ivychanchanbaby的個人專頁

預先係Gulu拎飛 一落到去就食得☺️ 限時75分鐘🙂‍↕️ 我叫嘅係200g豚肉片火鍋 加$9蚊有我至愛壽喜燒湯底🥘 另外烏冬要再加$6蚊❣️ 其他配料要各樣額外加錢‼️首次送黎嘅係蔬菜盆🥬🥬 有南瓜蘿白冬菇 同各式菜類 個排陣真係幾靚幾岩打卡🤩 豚肉片後上 而200g嘅份量都幾多幾足夠 如果係女士一個人食 一定夠飽🤰🏻 另外我個餐有雞蛋送埋🥚場內坐位都舒服 但就比較嘈吵 2人用餐通常要搭埋其他人枱😗 服務人員都有耐心幫忙加湯之類 加埋Soda drink埋單一個人around $$$130左右💰💲💸💸 如果有竹輪或者丸類送埋會更好🤣🤣嗯 總結 天氣凍凍地 過下口癮係唔錯嘅😗😗…查看更多

見間野裝修得靚靚地又新開 就入去試下🫢 叫左個豬扒黑椒汁意粉 跟餐有羅宋湯同蘋果汁 加埋一盛惠$90蚊💰講真 人生都好少食到咁難食嘅意粉🤑🤑🤢🫢 啲意粉好似未煮透 好硬 而且個意粉本身質地好差 黑椒汁又唔夠 好似乾食啲意粉咁😥 叫左待應俾多碗黑椒汁又無左件事🥲至於豬扒 就係一塊普通到不得了嘅豬扒 唔特別好食亦唔算好難食🫢個湯都超級難飲🥣 飲左一啖就無飲 蘋果汁就不過不失 但要加$6蚊😌總結 就係應該唔會再幫襯😂 收人$90可唔可以有番啲良心煮好少少🙀💔…查看更多

同朋友慶祝生日😄 簡左呢間西餐 預先係Open rice訂左位 去到餐廳安排左闊落嘅卡位俾我地 非常好👍🏻❣️蘑菇湯 餐包餐湯同餐包普普通通 不過不失 包唔係太夠熱 (定係凍食嘅？)❣️德州燒烤牛肉漢堡 配薯條呢個包非常有驚喜 係我喜歡嘅BBQ味嘅醬 牛肉漢堡扒啖啖肉好香肉味 配料有脆煙肉 洋蔥圈 芝士 同生菜 味道配合得好和諧 食過咁多漢堡包 呢個都值得一試❣️芝麻菜 露筍 牛肝菌 黑蒜 燴義大利飯飯粒分明 煙煙韌韌幾有口感 味道都ok 份量足夠 夠Sauce唔會乾身❣️肉桂奶油Pancake呢個超！大！個！ 絕對值回價格 好香肉桂味 超多奶油醬 Pancake好鬆軟得黎唔係食空氣 可以一試 會超飽總結：性價比算高 食物味道整得ok 卡位坐得舒服☺️😚…查看更多

放假路經開T.O.P 本身想係Food Court食嘅 但眼見個場已經比菲律賓姐姐佔據晒🙈🙈 唯有轉去附近呢間放題店 見有定食set好似都唔錯咁😄 店員話重陽節假期 所以定食要加$15蚊 咁本身佢啲set都幾抵食嘅我就叫左個芝士燒雞丼🍱 加$10有埋沙律🥗 同可以自選飲品一杯🧃 沙律就普普通通咁啦 至於個燒雞丼 送到黎好大碗 好足料 好多汁 好多蔥好多洋蔥 不過希望芝士可以多番啲就更好🙈 燒雞整得好入味好有誠意😋😋 至於飯係用左日本珍珠米 食落唔知係個雞辣 定個醬汁辣 總之就係辣辣地🌶🤣整體黎講 以放題店食到咁嘅丼 算唔錯架喇😋❤…查看更多

之前都幾期待黎呢間食 因為見Menu都好多選擇 但真心想講 收得呢個價錢 又係咁High End嘅商場 真係麻煩俾多少少誠意整好啲食物 感覺味道仲差過我40蚊個lunch😕😕😕我地兩個人叫左蜜糖雞翼 黑松露焗豬扒飯 同All Day Breakfast 仲有橙味嘅飲品🙋🏻‍♀️ 個蜜糖雞翼味道可以 但份量太少 加埋都唔知有冇6隻 仲要細隻到好似未發育咁 收$98😡 焗黑松露豬扒飯送到黎係好香黑松露味 但食落個飯完全冇味🥲🥲 啲豬扒唔好食 可以不試 茶記焗豬好食勁多😕 All Day Breakfast 算比較正路 個魚柳炸得OK 香腸煙肉牛角包茄汁豆大路野 飲品味道普通😐兩個人埋單$600 唔知係我地簡錯野食定點 但真心覺得味道唔值呢個價錢🙄 餐廳環境尚可 但食物味道仍然有好大改善空間 廚師認真要試下出面啲焗豬扒飯🙊🙊🙊 係K11食到咁嘅質素嘅食物 好失望囉🤯🤯🤯…查看更多

7月尾星期日💁🏻‍♀️ 就同朋友黎到佐敦(近美麗華)呢一間樓上西餐廳食午餐 地理位置都幾方便 地鐵出之後行大概5至10分鐘左右就到 唔難搵嘅😌 較早之前係openrice book咗枱 黎到嘅時候 侍應好好幫我哋安排咗落地玻璃窗景位🙆🏻‍♀️😉 Really nice💗窗台位置真係好舒服🌳🌳🌳 望出去有樹景 餐廳空間感都大 不過感覺冷氣唔係太足夠 見有吹風機 不過都係比較熱😅我哋兩個人叫咗辣肉腸Pizza同埋炸魚薯條 Pizza係薄底🍕 長方形切開8份 味道就普普通通 不過不失 可能我自己比較鐘意食厚批底同多啲料 至於炸魚薯條就非常大份🐟🍟 炸魚都香脆可口 配上沙律醬都唔錯😙整體感覺而言 放假下午黎享受一個午餐 都係幾舒服嘅☺🌿🌿…查看更多

之前係將軍澳食過呢一間拉麵店 每次經過荷里活廣場 見到餐牌上面有好多唔同嘅SET都會好想試下🥣除咗拉麵之外 仲有日式炸物嘅飯SET同埋咖哩飯套餐🙂 平均都係60至70蚊左右 價錢都算幾吸引😆今次我叫咗個普通嘅叉燒拉麵 加炸豆腐小食 拉麵係比較幼身嘅面質 食落冇咩特別 湯底亦都冇無咩特別 不過叉燒真係比較差 咬落有根同埋好硬好鞋🙁⁉️ 至於炸豆腐 係好食嘅 內脆外軟整體感覺 就係座位比較舒服 食物普普通通 但價位算係咁以荷里活廣場黎講🤫…查看更多

馬來西亞菜我就比較少食😶 睇Menu見幾多款式選擇 同埋真心Menu啲食物相係影得幾吸引 飲品選擇都幾特別💭 見到美祿就好想叫黎飲☕ 不過飲落係普通嘅凍朱古力黎⁉️今次叫咗個燒雞油飯 配菜仲有啲乾身嘅魚仔同埋糖心蛋 燒雞好厚肉 同埋份量超多 不過味道個人黎講就唔太喜好 唔知係個油飯 定係燒雞 感覺食落有啲膻膻地嘅味 一路食要一路用配埋嘅辣椒醬僻走果陣膻味🥺😖 油飯亦都唔夠香 不過不失 但份量同配菜就好有誠意🈵️不過個蘿蔔餅就幾有驚喜 因為好少地方有得食到 仲要係新鮮熱辣👍🏻👍🏻 送到嚟熱辣辣即刻食 雖然比較油咗少少 但係好香脆 外脆內軟 配埋甜酸醬非常開胃😆 呢個值得推介😙座位方面 舖頭都比較細 如果安排到坐卡位會比較好 坐2人位就比較擠迫☹…查看更多

過開黎葵涌廣場 本身有啲腸胃不適 所以諗住叫個清湯米線食下 呢碗米線相 係我未食之前影嘅相黎 我叫左兩個餸 腩肉同埋魚腐 清湯走狗芽 姐姐一送到黎都嚇咗我一跳 啲餸少到呢...... 啲腩肉又薄又少 總結 呢間3哥 我只會食一次唔會再回頭 差評 葵廣咁多野食我都簡你 估唔到咁失望🤗🤗🤗😓…查看更多

母親節呢日黎到荃灣牛一食牛肉火鍋放題🐮 簡左$$$278個set 包牛肉雞肉同豚肉 入面空間幾大 座位乾淨舒適 星期六晚上等位時間大概45分鐘左右🙂 但尋日等位嘅人唔算太多湯底簡左我最愛嘅壽喜燒湯底❤ 同埋蕃茄豚肉湯底🍅 混合湯底嘅話 就要另外加20蚊💰牛肉送到黎感覺好新鮮 牛味好重 同壽喜燒湯底好夾 而因為我唔可以食太多牛肉嘅關係 所以只係淺嘗咗幾片 但牛質地不錯 唔會“好鞋” 好香 我主力都係食豚肉片 豚肉味道都唔錯👌👌 下面張相係牛肉黎🐮配料方面我覺得都算多選擇 粉麵方面會有烏冬 薯粉 拉麵等等 菜類瓜果都會有幾款基本野 例如生菜 翠玉瓜 南瓜 蕃茄果啲 另外強烈推薦個壽喜燒湯底加南瓜 加咗南瓜之後味道好甜 同肉類好夾🥰🥰同場仲有一款麻糬魚餅係強烈推薦 中間麻糬煙煙韌韌非常好食🙆🏻‍♀️🙆🏻‍♀️🤙飲品方面都有竹蔗茅根 菊花茶 咖啡茶類 橙汁同埋梳打水 但梳打水唔太推介 因為味道一般🧊🥲最後當然唔少得雪糕 超鐘意呢種入口即化嘅質地 食完一杯再encore左一次😋😋🍨總結一下 呢間牛一整體質素🆗️🆗️🆗️ 再想食火鍋都會考慮呢個品牌😋👌👍 而且用消費券仲有折😆😆😆…查看更多

之前經過呢到已經俾呢間餐廳吸引 於是星期六決定book呢度食飯 原來餐廳入面好大 裝修好歐陸風西式餐廳 牆上面有好多不同嘅掛畫同動物頭裝飾🐮🐴 感覺有少少似去左博物館食飯 weekend係呢到同朋友食飯好有感覺🖤面包係送嘅 不過因為想食正餐所以冇試到 唔知味道如何😆😆😆兩個人叫左一個千層意粉 半份小食拼盤🍽 同埋咖啡忌廉奶昔 想講呢到食物份量真係超多🤟🏻 平時出去食西餐都會係一個主食加一個小食 通常岩岩好 但呢到食到一半多啲已經好飽🥴焗千層意粉都係一般嘅千層意粉🤔 食落又唔會話好大驚喜 中間一層好似夾左啲厚厚嘅芝士🧀 比較飽肚嘅感覺 只可以話不過不失 但份量真係好多小食拼盤有炸洋蔥圈 芝士焗薯片 同雞翼 雞翼似係水牛城雞翼微辣 洋蔥圈炸得好鬆脆 芝士焗薯皮就冇咩特別🥔🤔比較有驚喜嘅係咖啡忌廉奶昔🧡🧡 不算太甜 成杯可以飲得都唔夠喉曬🥰埋單每人$300左右💰 我感覺weekend係呢到食餐飯都是不錯的👍🏻 Menu仲有好多其他肉食扒類漢堡包選擇 食物種類都算多 不過唔知點解作為西餐廳居然冇Pizza🍕😅😅…查看更多

黎開朗豪坊呢邊整電腦 本身想去Food Court食 但人山人海 所以過左黎呢到食 叫左$60蚊可以自選3款嘅沙律🥗🥬🍅 包括蝴蝶通心粉 薯仔青豆同埋芝士粒蕃茄 無諗過沙律都可以咁有驚喜😋😋👍🏻 沙律個sauce調得好好味好濃郁 每片蝴蝶通粉都沾滿沙律醬 唔會好乾身 薯仔口感不硬不軟 少少粉感覺口感剛好 芝士粒就偏硬 而蕃茄都好新鮮 整體感覺不錯 就係份量有點少🥺💔 食完還是餓🙃…查看更多

今日下午黎到太古廣場呢邊😙 呢邊都冇咩嘢好食 所以就去咗超市food court 見到呢間啲餐牌上嘅焗飯好似好吸引 咁就揀咗呢一間🤫個焗飯賣相睇落雖然好似幾正咁 但係啲芝士好漏🧀 同個飯底唔太夾 唔係我期望中嘅熱溶芝士 係凍左焗芝士 可能天氣凍溶唔到啦 至於咖哩味係普通日式甜咖哩 完全唔辣🍛 最詭異嘅地方係 吉列豬扒塊豬扒同皮 係可以完全分開嘅😌👋 所以建議要吉住一齊食 最後成個飯我都係食唔晒🥺 唯一係覺得杯凍檸茶唔錯🥃 不過成個餐58蚊黎講 都算係好抵食㗎啦🤗🤗🤗 但係我諗 我未必會再encore🥲🈚️…查看更多

好耐冇打食評 又係時候打番篇先🤩 呢間上年食過一次 感覺普普通通 今次再食 又覺得唔錯喎🤪🤪 係咪唔同狀態食 感覺同味道會不一樣？😹首先裝修係一間好有台灣九份風味嘅小台 店面走懷舊風格🏮🏮🏮 鋪頭唔算好大 不過香港地黎講 大部分小店都係咁上下 我地叫左個台式炸豬扒飯 培根肉鬆蛋餅同埋荔枝綠茶☺😋炸豬扒飯送到上嚟嘅時候真係嚇一嚇親😧 份量超級多 放到滿晒 明明上次好似叫過 但今次都會俾個份量嚇一嚇🤣 一碗飯有接近四塊炸豬扒 仲有煮到好林嘅菜芯 同埋半隻熟晒嘅滷蛋🥚 我諗一個女仔應該係食唔晒嘅 我都係同媽咪share岩岩好❣❣另外呢個肉鬆培根蛋餅 我覺得份量啱啱好 佢唔算包到脹卜卜果種 因為包到帳脹卜卜會好飽肚😌🤪 呢個對我黎講 真係算唔錯😹 另外仲叫左個荔枝綠茶 冇影相但係屬於我鐘意嘅味道黎 唔太甜😋💚今次2次到訪 我覺得可以再有下一次嘅😙🏮🏮🏮…查看更多

今日去咗荃灣呢間越北🐷🙆🏻‍♀️ 叫咗個香茅豬扒飯同埋凍奶茶 豬扒醃得甜甜地幾好味 飯嘅份量都好多 下午茶黎講分量好足夠 同埋凍奶茶都唔算太甜 整體黎講 可以encore🙂👌…查看更多