大胃啤 's Profile

今晚等埋朋友放工翻到黎天水圍先食晚餐，聽講天水圍頌富商場開左一間唔錯既日本餐廳，而且食物種類，選擇多，任君選擇，無論你中意食生既定熟既，都可以滿足到你啊！呢度有日式既刺身類食物，而亦都可以打邊爐，各款拉麵飯類套餐都有得選擇。但中意食壽司刺身既我最後都係簡左呢度廚師推介既天鳥特選大大粒魚生飯。呢個魚生飯名副其實啊！d魚生又大粒，種類又多，又夠新鮮，有 雜錦魚生，三文魚子，馬糞海膽，碎蔥拖羅，實在係好豐富，好滿足啊!…Read More

呢間位於屯門建生裝修得好骨緻既盤子工房，地理位置方便，係正輕鐵站隔離，環境又好靚，讓我彷如置身外國，呢度可以試到各款口味既熱狗，味道重要好讚添啊！企係門口已經流哂口水，熱狗勁大條，一定爆滋味！既然今日早醒左，一於嘆個正正早餐！ 所以就黎到呢度食早餐啦！因為自己本身幾中意食辣，我就簡左呢個名好得意既是辣的肉醬熱狗配薯條餐。距呢個自家製既醬汁真係好好味，辣度適中，分量又夠，同熱狗句勁相襯，薯條炸得香脆，撒上大粗鹽，中有茄汁。另外再加多一杯士多啤利特飲，可以自選2款果肉， 啖啖簡甜，啖啖果肉，今日呢個早餐夠曬豐富啊！…Read More

今晚同屋企人去咗天澤商場千葉鳥食飯。 呢一間店嘅環境好靚 ，有卡位 ，亦都有散座，越多人去就可以坐卡位 ，一黎到店員就即刻斟杯茶畀我哋， 佢哋嘅茶好香濃， 係玄米茶， 配合魚生食係最適合嘅！喺食緊飯嘅期間店員好有禮貌幫我哋斟茶。我哋叫咗個三文魚親子魚生飯， 一整列嘅三文魚再配一葉嘅三文魚子 ，仲有酸薑 ，同埋芥辣。 三文魚顏色鮮豔， 肉質肥美 超鮮甜，而且營養價值豐富，有豐富嘅奧米加三脂肪酸， 另外三文魚子亦十分新鮮， 鹹鹹地 ，少少嘅份量已經足以送曬全碗飯， 另外酸薑亦都醃得啱啱好， 好好味！另外我哋亦都叫咗牡丹蝦刺身四隻， 佢係80蚊一份，一份有兩隻，呢一個牡丹蝦都好大隻， 你睇下我圖中嘅相 ，拉長嚟睇都大概有15 cm， 相傳牡丹蝦嘅營養價值比其他嘅蝦高十幾二十倍 ， 所以我覺得佢係貴得物有所值，加上味道係蝦中最鮮甜嘅，肉質係最肥美嘅，口感亦係最佳嘅！所以我哋就叫咗牡丹蝦刺身！…Read More

今日同朋友一齊去到元朗行街，行到攰攰地就去左starbucks，試咗呢杯朱古力紅茶伯爵啫喱， 呢杯飲品係屬於starbucks嘅忌廉係列嘅，價錢雖然有啲貴，但係真係好好飲，紅茶味同朱古力味好濃，好夾，杯底下面嘅啫喱係用伯爵紅茶整嘅，好有特色，好特別，我仲要咗多cream，仲喺cream上面加咗勁多朱古力粉，正!…Read More

於元朗行街, 小食係不可或缺的, 元朗好多美佞街, 只見有一間美食特別多人, 排哂長龍, 心想呢間應該唔錯, 大家都似乎好捧埸, 最後決定一試小食到底有幾大魅力。掛左好耐, 終於輪到, 覺得好幸福! 10 蚊10粒, 感覺上好抵一望其實原來真係唔太抵, 實在太細粒, 每粒只有7仔魚旦的3分之1, 10粒好少。個人覺得7仔無論邊樣都比佢優秀。味道好辣, 一D 都唔香, 只有辣, 食完嘴唇好痛, 真係唔太好味, 我唔太喜歡呢間的魚旦, 唔明白點解咁多人排隊買, 有D失望。…Read More

頭盤就系呢只大紅乳豬啦，皮燒得好趣，豬肉就好嫩口，食落唔膩，而且我覺得潮州城酒樓呢度既小菜好好食，而我最中意既小菜就系呢碟酸菜啦！又爽口又酸甜，好開胃！ 中秋節公司請食飯，去左呢間位於尖沙咀既潮州城酒樓，望落菜單就好豐富啦，唔知味道系點呢！仲有我覺得潮州城酒樓既功夫茶真係好好飲，好甘甜，又解渴又解膩，整體黎講，呢度既菜式都唔錯！ 而呢張菜單入面最吸引既緊系呢盅紅燒官燕啦，估唔到食個中秋飯都有官燕食啊，老細真係好豪氣，官燕熱住食，味道清甜，營養價值豐富，正！ 而呢碟賣相勁吸引既就系菊花石榴雞，西蘭花伴碟，包得好令之餘，入面材料都好豐富，雞同蔬菜味道好夾，又健康！…Read More

[: 今個中秋試左呢個Haagen-Dazs（七星伴月）雪糕月餅一盒8件指定口味雪糕月餅月(包括: 1件士多啤梨雪糕配玫瑰荔枝紅桑子流心)星(包括: 1件朱古力、1件比利時朱古力、1件呍呢嗱、1件芒果、1件士多啤梨芝士餅、1件曲奇呍呢嗱、1件焦糖脆餅)Haagen-Dazs既雪糕月餅固然系好味，但價錢亦都唔可以睇小，真係好貴！ 真心講句，每一隻味道都好好味，特別系呢個最大既士多啤梨雪糕配玫瑰荔枝紅桑子流心雪糕月餅，入面有大大粒既士多啤梨干，酸酸甜甜真係我既摯愛啊！！ 比利時朱古力味既都好正，朱古力味好香好濃啊！1…Read More

最近7仔出左幾杯唔同味道既鲜奶咖啡，重要以10蚊作為推廣價，今日翻工早到左，就決定去7仔買翻杯飲下先。其實我最感興趣，最想試既系紫薯鮮奶咖啡，但一早去到，7仔職員竟然話無曬紫薯味既鮮奶咖啡，要聽日先有，但一場黎到，又想買黎飲，最后就買左杯櫻花味既鮮奶咖啡黎試。 呢杯櫻花味鮮奶咖啡飲落咖啡味還算濃郁，有淡淡既鮮奶香味，但櫻花味相對黎講就稍有遜色，味道好淡，幾乎無咩，而且原來櫻花味只是一種不太討好既味道。今次試完櫻花味，期待下次試埋紫薯味，希望唔會令我失望啦！…Read More

今日朋友生日為佢慶祝, 買左一個特濃抹茶蛋糕， 抹茶鏡面, 閃令令, 會反光 , 其實就係特濃抹茶醬包圍抹茶味蛋糕, 蛋糕口感綿軟, 香濃抹茶味填滿口腔, 抹茶控至愛 ! 唔好睇佢SIZE 細細, 4 個人都食唔哂, 蛋糕好味, 細細件已經可以品嚐出滋味。店鋪好靚, 好高貴的氣質, 唔同味道蛋糕一列排開, 真係會有少少選擇困難症。所以挑選要堅定, 因為會失控想買哂佢黎食! 中送左支 金色巨大蜡烛, 夠哂氣氛! 心滿意足!…Read More

一芳粉圓鮮奶茶, 茶香奶滑, 奶茶味香濃, 都幾好味, 都幾多人買。包裝得幾靚, 好FRESH 咁! 中杯SIZE 已經很足夠, 飲哂已經好飽。最值得推介的係他家的粉圓, 粉圓好可愛, 超細粒, 但又不失咬感 , 粒粒柔軟, 好滑。每一粒都係透明的, 細粒的優點就係確保每一粒都係熟的。 珍珠SIZE 大的, 中間會不熟 , 影響口感。而呢個唔會, 非常中意。每啖奶荼都可以吸到10粒珍珠已上, 好滿足, 珍珠對成杯奶茶影響什大, 好珍珠就會為奶茶加分!…Read More

今日返工有人請飲嘢話，佢去一芳買飲品， 我揀咗個水果茶，真係成杯都係水果！不得了！入面水果好多，有橙呀，蘋果呀！ 成杯嘅主要構造就係百香果！ 因為有百香果嘅存在，成杯果汁都見香，好有fresh嘅感覺！ 百香果係好酸嘅， 但係呢杯飲品入面酸度適中，飲完之後，仲可以開蓋食入面嘅水果，都可以食曬，因為佢全部都係一片片好薄，同埋好細嚿可以一啖一口 ，都幾好味！…Read More

譚仔三哥食米線， 叫咗兩碗淨米， 叫淨米係因為覺得其他嘅菜冇乜特別，比較想食其他嘅小食，叫淨米的話 ，就可以叫其他小食啦！ 同朋友share咗一碟麻辣豬耳送米線， 豬耳有分兩隻味一隻係重慶風味，一隻係麻辣風味 ，個人偏愛麻辣風味 ，所以就叫咗麻辣味！其實譚仔三哥嘅米線真係唔錯！淨係清湯已經好有味， 加上佢另外有芽菜同埋韭菜，可以自己叫多芽菜同韭菜㖭!麻辣豬耳真係勁好味, 醃得好飲味， 但係對於我嚟講有啲辣，所以送麵啱啱好！…Read More

今日同朋友一齊去到元朗行街，行到攰攰地就去左starbucks，試咗呢杯朱古力紅茶伯爵啫喱， 呢杯飲品係屬於starbucks嘅忌廉係列嘅，價錢雖然有啲貴，但係真係好好飲，紅茶味同朱古力味好濃，好夾，杯底下面嘅啫喱係用伯爵紅茶整嘅，好有特色，好特別，我仲要咗多cream，仲喺cream上面加咗勁多朱古力粉，正!希望多d新款，可以多试新野，今次呢个好吾错，会再饮呀!！！！！！！！！！！！！！！！！！！！！！！！！…Read More