jmying's Profile

今日終於得閒點上來寫食評。才得知原來已搬遷，咁唔知我上次幫襯的質素欠佳，關唔關因為臨近搬遷事呢？真係要老闆回應先知。家人一直都話想試藝人開的咖啡店，咁我上open rice search 下，知道K11有分店，咁就慕名去試吓啦。當日17:00幾到，顧客唔多，感覺靜靜地幾好。先找個位置坐下，發現枱和梳化均有咖啡漬，需自行清潔。 二人點了一杯熱美式，一杯熱Mocha, 最細size ,$8x 幾蚊。 因為一入坐時我聽到是有職員叫號碼，顧客才出去拿咖啡的。咁我比完錢，就回坐位等。都等了一段時間，家人話見到職員又唔係沖緊咖啡，企喺度按電話。咁我行出去睇吓才發現原來已經沖好放了喺度。都唔知確實沖了幾耐，老實我想飲熱先叫熱咖啡啫，攤咁耐係度，我不如叫凍咖啡啦。（如果同樣喜歡飲熱咖啡的你一定明我感受）想問下職員不是會叫號嗎？但無人理你。加上當時我是孭着bb, 客人又不多，為何職員不能做多一步，送上咖啡給我呢？ 可能老闆搵佢哋，所以佢哋要低頭按電話覆老闆啦。我飲的是美式咖啡，可能我不懂欣賞又唔識品嘗，我個人認為同McCafe, 7-11 差唔多。當時非常肚餓，（湊bb真係忙到無法依時進食）本身想買一件蛋糕醫肚，但看見餅櫃的蛋糕，又乾，賣相又唔靚，都要賣$6x一件，真心覺得唔值。再肚餓都唔想買。整體感覺很差，就算我哋走，都無人會跟你說聲多謝光臨，拜拜。掛住係度忙自己沖野飲，可能要幫公司試新口味啦。環境又污糟。就算搬遷有新環境都唔會再光顧。難怪個個都北上。。。…Read More

好想食北京烤鴨，上網找推介，搜尋到這間鴨大哥，看過飲食誌網評，看過Open Rice 食客評價，評價均高。加上幾次想Book Open Rice 晚市85折優惠都落Book 唔到。心諗一定是很旺場。開心地終於Book 到，一行三人就去試試看。 Book 20:00，19:45去到，接待員都好好，安排我們立即入坐，不限時。入到去，未見滿座。因為一位友人未到，我哋又驚會賣曬烤鴨就問職員可否先留起一隻，叫上。職員說沒問題。 然後很快先上兩碟烤鴨配菜，我們有點詫異不是叫上嗎？職員說先放著。但未幾，有一隻小蚊之飛到配菜上，我們就叫職員更換，或有沒有蓋先蓋著，職員好像也猶豫一回才收起兩碟配菜，然後見他不是立即倒掉，而是放在出菜位旁的備菜檯，然後再拿回廚房放在其他的配菜碟上（像沒事發生一樣），壓力就來了，我就一直望著碟配菜，看看有否再拿出來，結果最後也是拿回這兩碟配菜給我們。 當時我覺得既然職員咁都做得出，你再叫佢換都無謂啦。咁就放著不吃好了。 鴨來了，是香的（但香是基本吧），首先是給你看一隻全鴨，然後職員會拿回入廚房片。但個人認為呢個動作有啲無謂，因為你拎番入面片，換咗第二隻比我都唔知啦。咁片完出嚟，入口都香的，不差，但未致於網上食評講到咁驚為天人。啲皮雖然有火爐烘著，但也是凍的，「鞋」口的。我們再有叫椒鹽豆腐（外脆內軟少辣，但很快變淋），鐵板啫啫通菜（唔知點解啫啫會係勁辣，不是蝦醬嗎？職員說因有椒絲，但餐牌不是這樣寫吧？！）小籠包（全晚最好吃，夠熱多汁）。第二個壓力是，網上寫餐廳收22:30, 到21:00就說Last Order, 21:30陸續客人都離場，職員就收拾收拾，不停看你張檯有冇野執走，根本成餐飯都不能放鬆，感覺要鬥快吃完？！但都還肯幫你加熱茶嘅。總括來說，食物不致讓我回頭，服務一般不是好好，也不能說差，或者趕收工是人之常情。淡市怪得誰？！ 一試無妨，但或者早點去會好啲，同埋唔好太介意有蚊之可能會侵佔你的食物。其他野就自己衡量了。…Read More

疫情後至通關差不多一年，都無出過街食茶餐廳早餐，記得以前翠華早餐係好食之選。今日打算回味。 點知叫個火腿仿鮑魚絲通粉餐，首先炒蛋凍的，茄汁豆直情是冰的，個脆豬仔包尚可但不能叫「脆」，個通粉湯底味精到不能，加埋一大陣胡椒粉味。雖然預咗出街食實有味精，但都唔洗咁勁呀，仲成日標榜餐廳主打健康。 個通粉碗邊仲要沾到啲類似辣椒油的汁，唔知係咪位職員執完枱又去上餐。真係核突至極！職員普遍都借左隻聾耳番嚟，得一個執枱姐姐比較有禮，其他的都目無表情可言。一早起身滿有心情食個靚早餐，點知真係掃興到一個點。落餐，攞熱水，餐具全部都自助，其實都好嘅。請少啲員工，反正啲員工都唔想番工，番到嚟乜都聽唔到，又顧住係度傾計，擺到明一副唔想番工的樣子，咁唔請人咪好囉。唔洗一早出街番工，係屋企係咁同朋友傾計上網乜都得了。唔洗做係屋企幾舒服。…Read More

名過於實。因為我自己唔鐘意食有骨的，所以諗住叫全鵝胸瀨(但都有骨)，價錢係偏貴 ($93) 不過出得來食野無所謂啦 (如果好食的話......)同埋見到呢個價錢，諗住都會好食，加上好多網上媒體食評都話好食推介的，咁價錢真係其次... 點知真係..... 內心只有 [難食] 二字。D肉[鞋]口可能正常，此終胸位，呢點我都無所謂，因為平時食雞我都選擇雞胸，煲湯瘦肉我都鐘意食。但無理由係韌到咬唔到.... 係每一塊都韌的。真係無食過一件韌到咁既鵝胸。朋友叫的是普通燒鵝瀨($57)，都係偏韌，但朋友就話D皮幾香。之後同住附近的朋友傾開，都話幫襯過一次，但無下次。真係無下次。…Read More