loveeating1230's Profile

米芝蓮金秋蟹宴！爆膏陽澄湖大閘蟹🦀滿心期待終於同閨蜜夾到時間食大閘蟹，每年我哋都會約埋一齊食大閘蟹。今年我哋揀咗黃金海岸酒店「粵」，試咗佢哋嘅大閘蟹盛宴，真係每一道都令人眼前一亮！開場嘅乳豬鵝肝酒漬皮蛋已經夠晒驚喜，皮蛋帶住淡淡酒香，夾住香濃鵝肝同脆皮乳豬，三種口感一次過爆發，簡直係味蕾嘅交響樂🎵跟住個紅燒蟹粉瑤柱鴨絲羹真係足料到不得了！金黃色嘅湯底飲到濃郁蟹香，瑤柱同鴨絲嘅配搭出奇地夾，每一啖都係暖笠笠嘅享受❤️主角喺嚴選陽澄湖大閘蟹，每隻都係四兩半以上嘅公蟹，～揭開蟹蓋那刻真係哇咗出聲！橙黃色蟹膏多到湧出嚟，當然唔少得至愛嘅白膏，漿住口腔嘅感覺，入口甘香豐腴，蟹肉鮮甜細嫩，蘸少少浙醋更加帶出鮮味，正到停唔到口✨芝士蟹粉焗蟹蓋真係邪惡到爆🧀 芝士拉絲芝味滿分，裡面塞滿手拆蟹肉同蟹粉，每一啖都係幸福嘅味道。生扣鵝掌五頭鮑魚燜得夠晒淋滑，鮑魚彈牙入味，鵝掌入口即化！蟹粉松茸扒自家製豆腐滑溜得嚟豆香十足，松茸嘅香氣同蟹粉出奇地夾。生拆蟹粉小籠包一咬爆汁，湯汁鮮甜到不得了🥟最後飲碗薑茶芝麻湯圓，流心芝麻餡甜而不膩，再呷啖陳年花雕，酒香醇厚，為呢頓豐盛嘅蟹宴畫上完美句號🍶$838食到咁高質素嘅8道米芝蓮蟹宴，真係超值！推廣期到12月7號，想食就要快啲約定朋友啦～粵 屯門青山公路青山灣段1號香港黃金海岸酒店低層地舖…Read More

「花墟燒肉新登場！一人獨享和牛盛宴🔥」呢間隱藏喺花墟嘅「燒肉吧！」，枱上無煙烤爐勁貼心，唔會食到成頭油煙～必試A4和牛牛小排，大理石紋油花靚到唔捨得燒🥩，放上爐嗞嗞聲響像交響樂，入口即化仲爆出濃郁牛香！燒白鱔金黃脆皮卜卜聲，肉質彈牙🐟！$128任選3款肉+野菜湯嘅套餐，性價比高。因為新店開張，埋單先知有新店優惠兩個人食滿$150即送多肉盆栽可以拎返屋企慢慢種店員話如果生日嚟食，仲會免費送限定部位，聽落唔錯！下個月老Best生日可以再嚟食！…Read More

法式風味慢煮脆皮焗鴨 再次嚟到呢間餐廳，次前食過幾次覺得唔錯今日見到有新Menu，好有趣，係豆腐漢堡😆好奇叫咗個嚟試吓☺️百福濃豆板豆腐漢堡配薯條，漢堡勁大份，豆腐炸至外層酥脆，內裡香滑，口感豐富多層次。薯條香脆可口。最驚喜喺法式慢煮五香脆皮焗鴨，鴨皮烤得金黃香脆，帶微微五香香氣，入口酥脆不油膩；鴨肉嫩滑多汁，慢煮工藝令肉質細嫩入口即化，同時配搭香濃南瓜湯暖胃。平時食開德川燒烤芝士牛肉漢堡，當然再食，漢堡肉層次分明，芝士濃郁且與燒烤醬完美融合，肉感厚實多汁。最後個甜品日式宇治抹茶紅豆梳乎厘班，份量大到嚇親我，一塊仲大過個漢堡😆飽到傻咗😝賣相蓬鬆誘人，抹茶香濃伴綿密紅豆，甜而不膩。飲品叫咗杯打卡好靚嘅The Smurfs（雲呢拿奶昔）味道香滑b.o.t.h. by Texas Burger 荃灣大壩街4-30號荃灣廣場L3樓337號舖…Read More

荃灣泰·初夏泰式火鍋放題必試雞煲牛板腱餐廳環境寬敞舒適，有自助區同落地玻璃窗。120分鐘放題多款肉類同配料，份量十足。6款湯底任選。蕃茄湯湯底開胃，椰汁雞湯甜香濃郁，完美鴛鴦湯底配搭。牛胸爽肉質軟嫩帶嚼勁，香氣十足；豚肉片切得薄滑，脂香滋味；卡樂Beef雪花均勻，入口細膩融化。牛板腱紋理清晰，口感彈牙肉質細嫩有嚼勁，牛味濃郁；M7牛胸腹油脂豐富，肥瘦平衡；精選羊肉卷8片薄切，肉香濃郁軟滑。雞煲：辣度適中，雞件鮮嫩入味，香氣十足令人胃口大開。 炸墨魚丸及炸魚餅外層香脆，內裡鮮甜彈牙。 飲品如蜂蜜蘆薈綠茶、菠蘿梳打清新消暑。泰·初夏地址：荃灣青山公路-荃灣段398號愉景新城2樓2030號舖 …Read More

銅鑼灣Arcadia魔法雞尾酒＋必打卡維港靚景Arcadia喺銅鑼灣Midtown 30樓，有超靚維港海景天台，非常適合打卡。餐廳氣氛夢幻，佈置充滿藝術感，令每個角落都係影相熱點。推介食物：- 黑松露蘑菇Pizza ($168)：餅底薄脆，蘑菇香濃，黑松露味道馥郁，口感豐富層次十足。- 大蝦墨汁意大利粉 ($188)：蝦肉彈牙鮮甜，墨汁醬濃郁帶少少鹹鮮味，粉身煙韌。- 摩洛哥風味燉羊膝 ($248)：肉質軟腍入味，香料味道濃郁，入口即化好有層次。- 脆炸魷魚鬚 ($68)：外皮炸得金黃酥脆，魷魚鬚鮮嫩彈牙。招牌雞尾酒：- THOUSAND & ONE NIGHT ($168)：以清新熱情果配合香濃伯爵茶，味道清爽帶淡淡果香，酒感輕盈，點火演繹充滿神秘感，好有戲劇性。- Sun of The Peach ($68)：味道甘甜帶桃香，清新易飲。星期三四六晚上9點後女士可免費獲贈兩杯Welcome Drink，仲有Live Band表演，氣氛一流。Arcadia係銅鑼灣罕有嘅維港靚景高質餐廳，食物精緻，雞尾酒魔幻無敵，絕對係影相同食飯嘅夢幻勝地。Arcadia Restaurant & Bar銅鑼灣登龍街1-29號金朝陽中心二期 - Midtown 30樓@arcadia__hk#ArcadiaRestaurant&Bar #Arcadia #魔法雞尾酒 …Read More

花漾詩集下午茶。優雅滋味齊聚之前食過Park Hotel嘅自助餐覺得唔錯今次約埋朋友仔試吓個下午茶鹹點：🔸大蝦芝士雞卷伴洛神花黑醋汁蝦肉彈牙，芝士香滑，酸甜開胃🔸玫瑰藜麥蟹棒米紙卷米紙晶瑩，蟹肉鮮甜🔸吉列蝴蝶蝦配桂花乳酪汁蝦脆嫩，桂花乳酪香甜清新🔸無花果牛油果帶子多士帶子鮮嫩，多士脆口，無花果甜潤🔸洋甘菊蜜桃三文魚酥盒酥皮香脆，蜜桃果香清新甜點：🔹薰衣草蜂蜜蛋糕蛋糕軟滑，薰衣草幽香🔹茉莉花奶凍細膩幼滑🔹櫻花芝士蛋糕芝士綿密，櫻花啫喱晶瑩透亮🔹花晶凍清甜冰涼，內含繽紛花瓣🔹蝶豆花吉士鳳梨拿破崙層層酥脆，果香馥郁🔹玫瑰馬卡龍酥脆入口即化飲品：🍹薰衣草檸檬梳打：酸甜清新，氣泡幼細🧋玫瑰花拿鐵：芳香濃郁，奶香溫潤不過我選了熱水果茶加HK$38可享窩夫配Movenpick雪糕或熱情果草莓乳酪花香芭菲，甜蜜升級。呢度嘅下午茶好得意，喺一人一份的！兩人份先四百幾，算平！Park Café 香港九龍尖沙咀漆咸道南61–65號4樓 …Read More

無限時任食19款滋味藥膳湯底涮涮鍋最鍾意打邊爐嘅我，無論冬天定夏天都會打便爐😆今次帶閨蜜嚟食【馬祖台灣養生涮涮鍋】，喜歡呢度無限時任食，可以慢慢食慢慢傾。足足有19款唔同湯底，好多都想試！我哋揀咗「藥膳姬松茸雞肉鍋」同「麻辣鴨血凍豆腐鍋」，食之前飲啖湯，湯頭鮮甜濃郁，唔使沾醬已經夠味！「麻辣鴨血凍豆腐鍋」香辣誘人，辣味香醇帶花椒麻勁，鴨血滑嫩入味，好似喺口裡爆開咁，凍豆腐細膩軟綿，吸滿湯汁，麻辣刺激又唔會過火，啱晒鍾意辣嘅朋友。套餐附送自家炸嘅Shake Shake黄金地瓜條，仲可以自己揀味粉，四款口味有甘酶、蕃茄、香辣同海苔，味道多變又好味。套餐包6款肉類：Prime Grade霜降牛小排、SRF極黑和牛肩脊、Prime Grade安格斯牛頸脊、西班牙伊比利亞黑毛豬、美國Prime Angus牛肉片同西班牙無激素豬肉。我哋最愛吃霜降牛小排，油脂勻稱，肉嫩又多汁。極黑和牛肩脊入口即溶，肉味濃厚，雪花分布令人眼前一亮。伊比利亞黑毛豬片超薄且帶果香甜味，食落特別滋味。除咗肉之外，仲有超過60款配料任揀，我地第一輪試咗30款已經飽到食唔落。飲品選擇多多，但我最愛佢有熱黑糖薑母茶，暖胃舒服。最後當然唔少得甜品，每人有杯雪糕，我揀咗Movenpick，好香滑。旺角限定，下午時段仲係無限時任食。馬祖無限時台灣養生涮涮鍋📍旺角彌敦道628號瓊華中心11樓…Read More

精緻高級點心令人驚嘆，味覺視覺雙重享受✨夜麻麻想食點心，又想靜靜地同閨蜜傾吓心事就選咗呢間走高級優雅路線嘅餐廳裝橫高級優雅，喜歡座位與座位之間有距離傾心事一流每款點心都見到大廚嘅巧手用心。豆豉鯪魚醬拌香麥菜，鹹香醇厚，豆豉味濃而不膩。香麥菜爽脆帶甘甜，好開胃。香椿菜蝦餃皮薄透亮，蝦肉彈牙鮮甜，香椿清香滲入餃中，口感層次豐富。順德黃皮老虎斑餃細膩柔軟，魚肉鮮嫩彈牙，入口即化；秘製牛肉腸嚴選牛肉碎，肉質滑嫩，香氣撲鼻，佈滿味蕾。怪味鱈魚餡料調味特別，酸甜微辣，魚肉滑嫩又帶少少爽口感，令人驚喜。花膠撈麵有驚喜，麵條爽滑彈牙，花膠膠質豐厚，唔同質感融合得恰到好處，而且份量很多。甜品茉莉咖啡千層凍層層分明，茉莉花香融合咖啡苦韻，清新又帶深度，完美組合。飲品方面，Grapefruit and Guava Cooler帶來柚子和番石榴的清新果香，酸甜提神；Jasmine Punch融合茉莉花茶、橙汁、柚子同荔枝，清香中帶微微果甜，清爽解膩。Dim Sum Library地址：金鐘金鐘道88號太古廣場L1樓124號舖…Read More

必試香口薑米鴿，潮州美撰令人一試難忘今晚同屋企人食飯慶祝生日揀咗幾款美食都勁好味最最最鍾意就喺潮州菜「薑米鴿」，上枱已香氣撲鼻，鴿肉外皮香脆可口，肉質鮮嫩多汁，入面釀咗煙煙韌韌嘅糯米，外脆內煙韌，口感豐富多層次，勁好味，真係一試難忘！外層炸得金黃酥脆嘅「蟹塔」，新鮮肉蟹拆肉加埋蝦膠、馬蹄粒、半肥瘦豬肉搓勻再炸成金黃塔形，每一啖都充滿鮮味，外酥內嫩的完美口感，好滋味。潮州「蝦多士」由蝦肉、豬肉等材料混合，再用腐皮包住嚟炸，外層脆口不油、蝦肉彈牙鮮味。看似平凡嘅「紹菜卷」，其實好有內涵，餡料豐富，有鮑魚粒、帶子粒、瑤柱、蝦仁粒、甘筍、木耳絲等餡料，一口咬下肉汁豐腴，鮮味十足。呢碟「沙嗲牛河兜亂」不得了，每條河粉都擁有香濃沙嗲醬，河粉勁香滑，牛肉嫩滑帶少少彈性，令人齒頰留香。最後食埋「金湯魚麵」，先品嘗一啖湯底，嘩！勁鮮！足足用咗十多斤鮮蝦，加入南瓜茸及甘筍茸熬製數小時而成，濃郁甘甜。碗湯咁鮮一定要飲晒。😍爽口又彈牙嘅魚麵喺夏沫至愛，充分吸收湯頭的精華，啖啖鮮美無比。今餐真喺超滿足，屋企人都好滿意！百樂潮州大少店 銅鑼灣希慎道23-25號地舖…Read More

即開肥美生蠔 x 加拿大鱈場蟹腳 x 西班牙美食盛宴！每年都會同同事食生日飯，今年試吓呢間自助餐！新推出「西班牙美饌之夜」自助晚餐真係超吸引！見佢有即開生蠔🦪同鱈場蟹！即訂位！即開生蠔鮮甜肥美，入口滑溜，食到停唔到口；加拿大鱈場蟹腳肉質鮮嫩，啖啖都係鮮味精華。西班牙海鮮飯色香味俱全，飯粒吸晒海鮮精華，煙韌得嚟又唔會太濕，配埋新鮮蝦同青口，口感層次好豐富。仲有西班牙黑毛豬火腿，鹹香油潤，入口即化；仲有多款地道Tapas，炸丸子外脆內軟，配埋特色醬汁好開胃。加埋廚師即場炮製嘅環球美饌，款式多變，熱葷同冷盤都好有驚喜。燉湯原來有兩款，兩款都好清潤好味！甜品方面選擇都唔少，有Mövenpick同Häagen-Dazs雪糕任食，滿足感爆燈！一早訂咗位，餐廳安排咗個細細地嘅生日蛋糕仔，壽星同事驚喜又開心🥰灣景廳 灣仔港灣道4號灣景國際1樓…Read More

任食A4+黑毛和牛+鮑魚！120分鐘激抵放題！呢間火鍋放題真係超級抵食！每位贈送澳洲M9和牛牛丸2粒及海鮮拼盤。A4+黑毛和牛任食，口感超細膩，肉質柔軟、有彈性，油脂分布均勻，入口即化，帶點嚼勁😋鮑魚都有四款任你揀，鮮甜鮑魚爽口彈牙，古法醉鮑魚酒香濃郁，炭燒鹽蔥鮑魚鹹香惹味，柚子燒汁鮑魚帶微酸果香，層次豐富。酒糟嫩牛舌煙韌有嚼勁，肉香突出；黃金椰絲蝦丸外脆內彈牙，蝦味鮮甜。鴛鴦鍋湯底一邊木瓜椰皇嫩雞鍋，湯底清甜帶椰香，飲落好順口；另一邊呵嬤養生濃湯鍋，滋味濃郁，飲完暖笠笠。炎夏椰樂祭三款雞尾酒，粉桃椰香粉嫩夢幻，味道清新甜美；冰檸伴椰清爽解渴，椰香同檸檬味好夾；藍調微風顏色吸睛，帶微甜果香，飲落超chill！麻辣鴨血必食！滑溜彈牙，辣味香濃，食完超過癮。自助蔬菜飲品款式多，雪糕任食，仲有Movenpick同我至愛Mango Bar，甜品控天堂！最後食埋台中仙草凍，清涼又解膩，真係滿足到爆！牛大人地址：荃灣眾安街55號大鴻輝中心16樓…Read More

今次我地食TOM FORD「陽光琥珀」下午茶**鹹點 SAVOURY**🔸阿穆爾魚子醬三文魚魚子窩夫🔸鵝肝甜菜餡撻🔸海膽鮮蝦迷你包🔸醃製椰菜花芹香忌廉撻🔸玉子燒三文治**甜點 SWEETS**🔹蝶豆花水信玄餅撻🔹熱情果芝士蛋糕🔹柚子忌廉慕斯🔹椰林飄香馬卡龍🔹特濃黑朱古力牛奶SCONES 英式鬆餅雲呢拿及提子乾配鮮奶油忌廉、草莓醬及朱古力醬整體都幾好食，唯獨是坐位是餐廳正中心四邊都是人或其他雜物，比較難拍照Garden Lounge(香港)地址: 香港中環紅棉路22號尼依格羅香港美利酒店UG花園樓層…Read More

人氣「牛気」韓風祭主題+任食海鮮、黑安格斯牛最近好想食啲肉，就約埋朋友去食火鍋見到新出韓式雪濃牛尾湯，緊係要試吓好耐無去韓國了，真的有啲掛住韓國嘅雪濃牛尾湯未食之前飲啖湯先，清澈不油膩，濃郁牛味嘅湯底基本上所有食材都唔洗點醬，因為湯底已好濃郁我哋揀咗Lv4: 澳洲穀飼黑安格斯牛 + SRF 美國極黑牛放題 + 海鮮放題套餐勁多選擇，以下全部任食澳洲穀飼黑安格斯牛、SRF美國極黑牛、特選牛小排、PRIME美國肩胛肉眼、穀飼牛肩肉、牛舌、牛骨髓、精選雞腿肉、特選豚肉、特選海鮮、日本帆立貝、挪威三文魚刺身、花膠、青口、大海蝦、墨魚滑、脆鯛魚片、爽脆水魷澳洲穀飼黑安格斯牛肉油花分布均勻，入口嫩滑多汁，牛味濃郁而不膩，帶點牛油香，肉質細膩。SRF美國極黑牛油花極致豐富，入口即化，肉香層次分明，甜度高且多汁，吃完回味無窮。海鮮新鮮彈牙，鮮味突出，配合韓風祭主題，火鍋都非常適合，整體體驗滿分！仲有自助區真係超豐富，一行過去已經眼花撩亂！甜品有香滑軟雪糕、棉花糖同埋嫩滑豆腐花，飲品選擇又多又齊。熟食熱辣辣，杞子雪耳糖水清甜滋潤，蔬菜菇菌新鮮爽脆，火鍋配料多到揀唔晒，好想全部都試晒！牛気銅鑼灣希慎廣場 14 樓 1403及1404-1405 號舖…Read More

母親節帶媽咪嘆六公館《圓滿滋味》套餐一年一度嘅母親節，緊喺要帶媽咪食好嘢！之前同老豆慶祝生日食過「六公館」大讚好味🤭今次見到周生生x六公館推出咗《圓滿滋味》母親節限定午市套餐，即刻訂枱帶媽咪嚟食！🥰套餐以曼陀羅作為設計靈感，曼陀羅象徵幸福圓滿每隻碟都有曼陀羅花紋，好靚呀！😍第一道菜「點心三重奏」，賣相好精緻💓松茸野菌冬瓜餃松茸與多款野菌，混合河蝦仁，口感嫩滑。💓牛油果海蝦卷米網春卷皮包裹炸至金黃酥脆，外層香脆、內裡細膩，口感豐富。象徵母親外柔內剛的堅韌特質。媽咪最鍾意香脆，大讚！😍💓黑鱈魚籽燒賣手包燒賣添上黑鱈魚籽，鹹香濃郁第二道「川貝雪梨燉雪雁」燉足四小時以上，清甜潤肺，暖心湯水媽咪至愛。飲完喉嚨好舒服！☺️第三道「米湯百合浸莧菜苗」嫩滑爽口的莧菜苗，湯底細膩柔滑、自然甘香，再點綴清甜百合，既滋養又解膩。第四道「蝦頭油黑豚叉燒炒意型米」媽咪一見到就問，點解意粉變咗飯😆無錯，因為呢隻係意大利意型米（Orzo）代替傳統白飯，夠晒特別！以蝦頭與櫻花蝦自家煉製的醬汁，並融合餐廳招牌西班牙黑毛豬叉燒，每一啖都香味濃郁！第五道「金箔魚子青花椒鮮帶子」半煎至微焦的北海道刺身級帶子，口感滑嫩，入口鮮甜。香中帶麻的青花椒醬，更突出帶子的天然甜味。甜品「紅豆珍珠茉莉花奶凍」以震撼式雲霧登場，賣相吸引，味道更是有驚喜。以茉莉花浸泡鮮奶低溫製成奶凍，清香幽雅，甜而不膩。頂層的珍珠由紅豆蓉手工搓製而成，軟糯中帶豆香，配以綿密紅豆層層堆疊，甜而不膩。媽咪大讚的甜品，粒粒煙韌有口感。飲品是「星夜Starry Night」（無酒精特調飲品）面層點綴金箔如星光閃爍，入口清新微甜食完飯仲有禮物收，《圓滿滋味》母親節限定午市套餐，每位都會送周生生曼陀羅精美杯墊一份，勁靚呀！仲有張周生生購物禮遇，周生生就喺「六公館」樓上，食完飯同媽咪去行街，曼陀羅頸鏈真係好靚，通花設計閃爍又特別！媽咪三條都鍾意😂…Read More

絕美香港夜景，滋味中菜味蕾享受 今晚朋友請食飯，帶咗我嚟尖沙咀食中菜餐廳裝潢華麗，好適合做婚宴場地！ 我哋試咗幾道招牌菜，真係好正！首先係「招牌白胡椒蟹焗飯」蟹肉鮮甜，焗飯吸收咗蟹肉嘅鮮味，白胡椒嘅香氣撲鼻而來，口感滑順，飯粒粒分明，真係令人一口接一口，好好味！ 另一道菜喺餐廳新菜式「瓦𦉘豉油雞」，一上枱勁香噴噴，令人食慾大增。雞肉嫩滑，豉油味道入味得嚟又唔會過鹹，咬落去有種肉汁四溢嘅感覺，搭配一啖白飯，簡直係完美！ 至愛「金沙黃金蝦」都唔可以錯過，蝦肉彈牙，外面包著香濃嘅黃金沙，口感香脆，裡面嘅蝦肉鮮甜彈牙，咬落去令人好滿足！ 想食啲菜，叫咗「胡椒鹹骨粉腸芥菜煲」，忍唔住飲咗碗湯，微微的胡椒香辣，好香好暖胃。鹹骨嘅肉質軟嫩，粉腸彈牙，搭配清脆嘅芥菜，整體口感層次分明，食完之後令人感到滿足！母親節家人聚會必選 幾鍾意餐廳環境，覺得喺度擺酒，影嘅相應該又Grand又靚，出面個露台位仲可以Set啲位俾賓客打卡影夜景！ 星海尖沙咀彌敦道100號The ONE 18樓 …Read More