hochung's Profile

收工夜左，專登行去寶鄉街買外賣，舖頭細細，離大埔墟站有一段距離。買左手撕雞冷麵，炒牛柳粒，口水雞，同埋龍眼冰。當刻冇其他客，店面唔忙，店員應該係等收工嘅心情。食物味道 ok，不過不失。牛柳粒凍左都可以入口。新 menu 的冷麵用菠菜麵，麻醬偏少，同平時食開嘅有新意嘅。口水雞就冇乜味。不過漏左成杯龍眼冰，行左 15 分鐘返到屋企先發現，咩心情都冇晒。錢就收左，仲要冇打落單，感覺舖頭唔老實。心情唔好食咩都唔好味。…Read More

小店結業後，馬上在同一條街另開新舖，不過大不如前。未搬舖之前做得不錯，亦會感受到快樂，但搬左舖之後就明顯以搶錢為主。普通一個菠蘿油都要賣到 $13。麵包份量亦明顯縮細了。麵包蛋撻出爐唔熱，明顯放左好耐。味道一般，已經沒有以前快樂嘅味道。以前麵包舖人流不絕，搬舖後位置較偏僻。收銀員目無表情，就連收銀機都用人民幣顯示，八達通機亦經常有意無意收多錢，任何一句說話都沒有。這間麵包舖販賣的香港懷舊回憶，老實說連 7-11 都不如，遊客千萬不要再專程去光顧。…Read More

以前食過正正常常，今次食早餐完全失望。野食大約 10 分鐘就上齊，不過野飲要 30 分鐘先到。頭三次追單都係 hea 你，最後發現根本係漏單，之前杯野俾左人地，仲要十問九唔應，而家嘅服務態度真係垃圾級別。食物質素都係差劣：1. 魚柳唔脆，2. 叫左太陽蛋，黎左熟蛋，兩邊煎到黑色3. 三文治冰凍嘅4. 用三十分鐘整嘅餐飲正常5. 蛋白麥皮正常總結：茶餐廳早餐可以整得咁差都幾難做到。想食劣食無妨一試，一餐隨時仲耐過食一餐法國西餐…Read More

在 openrice book 位，去到被安排一張最逼嘅二人枱坐，其他兩個人反而安排四人枱，職員大細超，成晚第一枱要逼住咁坐池魚刺身不新鮮，而且 $138 只得八片。生蠔抵食，不過日本蠔本身沒有味道。燒飯糰有醬油味過得去。雞皮唔脆，雞棒就咁放係蛋上面就上枱。之前九龍城食過都 ok，旺角呢間真係唔掂。以為好多人，點知晚市得三枱客。由於座位擠迫，唯有食完急急腳走人，連清酒都冇意欲叫。呢間野再請都唔會再去，食物再好味都冇用。…Read More

先講食物，食物一般，味道還可以，份量一般，如果用快餐店形容會比較好。1. 刺身飯：刺身份量少，飯一般，沒有口感2. 象拔蚌刺身：標榜新鮮，但一入口與普通刺身冇分別3. 燒帆立貝：等了45分鐘都係凍嘅，唔熱然後服務，服務比茶餐廳還要差。一開始沒有給優惠餐牌，所以我們完全不知道有優惠食品，我到埋單先發現，收銀連一句道歉都沒有。然後是漏單，我為左等一串食落口凍的燒帆立貝等了45分鐘。第三，原來要收加一，但店內 menu 一句都冇寫，服務當然是沒有。感覺受騙！…Read More

真係食到一肚氣 ... 完全失望服務方面：1. 落錯單，上錯餸2. 未食完已經執野準備清枱，問都唔問一句3. 我講一句「未食完」立刻同我黑臉4. 我們未叫埋單就已經遞上單 <-- 呢個最離譜5. 鬧佢當聽唔到，十問九唔應5. 收茶錢 <-- 唔會主動加茶6. 全部廚師o既口罩都係放o向下巴 ... 乜下巴會污染食物咩 ... 不如唔好帶啦食物方面：1. 麵質很硬，普通上海麵舖做的麵都較好2. 牛肉麵只有五塊小到不行的牛肉3. 雪菜肉絲麵沒有肉絲，只有小量雪菜4. 鱔糊麵一碟全是油淋淋，見到也不開胃5. 肉包完全沒有肉汁，隔離唐記包點的包比它們還新鮮6. 只有小籠包還可以，只可以說是普普通通一餐晚飯30分鐘就俾人趕走左，等位都唔只半個鐘 ... 茶餐廳o既待遇都唔係咁啦以後唔使再去 ... 影衰「米芝蓮」個名 ...…Read More

每次路經都見大排長龍，不過尋晚第一次幫襯就出事。叫了一個煎蛋牛肉飯+薑汁豆腐花。因為太多人，都等左15分鐘。不過，番上屋企先發覺煎蛋牛肉飯，少左塊煎蛋。又要用多15分鐘番去換過幸好佢肯換過全新一份俾我，因為所有食物都變涼雖然忙，但係都要確保每份餐係充料先遞給客人唔通個個即時打開檢查咩！以後唔會多人既時候去…Read More