Janette030's Profile

今日同朋友去尖沙咀搵嘢食，雖然係平日，但呢間餐廳都好多人✨餐廳嘅裝修係懷舊香港風，大電視上播放住懷舊電影，竟然係許氏三兄弟。當日我同朋友揀咗以下食物～燉牛尾番茄大通粉：牛尾燉得酥軟脫骨，番茄熬成濃稠底汁，酸香裹着肉香直鑽鼻尖。大通粉吸飽湯汁，咬下去彈滑帶勁，每口都有牛尾的醇厚與番茄的清爽，好滿足！帶子咸蛋黃汁葱大利飯：帶子鮮嫩彈牙，咸蛋黃汁濃郁，鹹香裹着奶香，拌入粒粒分明的米飯，再配上翠綠蔥花提味，口感豐富。Right Fruit Tea：有熱情果的茶底，酸甜清爽不膩口，夏天飲涼快又解膩。…Read More

呢間打邊爐最啱同朋友一齊食，因為唔限時😆，星期六下午12點可以食到4:30pm，不過我哋食到3點幾已經飽到要離開🤣午餐真係好抵食～我哋揀咗$198第二級: 美國Prime Grade 牛肩胛肉，另外加$40升級有海鮮，鴛鴦鍋就加$48。咁啱撞到黑雨，餐廳人唔多，上菜速度好快又坐得舒服😆湯底方面揀咗日本壽喜燒鍋和藥膳胡椒豬肚雞鍋，兩個湯底都好濃郁入味😋是日精選海鮮嘅蜆大大粒好鮮甜，仲可以揀海蝦、花膠、帆立貝、墨魚仔等等，絕對係值得升級！飲品方面有幾款自家制茶，其中黑糖冬瓜檸檬茶甜度剛剛好，又比較少見，幾特別。甜品每人限選一份，movenpick、dreyer’s、HaagenDazs都有得揀。…Read More

吃茶三千新分店喺銅鑼灣時代廣場B2樓開咗分店😆，之前喺希慎廣場買都比較多人，而家有多一間分店可以去🤣，可能因為新開嘅分店，相比之下時代廣場嘅人比較少。蜜桃烏龍冰茶（少冰少甜）吃茶三千嘅烏龍茶底永遠唔會令人失望😚搭配蜜桃果肉，口感豐富又多汁，保留水果嘅甜味。決明子+百花香蜜+纖玉果子因為今日唔想飲綠茶底，就試下決明子紅茶底，茶底好特別，有少少飲涼茶嘅感覺，加上香蜜就甜度剛剛好，有纖玉果子配料就口感更豐富。之前新開店仲有打卡送冰箱貼活動，希望之後都有其他活動…Read More

又嚟買甜品同下午茶了🫖，留意到間中會有期間限定款，最近出咗開心果豆乳、豬仔包同牛角酥，而且不時會有甜品或者飲品加購優惠。牛油果碎蛋牛角酥 $54所有吐司可以免費升級香脆豬仔包，或者加$5轉7吋牛角酥。我揀咗轉牛角酥，牛油果的細膩柔滑中和了牛角酥的油膩感，炒蛋則增添了一份咸香與鬆軟，三者搭配得恰到好處。酥脆外殼的瞬間，內餡綿密又清爽的牛油果碎與嫩滑炒蛋，牛油果特有的醇厚奶香與雞蛋的鮮美互相滲透，口感豐富。三色芋圓布甸 $32芋圓份量多，口感煙靭，搭配布甸令口感更豐富。樽裝布甸珍珠豆乳茶 500ml $47 豆乳茶甜度剛剛好，搭配有布甸和珍珠配料，口感豐富又健康！9 °濃豆乳豆冰樂 500ml $23豆冰樂好適合而家炎炎夏日食！豆乳味重。…Read More

今日嚟火炭接朋友收工，順便陪朋友試吓呢間新開嘅餐廳😆餐廳入面超大，好多位仲有卡位，晚上唔多人，好有以前返學食canteen嘅感覺，可以揀是日精選，或者係日式便當、喇沙系列、飯系列，另外下午茶都有撈麵系列。我同朋友揀咗是日精選嘅黑椒雞髀飯、羅宋湯牛粒通。個人更加鍾意羅宋湯牛粒通，湯底夠濃郁，又有肉香味，黑椒雞髀飯就較為普通，不過勝在雞髀夠大隻，又炸得脆香肉嫩。另外仲試咗份小食雞肉串，有四串。$50一個餐連飲品，飲品可以係汽水或者枝裝烏龍茶，呢個價錢嚟講好合理。…Read More

呢間我會稱為健康輕食首選，有A級加拿大黃豆作為原材料，配合有5000呎廠房內嘅全自動化磨豆機，然後每日石磨鮮製，健康又新鮮！爆餡芋泥肉鬆吐司 $39餡料豐富，口感層次多樣，佢嘅味道剛剛好，甜鹹適中。香芋豆乳凍 $24口感滑順綿密，香芋的濃郁香氣與豆乳的清新完美融合，甜度適中，帶有淡淡的豆香。樽裝木瓜雪耳雪梨豆乳500mL $36豆乳結合木瓜的甜、雪耳的滑與雪梨的清潤，口感豐富且滋潤，養生又美味。抹茶紅豆小丸子豆乳700mL $49抹茶香濃，小丸子Q彈有嚼勁，豆乳的濃郁令整體口感更加溫潤，層次分明，適合喜歡濃郁茶香的人。所有食物都係新鮮製造，所以要盡快2小時內食完！唔鍾意等或趕時間嘅時候，可以用會員app，除咗獨家優惠之外，可以有預設自取功能。…Read More

聖誕假期當然要食聖誕大餐🥳🥳帶我家勞苦功高嘅家姐去食佢最鍾意嘅串燒🍢，位於沙田新城市廣場嘅小野人，我哋有食過外賣，但堂食都係第一次，位置大部分係卡位，坐得幾舒服，平日都好爆場～夏威夷烤菠蘿 $21大大塊燒菠蘿，咬落去又甜又多汁😋糖燒牛奶方包 $18多士好鬆軟，表面係糖配芝麻，串燒必食！小野人蒜香粉絲煮蜆 $85粉絲煮蜆份量比想像中更多，兩個人剛剛好～烤厚切牛舌芯小牛肉串烤雞軟骨烤土豆片小野人燒雞翼Q蛋大魷魚烤雞腎烤雞肉串台灣小香腸金針菇牛五花肉卷Q蛋墨魚串小野人蒜香燒茄子元氣森林水果茶小野人滿杯菠蘿兩杯相比之下，水果茶更解辣但又唔會太甜，菠蘿就清新，兩杯大大杯好夠飲！…Read More

大圍呢間燒肉店之前同朋友食過一次放題，款式種類都好多，最簡單嘅放題正價都係$198，而最豐富嘅極尚刺身燒肉放題正價係$398。（建議上網買團購價，有優惠會平啲！）不過今日同朋友下午都食咗好豐富嘅午餐，所以我哋都係揀定食已經足夠。藥膳花雕藥材雞鍋 $168見到有新餐牌推薦當然要試下，呢個係港式鍋物。我哋揀半隻雞，由店員幫我哋計時煮4分鐘加焗2分鐘⌛️。一打開鍋蓋嘅時候已經聞到藥材味，裏面亦加咗滿滿嘅紅棗，好適合女仔食，煮完嘅雞好嫩好滑，半隻雞嘅份量兩個人食剛剛好。燒肉定食配有湯品、冷麵或者白飯、泡菜或者沙律，仲有無限追加嘅甜品（啫喱杯），飲品方面都可以自選三款茶類，呢個價錢嚟講係好抵食。澳洲燒肉盛合定食 150g $128牛魔王燒肉定食 100g $88…Read More

搬咗新界後一直都未有時間發掘好嘢食，今次朋友帶路到呢間居酒屋，晚市有85折優惠，所以平日的晚市人流都好多。咖喱岩蝦 $58第一次試咖喱岩蝦，外層是炸到金黃色，口感香脆，配上咖哩粉味道都幾夾，內裡嘅蝦肉好彈牙，好推薦大家嘗試。牛油果三文魚沙律 $98牛油果同三文魚份量好多，反而覺得沙律菜唔夠。唐揚炸雞卷 $98炸雞同壽司嘅配搭，加埋青瓜絲、蟹籽、紫菜一齊，口感十足。厚燒牛舌心 $118粉嫩色嘅牛舌心，口感爽口軟腍，蘸埋芥末籽醬，好好食，是餐廳的推薦菜式。青森山芋 $48淮山比我想像中無咁脆口，但加上紫菜令口感特別和有層次。海老天婦羅 $118有大蝦和茄子，鬆脆香口，配上蘿蔔蓉同天婦羅醬汁，同咖喱岩蝦係兩種層次。另外，餐廳仲有生啤任飲優惠，女生$88就能任飲，即係一杯生啤嘅價錢就能任飲，喜歡生啤的話記得量力而飲，我同朋友都係飲茶就夠。…Read More

忙碌嘅日子去唔到韓國，唯有喺香港食返間地道韓國餐廳。呢間韓國菜餐廳位於尖沙咀金巴利街地鋪，佢嘅裝修都好有心思，好有地道韓國餐廳嘅氛圍。我同朋友假期12點去嘅時候人唔算多，但12點幾就開始好多人了，建議如果多人去食要早少少去拎位或者預約。建議一定要嗌套餐，價錢都係加$10，但可以有四款地道韓式小食，而且味道都好好，好開胃🤤韓式牛肉石頭飯 $109朋友揀咗呢款牛肉石頭飯，有滿滿嘅牛肉同埋配菜，另外仲會配有一碗湯，朋友分享有韓國地道美食感覺，味道好正宗。牛肉鍋 $119我偏向鍾意有湯汁，牛肉鍋嘅湯配飯就可以變成湯飯😍😍，鍋內搭配幾款蔬菜，仲有滿滿嘅牛肉，好滿足😋可以喺舒適環境享受地道韓國美食，係一個愉快嘅體驗😋😋…Read More

不知不覺，原來牛大人已經開咗5年，最近新出咗日本黑毛和牛 A4+套餐（$498），打邊爐達人當然要嚟試一試😋😋而家食日本黑毛和牛 A4+套餐，除咗有日本黑毛和牛 A4+食到飽之外，仲會贈送Ｍ９和牛牛丸同海鮮拼盤，另外有伊比利亞黑毛豬梅肉，最開心係有鮑魚任食，仲有唔同款式，例如古法醉鮑魚、炭燒鹽蔥鮑魚、柚子燒汁鮑魚，輕輕鬆鬆食一打😆少爺PILSNER啤酒🍻 $58少爺啤係香港本地製造品牌，飲住生啤打邊爐🍲，人生一大樂事😆送嘅海鮮拼盤包括有鮑魚、蟶子、帶子、生蠔、青口，滿足晒海鮮愛好者。支持食飯嘅可以自製滷肉飯，想飲熱飲嘅都可以選擇沖茶或桂圓紅棗茶。當然唔少得飯後甜品時間，杯裝、雪條嘅Haagen-Dazs都係任食😋牛大人每次嚟都有驚喜，今次發現加咗台式飲品，自家茶類飲品仲改為杯裝。價錢係偏高，不過可以食到咁多海鮮同高質肉類，性價比都好高，值得一試😋😋…Read More

同朋友喺上環處理完啲事，搵嘢食嘅時候發現咗呢間新開嘅bar，雖然餐廳地方唔大，但非常抵食！發現咗佢有一個$99二人套餐🥹，包一個12吋pizza同兩杯飲品（仲可以揀🍻！），簡直係窮人恩物。Pizza方面味道揀咗SALAMI WITH NDUJA & ONION，兩個人食都足夠，每人食咗4塊，肉腸份量好多，pizza唔係厚批果種，呢個價錢誠意十足。Tempura Squids $48中文見寫住天婦羅魷魚花，即係炸魷魚，份量多但炸粉偏厚身。Peach Wheat呢款係水蜜桃小麥啤酒，有另一個名叫桃寶😂，味道偏甜，酒精味唔重，適合女仔飲。而且見到店舖有做優惠，一次買6罐或者24罐有額外優惠！唔鍾意酒精嘅話都可以揀汽水或者梳打水等。整體性價比高，如果九龍區都開返間就更好😋😋😋…Read More

有時候工作太心累或者生活有煩惱嘅時候就鍾意去貓貓cafe治癒一下心靈，之前去嘅貓貓cafe係只有飲品，難得今次朋友陪我去，我哋搵咗呢間喺銅鑼灣sogo附近嘅貓貓cafe，原來佢之前位於荔枝角，然後搬咗過嚟。對於一間貓貓cafe, 我對食物要求唔高，但呢度嘅食物高於我預期，比我想像中更多食物選擇。煙三文魚牛油果丼配柚子醋 $143估唔到貓貓cafe都做到丼飯，仲要質素唔差，份量十足！貓咪叫醒你全日早餐 $168放假就最適合食all day breakfast ，價錢偏貴但食物份量都合理。蜜桃紅茶（無糖）（凍）$64玫瑰茉莉花茶（安神調理）$48呢度嘅收費係每小時$78送飲品，如果嗌食物可以第二小時免費。平日中午同夜晚時間嗌套餐更可以免收入場費，做會員更有9折優惠，好適合貓奴們。不過整體來講，環境比荔枝角細咗，貓貓都比較內斂，但地點就好方便。…Read More

呢間餐廳嘅唔同分店都食過幾次，質素都有一定保證，見到轉咗餐牌即刻要再嚟試下😆😆😆假期夜晚都比較多人，不過排一陣隊好快已經有位。芒裹偷聞吃的布拉塔芝士沙律 $82夏日炎炎前菜食沙律夠開胃🥗，份量兩個人食剛剛好，配有士多啤梨🍓同芒果肉，芝士唔會好甜，淡淡的配上沙律好入口。泡菜炒黑毛豬配飯 $89呢個價錢份量性價比高，唔會好辣，黑毛豬份量佔咗一半，可以啖啖飯配黑毛豬，一個人都可以食得晒。芒芒夏日芒果窩夫 $138芒果窩夫有三層，配有水果、芒果醬汁、cream等，口感豐富，份量充足。清爽爆汁西柚檸檬梳打（凍） $46梳打味道清爽，夏日嚟一杯好開胃又解渴。人生迷芒的芒果沙冰 $68呢杯芒果沙冰份量充足！最吸引地方係切好咗半邊芒果肉，將芒果肉放埋入沙冰內，食嘅時候可以一啖果肉一啖沙冰。…Read More

今次同朋友嚟到佐敦打邊爐，呢棟大廈真係美食之地，淨係邊爐都有好幾間，而鍋霸今年係開幕五周年了。我哋揀嘅係無限時火鍋$313，比起2小時都係加多$40，無限時更加抵食！啱晒同好朋友邊食邊吹水，卡位坐得闊落又舒適，如果一大班人仲可以book vip房，私隱度高。湯底係台灣養生火鍋湯底，有辣有唔辣，唔食辣嘅我當然揀藥膳湯底配我最喜歡嘅胡椒豬肚雞鍋。調味料區打邊爐前可以揀啲前菜開胃同炸物唔洗等🤣🤣，木耳同青瓜雖然係麻辣，但我哋唔食辣嘅都覺得可以接受，炸物鹽酥雞仲可以自己揀四款調味粉shake shake~火鍋配料方面有超過70款式，包括肉、炸物、手工配料、海鮮、蔬菜、麵類。淨係是日海鮮都同朋友兩個人食咗10碟😆，因為蝦、沙白、蟶子全部都好新鮮🥹，任食火鍋入面都有呢個質素真係好正😍！飲品方面除咗有罐裝汽水、紙包罐裝無糖茶、支裝鴻福堂飲品外，有驚喜嘅係自家製嘅枝裝茶同泰國罐裝梳打水。雪糕方面有HaagenDazs、Movenpick、Dreyer’s同雀巢合共11款可以揀😋😋，總有一款你鍾意。好朋友們見到我呢個推介後，記得約我打邊爐啦😆😆😆…Read More