shanshan16's Profile

呢間餐廳見佢都開左一段時間，但從來冇幫襯過。突然想食韓式食品，就諗住試下呢間，點知中晒伏。今餐兩個人點左韓式炒粉絲、鐵板牛仔骨、韓式紫菜卷、涼拌菠菜、蕃茄豆腐湯、熱韓式咖啡、熱人蔘茶。除咗韓式紫菜肉卷同涼拌菠菜正常味道，其他鹹到黐左線。韓式咖啡係三合一沖出嚟嘅咖啡質素，人蔘茶味道淡如水。我從未試過喺餐廳飲到咁既質素飲品，真出色。呢間餐廳咁嘅食物質素唔知點解仲生存到？但我就絕對唔會有下一次，食大家樂都冇咁嬲。…Read More

今日紅日，周圍餐廳都頗多人，見呢間有位即管試下。坐低左感覺已經好似伏伏地，諗住即管一試，點知就瀨晒嘢。晚餐點左一個咖哩牛腩、凍檸茶，所謂牛腩無論賣相、味道已經好麻麻，重點係韌到咬唔開，大家樂好味過佢一百倍。另外杯凍檸茶，完全無茶味，仲有其他怪怪味道，都未飲過咁差既檸檬茶。食物衰不特止，食食下仲想要人移位，講緊仲有其他吉枱可移動，食到把幾火。未試過食兩啖就投降，價錢講緊係$72，呢啲質素點解仲可以生存到？超級垃圾！…Read More

食過無數間食肆，講差呢間真係數一數二.........不論食物質數、服務態度、價錢都不能接受~~~~比我選擇多一次我一定唔會食，寧願食m記好過..........首先講環境，大堂面積有600-700尺，入去果時無人幫襯，個侍應就迫我坐喺角落頭，張枱勁細，又睇唔到TV，張椅係木椅，完全無軟墊，坐到個'欏柚'勁痛........叫佢轉枱佢就話其他枱已booked (1個小時後，得果5-6个人入嚟坐，7成吉位)其次，就係食物，我地食左雜錦拉面，煎大蝦配沙律，燒雞翼和燒雞軟骨各一客，三文魚和蟹子壽司各一客，餃子一客，多謝331蚊。大蝦得1隻，又細又無味，拉面份量好小，食完得3成飽。另外，雞軟骨就燒到黑晒，好似食炭.......三文魚和蟹子壽司等左4個字都未o黎，吹佢佢又話整緊，整碟壽司要整幾耐呀???接住火滾叫埋單，之後3分鐘後送上, 仲要話: 你果碟其實未得, 比住人地果碟你食先..., 真係好想同佢講: "真係多謝晒，好感動啊~~~~~"果時已經坐到好唔舒服(木枱關係)，仲要講埋呢d說話，唔好意思都唔講句，真係把鬼火.......總結就係又貴又唔好食，服務態度差........唔使指意再幫襯~~~~~…Read More

星期六經過門口，見到櫥窗個二人套餐，覺得O.K所以諗住試下.........坐低之後，叫人落單，點知個侍應話呢個餐只做星期一至五。個心有D唔服，因為佢個餐牌無寫明只做星期一至五，有比人呃左入黎既感覺~~~不過萛啦，諗住試下其他野，咁我地點左個只做六日既二人A餐，菜單如下:1) 小籠包 --- 沒有肉汁，皮又厚，唔掂~~2) 酸辣湯 --- 呢個應該叫唔酸唔辣湯，又唔酸又唔辣，淡而無味......3) 回鍋肉 --- D肉超肥，不過味道尚可。4) 炒鱔糊 --- 5個之中，呢個比較正常。5) 上海粗炒 --- 同白烚烏冬無分別，零味道...........綜合意見: [b]垃圾 ~~~ 唔使指意我會再幫襯~~~~~~~…Read More