superornamnam's Profile

真係好失望， 由公司個個同事都話好食，到而家全公司冇一個會幫襯，今日見佢有位畀多次機會佢入去食佢招牌的豬扒肉燥飯，鹹到腎虧，啲飯好硬，好似未煮熟一樣，塊豬扒縮左水，脆就係脆， 嗰個脆口感覺好假，有少許硬，最慘係完全feel唔到佢有肉，絕大部份都係肥膏，咬落去好肥，個感覺好差，真係好咸，好難食，其實成個飯無乜味道，只有咸味總之成餐飯都食得好辛苦，完全無滿足感覺，只覺得好唔抵食，個飯唔係平(便宜)，但超級難食就只食一半，真心覺得好浪費從此唔會再幫襯另外，佢哋好鐘意播歌, 當然可以，但實在太大聲啦，佢越播得大聲，食客講嘢就越大聲，成個場都得一個字：嘈係咪所有台式店舖都係咁？賣珍奶係。呢間都係，想享受下午餐時間都唔得，好似落左DISCO咁仲有，衞生環境方便唔得，張枱好污糟, 好似無抹到咁，疫情下有啲擔心…Read More

經過呢間舖好多次，之前已經想試，但想食嘅食物永遠都話無，唔知係賣晒定係限量發售。今次終於試到了，我買左紅燒牛肉麵、酸辣湯麵、粢飯、兩款生煎包。由店舖返到屋企開餐，相距時間係10分鐘以內，但啲食物已經暖晒，即係唔夠熱。睇返食物，兩款麵嘅湯底都係唔夠色，湯色好稀，好白淨，一睇就知唔正宗，亦唔夠味，食落亦真係唔夠味。粢飯唔得，SIZE已經細，啲料唔夠豐富，啲飯又唔似上海舖嗰種口感，唔識講，總之唔好食，我食到一半就唔想再食。嚟到要等幾分鐘先有嘅招牌生煎包，兩款包嘅賣相都相當醜樣，一啲都唔吸引；個皮好厚，啲餡好少，汁係有嘅，但所有嘢都係分開嘅，即係一咬落去，只食到皮還皮，肉還肉，汁還汁，我囝囝好鐘意食生煎包，但佢食左一啖就唔肯再食。  招牌菜都搞成咁，我越食越失望，以後都唔會再幫襯。仲有，次次經過都見到餐廳大部分枱面上全部都係客人用餐完畢嘅碗碟，無一次見到佢哋有人去執，唔係好衞生囉。…Read More

嗰日食完嘢去櫃檯埋單，畀錢之際後面行咗一個女人過嚟，點知收錢個阿姐完全無視我，轉身搞佢旁邊嘅外賣。原來啲外賣係我後面個女人嘅，又因為外賣入面有一個飯盒，一個湯碗盒，但就用咗兩個膠袋，咁個收錢阿姐就要抽走一個膠袋先畀個女人。但佢啲動作過大，換袋之際就整跌咗個膠匙羹落地下，但最驚訝係佢等收晒錢後，最後才施施然係地下執返個膠匙羹放返入袋，再畀個女人……嘩，我寧願佢唔畀，都唔好畀個跌咗落地嘅我，外賣嘅朋友們真係要小心啲。…Read More

小炒不是碟頭飯，我叫外賣晚飯套餐，滑蛋蝦仁，諗住分別有一盒飯，一盒餸，點知個飯和餸放埋一齊，個餸仲要唔足料，冇雞蛋，成盒飯計埋都唔夠一隻蛋，所有嘢都冇味，完全冇味道，淨係食到豆粉水開嘅，稀到水咁嘅芡汁，失敗中嘅失敗之作，好失望…Read More

今日公司午餐聚餐, 去一間我和同事之前有想過試嘅呢間琛XXX, 因為之前佢哋放咗個餐牌係條街, 即係大廈出面, 吸引咗我哋望兩眼, 諗住有新嘢試但日日係附近返工, 最緊要午餐個餐冇加一, 咁佢冇寫, 啲餐又唔吸引 當然冇幫襯...今日竟然有機會試, 見佢餐牌有牛扒, 即刻想試下......等咗好耐好耐, 終於等咗一份8成至9成熟的牛扒了,  但我係ORDER 5成熟的明知道好多餐廳都會煎到過熟, 但冇諗過佢真係全熟畀我, 唔緊要, 如果佢要當自己係茶記, OK的, 咁就冇必要問我要幾成熟啦, 唉, 仲要話因為人太多, 師傅做唔切, 令我哋全枱都等咗超耐, 起碼8個字(40分鐘)忘記講...佢哋係有自助沙律和湯可以食先嘅, 但.......質數就好差下, 除咗罐頭菠蘿係有味之外, 啲所有湯呀, 甜品等可以用難食嚟形容 , 講返個主菜, 牛扒實在係太堅硬了, 仲要冇牛肉味....正確嚟講應該係冇味...好明顯係未溶雪就立即掉落個鑊度由得它慢慢煎...但師傅叻, 冇煎燶喎...唉, 我真係怕UN胃, 唔使錢食呢餐啫, 都唔好搵命博, 下晝仲要返工架, 胃痛就無謂啦...諗住飲杯凍檸檬茶就急急腳返公司啦, 點知......凍檸茶都等咗15分鐘......飲了幾啖發覺...冇檸味, 又唔凍, 又唔甜, 唔知係咩嘢, 幾個人都諗唔到, 飲唔出...最後決定快走, 急腳回公司飲水! 難為我老闆, 佢介紹我哋去食, 食到成公司啲人都嘴藐藐! 真係冇下次!!其實佢哋真係唔應該做午市, 或者可以做貴嘢, 做返佢哋應有的水準....(如果本來係有的話), 因為我食嘅係LUNCH, 所以唔清楚佢哋晚市係點地方太細太窄啦, 做午市一嚟坐得唔舒服, 啲人出出入入都要前後左右企起身讓位, 畀我哋睇到坐滿都唔多人嘅情況下, 師傅都做唔切, 咁好心就取消個午市啦, 無謂做衰個招牌丫…Read More

係得尖沙咀返工，點都會試到呢間羅勇，雖然已經聽過同事講呢間唔掂，唔好食，平時我哋經過(想試)又見間嘢冇乜人而嚇窒，但最後都入咗去試，嘩，唔試都有期待，一試就超失望，除咗細細碗有泰國feel之外，其他嘢都係差到令我哋即時say：bad list! 我有啲同事食米粉，個味較咸，同埋米粉入唔到味，我哋有幾個食海南雞，啲雞係太婆級嘅肉質，硬到呢，應該是嚡口，堅韌，冇味，總之呢個lunch time 就用咗好多時間嚟撩牙啦…Read More

有日湊咗小朋友去畫畫，諗住食少少嘢當早餐，見間嘢開咗有一段時間就入去幫襯下，點知個伙計(女人嚟㗎)，真係勁想知佢叫乜嘢名，態度差到，好似唔想你留係度食咁，當時我一個人，對面搭咗一個人，佢又望住晒，好後悔仲坐係度食，應該即刻走人，個女人態度差到呢，好好嘅一日都畀佢搞到冇晒mood，very bad，就係因為佢，我bad list咗呢間餐廳，以後都唔會幫襯，仲要唱衰佢，唉，宜家香港，個個餐廳都連鎖式，啲人做嘢差都唔怕，真係戥佢一世做茶記痛苦…Read More

當天晚上6點半左右, 見到餐廳得兩枱客...我地三人點咗特濃豚肉沾面, 豚肉沾面, 超濃豚骨拉面. 上菜時間OK, 超濃豚骨拉面...味道濃, 同我喺尖沙咀食過都差不多, 但唔知點解個湯會唔熱, 而且暖都稱不上....應該說開始凍 所以食到中段, 塊叉燒已經變凍唔好食. 特濃豚肉沾面...好油....好咸...亦同樣有唔熱的情況出現, 唔知係咪因為唔夠熱, 令到個好油同好咸嘅感覺好似飲緊個打完邊爐嘅湯底 ,不過係凍咗嘅.....最好味的湯底係豚肉沾面, 雖然一樣唔夠熱, 但可能個湯底較清一點, 味道唔錯, 其實佢地人流量唔多, 員工多過食客好多...點解唔做好D...我係因為係尖沙咀食過, 便帶家人到銅鑼灣試試, 因為咁啱係附近, 卻...中咗伏! 我諗冇下次喇!…Read More

叫左牛扒餐，塊肉眼扒絕對唔係餐廳水準，只屬茶餐廳水準，但價錢係酒店級別，非常失望。小朋友叫左豬肋骨拉麵，我已經幫佢薄切舊豬肉，但仍然超級唔掂，好硬身，好似煲完老火湯啲瘦肉一樣，食1兩啖已經唔想食，又一啲味都冇，收128，超唔值。牛奶布甸，原本以為點都有樣野小朋友會滿意，點知連個布甸都又硬身，又冇味，仲諗會唔會冇咁甜健康啲，但實際上係冇味。真係睇餐牌上嘅相片同實物差得好遠……好遠嘅一間餐廳，中伏！！！最慘就係，唔好食之餘叫埋單時仲狂sell 會員套票，話左唔要都唔俾張單我埋，不斷sell，唉，都唔會再幫襯，心諗落單又唔見你咁好招呼，仲要漏單，絕對要black list !!!…Read More