LamPuiSze's Profile

見到有晚市有定食套餐，就點左個海膽五色丼個人喜歡茶碗蒸便加配茶碗蒸，但原來定食好多野食😮好豐富，有刺身飯、麵豉湯、小食、沙律、冷盤。隻蝦同帶子都好大隻、拖羅好味啊，海膽又不腥，吞拿魚蓉配飯真係好正。朋友點左鵝肝安格斯牛肉丼定食，鵝肝配牛基本上冇得輸，同樣有好多款食物，最令我驚喜是大家的小食、沙律及冷盤都不一樣，總之就好豐富，有炸雞又有餃子同玉子，基本上所有小食都有少少，最中意可以互相分享試好多野。因為冇為意定食有咁多野，仲叫左豬腩肉串燒同京都九条䓤玉子燒。豬腩肉串燒好香好juicy，玉子燒都好食😋…Read More

去左大坑揾朋友，臨走係佢屋企附近揾食，見到呢間印度菜加入泰式元素几㹙寺別就試試。未入門口女侍應就好欣勤開門比我地，似印度西施😃叫左個酸辣椰奶雞湯開頭諗酸辣加椰奶個組合咁特別，不知會唔會怪，但估不到出嚟效果好正喎，几creamy，又開胃，雞肉都有好几舊，而湯裡面都勁多香料，果然有印度風味。泰式炸魚餅應該即叫即炸的，出來仲熱辣辣泰式蝦河粉最中意呢味，甜酸比例岩岩好，又有鑊氣，加上雞蛋碎花生碎等，一上枱已覺得好味，特別係啲蛋入晒味。青咖哩飯雞肉有好多舊，汁夠撈飯食一流Mango lassi 原來係正宗印度飲品，開頭以為係芒果沙冰，原來係芒果加乳酪同牛奶攪勻，都係酸酸甜甜，全部都几消暑…Read More

今日到中環揾食，去到呢間新大館既小店手工啤cafe，一入到去就發現個裝修好特別，成幅tap beer😍午餐有前菜、主菜及飲品，前菜好精緻，有3款不同既野炙燒帶子伴香草汁、西班牙薯仔蛋餅、炙燒牛肉片伴柚子醬，店員教要從左食到右，因為味道係由淡到濃，果然帶子好清新，蛋餅又特別，燒過既牛配柚子醬有油分但又清新，食到牛就覺得整個配搭非常好主菜點左西班牙海鮮燉短麵，見呢款比較特別，通常都係意大利飯，但呢度有個短麵就試試，麵身有部分是脆脆的，海鮮既味道落左短麵中，再加上酸酸地既醬汁好能夠消散熱氣。另一款香煎爐魚配普羅旺斯燉菜，魚皮煎得非常香脆，伴碟既新薯加左醬汁好食。不得不提當然既係手工啤，點了Rooftop Sour - BBQ Pipeapple，係咁熱既天氣飲返杯冰涼啤酒就最岩，呢款啤帶有微酸，岩晒夏天飲，如果下次時間長啲可以坐耐啲，chill下…Read More

今日路過元朗跟住openrice揾食，果然同網友講既一樣，呢間屋酒屋裝修環境好靚，一路食仲一路播住東灜音樂好正！叫左几樣野胡麻蟹肉海膽凍豆腐個麻醬應該係自家製，好香芝麻味同比坊間甜咁岩坐吧抬睇住師傅整野食👍壽司盛十貫全部都好新鮮，拖羅好食，個玉子燒師傅話係焗既，好得意，食落好似蛋糕咁北海道厚岸真蠔（生/熟）生那款好鮮甜同肥美熟那款海膽味增超正，食完隻蠔都要食埋啲醬去居酒屋不可以不點串燒吧燒白鰻串、燒雞皮串、燒雞中翼串、燒雞腿肉及燒雞軟骨串。真係好好味，白鰻個皮有鹽香又唔腥，同埋燒得岩岩好，熟及滑火候剛剛好。雞皮同雞翼皮脆又好味，正！雞軟骨入晒味，雞腿就超滑最後食多個鵝肝飯，鵝肝既油落晒飯度😋😋😋大滿足…Read More

同同事係荔枝角做完野，經過見到呢間招牌食花膠雞既港式大排檔，一入門口有個紅色郵筒，另人好有親切感，而重點係冷氣非常夠👍👍👍叫了個咖哩魚飯及花膠雞湯米線，炸魚非常脆口，飯用碗分開上，好貼心，不會把炸魚整淋左花膠雞湯米線有芫茜大大匙，個湯底又非常有雞味，仲要我那碗係雞腿😍勁滑仲有叫了奶油脆豬，好脆同埋奶油好足，平時食好多只揸個中間，呢度成個包面都有奶油👍👍👍係咁熱既天氣下最後叫埋凍檸樂同咸檸七，非常滿足😋…Read More

近排收到呢間pizza店的宣傳單張，見近近地就漫步上饒宗頤文化館行下，順便試下呢間外賣。原來係之前法國餐廳個位，所以裝修好靚。點了二人餐有pizza、意粉/飯、頭盤/沙律及汽水都係$348拎到返屋企仲係熱既，正！點了經典意大利四色芝士薄餅，一打開pizza盒，賣相比我感覺好正，食落去重芝士味，超正啊！其中藍芝士個味好特出，几特別！另點了傳統肉醬意粉，肉醬好多，几足料。重點我其實怕蕃茄味酸，但呢款又不覺👍頭盤點了車打芝士薯條配黑松露醬，本身車打芝士同薯條係絕配，加埋黑松露醬真好食！下次想再試其他口味！…Read More

去奧海城睇戲，冇左food court後就索性搜尋下大角咀有咩食，見呢間西班牙餐廳几有情調就去食。點了一份西班牙炸薯仔、紅酒辣肉腸配全麥麵包粒及西班牙燒乳豬。炸薯仔不會太濕或乾身，薯仔上面既醬汁一食就係西班牙既感覺，其實我不知咩醬，不過係西班牙成日會食到呢個味！麵包粒十分脆口，辣肉腸配紅酒汁好食！西班牙乳豬睇落去好𣺉，實質肉真的很軟，但估不到個皮係脆的，看上去以為皮跟肉一樣軟！而肉真的一點也不鞋口，配埋蘋果醬解返油膩感非常好👍…Read More

因為一次中國旅程而相識，到了今天為了慶祝週年紀念，專登選了尖沙咀新開的呢間中菜館去回味一下餐廳位於ISQUARE對面一樓，窗口卡位對住ISQUARE門外的聖誕裝飾，感覺非常好，由於新開店舖裝修很靚一坐低，店員十分好招呼問我地飲咩茶。開了茶後，點了几款食物，前菜七味炸豆腐，外脆內軟非常正，大大碟，真係冇預計咁大碟😂蠔餅個邊位超脆，食到CHOP CHOP聲😋水煮牛，分量好多，令人意想不到的它不是用寬粉做底而是用粉絲，粉絲入晒味，辣到好過癮海鮮蛋白炒飯好足料，又係勁大碟，低估了分量，食不晒…Read More

今日行完愉景新城後，落左去福來村那邊見到呢間新開韓國餐廳就入去試下小店氣氛好韓國炸雞店一樣，裝修雖然平凡，但好多店員及客人都係韓國人，感覺返左韓國😮‍💨有好多野都想試，但我得2個人所以最後點了半份蜜糖蒜蓉炸雞及半份咖哩蛋黃醬炸雞，另點了份豬腩肉。炸雞大大籃，外脆之餘，肉不乾還有汁的，而且雞肉非常滑，超好食。豬腩肉鐵板上點埋bbq醬，我覺得自己好似係度燒肉😂非常正。我仲留意到餐牌有韓式蛹湯🥶🥶🥶，如蛋白質應該非常豐富，不過我不會試😬店員還好親切請我地飲汽水😬，下次會再來…Read More

今日經過尖沙咀揀左呢間充滿日本裝修感覺既居酒屋食晚飯，一下冇留意原來係之前係天后食過黑木亭，知道係新開既分店後就完全覺得有質素保證所以上次既經驗，點都要點刺身，因為好新鮮，今次點了五點刺身盛做前菜🤣果然好鮮甜然後點左磯燒鮑魚，鮑魚几爽口，但估不到最有敬喜係托底的蘿蔔，好入味同好味然後點都要點返2串燒，去居酒屋不可不食既野😋點了雞腎及鴛鴦翠玉瓜。翠玉瓜有明太子醬同芝士，好特別！可以食到不同味道今次點了一份三葉海鮮天婦羅，個人覺得几特別，佢把几款不同海鮮混埋一齊做天婦羅，一次過放入口可以品嚐到不同海鮮味跟住就叫返碟壽司飽飽肚，芝士鰻魚三重奏，芝士同鰻魚汁配搭好好食蟹將軍薯仔沙律👍👍👍最後食返串冰燒菠蘿，口感好特別，有啲似食緊冰糖葫蘆，外面冰糖配埋燒過既菠蘿酸酸甜甜，呢個正…Read More

今日來到天后揾食，真係好多好想食既餐廳，揀左好耐，終於選定左呢間充滿日本裝修感覺既居酒屋，好掛住日本食串燒😮‍💨天氣太熱，先點三點刺身盛（三文魚、劍魚腩、油甘魚）$181做前菜🤣几新鮮，油甘魚几鮮甜然後梗係點居酒屋不可不食既串燒😋點了鹽燒雞翼$32、茄子$18、蜜糖厚切豬頸肉$38、麻辣黑豚五花腩 $52、粟米$22、鴛鴦翠玉瓜$22。真係好有日本既感覺，五花腩同豬頸肉都好好食😋翠玉瓜有明太子醬同芝士，好特別！可以食到不同味道跟住就叫返碟壽司，火炙左口魚裙邊$148火炙過既左右魚油分滲透左落壽司嗰度好香而左口魚入口就溶化👍👍👍再來點分芒果芝士龍蝦 $288搭配芒果及芝士中和返沒有好漏嘅感覺芒果香甜，成個配搭好新鮮飲品方便叫左葡萄檸冰$58同蜜桃烏龍熊茶$58飲品上都有放玫瑰花瓣，所以飲品都有少少玫瑰花香，熊茶真係有隻熊仔冰係度，巧得意呀…Read More

今日放工難得中未天黑，竟然比我揾到間係油麻地同旺角鬧市中既任食串燒店串Grill，超近油麻地站A2出口譽發商場7樓全層，企理乾淨，景觀一流👍2小時任點任食，款式算好多，岩晒我中意樣樣試下，電子點餐，没有漏單情況，又快上菜。2個人點了超過40串串燒，過足癮，平時點串燒要就住就住，呢度真係盡興。點了M6和牛牛柳、牛舌、豬腩肉、雞翼、雞軟骨、不同類型丸等，😋和牛冇得輸，豬腩肉正，丸類都好好食，而個人覺得最有驚喜係串燒燒賣、豬大腸同埋雞蛋仔，燒出來既燒賣好好食，豬大腸既油脂及調味好搭，雞蛋仔個皮脆👍另外提供任飲各款汽水等飲品，還有手調特飲，點了冬瓜茶，不太甜，几岩燒野食飲半小時前截單，食埋個哈根大師非常滿足另外覺得餐廳好貼心，有2把風扇比顧客用，始終係個爐前面，雖然有冷氣但少免有少少熱，風扇係冷氣室內就發揮作用👍…Read More

去開鴨寮街買野，到食飯時間行下行下見到呢間乾淨企理既車仔麵店，最開心可以點好多款餸😹坐底先發現車仔麵店都几多元化，乜都有得食，除左車仔麵，又有飯又有小食等。同朋友一人點左一碗車仔麵，另外加左份白菜煎餃及蒜泥白肉。煎餃煎得非常靚，皮卜卜脆。蒜泥白肉充滿麻油香，點埋醬汁好開胃。車仔麵好大碗，麵好多，雞翼好入味😋小辣都好夠辣👍推介要食煎餃，另見到格離枱點炸丸都好吸引，今次食完太飽，下次要來試下炸丸。…Read More

係旺角行完街見到呢間新開越南餐廳裝修企理、乾淨，個人感覺越南餐廳大多冇得輸。所以入去食，確係好食既越南餐廳👍點左2個一人套餐，主食可加錢點一款小食及飲品。我及友人點了豬頸肉撈檬及豬扒撈檬，夏天熱辣辣，最岩食清涼食物，豬頸肉夠味同埋燒烤味濃😋炸過既豬扒非常香脆👍配菜有蘿蔔絲同青瓜絲，非常清新小食蝦餅係個人最喜歡既食物之一，果然冇令人失望😋😋另可以套餐價加$10叫特飲，朋友點左青檸梳打我就點了椰汁冰 ，埋單$170都唔駛，好滿足。…Read More

好耐冇去happy hour飲野，今日難得約朋友係去飲下野，撞岩晚飯時間，係呢間酒吧食堀土飯。真係有驚喜，一直感覺酒吧都係飲野，點知原來呢間酒吧既野食都好食［西班牙白露筍田園沙律］$108有白露筍、羽衣甘藍、藜麥、粟米、紅菜頭、青瓜及車厘茄。一睇就知係健康組合既配搭，羽衣甘藍好「脆」，口感好特別，有別於平時食的淋晒既感覺，非常新鮮。［日式海鮮薄餅］$138一入口就充滿照燒醬味，果然係日式既味道，薄餅餅底香脆👍【西班牙油封鴨腿】$188😋😋呢款真係堅好食👍鴨腿味道好食，鴨腿皮脆卜卜，我以為自己食緊豬手😋😋😋加上杏脯醬解返油膩感，成隻食晒都不覺得膩朋友點左Cocktail, Passionate Kiss我就點了mocktail Cinderella $78食住爆谷，飲住野吹下水又一晚了。下次會再約朋友嚟過…Read More