大衛碧咸's Profile

二一八餐館除咗有火鍋之外，仲有唔少獲氣嘅小食添！就好似呢味椒鹽魚雲，炸得金黃香脆，上枱時非常香噴噴，表面充滿著脆口嘅脆漿，辣味適中，而魚雲入口順滑，魚身不失鮮味之餘，又品嚐到脆口嘅炸魚塊。揀好醬料之後，就緊係打邊爐啦。火鍋湯底係胡椒豬肚湯底，胡椒湯底微辣，豬肚入口又軟滑爽口，加上個湯窩賣相特別，有龍頭係兩邊夠晒霸氣，無論係外表，或者個湯底都一樣抵讚。打邊爐點可以唔食蟶子，大大隻嘅蟶子，彈牙兼且毫無雜質，放落滾湯中煮熟，絕對無人會抗拒。接著仲有海鮮拼盤有生蠔，蠔身非常豐滿，鮮味極濃郁，中意食海鮮嘅人必定會好中意; 而厚身嘅帶子大大粒，煮熟後鮮味原汁原味保留在帶子之中，一人一粒都食得好滿足; 最貼心嘅蝦身已經剝左大半蝦殼，煮熟後方面大家進食。而新鮮即打嘅墨魚滑同蝦滑，外表平凡，但其實非常美味; 因為係手打嘅關係，魚滑之間充滿細細嘅氣泡，放入口後就會食到彈牙空氣感嘅感覺，而且呢兩道價格完全唔貴，所以強烈推薦。…Read More

濃郁嘅朱古力特飲，朱古力味道豐富，但甜度適中，唔會太膩喉，一邊進食、一邊飲呢杯特飲就最適合。接著有小食拼盤，最啱一大班人一齊share。水牛城雞翼醬汁惹味，酸辣呈度非常適中，唔會太辣食唔到，但又酸酸地，夠晒醒神開胃; 而炸魷魚圈新鮮即炸，入口當然香口，而且質感彈牙易咀嚼，係道好出色嘅小食。中意食肉嘅朋友，呢道燒烤汁肉眼牛扒千其唔可以錯過。大概7成熟嘅牛扒，上枱時香氣濃郁，表面有微微燒烤嘅感覺，以及粉嫩嘅肉身，切落又有豐富肉汁;最後配以一客芝士蜆殼粉，醬汁香濃兼且又夠飽肚，呢一晚真係滿足!…Read More

放工同朋友去食好西， 唔想出去旺角尖沙咀逼 係OpenRice 搵到呢間西班牙菜，見到裝修又正，一於試下質素如何。朋友同我都勁鐘意食海鮮 兩個人點左一個西班牙海鮮燉飯同蒜片蝦 個海鮮飯（228蚊） 分量2個人分岩岩好 海鮮夠足料，最緊要啲魷魚彈牙唔韌口，青口夠新鮮，大蜆亦無雜質，加上充滿上湯精華嘅西班牙飯，整體感覺極為出色。而蒜片蝦隻隻都夠大隻，蝦膏豐滿、蝦肉夠結實兼彈牙，配以蒜片惹味醬汁，同朋友一齊分享就最適合。…Read More

先係iPad點選呢特選壽司拼盤，仲有味噌湯同蒸蛋奉上，味噌湯用以豐富配料，加上紫菜烹煮，味道香濃又唔會過咸，值得一讚; 而蒸蛋蒸得相當軟滑，入口極有順滑感覺，而內有蟹柳粒、冬茹粒等配料，令整個蒸蛋味道及口感更有層次。接著到特選壽司拼盤枱，賣相非常吸引，尤其係海膽、蟹籽軍艦最想首先品嚐，海膽帶有微微海水咸香味道，入口極之軟滑; 而蟹籽軍艦亦充滿豐富嘅蟹籽，多到差唔多滿瀉，入口脆卜卜，口感同味道方面絕對無得頂。而鰻魚壽司亦同樣出色，有秘制醬汁點綴係鰻魚魚身上，已經夠晒惹味，最抵讚就係鰻魚魚身夠長，滿足味道爆燈。而鍾意食海蝦類朋友，呢一個餐都好適合，因為有新鮮即拆嘅蟹柳、海蝦壽司; 蟹柳肉質鮮甜，連埋蟹鉗拔出黎，保證真材實料夠新鮮，而海蝦蝦膏豐富，蝦肉白淨，兩者都係新鮮之選。而吞拿魚魚蓉手卷，低調得嚟亦值得介紹，吞拿魚刺身切得夠細嫩，但入口時仍然保持著吞拿魚魚油香味，以及品嚐到魚身質感，加上脆身嘅紫菜，都充以夠晒滿足。…Read More

星期一唔一定代表Blue Monday，因為可以去到S2鐵板燒品嚐呢客「十勝豚肉北海道松葉蟹套餐」，直頭係Happy Monday啦!先有三點刺身同鴨胸肉沙津作餐前開胃小食，前者三文魚非常肥美、魚油味道香濃、加上大大隻嘅大蝦，鍾意食刺身嘅朋友一定非常滿足! 而鴨胸肉沙津係個幾新鮮嘅配搭，惹味沙津醬同鴨胸肉夠晒合拍，鴨胸肉質煙韌但又易於咀嚼，整體感覺夠晒清新。接著嘅海鮮亦更加吸引，北海道松葉蟹柳同日本櫻花廣島蠔，師傅係鐵板上即叫即煎，上枱時熱辣辣，燒海鮮嘅香味出晒嚟，而蟹腳加上適量鹽花，令每條蟹柳有濃郁嘅海鮮鮮味之味，仲有鹽味提升滋味; 而日本櫻花廣島蠔，加上香蔥、煙肉、同埋蝦米粒去品嚐，層次味道更豐盛，鮮蠔味道亦更加突出。主菜厚切黑豚肉配意大利黑醋，意大利黑醋有助減淡油膩感覺，而爽口嘅日本黑豚肉，原自日本，肉味較平時食到嘅豬肉更香濃，加上黑醋呢種新鮮嘅配搭，更惹味、更開胃!最後有S2黃金抄飯同埋鐵板紙包蜆湯，前者用上蟹肉、蟹膏去抄，飯粒都充滿著濃煙嘅海鮮鮮味，非常好食! 而紙包蜆湯用上大蜆、豆腐、紫菜等等，感覺清新，可以去除整晚飯嘅油膩感。…Read More

新年想食好野，食漢堡包一樣可以食得好富貴、好豪華！嚟到專門食美食漢堡包嘅burgeroom,淨係睇見餐牌，都知道美食選擇之多及豐富！係食漢堡包之前，先叫飲品同小食開下胃，洋蔥圈即叫即炸，上枱時除咗感受到熱力之外，香噴噴嘅炸物亦引人垂涎！炸漿唔算厚，咬入口非常香脆，加上洋蔥又夠爽口，係一道非常出色嘅前菜！到主菜出場，就係價值$200嘅原隻龍蝦漢堡！賣相非常吸引，將龍蝦肉拆出，伴以芝士、牛油肉等醬料一齊食，層次豐富，龍蝦肉亦帶有濃郁海鮮味道，令人相當滿足！蟹肉精細，鮮味突出，醬汁亦唔會搶味，可謂相當合拍！最正嘅地方，係將龍蝦鉗拆出，賣相搶眼之外，又可以獨立拎上手食，又點會唔滿足呢！…Read More

To embrace yourself with the wonderful festive atmosphere, surely gotta treatyourself better in this season. Especially when it comes to dining, Le Q canserve you the essential elements to fulfill your appetite. The weekend lunch set combine courses of 4, which kick-off with a green and fresh Greek Salad with chicken breast. Tender chicken breast and crunchy vegetables arealways a great combination. And a gentle touch of lemon dressing can give asense of freshness.The Tomato soup with ricotta and basil is so rich in flavour and texture. For tomato lover (like me), probably this is the ideal soup you are looking for?For the main course, we choose the Grilled Angus rib eye. The generous portion andappealing aroma always welcomed by food and meat lovers. And the surface of the steak were perfectly grilled and caramelized, the tenderness and the juice of the rib eye are both ideally presented. Finally we have tiramisu for dessert. Bet everyone would love the fluffy texture! Also it comes well balance on sweetness and sourness. Surely it is a great conclusion of the meal!…Read More

位於尖沙咀嘅酒鍋，以舒適嘅環境同精緻嘅美食作招徠。睇完餐牌點菜之後，加點醬油，別緻嘅醬油碟更睇得出餐廳嘅風格所在。酒火入鍋，主要有4種口味，包括四川麻辣、蘿蔔牛腩、喇沙、同龍蝦湯底，款款都足名貴材料，鮮龍蝦大大隻，同朋友share都無問題! 而四川麻辣辣得夠過癮，豆腐卜吸收晒精華，夠晒入味; 而中間更有鮮蝦木瓜，加少少酒精同火焰，形成名付其實嘅酒火入鍋。接著非常吸引嘅頂級安格斯牛小排，厚薄程度適中，脂肪比例又平均，無論放喺邊一個鍋，都食到嫩滑口感，絕對可以encore~~唔好以為黑色就唔吸引，肥媽墨汁腸、黑松露蝦蟹餃都用上真材實料去做，墨汁腸入口非常彈牙，而且充滿濃郁墨魚味道; 而黑松露蝦蟹餃，用上非常多蟹肉碎，加上鮮蝦同黑松露，味道非常有層次。台式麻辣小鍋，充滿台式風味嘅小食，鴨血、臭豆腐都浸係濃郁嘅辣汁之中，望見都流晒口水，食落雖然有辣味，但未至於嗆鼻難入口，反而越食越上癮，特別係鴨血，軟滑之中見辣味，非常正!…Read More

日式鐵版燒可以話係人人中意食，今次黎到S2，質素當然有保證。先有刺身三點，以及鴨胸肉胡麻豆腐。刺身當然係新鮮即切，三文魚充滿濃香魚油味，而大蝦白淨而有豐富嘅蝦膏，點少少wasabi仲可以提昇鮮味添!接著有西京醬煎銀雪魚，醬汁惹味中帶點甜味，而銀雪魚煎嘅火侯剛剛好，外層微微烤焦，魚肉結實而精細，配以醬汁非常合拍!然後有北海道蟹爪同香煎牛脷，蟹爪啖啖肉，蟹肉結實，質素果然有保證。而美國薄燒牛肉，5成熟嘅牛肉，食得出嫩滑牛肉香味，質素極為上乘。中間仲有香蔥及香蒜調味，香味及味道有更有層次!最後呢客黃金抄飯，粒粒飯粒都夠飽滿，加上香蔥蛋花作結，有飽肚果腹感覺!…Read More

去到奧海城利寶閣，就梗係先品嚐非常有名嘅豚肉叉燒飯配原盎佛跳牆。用上原條免切叉燒，份量都唔少，而且味道醃得入味，入口夠鬆化！而佛跳牆用上鮑魚、瑤柱、花膠、冬茹等材料，夠晒名貴，上湯亦都鮮甜無比，絕對係物有所值!而大海星斑塊炒西芹亦都係必點嘅餸菜，厚身而鮮味十足嘅斑塊炒得好有火侯，西芹又爽口; 而窩燒斑頭腩，上枱時已經香噴噴，用上多種配料，包括香蔥、洋蔥去炆斑頭腩，所以每件都惹味十足，雖然有少少骨，但魚肉亦晒結實，用黎送飯就適合。…Read More

夏天都係打邊爐嘅好日子，去到呢間餐廳，火鍋套餐選擇多，一定啱晒香港人口味。首先有叫左呢個冬瓜卜卜蜆鍋，蜆肉數量十分之多，而且每隻蜆肉都夠飽滿，加上冬瓜係火鍋材料之中，湯底夠晒鮮味。接著有呢個海鮮拼盤: 有新鮮蠔隻、生蝦、馬刀貝，蠔隻上枱時已經聞到陣陣鮮味，放入湯中，更係啖啖鮮味滿足。而馬刀貝亦係份量十足，飽滿之餘亦彈牙具咬口。手切安格斯肥牛片，脂肪比例分明，入口既有牛肉肉香味道，亦有嫩滑口感，係滾湯中大概30秒即刻食得。而手工火鍋拼盤，食材就更加豐富，有太極冬茹、蟹肉餃、芝士墨魚丸、蝦丸、霜降牛丸等等，保證大家一定夠飽。而各款手打丸極為出色，絕對唔係平時啲打工食品，而係食到豐富嘅肉味，彈牙十足，加上芝士嘅點綴，味道更有層次。而新鮮即炸嘅響鈴、魚皮，亦係打邊爐必點之選，件件份量都唔細，而且香脆無比，浸一浸湯底吸收精華，非常之好味！最後有青蘋果可樂沙冰，冰涼感覺，加上青蘋果清新味道，最啱夏天飲。而紅棗雪耳涼粉，甜味適中，加上涼粉爽滑口感，一人食一客就最滿足。…Read More

一向都非常喜歡打邊爐，今次去到位於尖沙咀心臟地帶嘅酒窩，裝修環境夠晒格調，絕對同出面任食火鍋風馬牛不相及。食物質素當然亦更勝一籌，先有呢個4款湯底嘅火鍋，有新鮮波士頓龍蝦做嘅湯底、辛辣充足嘅四川麻辣、豐富材料嘅牛腩蘿蔔、以及潮式沙嗲，各有特色，不論食辣定唔得辣嘅朋友都啱!而呢度嘅炸魚皮，亦唔係普普通通嘅炸魚皮，加上咸蛋粹，更似新加坡嘅口味，即叫即炸，入口更加香口香脆!牛元帥拼盤亦係必叫之選，上乘嘅食材，賣相已經夠吸引，係滾湯中滾大概半分鐘，細味之下，牛肉鮮嫩無比，唔需要多點醬汁，更可原汁原味品嚐! 而牛展同牛舌都帶有食材嘅爽勁口感，值得推介!而麻婆豆腐餃、三拼福袋都係外間火鍋店少有嘅食材，前者入口軟滑，帶有微微辣味，口感相當特別; 而三拼福袋分別有鵪鶉蛋、蝦肉、同手打牛肉做餡料，加上薄薄嘅蛋皮，就更加可以品嚐到滿滿嘅餡料，滿足感爆燈。…Read More

與好友今日放工後黎食個happy dinner 盡訴心中情。聽朋友講係由呢度嘅廚師係法國藍帶畢業嘅，好期待！用餐位置係要行落下層，好特別，可能平日，靜靜地唔太多人。下面燈光都幾浪漫，啱晒啲情侶黎。頭盤有湯同沙律🥗我食左薯仔沙律都唔錯，菜都幾新鮮！朋友叫左個湯，係牛肉湯黎。飲左一啖，肉味都幾重。好快就上左主菜，出菜速度都都幾快。我點左鱸魚～朋友點左雞肉！個魚好驚喜，魚肉彈牙而且無骨頭，最岩我呢啲懶人食！朋友係食肉獸，點左雞肉食。肉質都柔嫩，唔鞋口！有雞味！最開心係今日平日 人唔多可以慢慢食又慢慢傾。岩晒打工仔放工黎，因為座位setting 唔逼都幾闊落！有機會會翻兜呢間野！…Read More

唔好以為何文田食飯一定會好貴，其實去到呢間富臨皇宮，1蚊1隻嘅木桶豉油雞，唔單止係優惠，而且味道仲要幾好，雞皮非常之滑，雞肉又夠入味，而且份量仲要夠大隻可以同人share。接著嘅金裝拼盤同埋叉燒王一樣好好食，有脆卜卜嘅燒腩仔、肉嫩入味嘅鴨胸肉、炸豆腐，而叉燒王用上半肥瘦豬肉，帶有豬肉嘅爽勁口感，加上惹味嘅醬汁，令人無得抗拒。果皮蒸鮑魚，用止果皮加秘製豉油，味道固然吸引，而鮑魚肉質鮮甜味美，中意食海鮮嘅要必點。食中菜，當然唔少得食小菜，波羅咕嚕肉看肉簡單，但要做到酸甜味適中，醬汁濃淡適中確實唔容易。而且骨肉比例適中，開胃之餘仲可以送飯品嚐。…Read More

一向都非常喜歡灣仔區，呢一次去到食晚飯，當然就要揀間環境舒適，而且食物質素亦要唔失禮。首先有兩款小食，炸豆腐係款幾香脆可口嘅小食，上檯時香味十足，而豆腐又夠軟滑。接著紅燒牛𦟌亦係好惹味，以多款醬汁烹調而成，令牛𦟌夠晒入味，用黎送飯就最好！接著呢個明爐荀殼魚夠晒份量，以明火伴著，確保每一啖都夠熱。用上酸菜，莞茜，辣椒等上湯滾熟條魚，魚肉白晰而質感嫩滑，推烈推介！最後仲有香噴噴嘅生煎走地雞，用上好多配料一齊炒，加上雞肉選材新鮮，令雞肉入味而入口嫩滑，整體質素唔錯！…Read More