大肚腩爸爸's Profile

由入座講起，一路行緊去座位嘅時候，已經聞到好大陣煙味，應該有人包咗房好大聲唱緊卡拉OK，隔音又差，啲煙味湧晒出嚟，可以話酒樓任何一個角落都聞到。一坐低開壺茶，茶壺仲有食物餸汁嘅漬，好明顯洗都冇洗過。叫咗個招牌乳豬，皮就正方形有10塊 ，肉就長方形有十幾塊，係唔知點樣砌呢碟嘢出嚟嘅。以上各種嘢都唔夠最後呢樣嘢咁差，就係個短髮惡女收銀，我話俾佢聽我張枱冇嚟過前菜，問佢可唔可以喺張單度減返，佢嘅態度超級惡劣。結論就係唔會再有下一次幫襯，唔怪得星期六晚市都可以得兩成入座。…Read More

見到咁高評分即管去試吓，點知中晒伏，同朋友去食lunch，叫咗兩個餐，一個係牛肋肉，另一個係燒乳豬。未講兩個餐之前先講吓個南瓜湯，首先溫度已經唔係太熱，飲落去好似飲水咁，一啲味都冇。入正題，先講個牛肋肉，同個湯一樣，食物溫度有問題，好似樣樣嘢都唔夠熱咁，有啲配菜，例如茄子直頭係凍嘅。再講下一個乳豬，溫度唔夠熱就唔使再講，份量都非常之少，好似去食燒味飯既乳豬份量咁上下，根本唔夠食，收$150再加一抵唔抵就見仁見智。最後講埋個餐茶，叫兩杯凍檸茶，今次唔係唔夠熱，係唔夠凍，凍檸茶係冇冰嘅。…Read More

好認同呢間餐廳冇賣點，都唔知點解咁有自信可以set 到d 價錢咁貴，一條酸菜魚要$4xx.........，非常唔值，出面好多二百幾蚊大條過佢好食過佢好多，蒜泥白肉要成舊水，老實講譚仔好食過佢。D waiter waitress 又勁hard sell，唔知係咪有佣分，樣樣都話必食，推介，第二度食唔到，諗住信佢一次，點知中伏.....總括黎講，性價比極低，我地一行3人食左千幾蚊，淨係花生茶錢已經成舊水((25+20*3)*1.1=93.5)…Read More

跟餐飲品一味叫人轉milkshake奶昔，收費又唔講清楚，原來要加$48，轉烏龍茶又話要加$8，其實都唔緊要，但係呢啲全部冇寫喺餐牌。食$4xx 都唔可以簽card，要夠$500先得。講番杯價值$48 既milkshake，仲衰過mcdonalds 果杯，我理解既milkshake 係杰杰地，唔係好似茶餐廳奶茶咁好似水既狀態。食物黎講ok 既，係個size 有啲細，塊肉有啲似Ruby Tuesday 既mini burger 個size 咁。…Read More