garfieldcat000's Profile

秋天涼涼哋，緊係約friend食燒肉聚吓啦！今次揀咗安平燒肉食日本A4+和牛🤭，餐廳環境舒適，燈光柔和配上天燈嘅燈籠，感覺超正。抽風系統強大，食完都唔會有一大陣燒肉味，I like it🤣。我哋揀咗Lv4 日本A4+和牛饕宴，成個餐牌嘅食物都可以點。入座後，職員送上安平慢熬清雞湯，用咗個超精緻嘅茶煲同小茶碗盛載，個雞湯雞味超濃，好好飲！除咗可以食燒肉之外，仲有個壽喜燒鍋添呀！超正！啲薄片日本A4+和牛，牛味香濃，肉質嫩滑，湯底都好好味，推介呀！燒肉肉食推介：日本A4+和牛、日本A4+醬燒一口和牛丁、澳洲M8和牛肩胛、極厚切檸檬牛舌等，A4+和牛，油脂均勻，入口即溶，滿滿嘅和牛味！📣極力大推 ～極厚切檸檬牛舌，牛舌已預先慢煮6小時，再配以秘制醬料調味，送到檯上，每邊燒2分鐘，燒晒4面，就食得架喇！仲有細心位，比埋個漏斗⌛️幫你計時，燒好後，職員會幫你厚切，woo…熟度啱啱好，外脆內軟又彈牙，超好食😋。海鮮推介：炙烤霸王蝦 (鹽蔥/黑蒜油)、炙烤白鱔配海苔、安平赤魚一夜干等等……。霸王蝦2種味都好特別，啲蝦超大隻又彈牙，我就好鍾意鹽蔥味。炙烤白鱔非常肥美，燒到外皮脆卜卜，魚肉又滑又有口感。除咗用QR Code落單外，仲有自助任選區，有台灣地道小吃、特色手搖飲、蔬菜、湯品、安平櫻花蝦拌飯、沙津、手工拌麵、甜品、雪糕等等。安平櫻花蝦拌飯區有櫻花蝦、香蔥、海苔、秘製的滷水汁可自行調配出獨特嘅拌飯。醬料專區有超多款醬汁選擇：招牌黃金醬、 薑味可樂醬、香水檸檬汁、海鮮五味醬、香辣烤肉辣椒粉、蒜味鹽醬、極上醬油、沙茶醬、台灣甜辣醬、手切蒜片、安平辣椒醬、泰式海鮮醬、椒麻口水醬、柚子醬、鹽蔥醬、芥末，總之你諗到嘅，有，諗唔到嘅都有🤣。飲品方面，除咗汽水仲有韓式飲品、台式飲品、冷泡茶飲之外，食燒肉梗係要啤啤佢啦，日本A4+和牛饕宴或澳洲M8和牛宴包任飲Sapporo和Somersby兩款酒，另外仲有安平特調嘅雞尾酒，鍾意飲雞尾酒嘅你就唔好錯過啦。如果你係食SRF極黑牛餐或安平好康之選，每張檯每位+$68 都可以任飲Sapporo和Somersby。—————————————————————Lv4 日本A4+和牛饕宴星期一至四 成人$498 長者$398（19:30前離座$438 / 21:00後入座$468）星期五至日 成人$518 長者$418（19:30前離座$458 / 21:00後入座$488）另+10%服務費—————————————————————安平燒肉最新優惠早一日經INLINE訂座及惠顧 Lv.3套餐 加送 [二選一] 精美食材拼盤！- 1️⃣日本A4+和牛拼盤 (包括日本A4+和牛 + 和牛一口牛丁 + 壽喜燒)- 2️⃣海鮮拼盤 (包括白鱔 + 霸王蝦 + 鮑魚)- 二人送一份、四人送兩份，如此類推。…Read More

一向鍾意食牛扒嘅我，今日千里迢迢去咗北角食一間高級人氣扒房嘅阿根廷牛扒。未入去喺出面廚窗，已經見到一條條嘅牛扒喺度等緊我🤭。呢間扒房嘅Dinner Set只係$398/位，餐湯、前菜、主菜、配菜同甜品一應俱全，而且星期一至四仲有「買3送1」優惠，可惜今次我哋只得2個人，下次一定要夾夠4個朋友一齊，先至最抵！前菜方面，「阿根廷檸汁醃蝦」超級開胃，蝦肉爽口彈牙，搭配青瓜、車厘茄等配菜，清新又解膩；「生牛肉他他」亦好出色，口感滑嫩細膩，咬落滿是牛肉獨特嘅鮮甜味，配埋脆卜卜嘅香草蒜茸包，滋味十足。主菜揀咗兩款牛扒，「封門柳」肉質軟腍、肉味濃郁，牛肉味重；「肉眼扒」則有豐富油花，肉質香嫩多汁，廚師仲會喺牛扒底放一支迷迭香（rosemary），香氣完全滲入肉內，勁香又好食。配菜「香蒜炸薯條」外層酥脆香口，咬開內裏鬆軟，仲伴隨濃郁嘅大蒜味，點停得口啊😂；重點推介就係「大蒜松露馬鈴薯泥」，馬鈴薯打得非常滑溜，食完真係想再叫多個！前菜阿根廷檸汁醃蝦生牛肉他他主菜封門柳肉眼扒（+$98）配菜香蒜炸薯條大蒜松露馬鈴薯泥甜品焦糖布丁麵包布丁另加10%服務費…Read More

今日約咗2個閨蜜，揀咗一間坐得舒服，又氣氛好嘅餐廳見面。餐廳裝修採用木系設計，室內環境相當寬敞，附有大壁畫、小木櫈等打卡位，裝修精緻，氛圍感十足，最啱三五知己或者拍拖約會。2:30時間去到，有lunch set亦都有tea set選擇，叫咗2個lunch set牛肝菌雜菌意大利飯、紐西蘭肉眼扒配薯菜（8安士）、追加黑松露薯條 ，1個tea set 迷你下午茶拼盤、香煎法式鵝肝多士一齊食。迷你下午茶拼盤，只係$78就有自家製蟹肉餅、吞拿魚他他撻、黑毛豬火腿、明太子蒜蓉包，我勁鍾意佢個明太子蒜蓉包，好食又開胃。牛肝菌雜菌意大利飯，牛肝菌獨特嘅香氣同多種菌菇嘅鮮味，有豐富嘅層次感。紐西蘭肉眼扒，肉質細嫩，牛味濃，唔會太多脂肪。黑松露薯條超香脆。法式鵝肝多士油香味十足，配上多士絕對可以解油膩感。叫咗lunch set可以追加甜品，我哋叫咗阿法卡朵雪糕咖啡、雪糕配朱古力焦糖窩夫同焦糖燉蛋。甜品裡面我最鍾意阿法卡朵雪糕咖啡，將香醇嘅Espresso加入涼透心嘅雪糕面，甜與苦之間剛剛恰到好處，真心正！Lunch set 牛肝菌雜菌意大利飯 $78紐西蘭肉眼扒配薯菜（8安士）$148追加-黑松露薯條 $28阿法卡朵雪糕咖啡 +$28雪糕配朱古力焦糖窩夫+$35焦糖燉蛋+$30香煎法式鵝肝多士（3件）$228Tea Set迷你下午茶拼盤$78…Read More

趁住暑假，就帶啲囡去食甜品，開心吓，之前喺虹橋經過好多次嘅甜品店，今次終於成為我哋嘅目標😆。我哋5:00去到，去到啱啱好仲有一張枱，唔使等，仲要仲有下午茶🤭。甜品店入面有好多卡通貓貓嘅畫、裝飾，每張枱又會有啲貓貓咕𠱸，好得意呀！忍唔住係咁影相😂。餐廳環境簡潔舒適，見到咁多貓貓嘅裝飾，真係未食先興奮😍。打開個Menu，一啲都唔貴，仲要有小食食，攪到樣樣都想食添😂，本來一睇，我就好想試吓佢個窩夫，因為見到檯檯都叫，勁大份又好厚，但係因為我想試多啲唔同嘅嘢，所以我決定留肚🤣，下次有機會一定要試吓。今次叫咗4個甜品、3款小食都只係$305。椰皇榴槤飄香（凍）$68有一個椰皇鮮奶燉蛋白，跟著另外分開一碗馬來西亞D24榴槤肉、椰果及椰汁，個D24榴槤肉超香，仲要份量好多，超正！-芒芋之戀$44芒芋之戀有台灣粉粿圓、迷你小芋圓 、鲜芒果、西米露，芒果又香又甜，成個配搭冇得輸👍。-榴槤忘返（D24)$58榴槤忘返有D24榴槤肉，海藻珠、西米、椰果、榴槤雪糕，呢個配搭食到停唔到口，D24榴槤肉超香甜，海藻珠脆卜卜，一咬就爆開，呢個榴槤忘返有齊我最鍾意食嘅嘢😍，下次要再食。-綜合芋圓涼粉$41綜合芋圓涼粉有三色芋圓、小丸子、蘆薈、椰果、紅豆、西米、椰汁涼粉底，唔會好甜，芋圓好Q彈。-下午茶 - 瑞士雞翼（3件）$18瑞士雞翼，好juice。-下午茶 - 牛油香蒜雞翼（3件）$20牛油香蒜雞翼，超香牛油味，雞翼好大隻。-小食拼盤 $56小食拼盤有炸雞軟骨、鹽酥雞粒、炸燒賣、炸薯條，啲炸物炸得好乾身，好脆，一大碟，好抵食。整體嚟講：價錢唔貴，有小食、又有甜品，本人好鍾意。店鋪資料 🏢: 嘆甜品（屯門）地址：屯門青菱徑3號東威閣地下G02號舖…Read More

生日飯月又開始，朋友知道我鍾意食和牛，就同我去食日本和牛A4+邊爐放題，等我食餐飽🤭。今次去咗牛大人度食，叫咗日本黑毛和牛A4+放題，每位送咗2粒澳洲M9和牛牛丸同海鮮拼盤。今個月有新主題「經典重現，復刻體驗」，所以有2個新湯底：「聰明魷魚沙茶鍋」同「養生菇菌燉雞鍋」。我哋揀咗個鴛鴦鍋，一邊係聰明魷魚沙茶鍋，另一邊係雪白御鮮豆腐鍋。「聰明魷魚沙茶鍋」用沙茶醬配芝麻醬做基底，再加入鮮嫩魷魚同蛤蜊，令鍋底充滿鹹鮮味！除此之外，仲加入五花肉、櫻花蝦、木魚花片、韭菜同蔥，層次超豐富。特色湯底用天然食材製作，所以我哋梗係先飲頭啖湯，飲完再慢慢打邊爐啦。海鮮拼盤包含生蠔2隻、元貝2隻、鮑魚2隻，仲有1隻巨無霸鮮魷，超厚肉、超正。鮑魚鮮甜，鮮味十足。和牛牛丸彈牙，和牛味濃；日本黑毛和牛A4+油花勁靚，入口超滑，牛味濃郁。另一樣超推介嘅係伊比利亞黑毛豬梅肉——我放咗落鍋度唔記得拎返上嚟，烚咗好耐都完全唔韌，肉質肥美嫩滑、肉味濃郁，超推👍，果然係頂級豬！另外，仲推出咗多款經典小食：蝦蝦霸霸脆多士、日本和牛橘梨伴豆腐、阿嬷豆乾魚蓉麵（麵用香港老字號「永樂粉麵廠」嘅粉麵）。香港老字號梗係要支持，啲麵真係好彈牙、好正！經典小食仲有烏金墨汁手作腸、三和夜市雞皮卷、夜市撈脆薯、海苔鹽酥雞同滷味五香雞胗。烏金墨汁手作腸完全係台灣腸嘅味道🤤，油香味濃，好掛住台灣呀😂。三和夜市雞皮卷用雞皮包住魚漿同豬肉餡，非常酥脆又juicy；海苔鹽酥雞就勁多海苔包住雞肉，海苔控絕對唔可以錯過🤭！我哋Liked & Followed咗牛大人，所以送咗一杯特飲「芒檸蜜西米爽」——粒粒芒果香甜，西米大大粒有咬口，口感好清新。我個friend就叫咗杯港式檸檬茶18+。講到「經典」，香港就非「凍檸茶」莫屬！只不過港式檸檬茶18+係成人版，用錫蘭紅茶+檸檬汁再加伏特加，飲落層次好豐富。我哋個餐可以飲任架🤭：如果食「澳洲極上和牛」，就用升級價$68/位任飲；其他套餐就要單點，$58/杯。最後，緊係要食杯甜品作完美句號，我叫咗杯蜜桃愛玉冰，清新又滑溜，超解膩。收費詳情• 19:30前離座/23:00後入座：$448/位• 21:00-23:00入座：$468/位• 正價時段：$488/位• 任何時段：小童$348/位、長者$378/位另加10%服務費經典主題有效期：由即日起至12月2日餐廳：牛大人（旺角瓊華）地址：旺角彌敦道628號瓊華中心8樓…Read More

兩個女喺網上見到間西餐廳，可以畫碟慶祝生日，就即刻book咗位同我預早慶祝，做媽媽真係倍感高興☺️。場內有多個打卡位，我哋叫咗個Handmade Pizza Set for two，有一個特式pizza、餐湯、沙律同小食，另外再叫咗一個人氣捲捲意粉同畫碟蛋糕。• Handmade Pizza Set for two $398◦ Pizza - 松露牛肝菌雞肉芝士薄餅：Pizza非常香脆，松露味香濃，餡料超多，口感豐富又juice，好好食。◦ 餐湯 - 黑松露牛肝菌蘑菇湯：牛肝菌同蘑菇嘅鮮味完全融喺湯入面，每飲一啖，嘴裡都留有松露嘅香味，夠晒足料。◦ 沙律 - 蘭王蛋素煙肉凱撒沙律：蘭王蛋味香濃，素煙肉香脆得嚟帶少少鹹香，沙律菜新鮮爽脆配凱撒醬，非常清新！◦ 小食 - 西班牙蒜油大蝦配酸種麵包+$78：大蝦吸滿蒜油，咬落鮮嫩彈牙，蒜香濃但唔會搶咗蝦嘅鮮味；酸種麵包超級香脆，蘸埋底層嘅蒜油，超級好食，勁想再添食🤣。• 蘭王松露煙腩卡邦尼QQ捲捲意粉 $158：捲捲意粉QQ彈牙，煙腩嘅油香、蘭王蛋配上creamy嘅卡邦尼醬，完全唔膩，成碟意粉食落好有層次！• Tiramisu 奶蓋巴斯克蛋糕 $118 + 寫字畫碟費用 $35：呢個真係冇得輸，個公仔畫得超神似，靚到唔捨得食，超正呀！仲要送埋新款即影即有相連相架，可以喺相架上寫低送上嘅祝福添。影完相仲可以睇返鍾唔鍾意先印出嚟架！細節位滿分！👍埋單嘅時候，店員仲話而家有兩個優惠，叫我哋下次再嚟試，真係好窩心😆～1. 午市四人同行一人免費：逢星期一至五午市惠顧堂食，四人同行一人免費，仲要全單免加一（以最低價錢的套餐為準，每位客人最低消費一個午市套餐）。2. 身份證號碼優惠：身份證有1、3、6、9的客戶，逢星期一至四晚市（下午五時起）可享有以下優惠：當中包含1個字95折、2個字9折、3個字85折、4個字8折。正到爆，我個女張身份證仲中晒四個號碼添🤭！…Read More

今日終於打卡到間超出色嘅泰國菜！重點係，佢竟然係連續三年攞到米芝蓮必比登推介Restoran Saya姊妹店，未食就已經好期待！餐廳環境真係冇得彈～空間又開揚又闊落，設計仲好新穎，仲有個無敵大海景！坐低食嘢嘅時候，一邊食，一邊望住海景，成個人都放鬆晒！食物價錢親民！晚上八點後入座，所有海鮮都有七折！想平嘢食出高質感，揀呢個時間去就最啱！• 魚露金不換浸花甲 $98超級推介！📣 花甲處理得好乾淨，一粒沙都冇，咬落去鮮甜又爽口，配埋餐廳特調嘅醬汁，超級開胃，惹味又唔會過咸，味道拿捏得啱啱好！• 煎香草比目魚配香茅椰子湯 $158呢款真係驚喜滿滿！魚扒煎到外層香脆，入面又夠嫩滑，放喺香茅椰子湯上面，吸晒湯嘅椰香。椰子湯仲好特別，有少少冬陰公嘅香味，但又帶住椰汁嘅清甜，同魚扒真係超夾！• 咖喱蟹汁炒蝦 $208唔太食辣嘅朋友，呢款一定要點！咖喱汁香濃帶住淡淡嘅甜味，完全唔會太辣。大蝦炸得好乾身，咬落去外脆內嫩，冇半點油膩感，蘸埋咖喱汁食，正！👍• 虎蝦炒金邊粉 $128配料好靈活，唔想食虎蝦仲可以揀海鮮，好體貼！金邊粉炒得乾身，唔會好油，每條粉都吸晒醬汁，味道唔會太酸太鹹，口感又夠彈，超好食！• 沙嗲雞串配烤多士 $48/2串呢個價錢真係抵到爛！好耐冇食過咁正嘅沙嗲串嘞，沙嗲汁味道好香，又唔會過咸，雞肉嫩滑，配埋脆卜卜嘅烤多士，點可以唔比滿分丫！😍• 芒果糯米飯 $68芒果糯米飯係泰菜必選甜品，芒果甜到入心，完全係泰國本土芒果嘅味道。糯米飯粒粒分明，煙靭得嚟又有咬口，配埋椰汁，椰香同芒果香混埋一齊，簡直係絕配！整體嚟講，今次呢餐非常滿意！從環境到服務，再到每一款菜式，都冇得挑剔，想食高質泰菜嘅朋友，快啲約埋屋企人朋友去試下啦，唔會失望㗎！👍…Read More

荃灣大鴻輝一向都多嘢食，朋友話嗰度有間好抵嘅香港地道火鍋放題，仲有和牛食🤭，今次就試吓佢，睇佢有幾地道🤣。我哋6:00左右去到，原來7:00前埋單有優惠，哎吔，早知早啲去啦😂。我哋揀咗D餐任食日本黑毛和牛A4+ $338，有12款湯選擇，竟然有沙爹牛肉湯底，真係好地道喎🤣，我哋加咗$50叫埋個鴛鴦鍋，揀咗金湯椰子雞鍋。職員介紹，湯底嚟到，先飲啖湯，再打邊爐woo!沙爹牛肉湯底好夠味，啲牛肉仲好好食。金湯椰子雞鍋個湯都好正，啲雞仲好肥美，係我最愛嘅三黃雞呀！自助吧有各式各樣嘅食物，有多款開胃涼菜，涼拌木耳、青瓜、麻油菠菜、麻辣豬耳、雞腎、紅油豆芽等……。冷盤：鮮甜青口、涼拌粉皮、時令水果、翡翠螺、凍甜蝦等……仲有數十款丸類、蔬菜類、粉麵等……，有勁長嘅蟹柳🥰，仲有唔少得嘅炸魚皮、炸響鈴。熟食：豬頸肉、避風塘炸粟米、鹽酥雞、炸地瓜條等……，避風塘炸粟米超好食呀！勁香口👍！啲食物你諗到嘅，同諗唔到嘅，都應有盡有。除咗出去自助吧拎食物外，就係QR Code落單，超推介日本黑毛和牛A4+，唔會好漏，油脂分布平均，好香牛肉味，而同樣係進口牛嘅極上安格斯牛小排同樣出色，牛味濃，有口感。除咗牛之外，我都叫咗脆鯇腩，魚肉非常爽脆，油脂豐富，最愛。串串鮮海蝦都係必推之選，蝦肉爽口鮮甜。飲品方面有大量款式供應，包括啤酒，仲有自家製有營茶，微糖及無糖系列，啱晒飲少甜嘅我，唔飲凍嘢仲可以選擇沖番杯熱飲嘅茶飲。甜品：有原味軟雪糕、糖果配料及多種雪糕杯(da dino,牛奶公司）及雪條選擇。牛奶公司嘅香芋味雪糕杯，我一口氣食咗兩杯，係兒時嘅味道啊🥰，好好食，勁開心。整體嚟講：呢個價錢，無論係食物質素同款式都冇得輸，座位舒適、冷氣充足，下次要早啲去先🤭。另加10%服務費…Read More

今日去咗元朗一間葡萄牙風格嘅cafe chill吓！餐廳牆壁貼滿咗好多紋樣精緻嘅瓷磚、壁畫，好靚，真係嘆咖啡嘅最高享受🤣。餐廳唔單止有咖啡，仲有主菜同埋我最愛嘅甜品。今次叫咗兩個All day breakfast, 飲品同甜品，大啡菇超juice，我加咗$10轉黑松露炒蛋，炒蛋超滑，另外，再加咗$10轉牛角窩夫，窩夫超脆，配上蜜糖🍯，都唔會好甜，好好食，仲有新鮮嘅沙律菜、蕃茄，超健康。飲品叫咗凍朱古力同埋Latte，朱古力唔會太甜，Latte 嘅咖啡味好香濃，好好飲。對於我嚟講，甜品先係主角🤤，今次叫咗開心果巴斯克蛋糕，真係超超超好味，蛋糕唔會太甜，蛋糕面有啲開心果碎同埋奶蓋，配搭得非常夾，一試難忘😍，店員話佢哋仲有生日甜品添，下次可以過嚟再試埋。如果冇去開元朗，都可以介紹一下附近都會有一啲出名嘅食肆同埋景點，例如：「老馮茶居」可以嘆吓茶。如果想去大棠行吓山、睇吓紅葉，附近都有小巴搭去大棠。BRAVA BRUNCHIN $138煙三文魚|牛油果 | 焗豆| 炒蛋| 大啡菇 |香草薯粒|蕃茄| 貝果BRAVA BACON $128香草腸| 煙肉|焗豆 | 炒蛋 | 大啡菇| 香草薯粒| 蕃茄 | 意大利軟包轉黑松露炒蛋 +$10 轉牛角窩夫 +$10Iced Latte $42Iced Classic Chocolate $42開心果巴斯克蛋糕 $78另加10%服務費…Read More

朗屏站附近有好多唔同嘅餐廳，之前食過西餐、清真菜，今次就去食吓有間好平嘅烤魚/雞煲任飲任食火鍋店。平日晚上7:00前離座就$188，所以，今日5:00pm就去食🤭，食物款式多達50款以上，有海鮮（蝦、蟶子、沙硯、沙螺、蠔🦪）、肉類（牛肩胛、肥牛、豬梅片、三黃雞、手打鯪魚球等……）、丸類、蔬菜類、粉麵類（公仔麵、烏冬）、甜品（啫喱、涼粉、布甸、多款雪糕……）、飲品（汽水、茶類、竹蔗水……）、特別令我難忘嘅係啤酒，我覺得呢間餐廳都幾闊綽，我見有好多款啤酒款式（例如：喜力、嘉士伯、獅威、百威），真係飲多幾罐都翻本，可惜我唔飲😂。鍋底有多款選擇，烤魚類（香辣、蒜香、酸菜、蕃茄、藤椒）、雞煲（麻辣、胡椒豬肚雞、椰子雞）。我叫咗椰子雞，鍋底入邊有粟米、椰子、甘筍、馬蹄，好足料。跟咗半隻文昌雞。椰子雞火鍋我食過好多間，但係呢一間食完之後令我念念不忘。湯底非常香甜，加入雞後，有淡淡嘅椰子味道，尤其是放萵筍打邊爐，超好食，入晒味。食完呢隻雞唔夠，仲可以出去拎，出面嗰隻係三黃雞，超級肥美，食咗勁多🤣。呢個任飲任食火鍋材料係自己拎隻碟出去拎食物嘅，肥牛等嘅肉類佢已經分好一盆盆，可以直接拎埋位。除咗火鍋食物，另外都有一啲小食，例如麻辣青瓜魚皮、炸魚皮、響鈴等等……，雪糕非常推介朱古力味同紅豆味，朱古力雪糕有一粒粒朱古力喺雪糕入面。紅豆味雪糕，超級香紅豆味，好好食。有前菜、有主食、有甜品、有飲品，仲有咁多鍋底可以選擇，真係無慾無求🤣。我見人哋啲烤魚都好靚，下次一定要試吓，呢個價錢性價比好高。…Read More

灣仔有間專門食焗飯嘅餐廳，用一個價錢就可以滿足你3個願望😍，如果你好似我咁，飯食得唔多，又好鍾意食多啲款式嘅小食，呢間實啱你。$59有一個迷你焗飯+前點+小食，焗飯及前點每款多達9款選擇，小食都有7款比你揀，我哋今次叫咗鮮茄焗豬扒飯+黑松露醬薯條+炸單骨雞翼4件；白汁芝士焗魚柳飯+鹽味薯條+吉列豬扒；再追加咗羅宋湯、蒜茸包、迷你炸饅頭同藍莓芝士餅，加埋兩杯嘢飲都只係$174，我冇講錯，你冇聽錯，呢啲先真係叫做大件夾抵食。個焗飯雖然話係迷你，但係份量都唔少，仲要多汁，炒飯粒粒分明，鮮茄焗豬扒飯，豬扒好軟熟。芝士焗魚柳飯，魚柳好厚好大件。薯條香脆，吉列豬扒非常鬆化，炸單骨雞翼超好食，辣辣地脆漿又鬆化。焗豬扒飯+黑松露醬薯條+炸單骨雞翼 $59白汁芝士焗魚柳飯+鹽味薯條+吉列豬扒 $62羅宋湯、蒜茸包 +$10追加-迷你炸饅頭 $16追加-藍莓芝士餅$18凍華田+$3凍仙草奶茶+$6…Read More

餐廳喺建生與田景輕鐵站之間，除咗有室內，仲有戶外座位。餐廳裝修糅合咗園林與現代風格，簡約設計+大自然元素，配上落地大玻璃，既有浪漫嘅氛圍亦有清新嘅感覺。餐廳提供多款唔同國家嘅美食，有pizza、意大利飯、即開生蠔等。我哋今次就叫咗主餐牌嘅脆皮德國咸豬手，豬手好大隻，勁脆，送上餐桌時已經切好，肉汁juice，配菜有西蘭花、粟米芯、酸菜同脆薯皇。另外叫咗一個黑松露忌廉野菌意大利飯，意大利飯軟硬度適中，黑松露嘅濃郁香氣同奶油嘅濃厚口感互相平衡。朱古力心太軟配雲喱嗱雪糕，心太軟外皮香脆、切開流出火熱嘅溶岩朱古力，配上一球冰凍嘅雲喱嗱雪糕，正！蜂蜜牛油雞翼雞翼金黃酥脆，表面裹上蜂蜜牛油醬，甜而不膩，肉質juice。脆皮德國咸豬手配蜜糖黑椒汁$178黑松露忌廉野菌意大利飯$138蜂蜜牛油雞翼$52朱古力心太軟配雲喱嗱雪糕$68…Read More

餐廳用波希米亞風格做主題，簡約木系裝修，感覺舒服、寫意。餐廳除咗主食，仲有多款唔同種類嘅小食選擇，叫Set可以用優惠價追加小食及甜品，最重要嘅係📣價錢親民，食物質素高。今次食咗Lunch Set 露絲瑪莉香草燒羊架配薯菜、跟餐湯及飲品，我仲追加咗甜品Classic Tiramisu。喺主Menu叫咗一份美國安格斯肉眼牛扒🥩。羊架用Rosemary調味 ，揀咗Medium ，羊肉保持到柔軟嫩滑嘅口感，油香味香濃。而美國安格斯肉眼扒，都係揀咗Medium，肉眼扒油脂豐富，扒味濃郁，肉質juice香嫩，一個字「正」！甜品係餐廳自家製，都未開始食，望到裝飾得靚靚嘅甜品，就已經好興奮。由浸透濃縮咖啡與酒的Ladyfinger餅乾，放上濃郁嘅Mascarpone忌廉、可可粉，口感層次豐富，融合了咖啡嘅香濃、酒嘅微醺及忌廉的幼滑，簡直滿足我味蕾。露絲瑪莉香草燒羊架配薯菜 $128美國安格斯肉眼扒 $228Classic Tiramisu +$48…Read More

今日帶咗細囡去天水圍西鐵站附近間甜品店食甜品，趁住放暑假得閒啲，緊係要周圍覓食吓啦！喺天水圍輕鐵站後面嘅小路入去就會見到，小店附近有好多好靚霓虹燈牌，係一個好正嘅打卡位，但係因為我下午茶時間去，就未着燈啊，着咗燈應該好靚。喺呢個夏天，我哋屋企已經食咗十幾個西瓜，真係好癲，嚟到甜品店，亞囡都唔放過啲西瓜😂，佢叫咗鮮雜果西瓜盅雪芭配雪糕，我就叫咗餐廳新出嘅特濃焦糖日式刨冰，芒果沙冰。鮮雜果西瓜盅雪芭配雪糕 $70雪糕有幾隻味選擇（芒果、香芋、朱古力、曲奇），西瓜盅嘅水果好鮮甜，有西瓜🍉、芒果、香蕉同哈密瓜，個西瓜雪芭超大，亞囡食完好滿足，好鍾意。-特濃焦糖日式刨冰 $88職員介紹呢一個係新產品，呢個刨冰嘅冰係用日本冰，最頂嗰塊係Lotus焦糖餅乾放喺乳酪忌廉上面，刨冰上面再加咗啲焦糖餅碎，另外跟咗一杯特濃焦糖醬倒落刨冰上食用，雖然佢係焦糖味，但係唔會好甜，刨冰內仲收埋咗一個焦糖布甸，好香滑好好食。-芒果沙冰 $38配上香甜嘅芒果，沙冰內有三色Q果,飲落去好有咬口，有得飲有得食，正！…Read More

今朝去完Cafe、睇完戲，都只係1:00左右，我哋就搭西鐵去荃灣行街，Yoho搭西鐵去荃灣西真係勁快，13分鐘就到，一出閘就係海之戀商場，呢個商場都幾多嘢食，我哋經過見到有間韓國菜都幾多人，所以就入咗去食。Oh my god 午市套餐及午市精選單點餐牌，入邊樣樣都想食😍，老公就話叫囉，最後，2個人食咗勁多嘢🤣。午市套餐-直火現炙牛肋骨 $138蘿蔔香菇湯配4小碟前菜（泡菜、蘿蔔、鵪鶉蛋、蓮藕）、一盆生菜及白飯一碗。牛肋骨上檯時，由職員直火現炙，肉味勁香，又食得又睇得，成個餐勁大份。午市單點-驚喜二重奏頂級肉眼牛排、原味炸雞 $273牛扒放在小鐵板上，聽到鐵板發出的滋滋聲，就好興奮🤣，職員提醒如果唔想太熟，記得要夠熟嘅時候就拎起喇！牛扒好香牛味，好食。除咗牛扒之外，仲有炸雞沙律同埋蝦片，啲炸雞勁juice，食唔停😋，蝦片都好好食。午市單點-醬豬蹄 $273豬啼軟淋入味，膠質豐富，口感軟糯，有兩款醬汁，一款辣一款唔辣，另配上新鮮生菜，所以唔會覺得好油。午市單點-鮮蝦沙律 $123沙律上有6隻大蝦、雞蛋、洋蔥、腰果、青瓜、蘋果、粟米，新鮮生菜，勁多材料，唔會落得太多醬汁，味道剛剛好，超開胃，真係好想講，所有嘅生菜都係好新鮮👍👍。朱古力雪冰 $98朱古力味香濃，唔會好甜，雪冰好綿，雪冰配上朱古力格格格脆及朱古力百力滋，真係完美嘅配搭，一個美味嘅甜品，將今日嘅午餐畫上完美嘅句號。整體：餐廳好大，裝修好靚，座位非常舒適，食物賣相精緻，勁吸睛，無論係兩個人或者一大班人都好適合，食物價格合理好食。…Read More