近期係facebook 見到有朋友share左呢間新開的越南餐廳，大讚d野好有水準，今日一於同两個friends 去試下！我地七點幾八點到，出面已經有人排隊，我地心諗真係甘好味？！好彩等好快就入到去，好似d拉麵甘以吧枱形式設計，可以見到師傅煮野食，成間餐廳的設計都睇得出老闆唔係是但的人😆我地唔知食乜好，於是問老細有咩招牌菜，老闆話"呢到樣樣都係招牌菜"😂😂，最後就揀左一碗越南火車頭河同一碗椰汁酸湯手撕雞扎肉檬，火車頭堅足料，有牛肉牛筋牛丸等，個牛骨湯底清得黎又唔係好似水+調味粉味粉果種，好似話係滾左一日真材實料！椰汁酸湯真係聞名不如試下，一試難忘超級開胃😋😋，唔怪得甘多人都揀呢個湯底啦！我地仲跟餐叫左幾款特色小食，海膽檬紙卷真係甘大個人都未食過😳，fusion 菜永遠帶比人驚喜！新鮮加拿大海膽配左每日新鮮卷的紙卷原來可以好夾，滴幾滴魚露個味道更鮮👍🏻老闆話海膽售完即止，好珍貴😆我朋友是茄子粉絲，點左 蒜椒茄子，即叫即燒，老闆仲特登入廚房燒比我地睇！原條茄子配上蒜椒汁，少少辣得黎又夾到茄子，唔洗講味道，單係睇住燒已經大飽眼福😍最後，就係蒜椒雞翼，其實餐廳主打雞翼有三款既，不過呢，試完蒜椒汁意猶未盡仲想食😂，雞翼真心不得了，外脆內軟，唔知點樣可以燒到d雞汁仲鎖住係雞翼入面，勁juicy！呢間越南餐廳真心掂，可能新開未有好多人認識，不過我覺得以對食物有態度的老闆經營餐廳，同甘高水準又價廉物美的食物，應該好快會排哂長龍😂😂 我下次一定試埋撈檬同其他雞翼😆 大家到旺角廣華街真要去試下，無介紹錯！…Read More
De Viet Son
2016-10-17
The above review is the personal opinion of a user which does not represent OpenRice's point of view.
Like
Dining Method
Dine In
