比得的個人專頁

今晚行過新城市，見到這間Pizza 店，又無咩人幫襯，店內有兩名店員，其中一名用英文表示要用手機落單，台面亦顯示要登記做會員，用手機登記後，發現不是用來購買pizza，再問另一個店員，佢用廣東話回答可同佢講就可以，但回答冷淡，故此我亦無問多句就放棄買了，以免受氣。…查看更多

香港越來越少好食牛腩，以前細個時周街都好易食到好食的牛腩，但依家即使食到好食的，過一段時間又變得唔好食，相信是餐廳唔肯用靚材料所致。富園最令我欣賞的就是下午茶的金牌牛腩飯，牛腩鬆軟入味，每咬一口均有濃厚的牛味，牛腩汁滲入白飯再加上有兩嚿冧曬的白蘿蔔，簡直滿足味覺之餘，又滿足腦袋興奮，精神為之一振，故此每逢假日均等下午茶去幫襯。雖然服務無咩特別，尤其是收銀嗰個ee，每次比錢都黑晒口面，但唔緊要啦，只要牛腩能夠保持水準就可以了。…查看更多

添好運名大於實，一直想嘗試下是否真的是米芝連年級數，但嘗試完之後發覺比屋邨酒樓更差，而且服務欠佳，叫咗碗粥問侍應有冇胡椒粉，侍應攞咗支胡椒粉來，只比我落一次就收回，不能等我同家人食完碗粥才攞走。佢地啲茶杯用紙巾抹會甩色，問個侍應表示是茶漬，但明顯是個杯甩色，最後個侍應都醒目換咗個紙杯比我哋。感覺上樓面侍應無受過訓練，佢哋直接倒豉油在腸粉上面，有經驗的應該是倒在碟邊。至於價錢方面三個人埋單三百零蚊，算是中規中矩。至於食物方面，除粉果外，其他並無特別出色，與普通酒樓一樣。…查看更多