karqen's Profile

好彩既係，我今次唔駛等……每次我路過，都會見到好多人等位，好多都係返工一族。(我屋企附近係工廠區)到食下午茶時間都好多人等，係附近咁多間係下午茶時間既少數，可以話係未見過。今次我終於都入到去la，舖頭細細，但係唔會迫，望望菜單，價錢唔太貴，叫咗小鍋米線，螺旋藻、菜肉雲吞、腩肉，再加支豆漿(原本以為6蚊杯，點知佢俾咗一支我，正)。自我入去開始，我見個個都會叫腩肉，所以試下。等食期間，我見好多外賣，下午茶都有咁多外賣，心諗真係好想試一試。終於都上菜la，佢嗰種酸辣似雲南桂林米線既酸辣，同譚仔好唔同，佢既辣到對於我嚟講啱啱好，(我本身唔食得太辣)，佢其實有得揀幾多辣，我叫嗰陣一時忘記。唔錯！唔錯！…Read More

我完全唔明白點解呢間可以係OPENRICE排第一。某日，我上網SEARCH過呢間係OPENRICE葵涌區排第一，於是我便去試下，嗰陣時係食午飯時候，我一入去就有位，我坐咗一陣，裡面有個幫手既出咗嚟，我嗌寫嘢，佢應咗一聲，然後我又等咗一陣，隔咁耐冇人應，跟住直頭入去廚房，先至有人幫我落單，有冇搞錯！！！我叫咗佢出名既滷肉飯同埋鹽酥雞，滷肉飯的而且確係唔錯，味道同台灣的雖然不同，但係凍了，不過總算合格，但鹽酥雞淡，唔好食。失望…Read More

記得約一年前到，某旅遊雜誌介紹香港既點心舖，已經介紹呢間了，時至今日先至有機會去試一試菜。原本去太子諗住係食佢隔離既腸粉，但係男友話唔想食菜乾粥，所以就去咗呢間食點心la。 最愛那些杯碟，因為唔係平時茶樓用開的，倒太熱的茶不會燙手，好鐘意。裝修亦都唔錯，燈光好柔和，而且佢地播d雀聱，好舒服。叫咗牛肉、蘿蔔糕、麻辣燒賣、蒜茸蝦春卷、櫻花蝦腸、鳳爪同埋菜苗餃。櫻花蝦腸煎得好味，好香，唔多油。蝦好脆，唔係平時食的蝦米腸般，平時食既蝦米腸好"淋"。麻辣燒賣，唔好食，以為真的麻辣，點知一d 麻辣都冇。蒜茸蝦春卷，皮太厚，唔得。其餘都係一般般，冇特別。侍應唔主動加水，唔係咁好。…Read More

夜晚同屋企人去咗呢間試菜，其實都開咗一段時間，但係尋晚先至想去。叫咗個2人套餐同埋一個set dinner。 我地坐下層,但係舖既格局唔好,太窄,連轉身都有問題。 先黎一杯泡沫檸茶，初頭飲落好酸，之後都接受到。之後係迷你蕃茄湯螺絲粉，媽媽話好好食，蕃茄湯真係熬出黎ga，酸酸甜甜好開胃。小食係煎雞軟骨餃子，一口麵包(花生味)，飯係薑飯(但係我唔記得咗叫咗咩餸)，仲有個木糠雪糕。 餃子得4隻,可能我地3個人食,變咗唔係好夠,而且煎得唔係太過好食。個薑飯真係好辣,好多芝士,真係好落本ar。一口麵包我揀咗花生味,濃濃的花生醬,真的好香。我始終都係鐘意花生醬配麵包,比起其他,花生醬好食好多。甜品係木糠雪糕二重奏,過甜,敗筆。整餐飯都好抵食,而且蕃茄健康,值得推薦。…Read More

已經好耐冇黎了，早上媽媽說這間原來拎金茶王優異獎，趁著自己放4天假，於是與家人去了個tea。 這是一間很普通的茶餐廳，讀書時期已經開業，轉眼都十多年了，提供是一些普通的食物，但附近因為有兩個學校，學生們多數都會幫襯，原因是真的十分就腳。而且位置舒服，那裡是錦石新村，是村屋群，環境清幽。 餐牌上的，真的十年如一日，很懷念！媽媽叫了豉椒排骨飯，我叫了咖哩肉片飯，弟弟叫了沙嗲雞扒米線，當然，既然擇了「金茶王」(雖然係優異獎)，都要試一試奶茶。 茶餐廳食物普通，不用多作介紹，只寫奶茶。奶茶真的很滑，很香，很濃，唯一不足之處是茶味重，茶多奶少，不平均。 閒時來歇歇，真的很寫意。…Read More

見完工再出旺角，出到去先知自己拎漏咗嘢，所以變咗要下次先去到，見肚餓就去咗附近食午餐。黎咗呢度食，主打越南菜，平時次次夜晚經過都會見爆哂入唔到去，今次lunch比較少人，所以我入黎試試。 我叫咗個set lunch，炒金邊粉。炒粉一定會落好多油，我好唔鐘意，好似食成口油咁，但係今次食就唔會，可能我少食，加上調味好正，好鐘意。鹹檸七太淡，一d 都唔鹹，唔係太好飲。裝修有d 舊，當然，人地專打老字號招牌。…Read More

同舊同事飯局，下半場同事原本介紹糖朝，但係去到佢差不多關門，我見到隔離又有一間新開，所以試下。張單我唔記得影低，所以其餘兩位我唔知叫咗d 咩嘢食，我只係記得其中一位叫咗哈蜜瓜砂冰，我就叫咗個奇異果砂冰。佢係鮮榨，裡面果肉唔算話太多，所以唔係好酸，麻麻地，(我鐘意酸)，而且真係好多冰，勁凍，某程度上因為佢太冰，味道偏淡，變咗唔係太好飲。但係我好鐘意佢既裝修，好relax，好想坐好耐………Read More

每次經過大河道,我都諗住入去食,但係裡面長期滿座,所以今次我無論如何都會試一次。裡面有5款set dinner，男友叫咗焗香草汁吞拿魚意粉，我叫咗露荀鮮蝦雜菌炒飯。炒飯唔多似炒，冇鑊氣，露荀唔爽，有少少鹹。意粉香草味過重，太過刻意，不過冇搶到吞拿魚既味。意粉焗得麻麻，芝士冇拉出黎0個種好滋味既感覺(有睇pizza hut既廣告應該知道我講乜)我有d 失望………Read More

今次因為要送弟弟去上武術堂，我地早咗到，所以我地食咗嘢先去。我地去咗呢間食，想食好耐ga la，今次有機會去一次。叫咗個黃咖哩豬扒飯，細佬唔肚餓，所以叫咗個個香蕉薄餅。黃咖哩少少辣，有椰子味，甜甜的，有一陣陣椰香，好香口，唔好以為個飯好似好細，其實都有返咁上下ga。香蕉薄餅唔會太甜太漏，份量好多，好好食。…Read More

今次我係第二次去呢間度食，必叫酥皮焗叉燒包，仲有蝦餃、鳳爪、沙嗲牛肉春卷、鮮竹卷、免治牛肉腸、陳皮牛肉球。我覺得佢地既招牌菜唔駛多介紹，今次另外揀鮮竹卷，多汁、蒸出黎唔多油、新鮮。反而我想講佢d 麻麻地既嘢，係佢地既沙嗲牛肉春卷，我覺得完全唔夾，沙嗲牛肉係好淋，我覺得春卷應該夾d 爽脆既食材會好，而且味道唔爽。牛肉球今次麻麻，可能冇乜喼汁，有d 乾身。另外，我想講佢既服務態度，我知……星期六係好多人，佢地要入人入得快，但係都唔係仲見我地仲有嘢未0黎就安排3個人入黎law，就算出面既姐姐真係唔知，見到我地仲坐係到都唔係咁安排ar！！乜食客唔可以加單叫多一兩樣，呢樣我覺得應該要檢討下！！…Read More

去咗呢間食團購,大約12：30pm到達,唔知係咪剛剛開舖,一個人都冇,得我同男友,坐低之後,佢地就俾好多肉我地燒,有牛肉,豬肉,另外自己叫金菇,雞翼,青口,勁多,但係未解凍,唔掂。而且又唔抵,食飽咗唔駛點其他,咁都得有少少欺騙成份…………壽司刺身都過得去,凍身,算係咁!!但係我下次唔會再到law……………Read More

同男友慶祝生日，男友姐姐提議去如心廣場既酒店試下，咁我同佢就揀呢度試食。 入面環境一流，然而不算闊落。首先一入到去，就是20多人的大枱，大枱上放了船等擺設，形成一格。我地坐係近窗位置，居高臨下的感覺，一纜無遺。但係揀食物既地方就好似差dd，好少位，令人感覺上好似好少嘢食。 食物方面就不過不失，刺身得三文魚同埋吞拿魚，係切哂出黎，尚算新鮮，但唔多凍，口感唔得，太細件，而且我見冇人「喪」夾，出得比較慢，印象麻麻。壽司多款，而且唔會同刺身撞。冇生蠔，得青口同蝦，青口乾淨，以雜果汁調味(我指係綠色罐頭0個隻)，棄坊間既「海水味」，酸酸甜甜，ok ar。熱燻我食咗意粉、咖哩雞、牛月展、疑似魚腐(因為夾0個陣時冇留意係d咩嘢)，第一次食牛月展，唔評論。咖哩唔算辣，但係接受到。意粉過碎，遑論好吃與否。男友叫咗碗河粉，接受到。甜品由於近半年先開始接受，所以唔識講，但係總體外形美觀，味道可口。…Read More

因為團購既關係，今次黎咗呢間食嘢。之前已經食過一次，不過不失，但男友覺得麻麻，今次因為平，所以再黎食多一次。 我地個餐牛油拉麵、黑豚肉定食、鴛鴦薯餅、日式餃子、蝦沙律。唔知點解仲係覺得呢間既飯係好食過拉麵，呢次亦都唔例外，牛油拉麵貴為「招牌」，但係我覺得質素麻麻，得一塊肉，湯底加埋牛油太黏，飲落去唔得清，豬骨湯唔似豬骨湯，好難食。相較之下反而豚肉飯好食d，口感尚算ok。鴛鴦薯餅係用番薯整ga，因為我唔係太鐘意番薯，所以覺得唔好食。日式餃子皮薄，香口，但係以平日既價錢稍為貴，而且質素坊間多的是。…Read More

每次去荃灣都未正式入去食一次，今次便專程入去試下ar。 叫咗招牌餃子、招牌鍋貼，我叫咗牛肉麵而男友就叫咗新竹米粉。我好鐘意食招牌餃子，好有口感，椰菜同埋豬肉剛剛好，皮也薄，好鮮。招牌鍋貼都係，不過我唔食得炸嘢，所以比較少食。男友既新竹米粉湯底清甜，米粉彈牙。我食牛肉麵，紅、白蘿蔔湯底清甜帶辣，牛肉爽口不過捻，我只飲湯，有d 哽喉，但係加埋佢配既酸菜、蔥花、芫茜，中和牛肉麵既辣，完全唔哽喉。下次我會再黎。…Read More

難得很久未同朋友聚會，雖然冇乜錢但都要出黎一次，今次朋友選擇黎呢間。 上到去約8:00pm，已經有一堆人係到等緊，原來係等入座，同一時間一齊入座，第一次，有好有唔好，我接受到。一看點餐紙，真的有200多款，很多選擇，good！叫了冰鎮刺身、壽司、酒煮蜆、天婦羅、菇類等等。最欣賞的是刺身，次次叫都係冰鎮，夠哂凍。卷物唔得，好散，同埋料太少，外型似「卷」，有d 欺騙成份。天婦羅太普通了，雖則唔多炸粉，但亦都唔香口。蜆size ok，入味。其餘的普普通通，過得去la。…Read More