中秋節同媽媽食晚飯，見到評語都唔差，所以去試下。可惜食物質素一般，價錢亦唔平，唔值。三個人叫三個主菜，但食物係唔熱，入座時只係晚上6點，只有兩檯客，但食物上檯係常溫。餐湯：粟米忌廉湯~味道算正常餐湯：咸到唔識形容龍蝦湯海鮮意粉-最正常嘅一道菜，但大蝦煮到乾咗，肉質好韌。慢熱肉眼扒-要7成熟，因為母親大人只接受到粉紅色肉，但上檯得5成，而且係唔熱。完全唔值$338。煎青衣魚扒-味道正常，但肉質好“鞋”，而且上檯食物溫度都係常溫。不過紫薯蓉值得一讚。仲叫咗一個焗田螺薯容，可惜賣相唔吸引，而且味道都雖然唔算難食，但都唔好食，所以冇影相。全晚叫咗三個主菜，一個小食。三個人連加一要$829，覺得唔係好值得。試過就算。…Read More
book咗位晚上9點7個人，屋企人係8點幾已經去等，原本已經等到話有檯俾，點知突然有酒樓職員朋友到酒樓，打個招呼就將張檯俾咗人，跟住等到9點三都未有檯....其實當時已經冇咩人等位，好聲氣問個知客小姐幾時先有檯，個位小姐已經十問九唔應，忍唔住問多佢一次，個位小姐就極度悔氣話"下張咪到你囉，如果有檯嘅話"最後俾我地發現有張檯冇人坐，問個位小姐個張檯有冇人，又悔悔氣氣問返我地轉頭，個張檯執咗未.......最後驚動酒樓經理先安排入座坐低點菜，要乜都冇，勉強點咗十樣菜....食物份量極少，最後要加到十二個先勉強夠食......待應入單，有2個菜重覆入單，菜嚟到之後仲話係我地自己點多咗......總之以後都唔會再幫襯。
