適中！！！好食好食好食👍🏻重點要講三次💯💯店舖老闆都很親切，值得一讚💗…Read More