TSUMTSUM2017Q1's Profile

第二次去到，同樣下午茶時間，但今次水準下降左，點左6件壽司2件軍艦，軍艦既紫菜照舊都係淋淋地，冇乜紫菜香味，最嚴重係壽司，啲飯一夾就散，就算用筷子下面兜住都散… 帶子壽司似乎得半粒，中間個位薄到穿咗，見到入邊啲飯，而啲飯調味唔均勻，味道有啲奇怪，不過淨係帶子壽司，其他壽司啲飯又冇乜嘢… 有安慰嘅係赤蝦壽司都仲係幾好味，而芥辣八爪魚軍艦同三文魚軍艦雖然紫菜淋咗，但好彩味道同份量都OK…折單有折，又真係唔貴既…不過如果食正價，就真係要諗下。 …Read More

平日3pm去食，因為貪有下午茶折扣優惠，3個人食飯分左2張枱，裡面明明有空位，光猛啲同景好啲，但都係按排坐响暗暗門口位度，之前另一間龍皇都係坐門口位，啲人出出入入感覺麻麻。食物大部分都正常，同埋夠熱，加上折扣優惠每人大約$8x左右，不過小食唔建議叫，屋企人貪得意叫左‘話梅西紅柿’，只係一個小蕃茄灑好淡味既話梅粉，味道沒特別，但價錢唔平，中伏菜之一。世質最近裝修緊，商場店舖關門，期望將來會有新食肆啦。…Read More

因為附近返工，試過幾次外賣，都漏左單，唔止我，連我幾位同事都有呢個經驗，真係好彩近，食完之後花少少時間可以返去攞返，太遠就真係放棄算。阿姐其實服務同態度ok ge，係漏單多啫。食物方面會食完口乾，要飲大量水，口味偏重，其他食落正常既，如果想健康啲就食番茄湯底，感覺上冇咁涸喉，40蚊左右都唔可以要求太多，要再平就超市買2餸飯就算。堂食方面，高椅唔好坐，隻腳掂唔到地fing fing下冇踏實感覺，個人會偏向坐隔離低啲既座位，會舒服好多。…Read More

特地星期二請假去酒店食午市自助餐，一大人一長者，折後約4百蚊，12點食到2點半，價錢不算太貴。海鮮選擇很少，主要係蝦及青口，幸好蝦大隻及鮮甜，刺身係厚切而且新鮮。熟食方面正常，有即燒雞翼，燒牛肉及滷水。廚師即製沙律比較特別，食材新鮮，但味道普通。甜品方面最失望，拿破崙算唔，但其他蛋糕切餅同雪糕都唔得，雪糕試左5款，全部都過甜仲要唔好食，食兩啖已經唔想食。本身對雪糕盤最大期望，但可惜牛奶公司仲好食過佢...整體質素正常，服務及環境算中上，食物選擇不多不小，食材新鮮，但味道方面只可算中等，沒太多令人印象深刻的美味菜式，如果正價$3XX一位就不太值。…Read More

第一次去呢間，打算食大閘蟹套餐，星期六中午去到，估唔到都幾多人，等左差唔多半個鐘先有位。坐底左叫左2人大閘蟹套餐，每人3隻蟹，可以2隻2隻咁上，6隻只有1、2隻比較多膏，但都唔可以話係爆膏，其他就冇咩膏，宣傳資料話有5兩重，但目測估計只有約4兩重左右，有啲失望。其他菜式正常，炸豆腐好脆，肴肉都好膠好食，荷葉飯份量足而且上面啲臘肉碎都好好味。另外，值得一贊係招呼好好，啲姐姐好有禮貌，唔小心整跌左杯花雕酒，佢即刻換俾我。…Read More

今日行完SOGO就去左食下午茶, 由於晚啲會再食晚餐, 所以只係單點左幾件壽司, 包括:壽司組: 赤蝦壽司, 帶子壽司, 火炙三文魚腩壽司, 飛魚籽壽司, 北寄貝壽司-火炙三文魚腩 同 北寄貝 份量比較少及薄身外, 味道正常, 三文魚腩油脂不夠豐富飛魚籽份量多, 但味道比較淡赤蝦好味, 有膠質同醬口既感覺, 可ENCORE帶子都好味, 如果唔係對比其他價錢較貴, 可再ENCORE軍艦組: 辣味三文魚軍艦, 芥辣八爪魚軍艦-辣味三文魚同 芥辣八爪魚, 小小辣味, 份量足, 唔錯, 不過軍艦啲紫菜可以脆啲就好整體味道唔錯, 食材新鮮, 地方乾淨, 銅鑼灣下午茶選擇之一。…Read More

星期日入梅窩, 見到個星期日限定既蟹茄湯檬咁出名, 就同屋企人去試下...落左單等左10至15分鐘, 終於見到個蟹茄湯檬. 期望越大失望越大, 個蟹係BB蟹, 可以放生的那種, 一個小小蟹蓋連半份蟹件, 蟹既份量少到一個點....   蟹蓋的大小為一個人的姆指+食指貼著形成一個圈,  圈圈中間再分一半, 就是半份蟹件的份量, 因為太少了, 一口把蟹件放嘴裡吮下汁就算, 但太少所以只食到湯汁味而完全冇蟹味. 而蟹件中的蟹腳, 粗的似小指甲挫, 幼的似牙籤, 入面連一絲蟹肉都冇...   這隻BB蟹如果响街市, 應該賣唔出, 或者只值幾蚊雞俾人煲湯底, 而不是讓出名的店拿來奉桌... 同桌屋企人的蟹都是這個SIZE...  感覺上有沒有蟹都沒分別, 但因為有蟹所以賣到$63.整個蟹茄湯檬最起眼係有一件大骨頭, 肉量很小但有肉味及比較嫩, 2個半粒肉丸跟肉碎正常. 湯底味道還可以, 但真的不值$63.離開的時候偷偷看了看別人的蟹茄湯檬, 除了一個人的蟹比較大一點外, 其他人的都是小小的蟹...…Read More

試食了感謝祭的精選午市套餐, 額外再ORDER一份午市套餐, $109 PASTA.包括的餐包, 沙律, 湯品味道正常, PASTA好大份, 幾好味道.牛排算幾大份, 全熟但肉質OK, 但肉味不濃. 配菜的露荀很好吃, 薯角吃得出是即炸的.甜品普通, 飲品正常.可能餐廳希望更多枱可以貼近窗邊位, 2人枱是打直的, 1位坐窗邊, 1位坐裡邊, 枱跟枱之間超級近, 明白這是因為租金貴的問題, 沒辦法.味道服務環境加上感謝祭優惠算抵食.…Read More

因為有Openrice感謝祭,  打算試吃小店, 購買時條款好像沒有例明最低消費, 到場才知其他人每位要ORDER最少 $60, 沒有加一.香酥排骨算比較好, 外面炸得好脆, 夠大塊, 味道唔錯, 不過留意好多油, 食完成嘴油.茶是正常的, 一壺上, 份量足, 有小爉燭温熱著, 但茶香味不算濃.香菇肉羹 普通, 肉及菇很多, 但又唔覺好味.菜上面淋左少少花生醬, 第一次試, 可能係台灣人食法? 唔係好慣食又甜又有花生醬味既菜...額外ORDER的其他菜品味道普通...  環境遍暗, 再加上一塊暗暗的遮陽板, 暗上加暗, 枱跟枱之間都幾近下, 一路食一路聽著其他食客高聲談話, 再加上店員一路大聲招呼其他客人 (有新客入店, 就大聲問幾位, 隨便坐之類), 感覺有點似身處人來人往既食街...   期望小店可以努力改進, 吸引更多客人可以光顧.…Read More