deborahdic's Profile

行到好攰想揾個地方坐吓，揾到呢間真係好正。成間設計好舒服，可能7點幾夜晚又少人，靜靜地休息吓。好多大梳化好好坐。環境一流。叫咗杯海盐朱古力，加埋個柚子mousse，享受一下。間中都要對自己好啲。…Read More

朋友介紹夜晚嚟食試吓，估唔到原來近近地公司都有間幾好食喎。叫咗個焗田螺，冇平時啲放底既薯蓉但個面焗到脆脆咁，好香口，田螺又多汁，係好食。如果想點埋啲汁有面包跟既。主菜叫咗牛rib eye，牛肉好淋又香，朋友話試最簡單既先最試到間餐廳好唔好功架。睇嚟呢間既料真係唔錯，牛肉好味好滿意。可以加個鵝肝，好好味！！配菜叫咗菇都唔錯幾多。另一主菜係菌既扁意粉，味唔會太濃，啲汁都啱啱包哂啲面幾好。飲品叫咗杯grapefruit martini好特別，有果香，成個百香果切咗一格放喺度，睇外形已經開心咗。飲落都果汁同酒平衡得好好，係好味既cocktail.總括而言可以試同再食。不過就唔平都係特別日子先再嚟啦。…Read More

間店喺深水埗細細間唔起眼，但試過就知係用心製作。装修，點餐紙都好特別。首先食咗個蕃茄沙律。簡單菜式但好驚喜。味道唔係平時食到既配搭仲有啲紫蘇葉絲，好香好味。再點咗燒青椒仔同燒茄子。都好好味燒得剛好。係茄子既芝士多少少鐘意比較濃味就啱晒，但整體味道配搭加埋味噌味，同茄子本身好入味燒到好淋，好味。最後有個明太子雞丼，雞肉上一層明太子再燒咗個面好香。仲有彩色配菜見到都開胃。整體都好味。係啲雞肉似啲包裝肉，如果係店自己整自己燒既雞肉應該會好味啲。全餐都唔錯,服務都好好。下次再去試埋其他野食！…Read More

之前食過咸豆漿豆花都好味所以今日經開期待去食。點知差咗好多。個咸豆漿完全冇豆漿味，加咗唔知水定湯既物體。以前有好多唔同層次味道既配料，依家只食到最多係咸酸菜，想蓋過冇味既豆漿。冇咗好味道平衡。失望。…Read More