熱烈地彈琴熱烈地唱's Profile

原本只想買糯米糍外賣，點知未夠鐘搭船，堂食最低 $15（不包糯米糍），我又想搵個地方坐咁就諗住嗌埋其他甜品試吓鴛鴦芒果腸粉（芝麻椰汁同椰汁味） $33評分：7.5/10 - 椰汁味：腸粉皮超滑，厚薄均勻 - 芝麻味：腸粉皮相對厚啲，芝麻味唔算好出糯米糍評分：8/10榴槤 $24 / 芒果 $17- 皮：8.5/10 —— 軟糯 Q 彈，厚薄啱啱好- 芒果餡：6/10 —— 不夠甜，季節問題？- 榴槤餡：7.5/10 —— 香氣夠，濃度適中（我鍾意淡啲） 芒果西米露斑蘭 $35評分：0/10（免費都唔飲）第一啜：爆出 浸魚腥味 😱再試幾啖：仲係腥！以為枝筒有怪味，再試，好肯定啲腥味喺個斑斕糕淨飲芒果汁：淡到似芒果水，無芒果味上網 Google「斑蘭腥味」，三大元兇：1. 斑蘭葉 不新鮮 / 品質差2. 未洗淨 有殘留3. 過度攪打 釋放苦澀好奇鋪頭有冇試味先端出嚟賣？定「賣得出就得」？$35 換一場噩夢下次策略：腸粉 + 糯米糍外賣就夠…Read More

今次一行五人去咗呢間西班牙餐廳食weekend brunch, HKD298pp +10% 有Tapas, main 同甜品。個人覺得個性價比都幾高，野食份量滿足，又可以坐得夠耐，服務都讚。前菜是西班牙經典小吃tapas有成6款咁多，其實我哋食完啲前菜都好飽～一坐低侍應送上餐前小吃帶有火腿和紅椒的麵包 味道應該正常發揮，但麵包略嫌唔夠脆Tapas包括有西班牙火腿非常出色，油脂分布均勻，味道剛好唔會太鹹，份量豐富，呢碟係兩人分享。帶子底層的牛油果醬，帶點酸酸的味道，設計新穎，呢碟係一人份量，可見餐廳都比足料。蝦有每人兩隻，味道帶點酸酸的並混雜蒜香。這種調味方式與西班牙海鮮料理（如蒜香蝦Gambas al ajillo）有相似之處。呢個麵包同餐前小食有少少似麵包上都係蕃茄，麵包都係略嫌唔夠脆其實仲有兩個熱盤，分別係薯條同埋黑松露芝士麵包（冇影相）：味道冇乜特別Main Course• 西班牙海鮮飯 反而稍為遜色，感覺像是焗得太久，飯粒偏乾。• 蜆肉意粉: 這超級好食，蜆肉好多且味道不過於油膩甜品有Churros, cheesecake, cream catala , 除咗cheese cake另外兩款都好重肉桂味，我個人就好鍾意⋯美中不足嘅係食完呢餐都偏口渴最後付款時發現呢間餐廳有同Shopback合作，仲有成10%回贈加分加分…Read More

呢個餐定價$148+10%係超級唔值, 首先佢呢一個餐叫五色素菜, 完全冇諗過係清蒸切件素菜，醬汁都無，成件事好無心機。仲有個翠玉瓜有條兩條類似百潔布嘅毛，同職員講咗之後，佢一手收走又唔補返另一嚿翠玉瓜俾我。咁叫服務？仲收服務費🙄日式野菜豚肉卷價格為$158 + 10%。相比於素菜餐，它的菜式和食材選擇較正常少少。豚肉卷本身的味道不錯，但整體定價都過高，因為周邊的配菜品質一般，拉低了整體評分。例如蒸蛋口味平淡，缺乏特色。另外，唔明點解餐廳會係白飯上加味素，係咪對自己餐廳既野食無信心？…Read More

自從上次公司食飯去過呢間餐廳之後，就心思思想食多次啦。今次一行四人同屋企人去，2個老人家都讚好食。埋單每人$200 都唔洗就食到千絲蘿蔔酥出面啲蘿蔔酥一般都係好食嘅，所以呢個都沒有太大驚喜。外皮做到夠鬆軟，唯一同出面唔同嘅係裡面嘅餡係素千島蘿蔔糕嚟到都有猶豫係咪我哋點嘅，再望真啲原來係蘿蔔糕。同埋千島係指千島醬。比較新色啲嘅一款蘿蔔糕，配上千島醬出奇地夾春風得意腸必吃，裡面不是油炸鬼，而係一件炸到好脆好脆好鬆化嘅嘢（唔知咩黎），外面腸粉好軟熟豉油係另上，個人覺得唔點豉油仲好食鮑魚燒賣鮑魚食落唔似罐頭鮑魚，好難得食到粒鮑魚同燒賣係唔似分開兩件食物金箔蝦餃金箔純粹係連個點心收得貴啲，完全冇特別不過隻蝦無雪味值得讚花膠瑤柱灌湯餃*值得試* $58好足料嘅灌湯餃，一大片花膠大粒瑤柱。味道濃郁而且花膠花膠爽口,略嫌湯唔夠。蒜泥白肉《不用點》與個人期望好大分別，期望係好多蒜頭喺面，但原來醬汁係另上而且醬汁只食到鹹味亦都冇乜蒜頭味另外仲點左個蚊伊麵不過冇影相。加上太飽無食，未能評價。另外侍應嘅服務都好好，唔會扮睇唔到。而且會主動收碟同斟茶。總共食咗$768，平均每人$200都唔使。呢個質素都值得試。回頭度：4/5…Read More

由於限聚令，唯有外賣回家吃芒果冰露推薦（5/5）第三次食呢間甜品店，三次都點了呢款甜品。食完一次後成日都掛住呢款甜品，我懷疑上左癮。最喜歡d椰果同珠珠，煙煙韌韌咁。沙冰芒果濃，芒果無根夠甜。相比其他甜品店糖品係好出色。必試之一綠茶冰露推薦（2/5）最喜歡沙冰有綠茶果種苦味，可惜小丸子好硬，無煙韌口感。綠茶雪糕正常發揮，雪糕可選其他味道。整體味道係好食但相比芒果冰露就較失色了椰皇燉鮮奶推薦（5/5）熱同凍都食過。熱食：椰汁味更出但食落感覺較甜。椰汁味濃郁，燉奶夠滑。凍食：椰汁味較清，食落感覺無咁甜。椰汁味清新芒果腸粉推薦（4/5）腸粉皮做得超好，做到好滑好滑。淨係食皮都好開心😄如果有一間芒果腸粉好食過呢間請message 我等我去試下心太軟推薦（3/5）外脆內軟，其實整得好好。如果你係第二度食過心太軟，呢款就無咁有驚喜。因為味道差唔多。相比其他甜品，其他甜品更出色。總括然而，呢間甜品店極高水準，推介大家專程來筲箕灣試下。注意：甜品只有晚市呢改善地方：電話唔通，想預先order定外賣都唔得。每次都要walk in嗌同等😣…Read More

好食、水準高、足料個人已第二次食，今次帶兩位長輩試試新野。呢間中菜出名，估唔到連其他小菜都咁帶水準酸菜魚片皮鴨先講下普通小菜....鐵板叉燒價錢：？ 忘記了第一次食同第二次食都好食，keep到水準。不過如果有點片皮鴨，叉燒便淪為了配角！呢道特色係「叉燒扒」，上碟時係無切既。好處係可以自己控制厚度，壞處係自己就切得唔平均，影響口感。味道係好食，唔太肥唔太瘦。小小建議：上碟時待鐵板煎脆少少面頭，食落更香口椰子鱷魚湯$78/水壺**必試**飲落超香甜，椰子味清新。打開蓋，見到用好多材料去煲。不過我寧願佢比多d湯，哈哈特色：用功夫茶杯飲湯幾特別，可以兩人分享。大概有6-8杯左右。酸菜魚麻味大於辣味，岩曬我呢d不太吃辛的人。個人係超喜歡麻同酸菜，所以呢道菜對我黎講係滿分。酸菜好多，食極都有，麻味足夠。另外，其實仲有魚的，魚唔腥，普普通通，食落夾埋酸菜同麻味咁個個覺得酸菜魚既「麻」同「酸菜」先係主角，所以呢道菜都係滿分片皮鴨*唔試唔得*$498成五百蚊隻片皮鴨其實都算貴，但呢個價錢絕對無交行貨。首先師傅片鴨時，可要求片厚d/薄d,絕對歡迎。鴨肥瘦適中，鴨皮燒到好香脆嘩嘩嘩，驚喜陸續有來......佢切埋4隻髀比得地，我都未試過食片皮鴨可以食雞髀咁。望到都勁吸引，食完真係好滿足。繼續有驚喜呀～～最出色係配菜有酸薑，同鴨真係好夾。減低油膩感。配菜唔夠仲好以refill 。醬料都好出色好特別，同其他餐廳與別不同嘅地方係唔止得甜醬上而下:菠蘿肉 甜醬 日式芝麻醬 柚子醬- 菠蘿肉:出奇地好夾，食落好清新。感覺中女變少女咁- 甜醬：正常- 日式芝麻醬：未食過咁既配搭，出奇地好好食。- 柚子醬：食落好清新，清新度比菠蘿肉遜色試過四種醬mix 埋都好夾，好難形容但絕對唔會令你失望同絕對有驚喜！順帶一提，呢度唔係提供普通餅皮，而係用蛋皮，食多幾塊都無咁飽。總括而言，呢間餐廳同朋友聚會，結婚見家長，節日家人聚會絕對適合，值得既！…Read More

想食scone 想左幾星期，上網特登搵好食scone 既食評。終於呢日行開尖沙咀就特登入新商K11 Muesa買GC scone一去到已經冇晒原味，得返綠茶同朱古力，然後有個女職員話俾我哋聽等15分鐘有新鮮出爐嘅原味scone。好彩可以去附近逛下hea 下，終於等到出爐，$18-$22/個，買曬三隻味。原味 - 皇牌值得試男職員幫我夾左個爆左既scone (圖下方），有好多其他焗得好靚都無比我但唔緊要啦最緊要好食，熱辣辣。第一啖口感又鬆又厚實，唔濕，唔甜。綠茶 - 可以唔試比原味甜，雖然唔係新鮮出爐但口感一樣又鬆又厚實，唔濕。預期會有綠茶苦澀味但無，連綠茶味都好淡。幾乎食唔到有綠茶味朱古力 - 可試口感一樣又鬆又厚實，唔濕。朱古力味正常加朱古力粒，個人覺得原味好食d …Read More

被朋友ig post 的「菠菜雞肉扁意粉」燒著，決定星期日去呢間餐廳食個豐富午餐。12:30pm 到門口，前面有4枱客人在等。由於限聚令加上午飯時間，員工話需時約40分鐘。等候期間，我們決定在附近逛逛。1:45pm 入座，點了一客菠菜雞肉扁意粉和一客菠菜雜菌意大利飯。點菜後才發現只要加$38便可以轉套餐包湯、餐包和優惠價升級飲品。員工好nice, 可以幫我地改返做套餐第一個套餐：菠菜雞肉扁意粉（單點$98）配泡沫咖啡（單點$38/套餐加$12）南瓜湯 - 可能為左慳位，餐廳好特別會用杯代替碗做器皿。不過個人喜歡用碗一羹一羹’不‘黎飲餐包 - 切到一條條嘅蒜蓉包，焗到好香好脆菠菜雞肉扁意粉 - 個人覺得呢款意粉（有菠菜有扁意粉）比較少餐廳有，所以今次嚟都係為咗呢個意粉。呢一個意粉比我預期中好，因為佢唔似預期中咁creamy食落都唔太漏泡沫咖啡- 個人都唔係特別識飲咖啡，整體來說幾易入口第二個套餐：菠菜雜菌意大利飯（單點$100頭）配日本鮮抹茶鮮奶（單點$48/套餐加$18）菠菜雜菌意大利飯 - 呢個雖然都係菠菜但比起頭先個意粉，呢一個意大利飯是creamy的而且飯既軟硬度都幾適合香港人口味。基本上食左一半已經好濟，如果可以稀少少就好了。味道都唔錯，食完都唔需要狂飲水。呢款食物都會有下次日本鮮抹茶鮮奶 - d 奶有少少cream 感覺，不是太稀，唯底層抹茶偏甜總括來說，以呢個價錢食物算高質。平均只係百五蚊有主菜，餐湯，麵包同特飲。我相信會成為呢間餐廳既常客…Read More

疫情之下，放左工諗住附近快輕食返屋企。由於最近要keep fit影相，上網搵到呢間小店相對較健康，估唔到有快食都有驚喜一進入餐廳，先量體溫同搓手。職員先給我們一個餐紙係fix好左配料/搭但只有配魚生既主菜（個人不喜歡吃生的魚），職員就建議我們點自選菜單一*第一選主新菜*第二選飯底*第三選配料（3種）*第四加料加價*第五頭調味可以全選的(心心眼），d調味仲要係有heart—-竟然有紫菜絲、木魚絲自選1- 吞拿魚- 日本醋飯+沙律菜做底（正常size)- 海帶芽、蟹子、雞蛋絲- 加選三文魚子- 醬汁：鏗魚昆布- 調味全選除7味粉同鹽自選2- 八爪魚- 日本醋飯+沙律菜做底（正常size) 女仔食唔晒- 蟹子、酸蘿蔔、青蔥- 加選牛油果- 醬汁：蜜糖醋汁- 紫菜絲、木魚絲整體來講賣相好吸引好豐富感覺好抵。自選1好食，似食緊角切飯但配料豐富好多。自選2可能簡左酸蘿蔔同醋汁，整體較酸。可能配昆布汁較好。另外見到餐廳有好我好喜歡既牛油果飲品—-牛油果奶昔。不過驚肥無叫，下次下午外賣一杯試試總括而然，回頭度極高，亦好健康之選。…Read More

經朋友極力推介得知呢間隱世食omakasa ，性價比又高的餐廳。最滿意是budget可以自訂($600/人開始遞增）,老闆會用時令的食材去配合。今次我地budget係$650/人，以呢個價錢食omakasa 真係超抵。而且我地好欣賞老闆會提前兩三天同你傾菜式（例如有咩想特別食有咩唔食）首先頭盤左：酸酸地配類似寒天的東西，好開胃中：炸蝦炸到好脆連殼食，可沾上旁邊的鹽一起吃右：溫泉蛋配三文魚子，呢款無咩特別第二道菜式係日本生蠔 🦪蠔肉好大舊同好鮮甜接著係刺身大蝦*極力推薦*飽滿既蝦肉令人好滿足旁邊既蝦頭可以叫師傅會拎走再炸變成另一道炸蝦頭下一道是刺身秋刀魚必吃師傅話全年只有一個月係當造，今次食到真係好難得。另外呢款魚整到一d腥味都無，食完一片d魚香味係個口到last到好耐。係其他餐廳未食過咁出色既刺身。特別想提及旁邊既姜蓉好夠姜味同夠辣。呑拿魚同油甘魚，正常發揮拖羅好新鮮，新鮮程度係好似係日本魚市場即買即食一樣海膽墨魚比想像中普通，個人喜歡分開海膽同墨魚食水菜沙律必吃老闆話係用日本生蘿蔔刨出嚟呢款沙律第一次食，蘿蔔食落係爽脆同有dd酸味。再配芝麻醬同木魚絲成個味道提升晒。其實好難形容，要親身試過先感受到三文魚子多士配呑拿魚蓉整體不錯唯獨三文魚子有d腥。老闆話呑拿魚蓉係用魚肉同魚皮之間，再刮出來整成的。味道會特別香慢煮牛肋骨*必吃*老闆好坦白講牛係在本地街市買的。但佢慢煮既方法唔係出面用真空袋再熱水浸熟，而係用焗爐焗左9個鍾令到d牛好林好軟。牛肉好入味好林，可沾柚子鹽一起吃最後係伯爵茶同朱古力Brownie 睇落平凡食落出色。朱古力brownie係暖既…Read More

平時媽媽去開連鎖式酒樓，相信都無咩新鮮感。今次帶左佢去一間主打小菜但午市有得飲茶的餐館。其實呢間餐館有d難找，在北角b4出口望向雋悅，在地下穿過玻璃門再搭𨋢上三樓，出𨋢要再穿兩道玻璃門才能到達。星期六的中午幸好有預先訂座，不然有錢都無得食。訂座時員工話他們只有兩輪的時間，分別是11點和1點。若這兩段時間以外，就要碰運氣了。我們一行5人，12:30到達，等了約15分鐘便入座了。看看點心紙，其實款式不多但基本主打的點心都有齊（蝦餃、燒賣、叉燒飽、腸粉、春卷等），另外最特別的地方是有合桃包，很少酒樓見到有呢款包亦係帶媽媽專程來飲茶的目的。合桃包外形都好有心思，成粒合桃一樣一咬開，除左有好香既合桃味還有裡面有一粒粒的合桃粒。味道不覺得很甜，包都非常軟熟。*極力推薦*呢到還有香菇包，可見點心師傅在外形上花了很多心思，連菇掟都有。菇包食落相對合桃包淡味，但包皮一樣好軟熟，好似咬緊一個海綿咁。不過二選一的話，個人喜好合桃包；如果個胃有位，兩款包都值得一試均安鯪魚餅$88呢個被列入小菜類，雖然$88偏貴但份量十足。共六件，每件手掌（不計手指）咁大，厚度約0.5-1cm厚。魚餅食落無骨，有無魚味不識食但不腥。可惜無配蜆蚧醬同偏油膩。芝士春卷食落唔覺有芝士，勝在炸得好熱同無咩油黑松露鮮竹卷黑松露不突出，純粹噱頭一品窩飯炒得夠乾身，炒飯用石窩做器皿令到飯粒有香脆效果。但d餸比較單一,算不算石窩楊州炒飯呢？再看小菜類餐牌，都幾適合節日慶祝。下次有機會都會試試晚飯。整體來說，餐廳質素非常高，價錢相對都值得試試…Read More

我的好朋友帶了我來呢一間天婦羅主打的餐廳，亦係我暫時試過最貴既餐廳。餐廳簡約的日本風格，只有八個坐位。由於是omakasa (廚師發板），廚師會選擇當日最適合的食材作爲客人的餐單。我地食夜晚時段，聽聞只有指定特間（7pm)預定，廚師會等齊所有食客才開始制作天婦羅。我地是最準時的兩位。一入坐好驚喜餐牌上印上了「Happy Birthday」和本人的名字。少少的行動可見餐廳的貼心。第一道菜是羊肉，羊肉外皮少少脆，而且沒有我最怕既羊羶味。覺得值3.5/5分接著下一道菜是刺身盤，這個要加錢的。最特別的是魚生上的花不只是裝飾，待應建議紙色的花蕊放到日本豉油配上魚生會有淡淡的花香。試過後個人覺得沒有很特別。另外，個人認為可以不用加錢吃這個刺身盤，首先整個套餐吃到最後會很飽而且天婦羅才是這裡的主打呢！吃過刺身後，待應端上三種顔色的海鹽。也代表著開始上天婦羅了。白色是普通海鹽、綠色是wasabi味海鹽、啡色忘記了。第一道天婦羅是蝦頭，這個給滿分。整個蝦頭非常脆口，一蝦so好似吃緊薯條，再吃蝦頭像是在吃蝦片一樣。5/5分下一道想特別提到師傅連魚鱗一起烤，我第一次吃魚會連魚鱗都吃掉。挺特別。值3/5分然後又是另一款魚，味道比上一道魚好吃值3.2/5終於有蔬菜了清一清口啌了。一點也不油膩第三款魚值2.5/5 到這道菜我已經開始飽了，加上又是魚，欲望開始降低待應端上一碗湯 太好了！這個蜆湯非常清甜值4.5/5到這時，我飽的程度是有9個飽（10個飽是飽到不能再吃），雖然又是魚 不過條魚被炸到栩栩如生的確太吸引。唔食唔得味道3.8/5 賣相5/5接下來的三道菜都是魚，此時的我知道原來今天主題是魚天婦羅。到這裡我的圖片限額已滿，唯有用文字表達- 魚天婦羅配青辣椒- 魷魚天婦羅配洋蔥（呢個魷魚靭到食完會甩牙) ,0分- 三文魚茶漬飯 (勁堆介!) 吃到呢到我已經有12個飽，只能吃了一點點飯最後是甜品了，雲呢拿雪糕配咖啡果涷。不過不失埋單連刺身盤和兩杯飲品共二千三左右（2人）。是非常貴啊！單叫omakasa 大約八百多/人。個人建議不用額外加錢點食物因爲本身的食飽已令你十分飽。最後走的時間，兩位待應服務十分讚，除左送我地出門口外，還會行出餐廳門外望著我地行到很遠處直至看不見我地蹤影才走回店內。這個行為令我地大爲驚訝呢，日本人的服務態度果然令人讚嘆…Read More

食得串燒都預左人均三百蚊樓上先落到樓，而呢間雖然貴但食物質素非常高，絕對值得一試既餐廳！餐廳細細，目測7張枱左右。我地雖然被安排坐高枱，但好適合傾計。我地由晚上8點坐到11點。一打開食物紙，琳琅滿目既選擇。淨係雞翼都有6款，再分不同既味道同食法：燒雞全翼（沙嗲/蜜糖/鹽燒）、蜜糖雞翼、燒雞皮、燒山賊雞翼、明太子釀雞翼、燒芝心磨菇雞翼。我地點左燒山賊雞翼，師傅好有心機燒，起碼燒左15分鐘先上碟。其間有易熟既食物（蘆筍/牛柳等）已上碟可讓我地邊食邊等。。。由於種類太多，未能盡錄。簡略講一d推介同不推不介既食物吧！值得一試- 鹽燒燒雞軟骨：非常推介，夠乾身鹽味好香。- 燒雞皮：第一次食，無諗過可以燒到咁脆。極推- 燒山賊雞翼（下圖中間）：外皮烤到好乾身，非常脆口，完全不油膩。雞翼既骨仲係被分開爲單骨方便進食,非常讚！我地點左兩轉可以不試- 芝士響令（左一）： 有新鮮感比個名呃到但唔好食燒牛舌（右二）：個人不喜歡太厚同覺得味道可以再濃d燒玉子（右一）：正常發揮肉桂燒波蘿：波蘿配肉桂味道好怪，個喜歡無調味既燒波蘿多d順帶一提，呢到既啤酒好好飲，面層既泡好似沙冰咁。…Read More

午飯時間到北角搵地方食飯，我們一行7人較難搵位。見呢間餐廳無人就入去喇，一入去女待應都黑口黑面。算啦，食個飯姐。我地7人想拼埋d枱，個黑面女待應埋黎話唔得要分開坐。但其實d枱係活動枱加上間餐廳繁忙時間都無人！！咁簡單既要求都拒絕講返食物，午餐一律$58（1餸1麵+飲品）餸有3個選擇 - 羊肉/醬燒豬軟/烤雞翼湯底和麵麵各有2款 - 無味精濃骨湯手打拉麵/麻辣撈刀削麵飲品比較多選擇 - 紅棗茶、生薑茶、柚子密、檸檬茶、汽水等連啤酒麵可以免費選擇個人選擇左豬軟骨無味精濃骨湯手打拉麵+生薑茶成間餐廳得兩個人（黑面女待應同水吧女待應）。水吧女待應好得意，沖晒十幾杯飲品放吧枱先一次過逐枱逐枱上飲品。餐廳所謂既廚房都係個黑面女待應做，而黑面人同水吧女待應各自為政，表面裡面麵不和，不會互相幫忙.....其中有枱食客投訴，廚房同水吧即刻上食物同飲品比佢地先。。。明明得地是最早入單既一枱食客，廚房竟然做左比兩枱較我地遲入單既食客先！！我地個麵等左足足35分鐘分量：男仔食完到3點3要食下午茶；女仔食岩岩好湯底： 味道香濃唯獨不夠熱（緊係啦～整完d麵唔係即刻上枱，係擺到全枱麵整好先上枱）豬軟骨正常發揮手打拉麵：一般般（不彈牙不難食亦是很出色）總括而然，成餐既體驗非常差。首先服務差，上菜速度極慢，食物不出色。講完！…Read More

被外面湯咖哩既相吸引。從來未食過呢款咖哩，究竟同平時食既咖哩有咩唔同呢？原來老闆娘是日本+香港人，而老闆是日本人。心理上感覺會較正宗既日本料理我們二人不太肚餓既關係，只點了一個套餐加一款小食。當然選擇了出名既湯咖哩啦.....豚肉湯咖哩（$108）話晒一個餐兩份食都驚唔夠飽，而兩個餐又太多，加了$8多飯。加左飯果然份量十足，而且用左珍珠米。當我地食到一半，隔離枱都上菜亦都係叫湯咖哩，佢地飯既份量原來都好大，睇落同我地加左飯無咩分別。湯咖哩既咖哩果然名乎其實係「湯」，因為d咖哩好稀。呢種食法係1. 飲一啖湯咖哩2. 勺一口飯浸落湯咖哩再品嚐1. 除左有豚肉之外，還有少少蔬菜。最特別係個西蘭花🥦係炸過既，好似食緊一堆紫菜咁。由於從來都未食過湯咖哩，第一啖係意想不到既好味，酸酸咸咸咁，不過當湯咁飲就太咸了。2. 呢個食法似湯飯，減低了湯既咸味。但最後略嫌湯咖哩不夠。講返d飯，都煮得夠軟熟，叫合格啦！當然無日本當地咁好食，聽講日本本土既水煮出來既米會令d飯有光澤，更有口感！係香港點煮都煮唔到。總括黎講，湯咖哩價錢公道加上味道係絕對值得試！小食就點左炸芝士飯團🍙（$58）飯團勁大粒，成粒花生糯米糍咁大。飯團係炸過既，配上沙律醬同紫菜。飯團係岩岩炸起，好熱！飯團裡面係包住芝士餡，不過一d都唔流心而且成個飯團無乜味。加上飯團好大舊，頂住個胃。如果一個人食晒呢三個飯團，相信會食唔到其他野了。總括黎講，呢個小食可以不用試！紅豆抹茶布甸（$18）好普通無驚喜，紅豆太甜。抹茶味不夠，可以丌點。。。總括而言，除左湯咖哩其他食物都普通。如果專食湯咖哩，個都都推薦。…Read More